وش رايكم بالاكسبديشن ؟

[GMC 8100]

بسم الله الرحمن الرحيم

وش رايكم بالاكسبديشن 4*4 موديل 2004 فل اوبشن
(ايدي باور)

مثل :

العزم مقارنه باليوكن ؟

الفخامه الداخليه ؟

جودة المواد المستخدمه ؟

قطع الغيار و التعبيث ؟

واللي عنده معلومات عنه لا يبخل علينا .... :)

--------------------------------------------------
انا رحت الوكاله و شفته

قالي 2WD ب133 الف تقريبا
و4WD ب144 الف تقريباً

من داخل حلو بس للحين ماجربت السياره و سقتها

بس في السياره عيب كبير شفته انه الاسيات نص كهربا

يعني تقدر تعدله كهربائياً ب4 طرق و الباقي يدوي مع انه فيه مميوري :damp:

ومافيه شاشه ...
واليوكن دبل مع شاشه و اسيات كهرباء ب10 طرق 140 الف ريال بس

----------------
ملاحظة ماأبي احد يتلقف و يقولي اشتري كامري ولا أكورد ولا سياره مالها داعي
انا سئلت عن سياره معينه

[RED Chevy]

السلام عليكم ورحمة الله وبركاته
بيدشن موتر ماعليه كلام لكن أشوف اليوكن أفضل من حيث المواصفات والشكل والقوه لكن ليش بدلت رايك ورحت للأجياب، ماكنت سائل عن الرويال ترى رديت على كل أسئلتك واالأجوبه في موضوعي، لكن شوف الإسكاليد أو الSRX( الثاني رووووووووعه ويتوفر بمواصفات ما تتوفر في الإسكاليد) وبالبركه مقدماً على أي موتر تاخذه.

[مؤيد اف1]

تراه في البر شي عزمه في المرتفعات قوي ويتحمل الدعس ومريح على الهاي وي بس عيبه التانكي صغير نوعا ما يعني الفل حقة بالكثير 70 (موديل 98) بس يمشي معاك مسافه حلوه :banana:

[مؤيد اف1]

في الجوده غني عن التعبير من داخل فخم الاسيات قدام مكيفه والصف الاخير يتحرك كهرباء العبث موجود له قطه الايتننج قريبه منه والمكينة شبيهه به بس القطع غاليه حقت العبث:( القطع الاستهلاكيه معقول سعرها..زي القماشات قدام وورى ب400 تقريبا او اقل شوي ويطولو معاك..

[GMC 8100]

أي اسكاليد ياRed Chevy
الحين اقولك موتر بين 150 و 120 تقولي اسكاليد بو200 الف ؟

:o :o :o

----------------
مؤيد اف1

والله انت شجعتني على السياره :)
بس للحين محتار بينها و بين اليوكن

شكراً

[DodgE]

صديقي يملك 98 الى اليوم مع الكرف مادفع عليه شي الا القطع الأستهلاكيه

مريح بالخطوط القوه جربنا مع يوكون باب واحد 96GT حنا وياه سوا وبالفزه حنا قدامه شوي

البر ماجربناه

بالنسبه لي افضله عن اليوكون خصوصا الراحه


هذا الي عندي

[RED Chevy]

السلام عليكم ورحمة الله وبركاته
عجل الإسكاليد ماينفع، ترى حتى لوتشوف مستعمل عندي أحسن من البثنين( بيكون رزه وكشخه) لكن إذا خيارك بين 12000 و15000 شوف أي موتر مواصفاته أحسن بأقل سعر يعني طالع أكثر مصفات ب15000 عشان تحس بجيمة الفلوس اللي دافعها، بس ماقلت لليحين هونت عن الرويال، إنت لإدخل موضوع وشوف ردي عليك أكثر موتر محترم تقدر تاخذه بميزانيتك وإنت مجرب الجيب إنزل شوي وخذ سيدان:D

[GMC 8100]

حبيبي ريد تشيفي

والله ماأكذب عليك الكابرس عجبني مرره و خلاص كنت ناوي عليه

لكن انا نشأت بين جيوب :eek: و تعودت على الكبير و الطويل بحكم استخدامنا لجيب لكزس X470 و سوبربان8100 و لكزس RX 300 موديل 2002

وبصراحه كثير احتاج للصف ثالث لاني راعي بر و و طلعات عائليه :cool:

فسيارات السيدان ماتناسبني أبداً

[RED Chevy]

السلام عليكم ورحمة الله وبركاته
يعني إنت بتبيع ال8100 وتاخذ غيره، إذا بتبيعه وتاخذ يوكن أو إكسبيدشن ترى مافرقت شي، لكن إذا بتخليه خذ سيدان للدلع وعلى راحتك لكن ليش ماتشوف السفاري الVS الجديد هذي فئه جديده بمواصفات حلوه DVD ونافيجيشن وسنسرات وبلوتوث.

[King 4x4]

اذا انت راعي بر.

مالك الا السوبرسفاري.

سعر معقول.

و عزم جبار.

أفخم شيء بدون جلد آخر علمي فيه ب125 ألف ريال.

[RED Chevy]

السلام عليكم ورحمة الله وبركاته
يا كنج ترى نزل الVS ومواصفاته أكثر من السوبر وترى سعره ممتاز عندكم تدري بكم عندنا ب17000 يعني 170000 ريال الله يديم الرخص بس.

[GMC 8100]

السفاري حلو لكن كم سعره بالسعوديه للفل اوبشن ؟

ابي خبر اكيد

[حفيد الفاروق]

أنصحك باليوكن فله سمعته وقوته وحتى وقت البيعة .
وأنا واحد من الشباب ماخذله يوكن موديل 2000 وللحين لاعن والديه وراح يبيعه وياخذله أجدد .

[علي عبدالله]

رد مقتبس من حفيد الفاروق
أنصحك باليوكن فله سمعته وقوته وحتى وقت البيعة .
وأنا واحد من الشباب ماخذله يوكن موديل 2000 وللحين لاعن والديه وراح يبيعه وياخذله أجدد .

http://www.ec-co.com/vb/images/smilies/t_up.gif
بالفعل كلام جميل وصحيح وبخصوص هذي السيارة فالوالد ماخذ له (شفروليه تاهو ) هي نفسها اليوكن بس هذي من شفروليه..خذاها من اربع سنوات وقطع فيها حتى الان 90000 كيلو ..واتحدى الجميع انها ماشية مثل الحلاوة ولا اضطرينا ناخذها الكاراج لاي خلل (قطعيا ) وليحين يستخدمها ..سافر فيها كثير ..والسيارة مريحة جدا وواسعة ومحركها قوي واندفاعها رائع وماعليها كلام ..وسعرها يناسب تحديدك بالضبط
والله يوفقك http://www.ec-co.com/vb/images/smilies/wavey.gif

[HaKeM]

أخوي GMC 8100 إذا كان عندك جمس وتبغى تغيره بيوكون أو اكسبديشن فما أعتقد فرق في شي إذا كان بالنسبة للخطوط والبلد

أما إذا تبغاه للخطوط والبر فأنصحك بالباترول أو اليوكون وسعرها معقول

تحياتي:glasses2:

[محمد دريهم]

انت متأكد من الاسعار اللي تقولها..


راجع نفسك ..اتوقع اليوكون والاكسبيديشن ارخص من كذا بكثير..

اليوكون لايمكن يوصل 140 الف...والله لو انه سوبربان مايوصل هالسعر...

[TOP-SECRET]

رد مقتبس من GMC 8100
السفاري حلو لكن كم سعره بالسعوديه للفل اوبشن ؟

ابي خبر اكيد

السفاري فل اوبشن قير تيبترونيك ب 118 الف ريال .. السوبر سفاري فل اوبشن قير تيبترونيك ب 149 الف ريال مع نفيقيشن

السفاري VS نزلت فيه اشياء اضافيه روووووعه لكن سعره اغلا ونزلت فيه الوان جديده ورهيييييبه .. وعليك الاختيار


بالنسبه للأكسبدشن واليوكن اشوف احجامهم كبيره كثيرر اخوي انت شباب خذ لك سياره شبابيه لان السيارات الي ذكرتهم يعني حق العايلات افضل من انها تكون حق شباب:think:


تحياتي:banana:

[GMC 8100]

رد مقتبس من ولد الخبر
انت متأكد من الاسعار اللي تقولها..


راجع نفسك ..اتوقع اليوكون والاكسبيديشن ارخص من كذا بكثير..

اليوكون لايمكن يوصل 140 الف...والله لو انه سوبربان مايوصل هالسعر...

اجل اسمع سوبربان حجم 2500 دفرنشين مع شاشات مكينه 8100

سعره 170 الف ريال :shock2: :shock2:

والله لازم اروح الوكاله اشوف السفاري مع انه بيتغير او بينزل موديل جديد عوضاً عنه :banana:

[SVT-COBRA]

بسم الله الرحمن الرحيم

السلام عليكم ورحمة الله وبركاته


الاكسبيديشن الجديد قمه في الروعه من ناحية الراحه و الهدوء و الرساوه و عزمه جيدجدا و انا أنصحك و بقوه تآخذه

السوبر سفاري بدون النظام الملاحي سعره 160 الف ريال و الكلام هذا متأكد منه 100% :cool: و مع النظام الملاحي سعره 172 الف ريال :shock2:




و سلامتكم

[TOP-SECRET]

رد مقتبس من SVT-COBRA
بسم الله الرحمن الرحيم

السلام عليكم ورحمة الله وبركاته


السوبر سفاري بدون النظام الملاحي سعره 160 الف ريال و الكلام هذا متأكد منه 100% :cool: و مع النظام الملاحي سعره 172 الف ريال :shock2:

و سلامتكم

وعليكم السلام ورحمة الله وبركاته

عندكم في السعوديه غالي مثل ماقلت لك في موضوعك :D انا من قطر وسعر السوبر سفاري فل اوبشن بس قير عادي 149 الف ريال مع النفيقيشن:think:

[هشومي]

انا اشوف اليوكون أفض بواجد حتى احسه اخف من الفورد

[الشبابي]

اخوي 8100 ...
انا اشوف يا اما تاخذ الفورد او الباترول ... كلها والله حلوة وتعتبر خيار ممتاز ...
اذا كنت تميل للخطوط فالفورد افضل لك ... اذا كنت تميل للبر فلاغنى لك عن الباترول ... واحنا مجربين السيارتين وكلها حلوه ...














اخوكم الشبابي