$$ الخبيثه $$

[عشاق]

الخبيثه

جيت اتميلح:glasses: غايتي في رضاها
وقمت أتودد واندفع في المعاني

أقصد وأقول أروع قصايد غلاها
وأوصف لها كم من هواها أعاني

أبين إني عاشقٍ ما سلاها
واني لها مخلص لحد التفاني

وأني أنا الفارس وغاية مناها
وإنها الوحيده فوق صهوة حصاني

واشرح لها كيف المشاعر معاها
وإنها سبايب ما طرى من جناني

واني أنا زرعٍ ترعرع بماها
واني أموت اليا جفتني السواني

واني سهير الليل أرجي لقاها
وان الوله اللي خذاها خذاني

والفكر ما قد سج عنها ونساها
واني أغار وفي هواها أناني

وهي في ذهول وما اتحرك شفاها
وكلمة ( أحبك ) حار فيها لساني

سكت عنها واتتبع خطاها
تروح وتجي وكنه الموت جاني

وقامت تحلطم :Sad2: ما دريت اش وراها:corsair:
وقامت تصدد واتركتني بمكاني

والواقع اني خابرٍ وش بلاها
أدري الخبيثه بقلبها شخص ثاني:p


عشّاق
http://qe9ayed2.jeeran.com/algowafe.gif
http://www.3ashaq.net/vb/showthread.php?s=&threadid=81

[محمد بن عبدالعزيز]

بسم الله الرحمن الرحيم


اخي عشاق ابياتك قمة في الروعة ... سلمت لنا يا شاعرنا

[عشاق]

تسلم لي أخي على هذا الحضور وأشكرك من أعماق قلبي على تعقيبك الجميل:)

[محمد بن عبدالعزيز]

بسم الله الرحمن الرحيم


تصدق اروح لقسم الكمبيوتر وارجع لقسم الشعر علشان اقراها مره ثانية

عاد اكلم نفسي وأقول يا الذهين ليش ما تنسخها :p :p

[دانا]

الله ... الله عليك يا عشــــــــاق

ما شاء الله عليك ..... اسميك صدق شاعر:)

قصيدة ولا أروع ....

تحياتي .....

بنت البــدو :)

[عشاق]

تسلم يالغالي والقصيده حلالك وتامر عليها :)

[عشاق]

هلا والله بهالطله وعاش من شاف ردودج وان شاء الله أختي أكون دائما وابدا عند حسن ظنك الغالي :)

[sad_bird]

متاسف لاني ما فهمتها ممكن لانها باللهجة العامية بس راح اوعدك اسمع لهجه خليجية عامية لحتى اتذوق الكلام الخليجي وشكرا

[عشاق]

لك كل العذر أخي ويشرفني جدا أن اشرح لك اي مفردة قد تستعصي عليك وتقبل من أخوك خالص الود والتقدير على مرورك الكريم :)

[هجيرالصمت]

في حكمه تقول
المرأه مثل القطار لو لحقتها ماتمسكها تمسكها بس لو استنيتها
النتيجه هاذي طبيعيه بعد الدلع
اثقل وانا اخوك
للامام

[عشاق]

إذا تعرف من وين يجيبون الثقل دلني أبي كيلوين :laugh:

أشكرك اخي على حضورك وتعقيبك وربي لا يحرمني :glasses2: