View Full Version : DDesign -902 ممكن تساعدوني
GMC 8100
16-11-2003, 06:49 AM
السلام عليكم ورحمة الله وبركاته
انا عندي جمس 2002 و بسيدي وكاله
ابغى يكون عندي صوت عالي لكن نقي
مايكلف أكثر من 1500 ريال
و ما يحتاج يكون معقد و ضخم
بس اهم شي مثل ماقلت عالي و نقي
و انتوا بس عطوني اسماء الشغلات اللي لازم اشتريها
و انا اشتريها و اخبركم بالنتايج
تحيااتي
GMC 8100
16-11-2003, 06:51 AM
نسيت اقول انها جمس سوبربان مش وانيت :D
تقدر تشتري مضخم وسماعات بايونير ورايح يكون عالي اما بالنسبة للنقاوة بيكون احسن من سماعات الوكالة بكثير
تقدر تشتري مضخم بايونير 480 واط
ب800 ريال
وسماعات بايونير الصفراء 4 سماعات بباقي المبلغ
وطبعاً مع قيمة التركيب
GMC 8100
16-11-2003, 07:30 AM
طيب هالمضخم ماله اسم او رقم معين ؟
و السماعات الصفراء وش اسمها ووشلون قوتها ؟
كم بحصل قوة اجماليه ؟
و تسلم حياااتي على الرد السريع جداً:p
عموما انصحك تشتري الامبلفيار الصح ، وانصحك حسب الموجود بالسوق هنا
بالبايونيير GM-X564
وطبعاً فيه ال GM-x944 ولكنه نادر
http://a1964.g.akamaitech.net/f/1964/452/24h/sc.dealtime.com/cctool/PrdImg/images/pr/177X150/00/01/35/9a/3d/20290109.JPG
والسماعات الامامية البايونيير TS-D160R
http://www.pioneer.com.sg/image/bg_ts_d160r.jpg
بس ان شاء الله يركبوا عندك لانو عميقين! بس اذا تعرف كيف تركبهم مو مشكلة
بالنسبة للخلف ، اذا كانت السمعات مثل مقاس الامامية ، فركب مثل اللي فوق
واذا كانو بيضاويين انصحك تركب ال 6 في 9 انش TS-D690R
http://www.pioneer.com.sg/image/bg_ts_d690r.jpg
الحين الصوت راح يكون ممتاز ، بس يمكن تحتاج تضيف تويوترات على ذوقك في الامام
بالنسبة للBASS
طبعا اكيد تحتاج امبلفاير ثاني!!
واحسن شي في رأيي ، تاخذ امبلفاير زي اللي فوق مع سب ووفرات ثنتين في صندوق كل وحدة قوتها 400 او 500 وات!! راح الامبلفيار يشغلهم صح ويعطيهم قوة كافية
""""""""""""""""""""""""""
وهذا مرجع للي بيركب اي سستم من الخليج
GMC 8100
17-11-2003, 12:57 AM
اهلين
رحت محل صاحبي
قال لي مضخم بايونير مو موجود الا بالوكاله
اليوم بالليل بروح وكالة بايونير و بشتريه
لكن السماعات لقيت زيها
و صاحبي نصحني اشتريهم مع سب ووفر بايونير
بس قال لازم نحطهم في علبه خشبيه كبيره بالشنطه
الا بالله اقدر اشيلهم اي وقت ابي ولا لازم اسوي قصه علشان افكهم من الشنطه ؟
GMC 8100
17-11-2003, 01:19 AM
نسيت وكالة بايونير هذي وين القاها ؟
مع العلم انا من الشرقيه :):p
انا من الرياض مع الاسف ما اعرف اللي في الشرقية:Sad2:
DDesigns
18-11-2003, 01:54 PM
بخصوص وكاله بايوينر فا هي موجوده في كل الانحاء ولها فروع كثير ..
تحصلها في اول بدايه شارع الملك خالد في الخبر .
وتحصل مركز التركيب حقهم على الكورنيش مقابل برجر كينج .