تحويل من جير عادي إلى جير أوتوماتيك؟

[loolicpolic]

تحياتي شباب،

عندي استفسار، هل يمكن تحويل من جير عادي إلى جير أوتوماتيك؟

و هل يمكن مثلا تركيب جير تبترونيك؟ مثلا على ميتسوبيشي باجيرو 97، يركبله جير تبترونيك 2004أو 2001، من غير تغيير الماكينه؟

يا ليت لو توضحولنا الموضوع..

شكرا..

[A7medo]

أكيييييد تقدر والباجيرو أجي له قير تبترونك

بس ويش موديل سيارتك ؟؟؟

[loolicpolic]

هلا أخوي A7medo،

سيارتي باجيرو موديلها 1997، وأبي أحول الجير إلى تبترونيك لباجيرو 2001..

تحياتي..

وشكرا على تواصلك الفائق السرعه..

[A7medo]

والله مو متأكد أذا جير ال جديد يركب على 97 يمكن لأن المكينة تختلف بس أذا المكينة متشابهة فبيركب

شوف الشباب أنشاء الله أفيدوك

بالتوفيق

[مؤيد اف1]

انا اقول يركب بس اذا نفس تصميم المكينه بس اتوقع تواجهك مشكله والي حلها لازم تبديل كمبيوتر لان السيارات من 94 وفوق تقريبا معظمهم التبديل في الجير يكون تحكمه من الكمبيوتر لان فيه حساسات موصله بالكمبيوتر والله اعلم..

[الأنصاري]

والله عندنا باجيرو 2002 تبترونك اعتقد تصير بس لاحظ ان جير الباجيرو الجديد 5 نمر مش 4 اعتقد ممكن بس مادري انت عندك اي مكينه الكبيرة ولا الصغيرة شوف كلم الوكالة او ناس تفهم

[hait]

اخي السلام عليك ورحمة الله وبركاته


اذا كانت سيارت من الاصل جير عادي فلابد من تغير الظفيرة الاسلاك الرئيسية لان التي في سيارتك لايوجد للجير الاوتو مكان او اسلاك واعتقد التحويل من جير عادي لي اوتو ممكن ولكن مكلف
وعند تغير لجير اوتو لابد من الصبر للمشاكل التي تظهر في الجير بسبب التوصيلات ولابد تحط في الحسبان انك ربما تغير اعمدة النقل الحركة (الكردان ) لان ممكن يختلف طول الجير من قير الى قير والله اعلم

[A7medo]

رد مقتبس من hait
اخي السلام عليك ورحمة الله وبركاته


اذا كانت سيارت من الاصل جير عادي فلابد من تغير الظفيرة الاسلاك الرئيسية لان التي في سيارتك لايوجد للجير الاوتو مكان او اسلاك واعتقد التحويل من جير عادي لي اوتو ممكن ولكن مكلف
وعند تغير لجير اوتو لابد من الصبر للمشاكل التي تظهر في الجير بسبب التوصيلات ولابد تحط في الحسبان انك ربما تغير اعمدة النقل الحركة (الكردان ) لان ممكن يختلف طول الجير من قير الى قير والله اعلم

لا لا حبيبي السالفة ما يبالها كدا
السالفة سهلة أنت عقدتها أخوي loolicpolic شوف روح أسأل الوكالة أذا نفس المكينة فأكيد بيركب

[loolicpolic]

أهلين شباب..

شكرا كتير على ردودكم وتواصلكم..

أخوي A7medo،
أنا أتوقع انو ماكينة الباجيرو ما تغيرت، التغيير كان في هيكل السيارة والمواصفات العامة.. على العموم أنا بسأل الوكاله عشان أتأكد انو الماكينه ما تغيرت.. وأنا أعتقد انو كلامك صحيح، يعني لو الماكينه وحده، الجير بيركب بس" أوتماتيك بس " ولا ممكن يركب "تبترونيك"؟


أخوي مؤيد اف1،
إذا السالفه فيها تبديل كومبيوتر وشغلات ثانيه، أعتقد اني باصرف تظر عن الفكره لأنها بتيبلي عوار راس..


أخوي بوعبود،
الماكينه الي عندي 3000 سي سي.. جير عادي، وسيارتي فيها فتحه.. أنا أول مره أعرف انو الأوتماتيك الي في الباجيرو 5 غيرات مش 4!!


أخوي hait،
أنا أعتقد انو في مشاكب كتير رح تظهر حتى إذا عملية تغيير الجير صارت ممكنة، وهاي المشاكل رح تخليني أتندم، صح؟

على العموم.. أنا جدا شاكر لكم..

ويا ليت لو حد حصل معلومات تانيه، ينورنا فيها..

تحياتي للجميع..

[الأنصاري]

والله انا اعرف انو التبترونك يجي على مكينة 3.5 ومكينة 3.8 الجديدة بس 3.0 مادري والله بس انت لازم تكلم الوكالة كل شئ بفلوسه:D :D

بس اعتقد الجيل الجديد ممكن تغيرت مكينته لأن التغيير كان شامل ((جايز))

ونعم جير الباجيرو الجديد 5 نمر :D :D وهذا ساعد كثير على زيادة معدل التسارع وتقليل صرفية الوقود والملاحظ ان السيارة اصبحت هادية جدا انا سقت النوع الي عندك 3.0 ((سيارة عمي)) لاحظت ان جلسة السيارة مختلفة بالمره وقومت السيارة حلوة بس صوتها شوي عالي

على العموم انا اعتقد كل شئ يسير بالفلوس:D :D جرب تكلم الوكيل اوميكانيكي لأن الصراحة الجير الجديد فنان مره :D :D اخاف تغير السيارة مش الجير:D :D

[loolicpolic]

والله يا بوعبود إنك بتخليني فعلا أصرف نظر وأغير السياره بدل الجير.. أنا بعد تفكير عميق أعتقد انو العملية بتكون مكلفه من غير فايده كبيره وملموسه.. بس فكرة تغيير السيارة أحسن..

طيب، عندك حد يبي يبيع باجيرو باب واحد " 3 أبواب موديل 2001 " فل أوبشن "3.5 ليتر " مع جير تبترونيك وفتحه وجلد أو بدون جلد، طبعا + سعر ممتاز؟ :D

يا ليت لو تعرف تعطيني خبر، وإذا ما عندك، كم تتوقع يكون سعرها؟

تحياتي لك..

[loolicpolic]

على فكره أخوي بوعبود، نسيت أقولك إني من الدوحه..

شكرا..

[الأنصاري]

انا من الدوحة :D :D يمكن ما اقدر انفعك
بس اقدر اقولك ان الباجيرو الجديدة رهيبة وقوية والمواصفات الي تيجي على كامل الزيادات خرافيه

لو تحصلك وحدة بسعر زين احسن لك هو الباجيرو الجديد فول ابشن باب واحد مكينة 3.8 بحدود 110 الف:D :D

احنا عدنا وحدة فول ابشن بس بابين اشترينها ب120 وماشية30 الف حتى الحين كل شئ كان على الوكالة ماغيرنا غير الزيت والسفايف
:D :D

بس المستعمل بكون رخيص باب واحد كامل الزادات ممكن تيجي 60 الف او اكثر او اقل مادري بس تحصل كثير لأن الباجيرو انتشر كثير في قطر واعتقد انك تعرف هذا الشئ:D :D

هذا ايميلي ضيفني ممكن افيدك
ansariansari445@hotmail.com

ترى وكيل المتسوبيشي عندنا مسوي ضمان مدى الحياه على الجير والمكينة مادري صاجيين ولاكلام جرايد:D :D

[loolicpolic]

هلا يا بوعبود، أخبارك؟

أنا كتير مبسوط من اهتمامك.. هادا لأنك أصيل..

أنا ضفت إيميلك، وطبعا إحنا ما بنستغني!

بعدين يا راجل، كيف كاتب انك من الدوحه وما بتقدر تنفعني، وأنا من الدوحه ..

تحياتي..:D

[الأنصاري]

بالغلط كنت متردد ما اعرف الدوحه الي في السعودية ولا قطر:D :D