باركولنا خلاص إستلمنا الحلبه

[RED Chevy]

بسم الله الرحمن الرحيم


السلام عليكم ورحمة الله وبركاته



شباب اليوم تسليم الحلبه للبحرين وذي إنجاز رهيب جداً الحلبه إبتدى الشغل فيها قبل سنه و4 شهور وأحين جهزت من جميع النواحي يعني ممكن تستضيف السبافق من بكره، في 16 شهر جهزت الحلبه من مجاميعو والزمن القياسي كان بيكون أقل لكن المدير السابق هو اللي عطل الشغلل لكن الحمد لله كل شي تمام ونشوفكم في البحرين الشهر الجاي
وعقبال كل دول الخليج.


في تصريح لإيكلستون( رئيس الفورملا واحد) ومايكل شوماخر قالوا إن حلبة البحرين بتكون من الجولات المثيره في سباق هذي الموسم وإنها من أفضل الحلبات الموجوده حالياً وأخيراً تحقق الحلم، وحلبتنا تملك مضامير سباق عديده منها للدراج ريس والكارتينج والفورملا وحلبه خارجيه للرالي باركولنا حلمنا تحقق:D

[TOP-SECRET]

ألف مبروك .. لقد سعدت بهذا الخبر

:banana: :banana: تستاهلون وعقبال الباقي :banana: :banana:

[أبوالزين]

الف مبروك على الحلبه
و أخيراً دخلت هذي الرياضة على دوله خليجيه
و عقبال ما يدخلون الناسكار بعد
:banana:

[RED Chevy]

هلو ومرحبو فيك يالغالي ومشكووووووووووووووووووور على مشاركتك وعقبال مانشوف كل دول الخليج فيها حلبات( على فكره في إمكانية الأفرقه تطلع من أوروبا وتنقل مقراتها الرئيسيه لدول الخليج خصوصاً البحرين والإمارات وذي للشروط الصعبه اللي تفرضها الدول الأوروبيه) تخيل تشوف شوماخر يتمشى في السيف أو السيتس سنتر كل يوم يكون شي عجيييب:D

[RED Chevy]

رد مقتبس من racing_guy
الف مبروك على الحلبه
و أخيراً دخلت هذي الرياضة على دوله خليجيه
و عقبال ما يدخلون الناسكار بعد
:banana:
آمين وإن شاء الله نكون بالمستوى المطلوب وذي دفعه قويه لشباب الخليج للتعلق بهذي الراضات وعندنا في البحرين أحين دورات تدريبيه للصغار على الكارتينج عشان لين كبروا يسوقون فورملا، ومشكور يالغالي على ردك.

[ACCORD-V6]

ماشاء الله عليكم

وعقبالنا


لكن احلى شي ان البحرين قريبه خصوصا لاهل الشرقيه


الف مبروك

[King 4x4]

رد مقتبس من ACCORD-V6
ماشاء الله عليكم

وعقبالنا


لكن احلى شي ان البحرين قريبه خصوصا لاهل الشرقيه


الف مبروك

بس الله يعين شباب الشرقيه عند الحدود.

أنواع الاستقعاد عند الخطوط :laugh:

[grandv8]

وعليكم السلام ورحمة الله وبركاته

ألف مبروك .. لقد سعدت بهذا الخبر

بالبركة اخوي وان شاء الله الافتاح عدنا بعد حلبة سباق فورمولا1

شكرا على الخبر الحلو

:D :shock2:

[A7medo]

مشكور اخوي Red Chevy

بتبدأ البطولة تاريخ 4-4-2004

رقم حلو صح :D

[فـهـد]

ألف مبروك .. لقد سعدت بهذا الخبر


متى تبدأ سباقات الدراق ريس ؟

[oil_HKS_lio]

مشكووووور على الخبر الف مبروك تستاهلون والله

بس متى تبتدي الدراق ريس لاازم احضرها قريبه البحرين منا ساعه واحده الا انا عندكم

لولا الجمارك ولا كان اعتبر الحلبه كنها في السعوديه فرحتي من فرحتكم ياهل البحرين على الاقل نحط رجلنا مكان رياضه سيارات اصلي مو نتجمع حق قومات واخر شي تجي المرور ونتناحش ههههههه

[مؤيد اف1]

رد مقتبس من RED Chevy
هلو ومرحبو فيك يالغالي ومشكووووووووووووووووووور على مشاركتك وعقبال مانشوف كل دول الخليج فيها حلبات( على فكره في إمكانية الأفرقه تطلع من أوروبا وتنقل مقراتها الرئيسيه لدول الخليج خصوصاً البحرين والإمارات وذي للشروط الصعبه اللي تفرضها الدول الأوروبيه) تخيل تشوف شوماخر يتمشى في السيف أو السيتس سنتر كل يوم يكون شي عجيييب:D

مستحيل ينتقلو ومستحيل كل الدول تصير فيها حلبات للفورملا1 يعني لو بتصير حلبة جديده بتكون يا في مصر او لبنان

[RED Chevy]

ياهلا بالشباب ومشكوووووووووورين على ردودكم:

ACCORD-V6 : هلا فيك إخوي والبحرين والسعوديه فلتة حصاه ومثل ماقلت أقرب شي لأهل الشرقيه.

King 4x4 : إي والله الله يعينهم على جمارككم يكلمك من طرف خشمه.

grandv8 : الله يبارك فيك إخوي جراند ومشكووووووووووور على مشاركتك.

A7medo : أحلى رقم وبالإنجليزي04/04/04 شي عجيب صح.

فهد 2 : هلا فيك إخوي والله الدراج مادري متى يبيلاه وكت شوي يمكن عقب الفورملا بكم شهر بس بيكون شي على مستوى قبل كانوا يسوون الدراج على مدرج الطيران العسكري أحين بيصير شي عدل ونعطيكم خبر أو ماتوصلنا معلومات.


oil_HKS_lio : هلا فيك إخوي وحياك الله ومثل ماقلت حق فهد2 أول ماتوصلني أخبار أوصلها لكم أول بأول والعاده كان كل جمعه نشوف عقب الفورملا شيصير.

مؤيد اف1 : كلامك صح يامؤيد بس ليش لا، أحين إيكليسيستون قال من زمان أتطلع لحلبه في الشرق الأوسط خصوصاًَ في الخليج وعن المقرات هذي إحتمال كبير لأن الدول الأوروبيه تمنع إعلانات الجقاير ونشوف الأيام الجايه شبيصير.


وأشكركم شباب على مشاركتكم.

[مؤيد اف1]

اذا على اعلانات التبغ فهذي لها حل ..بالنسبه للانتقال صعبه جدا جدا جدا لانهم بينقلو مصانع ومعدات انا اشوفها مستحيله خصوصا مع الفيراري اما الشركات الصغيره يمكن بس احتمال ضعيف ..

[ABD 911]

الف الف مبروك عليكم وتتربى في عزكم إنشالله :D ..

فرحتنا بفرحتكم والله ... عقبال ماتتم البطولة بنجاح .. وبإنتظار بطولات الدراق :cool: ..

على فكرة .. ترى مالك داعي إذا ماجبت لنا صور من حفل الأفتتاح و صور من البطولة الأولى :D ... عسى شريت تذكرة بس ؟؟

[E_TYPE]

الف الف مبروك ليكم يل البحرين وانا اليوم بس مشاهد مقاطع عن الحلبه وكان موجود بن سليم ..
وشكرآ

[RED Chevy]

هلا هلا بالشباب:

مؤيد اف1 : والله هذي الكلام نزل عندنا بالجريده ومادري أي فريق بس كأنه الساوبر أو فريق ثاني مو متأكد منه وقالوا في إحتمال ينقلون يبجون البحرين أو الإمارات وإعلانات التبغ غير الأنظمه المشددين عليه بها فذي شي يطفش الأفرقه والله أعلم.

ABD 911 : والله إن شاء الله تم بنجاح وحتى الآن جيمة التذاكر اللي باعوها 6 ملايين دينار يعني 60 مليون رايل:eek: وباقي تذاكر كثير وآنا حتى الآن 90% آخذ تذكره بس في شغلات موقفتني، في إحتمال أحصل شغله في الحلبه وأكون في التنظيم( تذكره ببلاش:D ) وواصلتني أخبار إن آخر الشهر التذاكر بتتخفض لي النص آنا باصبر للإسبوع الجاي وأشوف الأوضاع لكن رايح رايح بأي طريقه.

E TYEP: الله يبارك فيك إخوي وبن سليم يشتغل في الحلبه إستشاري أو إدار مو متأكد بس المهم هو في البحرين.

[مؤيد اف1]

مثل ماقلت انت احتمال;)

[Supra_Rider]

ألف ألف ألف مبرووك لحبايبنا البحرينيين يستاهلون و الله

و الحلو مب بس جولة الفورملا1 و لكن الاحلى هو اقامة حلبات للدراق و دورات للكارتينج لانها تستمر طول العام

و أنا اليوم شفت في قناة LBC برنامج عن حلبة البحرين و عروض السيارات و خصوصا الكلاسيك و البورش شيء روعة:shock2:
و احلى شيء كان تخميس بن سليم في الفوكس :D و بعد ساق سيارة فورملا و هو دايما يحضر مناسبات البحرين لانه صديق شخصي لولي عهد البحرين


تحياتي لأهل البحرين و الى الامام دائما:banana:

[RED Chevy]

وبرا رايدر، وفعلاً إنت لو كنت هناك كان بيصيدك شي ثاني بن سليم سوى الجو كله( لأني ماشفت الفورملا:cry: ) والبورشات ذي يمكن نص اللي في البحرين وعندنا وعندكم خير:D وبخصوص إنه صديق ولي العهد أعتقد صديق ولد الملك الثاني( عبدالله) لأن يوم جا البحرين طلع بالإيفو مال عبدالله بن حمد مو مالت ولي العهد وكل شي جايز وتسلم يالغالي على مشاركتك.

[RED Chevy]

من بدايتها الفراري تحسمها:

يبكل إختصار الفراري فازت بالمركزين الأول والثاني بأولى جولات الموسم الحالي وفي المركز الثالث سايق روينو فرناندو ألونز والرابع رالف والخامس مونتويا يعني شوماخر يهدد بدخوله القوي بعد النتيجه الرهيبه في التجارب الرسميه بصاروخ فراري الجديد وبعده باركيلو اللي مايقل عن شوماخر وفي الإنطلاق كان مايكل الأول والروبنز الثاني الفراري الفراري ياعيني على الفراري.

[مؤيد اف1]

فعلا بينت الفيراري انها سريعه وغلبت كل الانتقادات ومايكل كسر كل التوقعات الي كانت ضده ..

السباق كان حلو لان الفيراري كانو مسيطرين على الوضع :D وكانو يكسبو ثانيه في كل لفه :banana: وان شاء الله يصير نفس الشي في السباقات الجايه ;) والي يبي نسخه من السباق يقول بس عليه التكلفه وضرايب :D امزح

ومشكور ريد شيفي بس انا ماتغيب عندي هالحاجات ;) :banana:

[مؤيد اف1]

على فكره شباب السباق الجاي من ماليزيا بعد اسبوعين وبعد اسبوعين من سباق ماليزيا سباق البحرين :think: وحاليا انباع 70% من التذاكر :damp:

[RED Chevy]

في مفاجئه ناريه بتصير في البحرين تاريخ 17 تدرون شنو؟

عطوني كم رد وبقول السالفه فيها بن سليم.

[Corvette_Stingray]

:banana: