ياحروفي ؛؛؛

[بريق]

هلا


ابتدي باسم الالـه الواحـد الـرب البصيـر
الكريم اللـي نـزل وحيـه بآيـات الكتـاب
ابتدي باسمه وانا جالس على جـال الغديـر
وسط روضٍ مزهرٍ والعشب له نقشُ وْخضاب
دار بي هاجوس فكري والزمن بي يستديـر
لين ضاقت بي ربوع المملكه والنـوم غـاب
ياحروفي ماحتقرك من البشر غيـر الحقيـر
ماعرَف قدرك وقدرك معتلي فوق السحـاب
ياحروفي دام مالك فـي ثـرا قلبـي خشيـر
هوّنيهـا ماعليـك مـن الملامـه والعتـاب
وافرحي لاصار من يغليك له قلبُ وْضميـر
شاعـرٍ ماسجّلـوه بقمـة العليـا غـيـاب
شاعرٍ يدرى عليك وينْسجك نسـج الحريـر
لين فقتي في وصوفك حسن تلعـات الرقـاب
شاعرك لاماعْتزلك وْعاش من دونك أسيـر
كيف يسلى عن هواك ويفقد عيون الصـواب
شاعرك ماهو بحياالله بشـر عقلـه صغيـر
شاعرك عقله رزين وْيكسر عنا د الصعـاب
شاعرك ماهمّه المنصـب ولاخـوَّة وزيـر
شاعرك همّه يعيش بعـز محشـوم الجنـاب
شاعرك ماهمـه الثـروه ولاالمـال الوفيـر
قانـعٍ ماغرتـه دنيـاه واعمـاه الـسـراب
شاعرك رجل ٍ بدرب الطيب خطواته تسيـر
ماحسب لاهل العقول الفارغه ايَّـة حسـاب
شاعرك وان قالهـا الله والامـل بالله كبيـر
بيتَحزّم بك ويبني لـك علـى القمـه قبـاب
لين يَكْحلْ بك عيون الحسد والقلب الضريـر
ويتفاخر بك ويعلي هامتـك فـوق السحـاب


*******
مــحـــمـــد الــقــثــامــي

[حروف سوالف]

رائعه جدااا ..........

سلمت يداك ..

[إرث أحزان]

ايه يا بريق

لو كنت شاعر لما فكرت في راوية غيرك

تروي ما طاب مني وتنسى سقطاته

سلمت يداك لا عدمناك

[بريق]

هلا بخوي حروف الحب

الله يسلمك ويسلم كل غالي عندك

شكرا ع التواجد أخي الفاضل

بريق:)

[بريق]

هلا بمشرفنا الأدبي

تسلم اخوي على كلامك

ودمت بخير وعافية


بريق