سوالف للجميع - على أمل اللقاء بكم

أسير الليل

05-07-2004, 07:38 PM

السلام عليكم

أسعد الله أيامكم بالورد ودهن العود :)

حبيت أسلم عليكم .. وأخذ أخباركم على الطاير :)

لان أخوك قدم طلب إجازه ( أسبوعين ) كمحطه أولى

للإستجماااااااام .. أسير بيسافر بلدين حته وحده :glasses2:

المهم هالله هالله عاد بالقسم .. أتمنى يكون منتعش في غيابي

حتى أثبت لنفسي إني أنا أحد أسباب تدهور القسم :cry:

وأبشروا بالهدايا :)

زمردة

05-07-2004, 08:23 PM

تروح وترجع بالسلامة .. مشرفنا أسير الليل :)

واطمئن فالقسم بأيدي ثمينة :glasses:

خبرنا بعد ما ترجع عن البلدتين :cool:

إجازة سعيدة :D
http://simplylord.com/images/Card2.jpg

متاهه

05-07-2004, 09:18 PM

وعليكم السلام ورحمة الله وبركاته..

رحلة موفقة..:banana:
وحننتظر مواضيع مميزة عنها..
إن شاء الله..

أما عن الانتعاش..
فحنشوف :p

دعواتك..

aziz2000

06-07-2004, 12:23 AM

وعليكم السلام ورحمة الله وبركاته

تروح وترجع بالسلامة يالحبيب :knight:

والله الله بالهدايا الزينة :p

أما القسم فماعندنا إلا أبوغازي يمسك الأمور :wink:

بشاير

06-07-2004, 12:37 AM

وعليكم السلام ورحمة الله وبركاته

إجازة سعيدة ورحلة موفقة تقضيها بما يرضي الله بإذنه تعالى

يسر الله لك أمورك وترجع بالسلامه وأنت أكثر نشاطا وعطاء

لا تنسانا من دعائك فدعاء المسافر مستجاب

مدردش متقاعد

06-07-2004, 01:50 AM

ما يصير ياخي ؟

أنا ما صدقت جيت.... إنت تروح.؟

بعدين ليه ما ترد على جوالك؟ أول ما قريت الموضوع دقيت عليك على طول.. واحد رجال ما يستحي رد علي يقولي حط صفر بعد الخمسة.. إذا تدق من خارج المملكة؟ .. ليه غصب هو.. ماني حاط!!:anger:

شوف ترروح هنا و لا هنا.. رجلي على رجلك:mad:

البراء

06-07-2004, 01:59 AM

السلام عليكم ورحمة الله وبركاته

كيف تبدأ الإجازة الآن وانت في آخر اتصال كنت تقول ( ودي آخذ اجازة ) وما قلت ( انك قررت وانتهيت ):mad:

على العموم

نستودع الله دينك وأمانتك وخواتيم أعمالك ونوصيك في سفرك أن تتقي الله وأن تكثر من الهدايا لإخوانك عزيز 2000 والبراء ولاتصير مثل أخونا مدردش على قد ماسافر ورجع ماشفنا منه ولاهدية:)

حفظك الله وأعادك للأهلك سالماً

أخوكم في الله البراء

Huda76

06-07-2004, 02:12 AM

السلام عليكم ورحمة الله وبركاته

أخي الكريم أسير الليل :-)

صباح الخير ..

أظن - والله أعلم - إنك يا أسير حاليا نايم لأنك ما تشجع السهر في الصباح :blink:

تروح وترجع بالسلامة إن شاء الله ..

لا تنسانا من دعائك الصالح ..

دعاء المسافر مستجاب بإذن الله ..

حفظك الله في حلّك وترحالك :D

MUSLIMAH

06-07-2004, 03:24 AM

رد مقتبس من زمردة
تروح وترجع بالسلامة .. مشرفنا أسير الليل :)

واطمئن فالقسم بأيدي ثمينة :glasses:

خبرنا بعد ما ترجع عن البلدتين :cool:

إجازة سعيدة :D
http://simplylord.com/images/Card2.jpg

عجيبة الصورة يا زمردة :banana:

الله يحفظك في حلك و ترحالك ياخوي :)

أما عن السهر .. فبحط حارس عند الباب عشان محد يسهر .. لأن وراي دوام الساعة 8 :sleep:

عاشقة

06-07-2004, 06:38 AM

:think:

shahnaz

06-07-2004, 07:12 AM

بسم الله الرحمن الرحيم

السلام عليكم ورحمة الله وبركاته

في حفظ الله ورعايته أخي أسير الليل .. :)

أتمنى لك قضاء أوقات ممتعة ومميزة ..

كل التقدير والاحترام ..

ليلك الامارات

06-07-2004, 07:57 AM

رد مقتبس من بشاير
وعليكم السلام ورحمة الله وبركاته

إجازة سعيدة ورحلة موفقة تقضيها بما يرضي الله بإذنه تعالى

يسر الله لك أمورك وترجع بالسلامه وأنت أكثر نشاطا وعطاء

لا تنسانا من دعائك فدعاء المسافر مستجاب

أسير الليل

06-07-2004, 10:13 AM

أهلين أختي زمرده

الله يسلم عمرك من كل شر :)

بطاقه رائعه .. ما خليتي شئ :) أهم شئ تجرب الاكل :laugh:

والشئ الثاني الحياة الشعبيه الاطلاع زين :)

وبالكم على المنتدى عاااد :cry:

نور بوظبي

06-07-2004, 10:19 AM

أسير الليل

06-07-2004, 10:25 AM

أهلين أختي متاهه

نقول إن شاء :) المواضيع راح تكون دواره في دواره :)

المشكله الفرق بين البلدين شاااااسع :)

يعني رأيك القسم راح يكون :sleep: عااااد البركه فيكم :)

همسه
( حننتظر ) ( فحنشوف ) متاهه لا تكثري زيارتك لمدينة جده :)

المجاهد عمر

06-07-2004, 10:39 AM

السلام عليكم ورحمة الله وبركاته ، ، ،

ما شاء الله تبارك الله...

بلدين مرة وحدة !!

تروح وترجع بالسلامة...

أنا أتوقع البلدين...

1- الصبيخة .

2- الكوت .

وتتميز هاتان المدينتان بجبال الجليد المحيطة بها ، وبالأمطار طوال العام !

أدري إنك ما عرفت موقعهم على الخريطة ، إسأل البراء أو عزيز 2000 وهم يقولون لك :D

المجاهد عمر

حروف سوالف

06-07-2004, 11:09 AM

السلام عليكم ورحمة الله وبركاته

اقول اسير ..يمديني اروح معاك؟؟!!!

ابي اجرب الأكل عنك:)

تحياتي لك
اتمنا عودك بروح رياضيه متفائله غير مثقله ..:)

اخوك ابو ريما

أسير الليل

06-07-2004, 08:34 PM

هلا عزيز .. أشوفك فرحااااااااااان :)

لا يكون على باااااااالك بجيب لك هديه :OO:

والا أقولك خلااااص أنتظري تحت أي كوبري :eek:

على فكره ابو غازي نااااوى يحذف لك أي موضوع :) أنت الضحيه :eek:

الله يحيك أختي بشاير

الله يسلم عمرك من كل شر .. ويوفقك لكل خير
جزاك الله خير على دعاءك الطيب .

وعلى الخير نلتقي

متاهه

06-07-2004, 08:41 PM

معليش أنا كلامي حايس مرة..
لأنه محيطي يحكمني..
ومو جدة السبب :think:

استحملني..
ولا أرجع للفصحى أكرم لي :damp:

أسير الليل

06-07-2004, 08:55 PM

مدردشن متقاعدن
شفت كيف الحظ الحلو :) إنت تجي وأنا أرووووح :)
بعدين على قولهم .. إذا جو الكبار .. يروحوا الصغار :laugh:

أقول أنت ما تبطل إزعااااااااج :anger:
أنا ما عرفت رقمك وما ركزت ليه !! لاني نايم :sleep:
دحين تقول أفااااااااااا هو رقمي مو مخزن !! أقولك الا
بس تعال أعلمك بالسالفه
أصلا السالفه وما فيها أنحرقت الشريحه ورااااااااحت كل الارقام :cry:
قمت أنا عصبت وطلعت شريحه وجوااال جديد :banana:
وكذا خلصت الحتوته :) وعادي يطلع رقمك بدون إسم :)
مدردش .. لو سمحت لا تهاوش على حقون الاتصالات لا يزعل عليك البراء .. بعدين في خطوه جديده عندنا بتسير تخزن الارقام اللى ما تبغاها تتصل بك عن الاتصالاااات .. وأنت أولهم :laugh: :laugh:

حيالله عميد أسرة سوالف .. البراء

لا وأنا أخوك .. أنا قصدي إجازه من سوالف :)
والا كان على الاجازه وييييييييييييييه أخوك منذ مبطي مئجز :)
حبيبي لا تنشبون بحلقي وتقول هدايا مو نااااقص خساااير :cry:
مدردش واحد نفر طمااااااااع :)
تسلم حبيبي على دعواتك .. ولك أشواااقي

أسير الليل

06-07-2004, 09:01 PM

صباح الخير متاهه :)

لا لا تكفيني خليك كذا أحسن :)
صراحه الان تذكرت موضوعك قبل سنتين وأكثير
طبعا كان كالعاده من مواضيعك المميزه بأسلوبك المميز

جا أخونا عزيز 2000 وقال صراحه ماني فاهم شئ ليه
ما تتكلمين عربي :)

إن كان على المجتمع المحيط .. أجل أخوك جامعة الدول العربيه
تعرفين جده تفرض عليك تعااااشر ناااس بالهبل :)

aziz2000

07-07-2004, 12:37 AM

ياناس كم مرة أقول لكم .. اكتبوا ردود بدووووووون حش في الناس :sss:

أبو غازي

07-07-2004, 04:13 AM

عزيز ..

تبيني أحذف الردود :D

aziz2000

07-07-2004, 04:29 AM

لا ، لاتحذف خللنا نوسع صدورنا

أنا من يوم تشوفوني ردودي كثيرة اعرفوا إني مضغوط في العمل ومايعالج هالضغط إلا مروري السريع على سوالف

عشان كذا المواضيع الثقيلة وزنا .. ماأمر عليها :Sad2:

أبو غازي

07-07-2004, 04:38 AM

حياك الله ياحبيب ألبي :) .. والله يعينــك :) .. ووسع صدرك زي ما تحب :)

Angel of Death

07-07-2004, 06:54 AM

السلام عليكم ورحمة الله وبركاته:)
اهلين خيوو:cool:
ان شاء الله تكون الاجازه سعيده ومفيده:p
وتستانس فيها
وصدق الجو الحين يلي يطلع يصير مشاوي:damp:

المهم انك ترجع الينا سالما غانما">>>>>وابي غنيمه :D

هايدي

07-07-2004, 10:15 AM

أخي الكريم ... أسير الليل

إجازة موفقة بإذن الله ..

أهم شي تفتك من عوار الراس إللي بسوالف :)

جزاك الله خير على ما قدمت خلال الفترة الماضية ..

ونطلب من أخينا التجاوز والعفو إن أخطأنا في حقه ...

لاتنسنا من صالح الدعاء ..

أسير الليل

07-07-2004, 07:49 PM

نظرا للإستعداد للسفر .. منكم العذر على التأخير في الرد
والرد الجماعي :) أقلها عشان يزداد حجم الترابط والتواثق :)

أهلين أختي الكريمه هدى
وعليكم السلام ورحمة الله وبركاته .. وصباح الخيرات :)
لا .. غلطانه أخوك صااااحي :) وراخ أكون بالطياره :)
تهالي هدى ليه الوجه الاخير ( تتريقي ) بس أرجع يسير خير :banana:

حيالله مسلمه
ما شاء عليك كلك نشاط وحيويه .. فضلتي العمل بالاجازه :)
عشان كذا
راحت عليك منتي من السهرانيين والا الصاحيين غياب في غياب :OO:
مدري وين تغطووون :)
همسه .. عفوا .. ممنوع الإنقباااس :D

أهلين عاشقه
هذا اللي عندك :mad: عااارف حسد في حسد :) ياسااااتر
أقعدوا لموا فلوووووس عااالم طماااعه :)

حياك وبياك شهنياز
وعليكم السلام ورحمة الله وبركاته
الله يسلم عمرك من كل شر :) إن شاء الله تكون ممتعه
ويحسن الواحد إستغلال الوقت بزيارة أكبر قدر ممكن من بلد الزياره :)

أهلين ليلك الإمارات
تسلمين على حرصك على حضور مراسم توديع حضرتنا :)
على فكره لا تغيبي عن القسم تراااااك تعتبري أحد دعائم القسم :)

حياك أختي نور بوظبي
الله يسلم عمرك .. والشكر لحرصك على المشاركه
الله يوفقك لكل خير

وااااااااو تعبت :) :help:

أسير الليل

07-07-2004, 08:07 PM

حيالله عريسنا المجاهد عمر :)
وعليكم السلام ورحمة الله وبركاته

نقول الله يسلم عمرك من كل شر ..
أقول إنت وش حكايتك معاااااااي .. تحسدني على السفر :mad:
لا وبعدين جايب لي دولتين على بالك ما أعرفهم .. هين
تقع في الجنوب الشرقي الغربي من جنوب قارة نيسااابور :laugh:
قال أسأل عزيز والا البراء .. خليهم في الحرررررر أحسن ;)
يقولوا صلااااله زينه :)

هلا وغلا بالغااااايب بالقطوع ابو ريما :)
حبيبي توك جاااااي .. وكماااان ودك بإجاااازه :)
إنت أصاا ما لحقت تدااااوم :)
سعيد بعودتك .. والخير والبركه فيك وفي الجميع أنتوا أساس المنتدى :)

عزيز ..... ابو غازي
أقول الله يوفق مخكم .. ويسلطكم على بعض :)
أديلواااااا ياخااااال أكشح العاااالي :) خلاااص راااحت عليه :)

حيالله Angel of death
وعليكم السلام ورحمة الله وبركاته
الله يحيك معنا خيواا .. منور :) ياطووول إسمك كل حرف بديره :)
ما عليك تحمل حرارة الجو .. ويازين المشاوي مع الفتوش :)
متشكر على تواجدك .. وأبشر بهديتك .. عصير كوكتيل :)

أهلا أختي هايدي
وعليكم السلام ورحمة الله وبركاته
يعنى عواااااار رأس بس مو مررررررررررره :) ( أسير شجاع :) )
تسلمين هايدي على الدعاء ولك خالص الشكر على جهودك
وما جا منك الا كل علم زين وراااايتك بيضاء

تحيااااااااااااااااااااااتي للجميع :)

كهرمانة العين

07-07-2004, 09:15 PM

السلام عليكم ورحمة الله وبركاته

في حفظ الله ورعايته أخي أسير..سنفتقد وجودك الطيب..:(

أسير الليل

07-07-2004, 09:51 PM

وعليكم السلام ورحمة الله وبركاته
حياك أختي كهرمانه .. صباح الخيرات :)

الله يسلم عمرك من كل شر .. والخير والبركه فيكم :)
أهم شئ كااااافي غياب :)

وعلى أمل اللقاء بالجميع ... بروح أخذ لي غفوه بسيطه :)

حضور المطاااار الساعه 9 .. ويا حبكم للسهر :)

وفي أماااااااااااااااان الكريم :)