بنت تخطب ولد من أهله بالقوه....

[دانة الدنيا]

تخطب ولد بالقوه من أهله إدخل وشووووووف


تخيلوا البنات يخطبون الاولاد

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..
الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وانت مستحي
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم

وتطلع من المستشفى الى بيت اهلك علشان النفاس <....حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول..

<منقول>

ههههههههههههههههههههههههههههههههههههه

تخيلوا بس:D :D :D
http://lopia.jeeran.com/swalif/dana.png

[المبتسم]

يا ساااااااااااااتر يا رب..

اما من جد موقف !!!...

يعني تخيلي...زوجتي تقلي..((أحمد ربك يا يحيى انهم مانعين الزواج من الخارج!!!!!!!!!!...))

والله قوية:(..

ولا في يوم زوجتي تطلقني:(:(.
واتشرد انا وعيالي في الشارع:D

حسبي الله ونعم الوكيل:D


مشكورة اختي دانه الدنيا علي الموضوع ((لاحظي انا ما قلت انه قديم ابدا ابدا:D ;) ))


تحياتي لك:)

[_eyad_]

هههههههههه . البس الموضوع قريته الف مرة:D :D :D

[ابو الفياصل]

انا انسان اكره التحطيم,

واحب التنشيط من اعضاء المنتدى

وعشانك ضيفه من القسم اللي جنبنا,,

بقول لك جديده,, مع اني اعتبر في هالكلام نصاب مع مرتبة الشرف:D:D

لك تحياتي..

[دانة الدنيا]

لاحظي انا ما قلت انه قديم ابدا ابدا
يعني ايش قصدك :mad:

وهذا وانا متعب نفسي وفتحت الإنترنت ورحت من منتدى الى منتدى

وقعدت ادور واطالع بعيوني الين ما حرقوني من كثر ماانا اطالع وادور

وصرت البس نظارة زي هذا :glasses:

وتكسرت ايديني من كثر ماانا ماسكة المواس واودي يمين ويسار وفوق وتحت

وانعوج ظهري وانا جالسة على هذا الكرسي

وتيبست رجولي من قلة الحركة

بعدين تقولي هذا الكلام :mad:

هيا عقابا لكم ماراح اكتب في الطرائف شيء

وراح انسحب من المنتدى كله :mad:

بس اذا ثبت الموضوع مو بس هذا الموضوع اي موضوع احطه هنا

لمدة 10000000000000000000000 سنة

حتى لوكان قديم ومغبر ومعفن وصارت مدة صلاحيته منتهيه

ذيك الساعة ممكن اغير رأي :glasses: وحده واثقة من نفسها

:glasses: ترا هذا صار شكلي بعد هذا الموضوع

شكلي صرت في خبر كان :D

ها لسه ما حذفتوني

صارت هذي الحركة مع اخواني

قرأت الموضوع عجبني وفطست من الضحك

رحت طبعته وقعدت اقراه على أخواني تعالوا شوفوا الدموع والضحك

والقهقهة والي يطيح من كثر الضحك ومو قادر يتوازن (هذي مبالغة ):D

وبعد هذا كله قالولي قديمة قريناها من قبل

انا احترقت اعصابي وتركتهم :mad:


أحمد ربك يا يحيى انهم مانعين الزواج من الخارج

ههههههههههههههههه
هذي حلوة :D

ولا تقولك ايش هذا كل خلفتك عيال مالت عليك :D

والله ان ماجبت بنت ماتلوم الا نفسك :D

وانت تقعد تفكر طول الليل والنهار على المصيبة هذي :D

خلاص ماراح اكمل صارت قصة

اختكم :D

اسفة قصدي:glasses:
http://lopia.jeeran.com/swalif/dana.png

[دانة الدنيا]

ليش ياناس ليش

اضحكو على عقلي وقولو انها جديدة

اختكم:glasses:

http://lopia.jeeran.com/swalif/dana.png

[دانة الدنيا]

شوفو هذا هو التشجيع

الله يبارك فيك اخي ابو النواصب قصدي النياصب اسفة قصدي الفياصل

ويعطيك العافية

اختكم:glasses: http://lopia.jeeran.com/swalif/dana.png

[ابو الفياصل]

خلاص طيب,, لا تصيحي!!







جديده مرررره توها نازله بالدنيا العالميه:D:D

[دانة الدنيا]

هههههههههههههههههههههههههههههههههههه
:D :D :D
الله يعطيك العافية ابو الفياصل

اختكم :D
:glasses:

[ابو الفياصل]

يا حليلك,,

على نياتك تصدقين على طول:D:D

[دانة الدنيا]

أقول ابو الفواصل:D

كانك قاعد تسبني :mad:

[المبتسم]

عاد تعرفي لازم مشرف القسم يكون صادق
علشان يكون حدوه...قصدي قدوة لبقيه الاعضاء:D

وبالمسبه لابو الفياصل ، ولا يهمك منه ..
دا عبيط...بس قلبه ابيض...((ليش بطيخه صيفي؟..)):D

عموما مرحبا بك في الطرائف ،

وننتظر إبداعاتك المستقبلية<<<< سامحني يا رب :D


تحياتي

[زهرة الكركديه]

فضحتونا :mad:

[دانة الدنيا]

قول آآآآآآآآآآمين

يارب


يارب


يارب يطلعلك كرشة وصلعة :D

اختك:glasses:

http://lopia.jeeran.com/swalif/dana.png

[دانة الدنيا]

ايش فيك معصبة اختي زهرة

اختك:glasses:

http://lopia.jeeran.com/swalif/dana.png

[ابو الفياصل]

اقول دانة الدنيا,,

انا مو قاعد اسب,,
بس ردك لى لوبيز,, كانك قاعده تتكلمين عن الواقع اللي صاير معاه الحين:D:D