سوالف للجميع - قصتي مع منتدى سوالف

خواطر روح

23-07-2004, 11:06 PM

السلام عليكم ورحمة الله وبركاته

وبعد السلام .. نبداء الكلام مع اخواني واخواتي ولا لالا اخواتي وبعدين اخواني انا انسانه متحيزه للبنات اكثر . :D

بس اتمنى يا ( اخواني ) انه متاثر هالمعلومه علي في رصيدي عندكم وطبعا اقصد رصيد الاحترام والمحبه الاخوية .. واتمنى بعد من اخواتي في الامنتدى انه احصل لي مكان مابينكم .. وصج رحبوا فيني لا تكسرون في خاطري .. :rolleyes:

انا جنه طولت السالفه عليكم وهي قصيره .. اسمعوني .. انا آسمي عمري مابينكم العضو القديم الجديد والسبب هو في مايلي :-

في عام 1999 م كان اللقاء .. كنت توني صغيره متخرجه من المدرسة الثانوية وفرحانه في نسبتي :smart: وبدخل حياه جديده واللي هي الحياه الجامعية وكانت وحده من هدايا النجاح كمبيوتر مع اشتراك الانترنت .. :glasses2:

ومن محاسن الصدف انه كانت صفحة البداية عندي على المتصفح موقع شبكة سوالف .. كان عمري ايامها 17 سنه
طبعا تعرفون انتوا عاد الحاله والوضع النفسي يوم تجرب شي جديد تماما عليك ياسلام انا عندي كمبيوتر بروحي ونت بعد كان اغلى حلم تحقق لي من ايام الطفولة السعيده .. وتعرفون عاد كيف الواحد يكون مبهور هذيج الساعه في كل شي :shock2: ... مثل اي واحد فيكم مشتري اول سيارة خاصه فيه في حياته هذيج الساعه هالسيارة في عيونه اخطر سياره في العالم حتى ولو كانت كرولا بعيونه بتكون مرسيد بينز CL600 .
انبهرت في هالمنتدى والناس اللي فيه .. سوالفهم حلوه معلوماتهم حلوه كان موقع من العيار الثقيل .. وفي لحظتها تمنيت اني اشترك فيه .. بس منو دخل معانا في القصة استاذ (تردد) قلت هاذيله كلهم متمرسين في النت خلني اخذ لي فتره اتعلم كم شغله وعقب اكيد بشترك في المنتدى ..

ومرت السنين والايام وسنة 2000م يعني دخلنا القرن الجديد .. وعلى قولتهم الدنيا تلاهي وكل ما اسوي فورمات للجهاز ... لازم اسلم على منتداي العزيز سوالف وطبعا من سنة 2000 / 2004 م تتوقعون يمكن فوق 700 الف مره سويت فورمات للجهاز .. تتخيلون انتوا كثر زياراتي للمنتدى ...
وصلنا وصلنا عند القسم الاخير للقصة ... :p

واليوم تاريخ 23/07/2004م ..تاريخ لازم ينحفظ في تاريخ العالم:knight: ويدرس في المدارس بعد .. قررت ازور المنتدى وتعرفون صلة الارحام واجبه ... :D وطبعا كالعادة كل مره مستوى هالمنتدى يزداد رقيا ومثل ماهو هو من العيار الثقيل :good: في اهله وناسه وعمري الحين 22 سنه واخيرا قررت عقب 5 سنوات اني اشترك فيه وقررت اني انضم للاسره الكريمة واعرفكم على اختكم من الامارات خواطر الروح
اختكم العضو المشترك القديم الجديد في منتدى سوالف للجميع
:rolleyes: .

زمردة

23-07-2004, 11:18 PM

حيا الله العضوة المخضرمة :) خواطر روح :)

وجميل هذا الوفاء لسوالف ..

عوداً حميداً أخية ..

وبانتظار ما تجودين به علينا :)

aziz2000

23-07-2004, 11:26 PM

وعليكم السلام ورحمة الله وبركاته

ياهلا بك اختي خواطر روح بين أهلك واخوانك في سوالف للجميع :)

قصتكِ مع منتدى سوالف أرجعتني خمس سنوات للخلف .. عندما بدأت استخدام الإنترنت لأول مرة .. وقد كان أحد زملائي يعمل في شركة تقدم خدمات الإنترنت .. فقام بشراء المودم لجهازي وجائني وقام بتركيبه ومن ثم بدأ بتشغيل الإنترنت في كمبيوتري وأنا مو مصدق عمري :eek: .. اشوف صفحة الياهو في كمبيوتري :eek: .. كان شئ فظيع جدا :blink: .. ثم أعطاني ورقة فيها قائمة بالمواقع العربية .. ولفت نظري اسم منتديات سوالف .. فدخلت به وأنا لاأعلم ماهو الموقع :blink: .. أول مادخلت شفت كلمة تسجيل فضغطت على كلمة تسجيل .. وقال لي ضع اسم المستخدم .. فقلت هذا أكيد يبيني أسوي إيميل :think: .. فقلت أسجل بـ aziz2000 عشان يصير aziz2000@swalif.com .. ويوم انتهيت من التسجيل إلا يقول لي يمكنك الآن المشاركة في المنتدى في قسم المبتدئين :damp: .. وأنا لاأعلم كيف يعني سأشارك .. وعندما دخلت سوالف المبتدئين رأيت أناسا يكتبون مواضيع ويردون على بعض :blink: .. وأخذت وقت حتى أفهم وش اللي يصير في هذا اللي يسمونه منتدى .. ومن ذلك الوقت بدأت اشارك في سوالف :banana:

وفوووية

24-07-2004, 12:24 AM

رد مقتبس من زمردة
حيا الله العضوة المخضرمة :) خواطر روح :)

وجميل هذا الوفاء لسوالف ..

عوداً حميداً أخية ..

وبانتظار ما تجودين به علينا :)

يا هلا بيك وحياك الله:)

خواطر روح

24-07-2004, 01:32 AM

اهلا وسهلا في المستشارين زمردة و aziz2000 ورئيسة قسم اللغات اخت وفوووية . :rolleyes:
اشكر ترحيبكم بي .. واتمنى اني افيدكم في مشاركاتي اللي محتاره كيف ابداء فيها وفي اي موضوع .. ما ادري هالطبع فيني دايما حس المسؤلية عندي عالي .. بس ماقدرت اقاوم اني اشوف ردكم الاول لي في هالمنتدى وما اعبر لكم عن مدى شكري وتقديري وانه يعني لي الكثير .

:rolleyes:
اختكم
خواطر روح

كهرمانة العين

24-07-2004, 08:56 AM

السلام عليكم ورحمة الله وبركاته

حياك الله أختي خواطر روح..ونحن بانتظار جديدك:)

البحاري

24-07-2004, 10:20 AM

يا هلا والله ومية هلا بك في سوالف الأصدقاء :)

ما شاء الله يعني أعضاء المنتدى معروفين عندكم :):)

منتدى سوالف قصة عذبة عشتها ومازلت أتذوق هذه اللذة حتى اللحظة ..

وياااا مرحباااااااااا ألف:corsair:

عاشقة

24-07-2004, 12:53 PM

ياهلا والله وغلا .. :) نورتي سوالف ..
مشاء الله .. من عام 1999 وأنتي تتابعي وعندك نية تشاركي .. :blink:
مشاء الله العزيمة عندك مية مية ..:D

على كده أكيد تعرفي "عاشقة" كويس ..:glasses: لاتكسري بخاطري ..

ومراحب فيك والله وحياكي الله ..
منتظرين ابداعاتك ..:) ..

shahnaz

24-07-2004, 02:45 PM

بسم الله الرحمن الرحيم

السلام عليكم ورحمة الله وبركاته

http://www.mowjeldoha.com/mix-pic/3barat/www.mowjeldoha.com-borders-25.gif

أهـــلا ومرحبـــا بك,, أختي ..

::: خواطر روح :::

و أخيرا سجلتي .. :eek:

نتمنى لك طيب الاقامة

وأســعد اللحـــظات معنا

وبانتظارك مشاركاتك ..

أزهى التحايا ..

:)

خواطر روح

24-07-2004, 06:31 PM

مرحبا جميعا
واشكركم على تفاعلكم وترحيبكم بصراحه تأثرت :cry: ..
احب اشكركم فردا فردا :glasses: يا اختي كهرمانة العين .. اتوقع اني اعرفج شخصيا اذا ماخب ظني وطلعتي وحده من صديقات الجامعه بس خبريني شو تخصصج علشان اتااكد :think:
وشكرا يا اخي البحاري وخواتي شهناز وعاشقة .. وحبيت اقولج يا عاشقة وهل يخفى القمر .. اصلا معظم الموجودين هني في المنتدى بالنسبه لي ناس اعرفهم من مده (سنين) بس الفرق اني اول مره انا اخط بايدي ردودي وتفاعلي معاهم مش محصور بالمطالعه :rolleyes:
مثل قبل ..

وتحياتي للجميع
اختكم خواطر روح

كهرمانة العين

24-07-2004, 06:43 PM

السلام عليكم ورحمة الله وبركاته

أختي الحبيبة خواطر روح ..أتمنى نكون نعرف بعض من قبل :p ..وإذا ماكان نعرف بعض..انا يسرني التعرف عليج أختي :) ..انا تخصصي دراسات إسلامية..جامعة الإمارات..وحاليا مدرسة تربية إسلامية:)

خواطر روح

24-07-2004, 06:48 PM

وعليكم السلام ورحمة الله وبركاته

:( مع الاسف الشديد ماطلعتي الشخص اللي في بالي وانا تخصصي نظم معلومات جغرافية واستشعار عن بعد .. جامعة الامارات .. :D بس سعيده اني تعرفت عليج اختي ولي الشرف :)

ليلك الامارات

24-07-2004, 08:33 PM

أهلا بالغاليه خواطر روح.....أنا ليلك الامارات.....من الامارات:D أكيد تعرفيني.... نور المنتدى بيج......وأتمنى أشوف مواضيعج ومشاركاتج:p

خواطر روح

25-07-2004, 12:06 AM

اشكر فنج وذوقج اختي ليلك الامارات :glasses2:
وعلى فكره نك نيم اللي مختارتنه حلو واكيد عليج يا ليلك الامارات ..
اشكر الجميع اللي رحبوا فيني واللي رحبوا فيني في خاطرهم :p

بشاير

27-07-2004, 08:36 AM

السلام عليكم ورحمة الله وبركاته

حيا الله الضيف القديم الجديد

نرحب فيج في خاطرنا وعلى صفحة المنتدى بعد

كسبنا عضو من الإمارات .... خل يبينون أهل الإمارات ..... هذا يسمونه تعصب

أهلا بك وسامحيني على التأخر في الرد .... كل مرة أدخل الموقع أرد على كم موضوع وأطلع .... بس علشان أظل على تواصل مع هذه الوجوه النيرة

خواطر روح

27-07-2004, 08:35 PM

وعليكم السلام ورحمة الله وبركاته

:) اشكرج اختي بشاير يا الكاتبه الفعاله في المنتدى .. وتفاعلج معاي صدقيني اختي كان فعاال في نفسي وترك اثر طيب في داخلي .. واشكر ترحيبج بي في خاطرج وفي المنتدى بعد اختي ويسعدني ذلك ..

ان شاء الله لنا لقاء في مواضيع على صفحات المنتدى مستقبلا

:rolleyes:
اختكم
خواطر روح

وجدان قلب

27-07-2004, 09:01 PM

http://www.q8ytop.com/pic/files/q8yatop-1086443509.gif

وعليكم السلام ورحمة الله وبركاته ،،،

حياج الله بنت بلادي خواطر روح

حللـت اهــلاً ووطــأت سهــلاً

تسجيلك أسعدنا

ويـسرنـا تـواجدك معنا

وبكل معانـي الشوق

نـتـلهـف لقرائه مواضيعك و مـشاركاتـك

فمرحباً بك عدد النجوم

وعدد قطرات المطر إذ هلت

ونتمنى لك التوفيق بالمنتدى

وطيب المقام والمتابعه الجيدة

مـن حيـث المشاركه والردود

ويزيدنا شرف تواجدك معنا

وعلى الرحب والسعد نلقاك ...

تحيتي لك ,,

http://www.ashog.com/images/star6.gif

خواطر روح

28-07-2004, 01:03 AM

ياهلا ومرحبا .. فيج اختي وعزيزتي وجدان قلب

صراحه احترت كيف وبشو ارد عليج .. :p

فكرت .. واحترت .. واقولج اني بعدني ماقررت .. في اختيار اي الكلمات والعبارات اللي ممكن توصف ساعدتي .. بحضورج وترحيبج ..

**** وجــــــــــدان قلـــــــــب *****
وانتي قريبه من القلب ..

حبيت اهديج هالقصيده .. لاني تمنيت اكون شاعره في لحظتها .. واهدي جميع من رحب بي قصيده اكون انا من كتبهاا بعبارات وكلمات جديده ماحد سمع فيها واكتشفها للحين .. واهديها لكم جميعا اخواني واخواتي
بس مع الاسف .. ماني بشاعره .. وتعبيري دائما يحمل بين سطوره النقص .. وحبيت اعوض ذلك بقصيده احب اقراها دوم واحسها تحمل كل مشاعر المحبه الظاهر والبريئة ..

وهي للشاعر حمد بن سهيل الكتبي

ويقول الشاعر :

هنيت نفسي بحبك يابعد عمري
قلبك حبيبي .. وعينك أجمل احبابي
كل المشاعر تعيش الحب في صدري
والسعد أشرق من عيوني وأهدابي
انته نهاري .. وانته شمسي .. وفجري
نورت عمري بحبك وانجلى مابي
بأسبابك الحزن فارق دنيتي بدري
والشوق كله تعدى الحد بأسبابي
لا تسأل القلب ليش اهواك؟ انا ما ادري
كلي أحبك .. وكلك حايز اعجابي
ذبت بغرامك ولي ياسيدي عذري
جذاب طبعك .. وحسنك صدق جذابي
حبك أسرني وانا اللي راضي بأسري
في قربك القلب طاب وخاطري طابي
ان شفتك افرح بشوفك يابعد عمري
وان غبت .. كل الهنا عن دنيتي غابي .

والسموحه اختكم
خواطر الروح

نور بوظبي

29-07-2004, 02:52 AM

1^

بصراحة حكاية حكاية:banana:

حياج الله أختي الغالية

خواطر روح

29-07-2004, 04:55 AM

وعليكم السلام ورحمة الله وبركاته

:glasses2: الحين عندي الساعه 4:52 الفجر توقيت الامارات

اقولك .. صج حكايه حكايه ...

بس احساسي يقول كانت وبتكون اجمل حكايه ...

والله يحييك اخويه .. :)

:o بس اتمنى تواصلكم االفاضل معانا ..

:rolleyes: وانا قلت التوقيت علشان تعرفون اني اهتم في شؤون الرعيه .. :D الحين بيكرهوني توني عضوه قديمه جديده وارمس اونه رعية :)

شكرا على ردك .. وعلى انه سمحتلي اتشرف برد عليك بصوره مباشره على المنتدى ...

صدقوني كل رد له مكانته عندي لو كان بأيدي كنت وزعت عليكم ورد

بس تخيلوا الخيال حلو ترى :D

اضعف الايمان

اختكم
خواطر روح

ليلك الامارات

29-07-2004, 12:55 PM

خواطر رووووووح:anger: :anger: :anger:

:anger: :anger: :anger: :anger:

أونج متابعة المنتدى من عشرطعش سنة وما تعرفين أن نور بوظبي أخت مش أخ:anger:

تراني مب معصبة وايد.....بس حركات:glasses: :D

خواطر روح

29-07-2004, 08:11 PM

اهلين وسهلين ليك الامارات
اشحالج اخبارج اشحال الصحه :) ان شاء الله بخير وعافية

حبيت اعتذر رسميا للغلطه الشنيعه الفضيعه اللي ارتكبتها في حق اختي ( انتبهوا اختي ترى قلت هااااا )

#####
*******
&&&&&&& نــــــــــــــور بوظبي &&&&&&&&
*******
#####

:shy: حقج علي ... انا شكيت في امرج .. وقريت المعوذات صراحه قبل لا اقول انج واحد مب وحده..
بس شو نسوي طاح الفاس في الراس ... :blink:

ليلك الامارات زينه الفضايح يعني والاشاعات اللي تطلعيها علينا
:o صح بعتبار اني العضو القديم الجديد في المنتدى :D واني متتبعه من عشرطعش سنة (على قولتج )
بس انتبهي انا زياراتي كانت عقب كل فورمات للجهاز يعني مب كل يوم :anger:

واعرف اشخاص في المنتدى كنت اتابع مشاركاتهم واستمتع فيها .. للحين موجودين بس بشكل بسيط ومنهم ناس اختفوا تماما وناس وايده تعرفت عليهم حاليا وهم كلهم ناس جديده علي بس سعيده بمعرفتهم :) (وما ابا اذكر اسماء محدده ... لانه الكل عائلتي في هالمنتدى ).

:rolleyes:
مع سلامه في الوقت الحالي
اختكم
خواطر روح

متاهه

29-07-2004, 09:15 PM

وعليكم السلام ورحمة الله وبركاته..
حياك ربي خواطر روح..
ماشاء الله ملحمة !! :)

بس من جد الله يحفظك..
صبـــــــــــــــــــــورة..

ينخاف منك..
على كذا قراراتك متأنية جداً :)
نسيت..
لفت نظري تخصصك ماشاء الله..

حبيتك من الحين :)
واقبليني أخت..

MUSLIMAH

30-07-2004, 12:25 AM

وعليكم السلام ورحمة الله وبركاته

ماشاءالله عليج يا خواطر روح :)

صراحة انا لما شفتج تقصين علينا قصة حياتج :D تذكرت بداياتي في سوالف

خل اسولف لج .. و اعور راسج شوي :banana: ;)

دخلت الموقع و قلت خل اطل في المنتدى .. لما شفته اول قسم دخلته سوالف اسلامية .. عجبني واااااااايد و شدني الاحترام المتبادل بين الاعضاء و الروح الاخوية الحلوة .. حبيت اشارك لكن للاسف كان باب التسجيل مغلق .. على طوووول ارسلت للاختين نور و جيون - الله يذكرهم بالخير - علشان يسجلوني .. بتقولين ليش ثنتين .. علشان اذا ما ردت علي وحدة الثانية ترد علي :p <<<وحدة بارة بعمرها :D

المهم ثاني يوم ثنتيهم رادين علي :p استااااااااانست .. و كانوا اول ثنتين اعرفهم من النت .. و من كثر ما كنت صريحة و على نياتي قلت لهم اسمي الصجي .. نور سجلتني باسمي اللي ذكرته لها و جيون سألتني شنو النك اللي ابيه .. طبعاًا شاركت بالاسم المستعار ..

و كنت مبتدئة في عالم النت .. ما اكتشفت بعدي الاكسبلورر فكنت استخدم النت سكيب اللي ما يدعم اللغة العربية فاضطريت اكتب بالانجليزي
و لما دخلت ثالث يوم القسم لقيت نور كاتبة هالموضوع أختي الصغيرة الفتاة الكويتية . . . (http://www.swalif.net/sforum1/showthread.php?threadid=47077) استاااااااااانست لأني حسيت انه عني .. دخلت و كان عندي اشتراك .. و رديت عليها .. من يومها و هي و جيون لهم معزة خاصة عندي

و سلامتج :cool:

اي صج .. حياج الله في سوالف :)

سوالف البيت بيتج ;)

خواطر روح

30-07-2004, 01:27 AM

:shock2: :shock2: :shock2: :shock2: :shock2: :shock2: :shock2:

انا اليوم اكتشفت انه الحاسه السادسه عندي قوية ماشاء الله وقوة التخاطر عندي في حاله ممتازه ولله الحمد

واول كلمه قلتها يوم فتحت على موضوعي

هي سبحان الله

تعرفين اختي متاهه اشكثر يسعدني ويفرحني انه شفتج راده على موضوعي ...

تعرفين ليش ... انا اليوم على المغرب تقريبا دخلت المنتدى وشفت موضوعج بعنوان ( مشكلتي اني لا املك الا هذا )

تعرفين .. انه تأثرت .. وحسيت بكل المشاعر والترابط الساحر بينج وبين اعضاء المنتدى .. وكلماتج حق اربيعتج هدى .. واعذريني انا ما اعرف شو علاقتكم بضبط مع بعض .. بس كنت اقاوم نفسي حزتها انه ابا اقولج وابا اشارك مع كل اللي ردوا عليج في موضوعج وشاركوج بمشاعرهم وتقديرهم لج .. بس فكرت شو اكتب شو اقول .. انتي حتى ماتعرفيني .. وااتوقع مالي مكان مابينكم .. بس في خاطري قلت ..
في المستقبل بوصل ان شاء الله الى هالحد من الاحساس بينج وبين اعضاء المنتدى .. حسيتكم اهل بختصار .. (بمعنى الكلمه ) وتمنيت انه احصل لي علاقة الكل يعرفها ويشهد فيها مثل علاقتج مع هدى

بس انسحبت من المنتدى كله ... وانا سعيده جدا وحزينه في نفس الوقت ... لاني اريد اشارك بس ( مالي مكان ) وسعيده بوجود كل هالمشاعر في المنتدى اللي اخترت انه اكون وحده منه .

وتأثرت في صفحتج الشخصية اللي في توقيعج ..

والحين اشوفج جدامي

انتي قلتي انج حبيتيني .. وانا بقولج اني حبيتج قبل لاتعرفين بوجودي حتى ...

ما اقدر اقولج غير اني سعيده والله يعلم مافي داخلي

واقولج انتي اللي اقبليني اذا سمحتي اخت

خواطر روح

خواطر روح

30-07-2004, 01:57 AM

السلام عليكم ورحمة الله وبركاته

اختي MUSLIMAH .. اسعدني جدا انه تشاركيني في استعراض وسرد قصة حياتج امام الجماهير الغفيره ... :D :D :D

وقصتج مع منتدى سوالف عطتني فكره عن ملامح شخصيتج ..

:o والذي استفتده من القصة انج انسانه ماشاء الله عليج :glasses: اللي تبينه تحصلينه ارادتج قوية .. الله يحفظج لاهلج .

وانه تفكيرج مش محصور في الصندوق ...

وذكرتني في عمري يوم اول مره شاركت في المنتدى قبل كم يوم
:D :D :D

وتخيلت لو كنت مشاركه حزتها قبل 5 سنوات كانت اكيد معرفتي فيكم اكثر تعمقا .. بس يالله نعوض الحين

:rolleyes:

وانا فعلا مب ندمانه انه سردت قصتي مع المنتدى ..

لانه سنحت لي الفرصه اني اتعرف على هالكم من الاخوات والاخوان .. اللي يتفاعلون معاي واتفاعل معاهم

فعلا كل شخص في هالمنتدى اعتبره اخ او اخت واقولكم شكرا

شكرا لا املك غيرها من الكلمات

اختكم
خواطر روح

وجدان قلب

31-07-2004, 07:15 PM

عزيزتي خواطر روح

أشكرج على الاهداء الحلو

و مرورج الطيب و وجودج معانا هو الاروع و الاجمل

تمنياتي لك بقضاء امتع و احلى الاوقات في ربوع

منتدى سوالف ...

تحيتي لك ،،

أختج
وجدان قلب