View Full Version : جنوط 17 .. مساعدة
مرحبا شباب ...
انا عندي لومينا LS وافكر اركب عليها جنوط 17 بس ما ادري سمعت انه يأثر على السيارة وخاصة القير والدفرنش .. فما ادري شباب احد له تجربه او عارف شي عن الموضوع او نصيحة ؟؟ اي شي يفيد ..
ACCORD-V6
04-05-2003, 02:52 PM
انا سمعت ان الجنوط تنقص العزم اذا كانت غير اصليه وثقيله
غير كذا الشباب يمكن يفيدونك
Infiniti Q45
04-05-2003, 03:33 PM
حاول تركب جنوط المونيوم خفيفه
ماراح تفرق كثيير معاك
بس الحديد راح يتعب الموتر :)
560SEL
05-05-2003, 01:04 PM
و الله يا أخوي الموضوع متشابك بعض الشئ لكن أبحاول أختصره لك قدر الامكان ... مع العلم انه سبق لنا و تكلمنا في هذا الموضوع
مثل ما تفضل الاخ ACCORD
الجنوط لازم تكون أصليه لأن التجاريه ثقيله مرررره و بيكون تأثيرها كبير جدا و سئ جدا على التسارع و التعليق
أما اذا أخذت لك جنوط أصليه (على سبيل المثال لا الحصر BBS ) فبتلقاها ممتازه جدا و لا لها تأثير على التعليق أو التسارع
الشئ الثاني اللي أحب أحذرك منه هو :
لا تغامر أبدا بتركيب جنوط أكبر من 17 لاني أذكر ان واحد من الشباب كان معه BMW 728iL ركب لها جنوط أصليه BBS مقاس 19 و اللي حصل ان القير عنده طلعت فيه أنواع المشاكل أحد هذي المشاكل ان القير كان ما يعشق الرابع الا اذا حطه على التبترونك و بعدين يرجعه على ال D
تحياتي
أما اذا أخذت لك جنوط أصليه (على سبيل المثال لا الحصر BBS ) فبتلقاها ممتازه جدا و لا لها تأثير على التعليق أو التسارع
والله تعبت ادور زي الجنوط هذي ماادري وين احصلها ... ما فيه الا تجاري .. اذا تعرف محلات يبيعونها بالله دلني عليهم ؟؟ وكيف اسعارهم ؟؟
او اني اخذ اصلي من الوكالة يعني ما فيه قدامي الا جنوط SS لومينا او كابريس
حاول تركب جنوط المونيوم خفيفه
ماراح تفرق كثيير معاك
بس الحديد راح يتعب الموتر
طيب الخفيف مو ممكن ينكسر ؟؟؟
560SEL
05-05-2003, 01:38 PM
أول شئ انت و ينك فيه ؟
تحياتي
شرخشين2000
05-05-2003, 03:01 PM
اسأل مجرّب ولا تسأل خبير...
شوووووووووووووف عزيزي..
التجاري أنواع !!
تجاري مضروب !! وتجاري ممتاز :cool:
السوق موجود فيه تجاري مثل ( اندونوسي !! صيني !! ماليزي !! ) هذا ابعد عنه... من جد مضروووووووووووووووووووووووووب !!
أما التجاري الألماني :banana: فأنا أنصح فيه :D :D
وبما انك عندك لومينا يعني يبغالك جنوط 5 بلوط أبعادها 120 يعني مثل جنوط الـ BMW بس انتبه !!!!!
جنوط البي ام تركب على اللومينا والكابرس لكن لااااازم تعمل لك رجّة !!! تدري ليش ؟؟ أنا أقول لك ليش :D
لأن فتحات مدخل الهوب أكبر بشوي !!! ولحل هذه المشكلة لازم تفصّل عند أقرب مخرطة ما يسمّى بالـ ( أساور - جمع : إسوارة )
وهذي عبارة عن قطعة دائرية من ألمنيوم أو النحاس تركب في الفراغ اللي راح يكون بين الهوب والجنط...
أما الجنوط اللي ماهي للـ BMW فتركب وانت تضحك...
شوف الجنوط اللي على سيارتي :D :D
http://holden2001.jeeran.com/17.JPG
ألماني تجاري !!! لكن ولله الحمد ،، الجنوط مررررررررررة خفيفة ،، لدرجة انها أخف من الـ17 مال اللومينا SS
وفي نقطة ثانية ،، لازم تنزل السيارة قبل لا تركب الجنوط !!!
لأن شكل السيارة بيصير حفلة !!
تعبت وأنا أكتب...
عالعموم ،،،،،
أتمنى انك تستفيد من هالمعلومات...
لك خالص تحياتــــ شرخشووووو ـــــي
أول شئ انت و ينك فيه ؟
الخبر
شرخشين2000
========
شكرا لك على هالمعلومات وماشاء الله سيارتك والله حلوة ...بس وين ممكن احصل تجاري الماني ؟؟ وش رايك في التجاري الامريكي؟؟ لاني حصلت امريكي تجاري[
وفي نقطة ثانية ،، لازم تنزل السيارة قبل لا تركب الجنوط !!!
لأن شكل السيارة بيصير حفلة !!
ههههههههههههههههههه اكيد ما يبغالها كلام .. بس بسألك هنا .. القص يأثر على السيارة
STS4ever
11-05-2003, 11:19 AM
طيب ياشباب لو سمحتوا وضحوا النقطه هاذي
هل الجنوط التجاريه اللي من الامارات ثقيله للعلم المقاس 18
وحدود كم تجي اسعار الجنوط المانيه التجاريه مقاس 18
سلام
شرخشين2000
11-05-2003, 06:29 PM
بورش
التجاري الامريكي جيّد لكن وزنه غالباً يكون ثقييييييل !!
الألماني...
انت في الخبر ،، اممممم :rolleyes: :rolleyes: ،، على باله يفكّر :rolleyes:
ما أعتقد انك بتلاقي في الخبر ،، مالك الا شارع الملك سعود بالدمام..
عندك محل اسمه ( سدرة الصمان ) تلقى أحياناً عنده جنوط حلوة و حبّة وحده بس ،، يعني ماحد بيركب مثلك..
و عندك محل ثاني على نفس الشارع اسمه ( الرياض ) تقريباً أكثر أشكال الجنوط الجديدة والغريبة بتلقاها عنده..
شااااو
شرخشين2000
11-05-2003, 06:34 PM
قبل لا أنسى...
أنا قاص لفتين ونص من قدّام و مسخن ( مليـّن ) نص :shock2:
بس طبعاً بعد الصورة اللي فوق...
من ورا مركب ياي رياضي ،، كلفني 140 ريال للاثنين من دبي..
STS4EVER
الجنوط التجارية مقاس 18" في دبي ماهي ذيك الغالية...
يعني اذا تبغاها مع يوكوهاما والا بريجستون ،، بتطلع عليك بحدود الـ 3900 - 4500 كحد أقصى..
وانتبهههههههههههههههههههههههههههههه
تاخذ كفرات ثلجية !!!
ماراح توعى الا الكفرات كلها محبلة !!
لا تاخذ كفرات الا سرعة مفتوحة و ZR
:glasses: :glasses: :glasses:
760IL
11-05-2003, 06:55 PM
اخوي شرخشين2000 بكم كلفك صبغ الديكور الاسود الي في اللومينا ال اس الي في الصوره السابقه ...ووييييييييين سويتها ...
شرخشين2000
12-05-2003, 03:13 AM
760IL
أي ديكور تقصد ؟؟
الازياج والمرايات والزوايد ؟؟
أنا سويتها كلها ،، مع الداش بورد الداخلي ( يجي في الكابرس خشب )
بـ 500 ريال في خضرية الدمام عند ورشة ( العتيبي و العمـّار )
شغلهم مجنووووووووون !!
يعطون ضمان على البوية لمدة غير محددة !!
وقت ما تغير اللون أو تقشر ،، رح وهم يرشونه لك ،، مع العلم ان سيارتي لها سنتين من صبغتها والى الحين ماشية أحلى من الحلاوة..
STS4ever
12-05-2003, 04:53 PM
الف شكر شرخشينو على الرد بس اقصد الجنوط ثقيله يعني تظر التعليق حق السياره وتثقل على القير ولا عادي زينه :):)
سلام
شرخشين2000
12-05-2003, 06:21 PM
STS4ever
والله شوف اخوي..
اذا الجنط مررررة ثقيل ،، أكيد بيضر القير..
اسأل الارهابي ممكن يفيدك في هالشي..
760IL
12-05-2003, 08:49 PM
مشكووووووووووور الف اخوي شرخشين2000
وفعلا هذا الي اقصده
Dreams_Maker
13-05-2003, 01:20 AM
شرخشين2000
سريييييييييييييييييييع سرييييييييييييييييييييييع....
من وين شريت جنوط المونارو؟؟؟...هل يجي منهم حجم18؟؟..
:(
bashar_255
13-05-2003, 01:38 AM
اخوي تر بتفرق لك في العداد ادا غيرت في مقاس القطر:glasses:
احسن لك تركب لك كفر بحيث يكون مجموع القطر الكفر بالجنط
يساوي القطر القديم :glasses:
او توديها للوكالة يعدلو العداد:glasses:
الارهابي
13-05-2003, 05:33 AM
سالفه العداد سهله
اما توديها الوكاله
او تشتري له مبرمج hypertech
و تقدر تسوي به recalibration للعداد
لان السيارات الجديده هالسالفه يتحكم فيها الكمبيوتر و كيبل السرعه اللي ينقل معلومات السرعه من القير للكمبيوتر او للعداد كهربائي ( الكتروني )
اما السيارات القديمه السالفه كلها mechanical يعني لازم تغير speedometer gears اللي في نهايه القير
و السالفه يبغى لها معادلات و حركات عشان تختار القيور الصحيحه
خصوصا اذا غيرت نسبه الدفرنش rear end ratio
تغيير حجم الجنوط يفرق معاك لكن فرق هين مو زي لما تغير نسبه الدفرنش
شرخشين2000
13-05-2003, 08:38 AM
Dreams_Maker
من محل جنوط في الدمام..
وريته الصورة وجابه لي :D
مع ثلاث أطقم إضافية :mad: :mad:
بس ما أعتقد ان مفاس 18" موجود هنا ...
Oettinger
13-05-2003, 08:56 AM
جنط اكبر = كفر اصغر
يعني سالفة العداد اذا ركبت كفرات مقاسها مناسب مامنها خوف
beast2001
13-05-2003, 11:06 AM
بالنسبة لي انا اعتبر جنوط EVO او O.Z ممتازين سواء بالشكل او الوزن
بالرغم انهم 18 او 19 الا انهم خفيفين مرررررة وتلقاهم بمحل حق جنوط بشارع تويوتا
وانا مركب O.Z على الماليبو تبعي و احس انهم اخف من الوكالة ولا سببوا لي اي مشاكل:o
وهذي صور للجنط EVO مع العلم ان سعره حدود 3000 ريال
وجنط اللي على سيارتي نسخة طبق الاصل من هذا بس من شركة O.Z
http://images.cardomain.com/member_img_a/196000-196999/196047_13_full.jpg
http://www.velocityphotos.com//images/stk/2001/ch2001malibucruiser01.jpg
شكرا لك اخوي شرخشين ...
beast2001
======
وش صناعة الجنوط هذي وكيفها في الخط
*أحب الخير*
13-05-2003, 03:43 PM
السلام عليكم شباب
انا عندي كامري جراندي 6 سلندر , ودي أركب جنوط 16 او 17
وشتنصحوني وما ابغى الكفر يطلع بره
أبغى نصيحت أهل الكوامري واللي عندهم خبرة
تكفوووووووووووون بسرعة لو سمحتوا ابي الجواب ولا تبخلون علينا
بالجواب لأني بعد كم يوم مسافر الدمام ;)
أخوكم عبدالرحمن من قسم الطرائف والكاريكاتير
560SEL
13-05-2003, 04:21 PM
أخوي بورش
بالنسبه للجنوط اللي تسأل عنها BBS اذا كنت في الرياض بتلقاها في محل اسمه العربه و هو على شارع التحليه و فيه محل متخصص في الجنوط اسمه Big Wheels و هذا موجود في شارع الضباب لكن تذكر ان الجنوط هذي أسعارها غاليه جدا و في المقابل أشكالها مميزه جدا جدا يعني لما تركب جنوط BBS أو FALKEN أو غيرها من الموجود ما راح تلقا أحد في الشارع مركب مثلها و زد على ذلك انها ذات جوده عاليه جدا جدا يعني انسى انها تتعفط أو تنكسر أو تأثر على تسارع السياره أو التعليق
وهذي أسماء بعض المحلات
Red Line
الرياضع الراقيه
تحياتي
Third Eye
13-05-2003, 05:36 PM
يا شرخشين
الجنوط الى ركبتهم كم سعرها ؟
تقريبا:D
شكرا اخوي 560SEL
انا دايما في التحلية وكل فترة وفترة امر العربه .... بس يا خي اسعاره نااااااااااااار .. يعني تخيل انك تركب جنوط قيمتها فوق 10000 على لومينا ؟!؟!؟ حركه باااااايخه والا وش رايك ؟
شرخشين2000
14-05-2003, 05:53 PM
a.w.t
يعني حول الـ 5000
مع كفرات بريجستون 17" /235/45
Third Eye
15-05-2003, 03:29 PM
رد مقتبس من شرخشين2000
a.w.t
يعني حول الـ 5000
مع كفرات بريجستون 17" /235/45
شكرا
نسييييت
:banana: :banana: :banana: رقصصصصصصصصصصصني ياقدع
لوووول
شرخشين2000
16-05-2003, 06:12 AM
:banana: :banana: :banana: :banana:
a.w.t
مشينا شرق ;) ؟؟
Third Eye
16-05-2003, 01:55 PM
رد مقتبس من شرخشين2000
:banana: :banana: :banana: :banana:
a.w.t
مشينا شرق ;) ؟؟
مع إنو مني فاهم بس مشي حالك :D
على فكرة ترا الناس في 2003
لسه أنا في 2000 :D :D :D :D
وتقبل تحياتي
:banana: :black: :banana: :black: :banana:
560SEL
16-05-2003, 01:59 PM
رد مقتبس من بورش
شكرا اخوي 560SEL
انا دايما في التحلية وكل فترة وفترة امر العربه .... بس يا خي اسعاره نااااااااااااار .. يعني تخيل انك تركب جنوط قيمتها فوق 10000 على لومينا ؟!؟!؟ حركه باااااايخه والا وش رايك ؟
طبعا أسعارهم ناااااااااااااااااار
طيب جرب Big Wheels أو RED LINE أو .... الخ
في محلات كثيره متخصصه غير العربه
تحياتي
طيب جرب Big Wheels أو RED LINE أو .... الخ
شكرا لك اخوي على الرد بس وين محلاتهم هذولا ؟؟
560SEL
17-05-2003, 01:50 PM
Big Wheels في شارع الضباب
RED LINE في شارع التحليه
الرياضه الراقيه في شارع التحليه
تحياتي
يسلمو حبيب البي .. عرفتون