عيوب الكااامري 2004 !!!!!!!

[الوليد]

السلام عليكم
كلنا سمعنا عن عيوب الكامري 2003 بس انا الحقيقه ماجربتها
والحين يااخوان نزل كامري 2004 وسمعت من بعض الاخوه انهم تفادو هذي العيوب بالموديل الجديد ياليت الي جربو الكامري الجديده يوضحون لنا هل صحيح ان الكامري 2004 خاليه من العيوب :confused: :confused:

بعدين ابي اعرف رايكم في افضل لون على الكامري ( بحري , فضي , ذهبي , اخضر ) .


وسؤال للي جربو الكامري 2002 وكامري 2003 هل هناك فرق بين السيارتين في الرساوه والثبات بالخطوط السريعه , انا جربت كامري 2002 وماشا الله حليوه بالخط مافيها عيب ياليت الي جربو كامري 2003 يوضحون لنا هل هي راسيه وثابته زي الموديل القديم 2002 ولا لا .
وشكراااااااااااااااااااااااا لاتبخلون علينا بردودكم ياجماعه .

[@elmalghoom@]

أن مازال معضم إنتاج شركة تويوتا يشتكي من سالفة تسريب الهوا من الابواب هذه غير مشكلة التويوتا الأزليه مع الفرامل.

أما الألوان فهي من مميزات الكامري الجديد (كل الألوان متميزه)

[560SEL]

السلام عليكم ورحمة الله وبركاته


الناس هنا في هذا المنتدى ما أدري من وين يطلعون العيوب :mad: :mad:


كلام الاخ @elmalghoom@ صحيح .. هذي هي العيوب الموجوده في الكامري من أول ما نزلت لكن غير كذا لا تصدق أحد أبدا :mad:

انا جربت الكامري و لا فيه أي سياره خدمتني مثل الكامري تصور انها الان ماشيه 288 الف كيلو و السياره ماشيه تمام و المكينه تمام و الزيت ما ينقص و الجير يشتغل من أحس ما يكون

من ناجية الالوان ففيه لون جديد وغريب :confused: نزل لموديل 2004 و هو سماوي بصراحه اللون هذا جناااااااان لكن حسب معلوماتي انه لازم تدفع فرق للحصول على هذا اللون



تحياتي

[SL500]

الكامري الجديدة حلوووووووووووة واللون البحري خيالي عليها...
اما عن العيوب قياليت اللي عنده شي يفيدنا

[لون الليل]

أهلييييييين شباب

أنا عندي كامري 2004 اللون أخضر فاتح

العيب الوحيد هو صوت الفرامل ( السفايف )

أما عن مشكلة تسريب الهواء فهي غير موجودة

والألوان اللي عيبتني هي البحري والأخضر الفاتح ( لون موتري ) :shock2:

وعلى فكرة تراني مجربها على سرعة 190 أو 195 وأبدا ماظهر فيها أي رجفة بالعكس ثابتة جدا جدا

بس اللي مضايقني فيها هي دواسة البنزين .... شوي صغيرة :damp:

بس تعودت عليها الحمد لله

والسمووووووووووووووحة طولت عليكم
:black:

[القرن الجديد]

السيارة حلوة


بس صراحة عيبها سرعة و سهولة انقلابها

[WRX]

السلام عليكم ورحمة الله وبركاته

مع اني ما اهتم بالكامري بس الي اعرفة انوا الكامري الجديدة رساوة ما احد عندك!!!:shock2:

[STS4ever]

شباب وش تقولون انتوا ؟ يعني ركبتوا كامري وماصمعتوا صوت الهواء ؟؟

معا واحد من الزملا كامري 2004 والله العظيم يوم وصلنا 170 او اكثر شويا تقريبا خفنا من زود الصوت اللي يطلع صوت هواء من جد كانك فاتح القزاز والله والحساس من قدام قاعد يطلع اشارت فياشباب اللي يقول ركبها ومالاحظ هذا العيب فاسمحلي اقله كلامه مو صحيح وكمان فيها رساوه اقل مايقال عنها زفت :) امم والراحه لك عليها اما الباقي فانت تشوفه بعينك وكل واحد ورائيه

سلام

[CRX]

[QUOTE]رد مقتبس من القرن الجديد
السيارة حلوة


بس صراحة عيبها سرعة و سهولة انقلابها [/QUO

[ACCORD-V6]

شف الرساوة
كأنك في طيارة ابدأ مافيه رساوه
واظن السبب ارتفاعها
وانا مجرب السيارة

وفيه صوت بعد 160 وفوق صوت هواء على مااظن

[bashar_255]

ما في سياره خاليه من العيوب:headshak:

كل السيارات لها عيوب و ميزات كانت التيز او مكلارن:o

وجهة نظر:rolleyes:


;)

[infiniti]

اكثر شي يميز الكامري هو الهدوء معقول جداااا

اما صوت الهواء بعد 170 تسمع سمفونيات على مزاجك و يقولون ان الوكاله تصلح مشكلة تنسيم الهواء (هذا من وكالة يقولون و الله و اعلم )

الثبات بعد 140 انت تسبح بالهواء من جد تلعب بالخط .

عزم السياره و تسارعها جيد جدا
صرفيه البنزين حلوه اذا رجلك بارده على السياره
اذا انت حاط رجلك 24 ساعه 380 كيلو و التانكي فاضي واحد من الشباب مجنون سرعه جربها من الرياض الى الدمام يمشي 200 قبل الدمام ب70 كيلو ولعت لمبة البنزين .

[ACCORD-V6]

اتوقع ابرز المشاكل
هي صوت هواء بعد 160
ارتفاع السيارة مقبحها
رساوة مافيه ابدا

اما الشكل فهو مسألة ذوق

[الوليد]

up

[VIPER GTS-R]

السلام عليكم ورحمة الله وبركاته

بصراحة انا جربت جيلين من الكامري اللي هو الجيل الاول من 93 الى 97 والجيل الثاني اللي هو من 98 الى 2002 وبصراحة تقريبا العيوب وحدة وهي ..
1- صوت الهواء من بعد ال 120 ..
2- الفرامل موب بذيك القوة وسرعة استهلاكها للسفايف..
3- نضام التعليق مرن بالمرة يعني تمسك بريك يطيح وجه السيارة بالارض ويرتفع قفاها والعكس صحيح ...
4- ما تستحمل الحمولة الزايدة يعني اذا ركبو فيها اكثر من 4 راح ماتخلي مطب اللى وتحك فيه عاد تخيل لو معك شي بالشنطة شكل السيارة ما بتمشي :laugh:
5- الثبات معدوم للاسف صحيح قيادتها سلسة بالحيل لاكن تخوف والله كذا مرة كنت بروح فيها بس ربكم ستر ودركسونها بالمرة خفيف خصوصا اذا كان باورسترنج يعني ي لمسة خفيفه له بلغلط راح تجيب العيد بالسيارة :(
هذي تقريبا معظم العيوب اللي لاحضتها ..
اما المميزت ففهي كثيرة صراحة وبرايي ان الكامري سيارة حواري يعني بالحارة ما فيه احلى من سواقتها اما على الخطوط والسفر اعتقد مو مناسبة ابدا طبعا هذا رايي الشخصي وللمعلومية الكامري من انجح السيارات بصراحة مميزاتها تغطي على عيوبها وهذا الي يفرق بها عن باقي السيارات ..

اتمنى ما طولت عليكم وان شاء الله راح نجرب ال 2004 قريبا ..

تحياتي

فيبو

[RED Chevy]

رد مقتبس من VIPER GTS-R
السلام عليكم ورحمة الله وبركاته

بصراحة انا جربت جيلين من الكامري اللي هو الجيل الاول من 93 الى 97 والجيل الثاني اللي هو من 98 الى 2002 وبصراحة تقريبا العيوب وحدة وهي ..
1- صوت الهواء من بعد ال 120 ..
2- الفرامل موب بذيك القوة وسرعة استهلاكها للسفايف..
3- نضام التعليق مرن بالمرة يعني تمسك بريك يطيح وجه السيارة بالارض ويرتفع قفاها والعكس صحيح ...
4- ما تستحمل الحمولة الزايدة يعني اذا ركبو فيها اكثر من 4 راح ماتخلي مطب اللى وتحك فيه عاد تخيل لو معك شي بالشنطة شكل السيارة ما بتمشي :laugh:
5- الثبات معدوم للاسف صحيح قيادتها سلسة بالحيل لاكن تخوف والله كذا مرة كنت بروح فيها بس ربكم ستر ودركسونها بالمرة خفيف خصوصا اذا كان باورسترنج يعني ي لمسة خفيفه له بلغلط راح تجيب العيد بالسيارة :(
هذي تقريبا معظم العيوب اللي لاحضتها ..
اما المميزت ففهي كثيرة صراحة وبرايي ان الكامري سيارة حواري يعني بالحارة ما فيه احلى من سواقتها اما على الخطوط والسفر اعتقد مو مناسبة ابدا طبعا هذا رايي الشخصي وللمعلومية الكامري من انجح السيارات بصراحة مميزاتها تغطي على عيوبها وهذا الي يفرق بها عن باقي السيارات ..

اتمنى ما طولت عليكم وان شاء الله راح نجرب ال 2004 قريبا ..

تحياتي

فيبو
كلامك صح إخوي فايبر، ونفس المشاكل عندنا، وضيف لها اللمبات اللي ماتعوق وتحترق، وخراب المسجل، لكن الحموله ما جربناها، لأن إستعمال شبه شخصي.