$$ وش تطلب بعد اكثر $$

[عشاق]

وش تطلب بعد اكثر


وش تطلب بعد أكثر أنور لك يديني شموع ؟!!
أو أفرش لك رموشي ظل وضمك تحت جنحاني ؟؟!!

كل هذا وبعد أكثر00 وهبتك من العيون دموع
وجزاي إنك نسيت الود وفوق هذا اتناساني

عطيتك كل ما املك ولا يوم قلت لك ممنوع
انا كلي حلالك لو مع الأيام تجفاني

حشا ما انتظر منك على حبي ابد مرجوع
أنا كل اللي أطمع به تطفي نار حرماني

وكل ما تفعله فيني حلالك والزعل مرفوع
إجرح بالحشا واطعن ولياك اتفداني

آمر وش تبي أكثر آمرني أنا لك طوع
وإذا ضاقت بك الدنيا حبيبك دوم تلقاني

فضفض لا يهمك شي ولا تقول الوصل مقطوع
أنا لك يا بعد عمري ألا يا بعد خلاني

لا يردك سوى لسانك إنتا بالحشا مزروع
أنا مالي سواك إنسان أحبه وأعشقه ثاني


عشّاق
http://qe9ayed2.jeeran.com/algowafe1.gif

http://www.3ashaq.net/vb/showthread.php?s=&threadid=685

[ميثة]

مرحبا بخوي عشاق

شاعر سوالف .. مبدع كعادتك ...

كل هذا وبعد أكثر00 وهبتك من العيون دموع
وجزاي إنك نسيت الود وفوق هذا اتناساني


ميثة

[عشاق]

من طول الغيبات جاب الغنايم :)
أشكرك اختي على حضورك مجددا وعلى تعقيبك وربي لا يحرمني :)