الله يستر علينا وعليكم.........

[cruiser2000]

http://www.alshamsi.net/a/hash/hash1.gif


http://www.alshamsi.net/a/hash/hash2.jpg



http://dreamingprincess.jeeran.com/blueflowers.gif


ثلاثـــة .. ثلاثــة بـــس

ثلاثة : أحبهم موت : أبويه وأمي والشيخ زايــد ..

ثلاثة : يسببون الإحباط : الواسطة و الديون والمنتخب الوطني !!

ثلاثة : صعب نتخلى عنهم : الخدامة وصينية العيـــش والرقم المميز !!

ثلاثة : محتاجات واسطة : الجوازات والمرور والعمل والعمال !

ثلاثة : يرفعون الضغط : الملح والكوليسترول وهالة سرحـــــان !!

ثلاثة : أشياء تسبب الغرور : الفيلا والمرسيدس والعقال أبو طربوش ..

ثلاثة : نقول الله يهديهم : بنات السناتر وعيال الشوارع وعبدة الشيطان !

ثلاثة : أتمنى ما أشوفهم : مواطن محتاج وآسيوي مديــر وشاب مواطن ما عنده وظيفة !

ثلاثة : ياكلون في لحوم الناس : الحيوانات المفترسة والبنوك وبعض الهوامير الكبار !

ثلاثة : يسببون أمراض القلب : السيجارة والبشكارة والعيال اللي ما وراهم فايدة !

ثلاثة : ما يخافون الله : قاطع أرزاق الناس وآكل الحرام وعاق والديه !

ثلاثة : فواتيرهم تكسر الظهر : الإتصالات والكهربا والمدارس الخاصة !

ثلاثة : نادراً ما يشتغلون بضمير : المقاول والخدامة والمواطن المستهتر !

ثلاثة : يحبهم الجمهور : عذابة الطاير وعدنان الطلياني وعبدالله بالخير ..

ثلاثة لازم نتخلى عنهم : التبذيـــر والفشخرة والاعتماد على الخدم !

ثلاثة : مشاكل عظيمة تهددنا : غلاء المهور والعنوســـة والتركيبة السكانية ..

ثلاثة : الله يكون في عونهم : أبو البنات والمطلقات ومحدودي الدخل ..

ثلاثة : ما ينامون الليل : المديون والعزابي والمغازلجي !



والسموحة لاني ما حطيت ابتسامات لان صوتي شوي تعبان


مع محبتي
cruiser2000

[ARAE]

ما عليش هارد لك ....:)
حاول مرة أخرى وشكرا..

[سالمين]

الموضوع غني اعن اي تعليق غير كلمت حطيت يدك على جروح كثيرة
في المجتمع:glasses:

[المبتسم]

مشكور اخوي كروز:D

الحمد لله ان الموضوع ما فيه سراسير:rolleyes:



:D

[© MATCHLESS]

رد مقتبس من Lopez
مشكور اخوي كروز:D

الحمد لله ان الموضوع ما فيه سراسير:rolleyes:



:D


انا صرت اظن ان cruiser معاتها صرصور بالانقليزي :rolleyes:

[سالمين]

اثاري الموضوع قديم بس انا اول مره اشوفه ممكن لاني جديد في عالم الحب:confused:

[ARAE]

عبادي:D

[ابو الفياصل]

تنظيم جميل للموضوع,, وموضوع جميل رغم انه مكرر لك تحياتي,,

[F_Ashoor]

لك مني ثلاث تحيات cruiser2000 على هالموضوع الجميل:) :) :)

[cruiser2000]

ARAE

ثانكيو فيري متش:D

salmyn78

اخوي هذا الواقع في حياتنا

Lopez

العفو... خلاص يا عم بلاش لعب عيال ترا نحن سبناها ;)

Matchless
بابا كروزر معناها طراد مش صرصور
الصرصور معناها= cockroach

شو خدمة 14 سنة انجليزي ما تروح بلاش :D
salmyn78

وش عالم الحب انت الثاني انت ويين وانا ويييييييييييين

ARAE
؟؟؟؟؟؟؟؟

ابو الفياصل

واااااااااااااو وت ا بيوتيفول وورد
وت ذ بروبلم اي ثينك ذات اتس ا نيو توبيك

بس تحياتي لك تكفي تشجيعا منك يا بابا فيصل:D

F_Ashoor

اوكيه ادري تبي فلوس خلاص اعطيك منهن بس لا تضيعهن ولا تشتري شي زييييييييييين:D


مع محبتي لكم
cruiser2000

[ابو الفياصل]

ما عليك زود:D

[F_Ashoor]

تآمر طال عمرك