جزيره الشيطان

[روح الامارات]

السلام عليكم ورحمة الله وبركاته

التقى روح الامارات مع صاحبه العزيز نواف بن احمد في الكوفي ستار بوكس وبو الشباب روح الامارات ماخذ اخر حلاوه قاعد يفكر بطلعه تنسيه همه وغمه======> (وليه هذا شايب علشان عنده كل هاالهم ) :D :D فاقترح على نواف يطلعون طلعة بحر مع تارجا (من صجهم):damp:
روح الامارات : ياريال زهقت فيا عبالي شي من زمان ودي اخبرك اياه ومتردد:think:
نواف بن احمد : قول يا رجال هذي الساعه المباركه بتعرس:D :D
روح الامارات: :blink: لا يبا بعدنا على العرس شفيييييك:OO: :OO:
نواف بن احمد : ماعلينا المهم وش كنت بتقول :confused:
روح الامارات : شرايك انا عندي فله على البحر من زمان مارحت لها ========> (اوووووووه الولد راهي) :banana: نتغدى هناك ومعنا بو الفياصل وتارجا .
نواف بن احمد : طيب اشوف الشباب الحين وش يقولون متى بنروح ........؟
روح الامارات : باجر الصبح :)
نواف بن احمد : طيب حلو :cool:

وهنا ذهب روح الامارات الى البيت علشان يجهز مستلزمات الرحله ( لاباين ان فاهم اصول البحر ) ====> ماعليكم منه تراه ما يعرف شي :D :D
وفي نفس الوقت نواف بن احمد رايج بعد للبيت يجهز اغرضه ويتصل بتارجا وبو الفياصل علشان يجون معاهم الرحله :rolleyes: :rolleyes:

كوكوكوكوكوكوكوووووووووووووووو

روح الامارات : يالله اصبحنا واصبح الملك لله :glasses2: بيبدأ تمارين الصباح =======> مسكين كل يوم يشوف ما الك الا هيفاء :D :D
ووبعد التمارين يتصل بنواف والشباب يشوف جاهزيتهم للرحله :rolleyes:

ويمر عليهم واحد واحد ويتوكلون على الله ويروحون ( الله يستر بس)

في السياره كل واحد مهم قاعد يفكر باللى بيصيده وماشاء الله من كثر الحماس كل واحد منهم حاط سنارته على جتفه =========> واثقين ماشاء الله من الصيده :D
نواف بن احمد: ماشاء الله الجو حلو ويبشر بصيد حلو ولا شرايك يا بو الفياصل :p
بو الفياصل: والله فعلا وان شاء الله يتم جذه
تارجا : وليش يبا الجو حلو ماعتقد في شي بيعطلنا :cool:
بو الفياصل : الله اعلم :think:
ايوه جذه الحماس ولا بلاش:D :D

[روح الامارات]

تابع


وصلوا الشباب للفله عاد الحين الشباب يوم سمعوا روح الامارات يقول فله قالوا هذا المطلوب اثاري شو الفله بنظره غرفتين وصاله بس =========> خوش فله ياروح الامارات:D
نواف بن احمد : من جدك هذي فله هذي شقه :anger:
روح الامارات : روح زين ليش معصب اللى يقول بتقعد فيها احنا بنريج والظهر نشغل الطراد ونطلع البحر :black:
تارجا :حلو على كل حال انا بروح اجهز الطراد وين مكانه =========>ميكانيكي طراريد :D
روح الامارات : تلاقيه في الكراج اللى مقبل على البحر :)
تارجا : خلاص اعتمدوا علي:p
بو الفياصل : شباب من وده في سندويشات لاتفوتكم الوالده مسويتها لنا :glasses:
نواف : الله ومن مايقدر يصبر احلى اكل من ايد الوالده ( الله يطول في عمرها)
روح الامارات : شي اكيد صح لسانك

ويستعد الشباب للرحله ويسيرون الشباب للطراد علشان يجيكون عليه ويتاكدون من جاهزيته ;) =====> رحله العمر
وينزلون الشباب الطراد وهم في اخر حماسته ( ياسلام كل واحد في نفسه يقول يجيب ذاك الهامور ولا الشعري ولا البياح) ======> وما الامال الا بالتمني;) عاش الشاعر :D

اشتغل الطراد وكل شي على مايرام وبنطلق روح الامارات بالطراد لعرض البحر علشان يحصلون الصيد الوفير ( مايحتاي )

بو الفياصل : ياخي مو جنك تبعدت وايد عن السيفه
روح الامارات: لا يبا عادي كل مره انا اروح جذه وارجع ليش انته خايف :damp:
نواف بن احمد : ماعليك يا بو الفياصل الرجال عارفنه خبير في البحر (ويييييه عباله احمد بن ماجد ):D
تارجا : يا جماعة الخير توكلوا على الله وادعوا بصيده حلوه ;)
روح الامارات : اي عدل هذا هو الكلام :p
ونطروا الشباب يمكن يلاقون لهم شي نص ساعه ساعه ماكو شي :(
تارجا : تدرون يبالنا نتحرك شويه داخل يمكن نلاقي صيده :think:
بو الفياصل : لا يبا خلنا نرد احسن لنا لاوقت العصر وعقب بتظلم الدنيا واحنا روحنا متبعدين عن السيفه :(
نواف بن احمد: يالله روح الامارات شغل الطرادج ونتوكل خيرها في غيرها
روح الامارات : طيب
وحدث مالم يكن في الحسبان الطراد قام مايشتغل ......؟ جغغغغغغغغغ(صوت الطراد) افا ليش شو السالفه :(
بو الفياصل : يالله انا حاسس من قبل ان في هالرحله شي :cry:
روح الامارات : تعوذ من ابليس شفيييك........؟:anger: ( احسن هناك قوي والولد):banana:
تارجا : جماعه بقولكم شي لكن لاتزعلون مني :(
والتفت الشباب لتارجا وهم شوي وبعقونه في البحر ( احسن علشان وهقاهم)
تارجا : شباب انا جيكت على الطراد لكن في شي واحد ماجيكت عليه:cry:
نواف بن احمد : وجع شو اللى نسيته:black:
تارجا : نسيت اعبي الطراد بنزين:Sad2: :cry:
هنييه كلهم خلاص طقت جبدهم ( زين ماخلوه دسم للسمج) ;) :D

[RED Chevy]

تسلم مشرفنا وطلع دمك خفيف:D الصراحه القصه يبيلها تدخل المسابقه وعندي أمل بفوزها حلوه ويعطيك العافيه:D

[روح الامارات]

تابع



شو بيسلمك من لسان نواف يا تارجا الحين :D :D
نواف بن احمد : بالله عليك جيكت عليه بالكال وماشفت تانكي البانزين لو فيه ولا لا :anger:
تارجا : والله جيكت لكن شفت انه منزور للنص قلت بيكفينا :cry:
روح الامارات: وانا معتمد عليك اوني :black:
بو الفياصل : قلت لكم هاس الطلعه منحوسه:Sad2:
نواف بن احمد : خلاص الحين صار اللى صار مانقدر نغيير شي ( عجيب هالولد هذا ثابت على كل الصعاب ):banana:
روح الامارات : ماشي غير ان نيدف بيادينا :corsair:
الشباب ::shock2: :shock2:
بو الفياصل : نيدف من صجك انته طراد شمتنه بنروم نحركه :shock2:
روح الامارات: هات عندك اقتراح ثاني ========>هاه هني وصل حده روح الامارات
تارجا: انا تعبااااااااااان راسي داير :help:
نواف بن احمد : شفييك عسا ماشر :(
تارجا : حاس بلوعه جبد( وليييييه ها وقته الحين)
بو الفياصل : شباب جرب المغرب واحنا بعدنا ما تحركنا روح الامارات عندك خبره في المكاين على الاقل سو شي===> لااااااا هاه من صجه مصدق اني عارف سوالف المكاين:D
روح الامارات : نتوكل على الله بجرب وعلى الله بس انجح
;)
جغغغغغغغ المرة الاولى جغغغغغغغغغغنننن اخيرا اشتغل
الشباب :هييييييييييييه عاش روح الامارات:banana:
بو الفياصل : يالله طوالي تردنا من وين ماتحركنا
روح الامارات : ان شاء الله كابتن
ويتحرك روح الامارات لكن بسرعه بطيئه =======> يوفر بانزين مايعرف هو شقد بيمشي معاه لين مايوقف نهائيا الطراد:(

حل الظلام ولاح في الافق الشاطىء لكن روح الامارات ماكان مرتاح لها الشي :damp: ليش............؟

روح الامارات : شباب متلاحظون ان المساقه كانت اقصر عن يوم وصلنا ذاك المكان :damp:
الشباب : شو تقصد ليكون ضيعت :( :cry:
روح الامارات : والله مادري بس نوصل ونشوف :think:
وخيم السكوت على الشباب منتظرين مصيرهم على الشاطىء ولما اقتربوا ادركوا انهم وصلوا مكان غريب وغير معروف عنهم وهنا شعر الجميع بالخوف والرهبه

[روح الامارات]

تابع


وصل الطراد للشاطى المهجور وخلاص هني كل واحد منهم منتهي وروح الامارات مانبنه ضميره ان ودا الشباب هذي الرحله:headshak: :headshak:

روح الامارات : طبعا شايفين الوضع كيف والمفروض ان نحط يدينا في بعض وما نخاف من شي :banana: ( والله انك شجاع )
نواف بن احمد : بنقول هذا نسى يعبي بانزين لكن انته مووول ضيعتنا على الاخر:anger:

روح الامارات: خلاص زين ننطر للصبح لين مالله يفرجها علينا :black:
بو الفياصل : اي صدقت خلونا نشوف الحين هالمكان وندور لن مكان بعد علشان ننام فيه ترا المكان ابد مايصلح للنوم كده:corsair:
تارجا :اي وانته صادق اخوي :(
وبدا البحث عن ملجا يصلح للنوم وهم في قمة التعب والارهاق لكن صدموا لما شافوا اللى قدامهم :shock2: :shock2:
نواف بن احمد : شباب مو كانه هذا كوخ مال اووووووووووول :shock2:
تارجا : اي والله بس خل نشوف يمكن نلقا مساعده على الاقل
:glasses2:
روح الامارات : عجيييب الصراحه منو هذا اللى ساكن جذه وين المكيفات والتلفزيون والستلايت( اوووووو وين قاعدين احنا )
بو الفياصل : يبا حلك جاد شوي شفييييييييك:anger:
روح الامارات : اتغشمر وياك :glasses:
نواف بن احمد : يالله نروح نشوف :p ===> فرحان الريال


وصلوا للكوخ وطقو بابه لكن محد رد عليهم جربوا مره ثانيه وثالثه ماشي فايده وهنا قرروا انهم يدخلون باي ثمن :glasses2:
دخلوا لكوخ ومالقوا احد ..........؟ يا ترى من صاحب هذا الكوخ ولي جذه مهجور .............؟

نواف بن احمد : الظاهر ان الكوخ قديم ومحد جرب صوبه من فتره طويله :o
تارجا: ماعلينا المهم ناكل لنا شي تراني هلكت يوع :(
بو الفياصل : خوش اقتراح ياللله طلعوا اغراضكم من عدتكم
روح الامارات : تدرون كنا نقدر نطلع من هنا باسرع وقت و حد منا كان جايب جواله حد ينساه ولا بعد في هاي الظروف
الشباب : اي والله:(

بو الفياصل : على كل حال خل ننام الحين والصباح رباح مثل مايقولون:rolleyes:
نواف بن احمد : انا اقترج نسوي دورة حراسه فأنا ببدأ فيها من بعدي ...؟=======> قلت لكم الولد خطير

تارجا : انا بعدك :glasses:
بو الفياصل : اي وانا تخلوني اخر واحد :mad:
روح الامارات : لا يبا انا الاخير رضيت :black:
بو الفياصل : اي
وخلد الجميع للنوم ماعدا نواف اللى كان بنوبت حراسته وهو قاعد يفكر بطريقه تنقذ الجميع من هالموقف :cry:

وبينما هو غارف في النوم حدث مالم يكن في الحسبان ظهر شي جعل شر نواف يوقف من هول ماشافه :shock2:
شو شاف ................؟

[روح الامارات]

تسمر نواف في مكانه :D :D

اللى شافه كان ممكن يهد جبال لانه ماتصور ان هذا الشي موجود ليومنا هذا :shock2: شو اللى شافه .............؟

وااااااااااااااااااااااااااا صرخه دوت على ارجاء الجزيرة وخلت النايم يصحى من فوره ونشوا الجماعه وهم خايفين على نواف ان صار فيه شي:( ( يعيني على الخوف)
لما طلعوا من الكوخ عرفوا شو اللى خلى نواف يصرخ هذه الصرخه وعرفوا ان هاي بتكون نهايتهم على هذا الشي اللى يجاي صوبهم:( وققفوا مشدوهين يشوفونه وهو يتحرك ببرود باتتجاههم وهم يحسون ان كان على ريولهم شي يمنعهم ان يتحروكون :(
كان هذا الشي هو القرصان ذو الساق الواحده (اكيد سلفر ):D وهيأته المزريه وعيونه اللى تطل منها الشرر تقول انه ياي لهم بالويل:(
وصل القرصان عندهم وهم في اخر درجات الخوف .

القرصان : من سمح لكم ترقدون في بيتي :anger:
روح الامارات: طال عمركم ماقصدنا لكن ضعنا في البحر ويوم وصلنا هنه مالقينا غير هذا الكوخ :Sad2:
القرصان : ومالقيتوا الا كوخي :mad:
بو الفياصل : يالطيب احنا عارفين ان غلطنا لكن المسامح كريم :Sad2:
القرصان : ابكم تروحون من هذي الجزيره الحين وان مارحتوا منها قبل الفجر رؤوسكم بخليها شرات هذيل اللى يو قبلكم :mad:
واشر صوب زاويه معينه وشافوا الشباب 6 جثث بلا رؤوس وهنا اقشعر لهم بدنهم
نواف بن احمد : طيب احنا راحلين الحين عن اذنك :Sad2:
لموا الشباب اغرضهم وتحركوا صوب طرادهم وخذوا معاهم جذوع الشجر علشان يجدفون به الطراد لو وقف عليهم :(

تارجا: وي الحمدلله تحركنا من هاي الجزيره ماصدقنا نطلع منها :glasses:
روح الامارات : اي لكن لاتفرح احنا بعدنا في الظلام لاتنسى ومو عارفين وين احنا ووين نروح:think:
نواف بن احمد : يارجال سير والله وياك واحنا معاك والله كريم
الشباب : والنعم بالله
اخيرا خلص البانزين من الطراد وردوا الشباب على ايام البحر (هو يملي هو يملي ):D :D
ضلوا يجدفون لين ماهلكت سواعدهم ونهشت عظمهم الروده واستسلموا للرقاد =========> الله يكون في عونهم

نش روح الامارات على صوت هدير من بعيد لكن ماصدق عمره ( حليله ما ينلام اهوال البارحه كانت اقوى) لكن تاكد انه مايسمعه صح :)
روح الامارات : نواف نواف قوم اسمه صوت هليكوبتر
نواف وهو مفزوع : علي كبتر :shock2:
روح الامارات : هليلوكبتر شفيك ماتسمع الصوت :damp:
نواف : اي والله وانته صادق والصوت قاعد يزيد ( هيييييييه اخيرا النجده )
روح الامارات : بو الفياصل تارجا قوموا وصلت النجده
طوالي قاموا الثنين من نومهم واخيرا لاحت لهم الهليكوبتر خفر السواحل واشروا لهم الشباب والحمدلله انهم شافوهم
دقايق ولا رجال خفر السواحل جوا بلنش كبير وانتشوا الشباب من الطراد وسط ذهول قائد خفر السواحل من سالفه الجزيرة
القائد : انتوا متاكدين انكم كنتوا في جزيرة قريبه من هنا
الشباب : اي
القائد : لكن مافي ولا جزيره عدالنا ابد خير شر
استغرب الشباب من ها الرد لكن في قناعتهم با نهم تعرضوا لتجربه ما بنسونها طول حياتهم ويتذكرون ان الله كان غفور ورحيم معاهم :)

تمت بعون الله وحمده

[NAVY]

السلام عليكم ورحمة الله وبركاته

يعطييك العافيه اخوي روح الامارات :D :D :laugh:

[ابو الفياصل]

يعني بالنهاية كل هالرحله ولا أكلنا شي..!!!:shock2: :blink:

[روح الامارات]

ياحبك للاكل يابو الفياصل عاد شو كلتوا غير الخوف :D :D لاتخليني افضح هههههههههه

[ليلك الامارات]

بس مو ملاحظين ان نواف في اغلب القصص يكون البطل الشجاع اللي ما يخاف المخاطر,وصاحب الأفكار النيرة:banana:

[Corvette_Stingray]

رد مقتبس من ليلك الامارات
بس مو ملاحظين ان نواف في اغلب القصص يكون البطل الشجاع اللي ما يخاف المخاطر,وصاحب الأفكار النيرة:banana:

والله إنه أكثر من جذي :banana:

[عمرTarga]

حلللوة منك يا روح الامارات وتسلم على القصة:D

[نواف بن أحمد]

احم .. أحم ..

كبرتوا راسي:D...


حلوة منك أخوي روح الامارات ..

[© MATCHLESS]

رد مقتبس من ابو الفياصل
يعني بالنهاية كل هالرحله ولا أكلنا شي..!!!:shock2: :blink:

اي والله !! ... نصف ساعه اقرا وفي الاخير طلعوا بلّوشي !!