$$ بكل اختصار $$

[عشاق]

بكل اختصار

بكل اختصار هذا أنا شخص عادي
مابي بهالدنيا سوى قلب يشتاق

يشتاق لي ويصرخ باسمي ينادي
ويقول حبي والغلا بس 00 (( عشّاق ))

ويستحمل الغيره وقسوة عنادي
وينسى القطاعه 00 لاسقا الله الفراق

ويجي بجنبي لا سمعني أنادي
ويكون حبه صادقٍ وسط الأعماق

ويحقق آمالي وغاية مرادي
ويرضي احتياجي والتياعي والأشواق

ويكون لي روحي وشربي وزادي
ويكون خلي كلما خاطري ضاق

ويقبل علي لاشافني عنه غادي
ويمسح جروحٍ علها دمع الأحداق

ويكون في وسط الحنايا فؤادي
ويكون فارس في كلامي والأوراق


عشّاق
http://qe9ayed2.jeeran.com/algowafe.gif

http://www.3ashaq.net/vb/showthread.php?s=&postid=346#post346

[كهرمانة العين]

عشاق ....كلمات روووووووووووووعة والأروع القاءك لها .....صح لسانك :)



بعدين تعال إنت وينك غاط هالأيام ...مالك شوف .....:mad: :confused:

[عشاق]

أشكرك على هذا الحضور وللظروف احكام 00 أنا مرتبط اختي بالإشراف في منتديات أخرى فضلا عن منتداي الخاص000
تحياتي لك وأشكرك على اهتمامك ومتابعتك :)

[F_Ashoor]

شعر جميل


صح لسانك

[barg-2001]

ثلاثة امور مستحيله000
الغول والعنقاء والخل الوفي 00 ياوفي انت

take care amigo;) ;) ;) ;)

[عشاق]

صح ابدنك وأشكرك على الحضور :)

[عشاق]

هلا بك أخي 00 وما فيه شي قدام الحب اسمه مستحيل :corsair:



:D