حد عنده معلومات عن cts من كادليك

[luminaltz]

كيفكم شباب

الله يخليكم حد عنده معلومات عن السي تي اس من ناحيه القوه

بصراحه دخلت وياها بريس وما قتنعت بقوتها اذا باالامكان حد يخبرنا عنها


وسلمتوا

[TOP-SECRET]

والله الي اعرفه ان 6 سلندر وينزل بمحركين واحد صغير اعتقد 2.4 لتر والثاني الاكبر 3.2 لتر وال2004 فيه مميزات اضافيه على ال 2003 منها النفيقيشن و ال DVD وسعره ب 155 الف كاش فل اوبشن هذا لأفضل مواصفات لكن المحرك الصغير ماعرف عنه شي .. :think:


والله السياره عصري شكلها ورهييييييبه لكن من وجهة نظري ان سعرها غالي :think:.

بالنسبه للتسارع من 0-100 فهو في 7.2 على كلام الوكاله واحد المواقع :)

واسمح لنا على القصور

[الأنصاري]

في محرك من 8 اسطوانات بس اعتقد ماينزل الخليح

[ABD 911]

أنا توني ماخذ لها تجربة سواقة قبل 4 أيام تقريباً .. والصراحة ماخذت أكثر من ربع ساعة ورجعت لأن المندوب الي معي طلع ماعنده سالفة وقلت له يرجعني ((مايعرف عن السيارة أي شي ليه حاطينه مدري!!))

بالنسبة للسعر هو 159 ألف ريال ..

المكائن تاتي بحجمين 2.6 و 3.2

نصيحتي لك إذا تبي سي تي إس صصح إنتظر 4 شهور بس ورح تنزل عندنا cts-v (( حسب كلام مدير معرض الدمام ))

cts-v يجي عليها مكبنة كورفت z06 وتسارعها من 0- 100 خلال 5.0 ثانية فقط :shock2: :shock2: .. وغير كذا السيارة عليها جنوط 17 أو 19 (( مشكك)) وتجي بنظام مكابح يوازي نظام كبح البورش 911 حسب كلام إحدى المجلات .. طبعاً سعة المكينة 5.7 سمول بلوك ..


يعني بالعربي cts-v إذا نزلت بتكون خباااااااال ورح تلاقي الموستنقات والكوماروات يتنحشون عنها .. والسعر حسب تقدير مدير المعرض هو في حدود 210 إلى 230 ألف ريال ..

[S8]

انا جربت هالسيارة المذكورة قببل اكثر من سنه يعني على اول وصولها لدينا

بصراحة اذهلتني بتسارعها والذي يحققه لها القير بوكس القريب السرعات ولكن ماشد انتباهي ان السيارة تقل قوتها بشكل ملحوظ عند سرعة 200ك وانت طالع والسبب اعتقد انه قرب نسب القير من بعض والتي تحقق تسارعا من غير سرعة قصوى
اذهلني فيها ثباتها على المنحنيات وتجهيزاتها ماشاء الله لم يبخل عليها صانعوها ....

مااسائني في هالسيارة هو ان السيارة التي سقتها كانت قد قطعت 5الاف كيلو متر ومع ذلك فهي على المطبات تحس بالقربعة وتفكك ديكور الابواب :(

وغير ذلك والله انها سيارة وانا اشهد

عن المشاكل والعيوب ..فالسيارة يجب تجربتها على الاقل سنه حتى تحكم على مشاكلها وعيوبها

ودمتم

[RED Chevy]

السلام عليكم ورحمة الله وبركاته
سياره حلوه وشكلها مميز وجميل بنفس الوكت، عمي مطلع وحده من 8 شهور والحمد لله ماصاته مشاكل غير الفتجحه مره شارت عليه وصلحوهخا على الضمان( السياق لاعب بالفتحه لعبه يفتح ويصك كأنها سيارته)، وهي مثل اللومينا في الحجم والإتساع ( نفس الشاصي) ومميزاتها حلوه وأنظمة الأمان أحلى، لكن الديكور الداخلي فخم لكن مو بمستوى الكبار لأنها موجه للشباب مو أرستقراطيه مثل الديفل والسيفل، والقوه جيده في محرك ال3.2( محرك الأميجا على ماأعتقد) وووووووووووووووووووبس.

[luminaltz]

احسنتوا شباب وما قصرتوا بس ما خبرتونا عن القوه الحصانيه ....بصراحه شكلها وايد حلو بس قوتها مو لذيك الدرجه انا بصراحه طفتها بلومينا سته بعد الميتين لكن تسارعها من 120 لحد 180 تقريبا حلو وايد يطلع عني بمسافه ..... احسنتوا حبايبي علي المعلومات ..
وسمحولي