View Full Version : ذبحنا الجوع...........
ياكوياكو
31-03-2003, 09:06 PM
اتصدقون صار لي اسبوع
اتريق بيتزا ..... اتغدى بيتزا ..... اتعشى بيتزا
عشان شذيه الله ابي مساعدتكم علموني شلون اطبخ ....
كل واحد او حدة يدخل
يكتب احسن اكله يحبه ........ بس بشرط يعرف يسويها :D :D :D
وبعدين يعطينا المقادير .... والخطوات
هههههههههههههه خلني استفيد منكم ولا مرة
بس ابو الفياصل ......... ادري تبي تقول قصديرة ...... هذي خلها لا رحنا النفود انا وياك على الشاصي :D :D :D
el badrah
31-03-2003, 09:17 PM
اكيد انت في امريكا..
ترى قحط هناك..اكلهم مأساه
شوف..اخذ لك روتي..و حطه في التوستر..
بعدين حط فيه جبن..
و بــــــس :D و اذا كنت بواشنطن..روح حق جورج :D :D
ياكوياكو
31-03-2003, 09:30 PM
البدرة
خوش وصفه
بس اتصدقين جديدة علي هالطبخة
انتي شنو دراك اني بواشنطن
والله امس كنت ما قدام البيت الابيض
دمعة لم تجف
31-03-2003, 09:31 PM
قل الحمد لله والشكر
تفطر وتتغدى وتتعشى
غيرك ما يلقى قوت يومه . وتقول ذبحك الجوع :headshak:
على العموم بعطيك طبخة أعرفها
وتفضل المقادير :
1- بيضة أي طائر ( ما عدا الخفاش لانه يلد )
2- قدر .
3- موية .
4- نار .
الطريقة :
ضع النار على الموية ... قصدي الموية على النار يوووووووه وشفيني اليوم
ضع الموية بالقدر ثم اشعل النار تحتها ( تحتها مو فوقها )
ضع البيضة في الماء أنتظر خمس ساعات .
قشر البيضة .
كلها بالهناء والشفاء .
el badrah
31-03-2003, 09:32 PM
قدام البيت الابيض؟؟؟
قلت الاماكن؟؟لوووووووووووول
شفت ردودك على مواضيع شيخه :D و عرفت
ياكوياكو
31-03-2003, 09:34 PM
دمعة لم تجف
من طول الغبات جاب الغايم
عاش من شاف نكك يا الشيخ
بس يا خوي لو تعطيني تفاصيل اكثر ترى الطبخة مالت صعبة مرة
يعني البيضة ..... كم مقاسها
:banana: :banana: :banana: :banana: :banana: :banana:
دمعة لم تجف
31-03-2003, 09:43 PM
4×6 شمسية
© MATCHLESS
31-03-2003, 11:06 PM
بعد طبخة دمعه مالك حق تتكلم .....
وبعدين انا دورتها في كتب الطبخ وما لقيت لها اسم !!
لا تكون جديده بس !!
كأني سمعت اسم روتي في الموضوع :D
بالنسبة لي أيام الاغتراب كان عندي طبخة رهيبة :D
احضر كيس بطاطس جاهزة للقلي
ضع زيت القلي على النار حتى يغلي
ضع البطاطس في الزيت
تحصل على بطاطس مقلية بعد 5 دقائق ... هذا كان عشائي وغذائي وافطاري ... في وجبة واحدة
وكما قال الاخ دمعة .. احمد الله على النعمة التي انت فيها فغيرك لا يجد قوت يومة
:rolleyes:
الهذال
01-04-2003, 12:24 AM
السلام عليكم ورحمة الله وبركاته
كخبرتي، في الحياة العزوبية خمس سنوات، راح تنتهي قريبا.
لي قصص في حياة العزوبية.
قبل كل شي, القهوة والشاهي خذني خوش رجال ,
ماخليك تطلع إلا وإنت مرتوي من القهوة والشاي.. خصوصا إنها قهوه شماليه ...
أما الأكل فأنا عندي أكله ما عرف إلا هي...
شف عندك المعدات.
1- خبز
2-قشطه
3-جبن سائل
4- جبن ناشف:D
5- زيتون
6-زبدة
7-فول
شفت اللي ذكرته قله تاخذه وتحطه في صحن وتأكل منه!!!:)
بس هذا أكل العزابية جاهز.
وفيه أكله ثانيه .. بس تراني ماسويتها في حياة العزوبية.
أولا تأخذ زيت وتضعه في التاوه.. تدعه في النار.. ثم تضع عليه
طماط ... وبصل ... وتكون الاكلة جاهزه ..........:sleep:
ويا عزوبي مالك ومال الشغلات هذه.
© MATCHLESS
01-04-2003, 03:20 AM
رد مقتبس من الهذال
السلام عليكم ورحمة الله وبركاته
كخبرتي، في الحياة العزوبية خمس سنوات، راح تنتهي قريبا.
لي قصص في حياة العزوبية.
قبل كل شي, القهوة والشاهي خذني خوش رجال ,
ماخليك تطلع إلا وإنت مرتوي من القهوة والشاي.. خصوصا إنها قهوه شماليه ...
أما الأكل فأنا عندي أكله ما عرف إلا هي...
شف عندك المعدات.
1- خبز
2-قشطه
3-جبن سائل
4- جبن ناشف:D
5- زيتون
6-زبدة
7-فول
شفت اللي ذكرته قله تاخذه وتحطه في صحن وتأكل منه!!!:)
بس هذا أكل العزابية جاهز.
وفيه أكله ثانيه .. بس تراني ماسويتها في حياة العزوبية.
أولا تأخذ زيت وتضعه في التاوه.. تدعه في النار.. ثم تضع عليه
طماط ... وبصل ... وتكون الاكلة جاهزه ..........:sleep:
ويا عزوبي مالك ومال الشغلات هذه.
:D :D :D :D :D :D
قطّعت قلبي ابو خالد :D
بس هاااااااااااااانت ...... ايام وراحت :rolleyes:
ابو الفياصل
01-04-2003, 06:21 AM
ياخي العزوبيه مساكين..:D
760IL
01-04-2003, 04:07 PM
رد مقتبس من ابو الفياصل
ياخي العزوبيه مساكين..:D
ايه والله صدقت:laugh:
انا عندي طبخه انما ايه..............
فول مدمس..
طريقة التحضير ..
علبة فول +زيت زيتون +بصل(يشترط انه يكون تيواني)+صحن فارغ
حط الفول على الصحن واسكب عليه قليلا من الزيت والبصل حط في الدرج وسكر عليه....و....بس
عمرTarga
01-04-2003, 04:09 PM
عندي طبخة جيدة ومفيدة
المقادير
1-بيضتين دجاج
2-مقلاة
3- طماطة متوسطة الحجم
4-زيت نباتي
5_ملح
6-ملعقة
7-خبز
خطوات العمل(صار امتحان عملي )
تجيب الطماطة وتقطعها قطع صغيرة
وتحط الزيت بالمقلاة وتحطها على النار
وفوقها الطماطم
وتعالوه بعد 15 دقيقة طبعا تكون على نار هادية
وتجيب البيضتين وتفقسهم على الطماط
وحط عليه ملح حسب الطلب
وانتظر بو 5دقائق ولا يكون خالص
ويسير عندك شكشوكة
وتجيب الخبز وتاكل بيها الشكشوكة
وسلامتكم:D
ياكوياكو
01-04-2003, 05:06 PM
ابو الفياصل
الله يهنيك عايش بنعيم ............
مو قالو تزوج ......... قلت انا متزوج القضية.... قصدي الدراسة :D :D :D
اتصدق ......احلى طبخة تمر سكري و ماي .............وتحلييي بفصفص
عاد الفصفص لي معاه سالفة ....
يوم صار الغزو على الكويت الله لا يعيده ....... بالصدفة دون مقدمات طلع لنا اهل بالقصيم ....شلون مدري .... المهم الوالد طلع لي خوال عمام .........تقدرون تقولون تفصيل جاهز ...... والوالد ما يتعطل علاقات وزير خارجية ..... بس مو مستفيد
المهم رحنا القصيم ............. وبيني وبينك انصدمت ......كلام غير لبس غير اشكال غير .............ز وثقافة غيرررررر
بس ناس طيبين طاروا فينا ........... ويدهينه لا تنكتيين ....
المهم انا عندي سيارة ما راح اقول الاسم علشان الحسد :)
وكاشخ توني شاريها مصار لي عشرة ايام ........ المهم شاب لطيف من الجماعة .......... ركب معي علشان انتمشى واخذ فكرة عن المنطقة ......... الرجل جنتل لدرجة الاسراف .....
او ل غلطة غلطاها معي ......... قال وقف عند التموينات "تموينات عزيز" اللي من عنيزة يعرفها .........
انا بكل عفوية ..........قلت ليش قاصر عليكم رز ولا دهن ..........مات منضحك خووي ............
بعدين عرفت ان التموينات يعني بقالة بالكويتي ......... يبيلي دكشنري قصيمي
المهم دخلنا التموينات ...... قال الشباب الوسيم ..... راعي المحل "فصفص"..... وطالع بخوي وش سالفة هذا ....... شنو فصفص .......قلت له يا فلان عيب وش هالكلام ........:D :D :D
لا عادي ودنا نفصفص على الخط ...........وانا قاعد اقول بنفسي والله هذي البلوة ...... مع صدام والغزو طلع لي هالدلخ .....:D :D :D
انت صاحي ..... ولا دايخ ................. ورجل محترم يبتسم ولسان حاله يقول والله كويتي رايح في خرايطها ...
بكل ذرابت الدنيا .......... والاخلاق ........... والرقي ......قال ياخي سوالفك حلوة .......... وراح تحلى اكثر مع الفصفص ..........
وكمل ..... قال انت بس فصفص وراح ترتاح :D :D :D :D :D :D :D :D
وانا ارتفع ضغطي ....... ازنطه ولا اعظ خشمه والا شاسوي فيه ....
وخلال هالنوايا السيئة وسواء الفهم ............ رجع الهندي اللي بالتموينات وماعاه كيس حب اصفر ..............
انا غرقت بعرقي من الاحراج .............وحاولت ارقعها ابي حبحب
يعني حب ... حب ... من الاحراج قاعد اقطع ...والحب الكويتي يعني فصفص ........
وقال هذا الفتى الرائع " من اغلى الناس على قلبي من ايامها الى الان " .... الحبحب بمزرعتنا ......... ابشر باللي يترس لك الشنطة ....
المرة الجاي اقولكم سالفة الشنطة والحبحب :D :D :D :D :D
بس الحين ارطن قصيمي .... باكسنت عنيزاوي ..... وحتى دخلت المادة كمقرر في الكلية عندنا " الاتصال باللهجة القصيمية " .... ويقولون ..... على ذمت الامريكان ..... يقولون انهم يبون يضيفونها للتوفل عن قريب ........
هههههههههههههههههههههه ياحبي للقصيم واهله .....خصوصا الكليجا
كـيـمـو
01-04-2003, 05:49 PM
في هذه الحاله عليك بالصووووووووم
:D
حلوه القصه اللي فوق ..
هرجه
ياكوياكو
01-04-2003, 09:19 PM
تون كام
يا بن الناس ..... اقولك ميت جوع تقول صوم .....
انا بديت اختفي من الجوع .... هالدور اصوم ......اكيد راح اتحلل
اللي مثلك يعزمني على غداء نتي .... حلوة مني نتي
:D :D :D
قصدي ترسل لي اكل بالايميل
:help: :help: :help: :help: :help: :help: :help: :help: :help: :help: :help:
al_hashim
01-04-2003, 11:21 PM
تغسل كوب واحد من الرز بالماء
نضع مقدار من الدهن النباتي في قدر بحيث بغطي كل القعر
تضع الرز في القدر مع ماء بحيث يغطي الرز و يرتفع عنه ب 4 سم
تغلق القدر جيدا و تضعه على نار عاليه لمدة 10 دقائق لحين يبدا بالتبخير
تقوم في ذلك الوقت بوضع ملعقتين من معجون طماطه في قدح ماء مع ملعقه ملح و قليل من الفلفل و يمكنك اضافة الخضر ان وجدت كالبازلاء و الذره و الجزر المطبوخ و المتواجده في الاسواق مع قليل من الماء و الدجاج المطبوخ ( الباقي من العشاء كا الطازج او كنتاكي او ...)
تقوم بخلط هذه الاشياء مع الرز و تعمل هرم داخل القدر
تقلل النار الى درجه متوسطه و يوضع الخليط لمدة 10 دقائق لعمل (حكاكه) اذا رغبت
ثم تقلل النار الى اقل درجه وتضعه لمدة 30 دقيقه و تضع قليل من ماء الورد اذا رغبة باضافة رائحة جميله
و بعد ذلك ستلاحظ ان الاكل احترق فتاخذ اقرب هاتف و تطلب بيترا اكسبرس :help: وانعم باكل البيتزا و قل لا فائدة .:cry:
مع تحياتي :p :laugh:
ياكوياكو
01-04-2003, 11:55 PM
الهاشم ....
انا قريت اول الموضوع
قلت اللي جاب هالنشمي لي .... وقعدت ابشر نفسي بالعشاء
بس كملت موضوعك ........ طلعت النهاية بيتزا
شبعانيين ...... يتحرشون بالجواعه
ابو الفياصل ........... كله منك:D :D :D :D
WHATZ UP
02-04-2003, 01:11 AM
واحد يقولي بيض
والثاني جبن و قشطه و مدري ايش
والثالث ضارب لي بالقهوه والشاهي..........:D :D
والرابع يقول بصل و طماط .... وكشنه....:D
محد جاب طاري للكبسه............ او مرق على الاقل
اييييييييييييييييييييييييييييييييييييييييييييييه
الله يذكر ايام ال...؟؟؟ بخير
يوم كنت انا والروم ميت ........ انواع الخبصي بالطبخ
وانواع الاختراعات في يوم الخميس ........... :D
واحسن طبخه برعت به (( لحم مفروم بالخضار المشكله ))
**********************************************
تجيب لك لحم مفروم (( خله يذوب ... تراك مطلعه من الفريزر )):D
و خضار مشكله .............. بعض المنتجات تكون ناقصه (( يحطون لك جزر و بازلاء بس ))
///////////////////////////
حط شوي زيت بالقدر وحطه على النار
اضف بصل و طماط
جب اللحم المفروم (( بعد ما يذوب ))
وحطه على الزيت... حط ملح و بزار .... وباقي الخلطات :D......... وقلّبه الا ان يستوي اللحم.
اضف الان الخضار المشكله على الطبخه ...... بس لا تكثر.
قلبه على نار هاديه. (( فيه امكانيه انك تضيف شوي ماء. عشان الخضار و اللحم ما يلصقون بقاع القدر ..... ما عليك ... مع الحراره راح يتبخر الماء )) بس عشان الخضار تستوي.
ثم ضعه في صحن عندك ............ و قدمه.:D
بالهناء و الشفاء
على فكره .......................... لا تنسى الشطه (( اهم شي )):D
****************************************************
ااااااااااااااااااه
تصدق جوعتني:D
WHATZ UP
:laugh: :laugh: :laugh: :laugh: :laugh:
al_hashim
02-04-2003, 02:02 AM
بامزح معك جرب الطبخه و شوف ...
و ادعيلي
وردة بلادي
02-04-2003, 02:12 AM
احسن طبخة وبما انك فى واشنطن
جيب جدر كبير وحط داخلة بوش ورامسفيلد وخلة يغلى على درجة عالية ثم اعملة باجة
بس حاسب لا تغص بنظارة رامسفيلد
بالهناء والشفاء مقدما
ياكوياكو
02-04-2003, 06:27 AM
بس اللي اعرفه
ما يجوز اكل الخنازير
:D :D :D :D :D :D :D :D
CAMARO4EVER
02-04-2003, 07:44 AM
اخذ لك بيتزا :D :D :D :D :D تراها حلوة
خخخخخخخخخخخخخ
ماتعرف تسوي مكبوس ..؟؟؟؟
او على الاقل بيض وطمام ...
Aseer In Dublin
03-04-2003, 05:13 PM
انشهد ان البيتزا سيده المواقف الصعبه....
انا اقولك خوووش حل
اسكن مع واحد طبيييييييييخ وماراح تندم
مثل ما انا مسوي حاليا :D :D :D :D :D :D
خله يطبخ وانت شد حيلك في غسل الصحووون والمواعين :cry: :cry: :cry:
ياكوياكو
03-04-2003, 09:07 PM
مو انا كل ما اسكن مع واحد
يطلع تخصصه غسيل صحون ...
او احسن واحد يطلب بيتزا .....
:D :D :D
:rolleyes:
اسكن مع واحد شامي أو فلسطيني أو مصري ... خبرة في الطبيخ :D
ايام العزوبية كان في السكن معي 2 واحد سعودي وواحد قطري وكانت امورنا تمام .. كل يوم بطاطس مقلية :D
محامي الزعيم
04-04-2003, 03:59 AM
احسن شئ تسكن مع واحد سوداني
:D :D :D :D :D تموت من الجوع ماجا الاكل من العجز اللي فيه
ياكوياكو
04-04-2003, 09:55 AM
روتي
سوء الحظ انه الشباب الخليجيين ...... ما فيهم اللي يعرف يطبخ
بس احسن شي يسووونه ....... الاكل :D :D :D
اول ما يدق عليك الواحد ........... يسأل اول سؤال :
وش طابخ اليوم .... اشم ريحة الطبخ بالتلفون ؟!!!!!
يعني يبي يوريك شكثر جوعان الاخ :D :D :D
ياكوياكو
04-04-2003, 09:57 AM
محامي الزعيم
حيا الله الغايب
لو داري انك راح تقرأ الموضوع ......كان من زمان كاتبه
على العموم الف شكر على هذا الحضور الحلووووووووو
وعاش الهلال ..............................................ومحامي الزعيم :D