$$ اشتاق لك شعري $$

[عشاق]

اشتاق لك شعري

مو بس أنا مشتاق حتى الشعر مشتاق
وكل المشاعر يا غناتي حيل مشتاقه

باقصى خفوقي لك غلا يهز الأعماق
والنفس لك يا غايتي بالحيل توّاقه

وحشتني والبعد ياهو منك حرّاق
خلاص أنا ما عاد لي في بعدكم طاقه

الله لا يسقي فراقك 00 أصعب فراق
والله يعين منهو حبيبه ينوي فراقه

تعبت أنا يا شوق من صبري والأشواق
ودموع عيني من على الخدين دفاقه

اشتاق لك شعري وخذ لك منه ميثاق
ما يشكي لغيرك حبيبي كل أشواقه

إنت الوحيد اللي سكن في قلب عشّاق
وإنت الوحيد اللي المشاعر فيه منساقه

أرجوك ترجع لي ترى ما عاد ينطاق
بعدك وهجرك 00 والتلاقي مبطي اشراقه


عشّاق

http://qe9ayed.jeeran.com/algowafe.gif

http://xeer.jeeran.com/eshtaqlek_she3ry.wav

[كهرمانة العين]

يابخت الشعر ياعشاق ..:) إذا كل هذا القصيد الزين مكتوب فيه ..:)


سلمت ما خطت يداك .. كلمات راااائعة ..:) كنت أتمنى لو شاركت في المسابقة الرمضانية .. بوحدة من قصايدك الحلوة .. لكن مع الأسف ..:(

[عشاق]

أشكرك اختي على تعقيبك وحضورك الغالي ولكني اختي احببت ان اعطي باقي الأعضاء الفرصه وأيضا انا لا اكتب الشعر في رمضان ولكن هذي مجرد تسخين :D

[هديل الحمام]

رووووعه عشااااااق ما شاء الله ...

وحتى احنا اشتقنا لسمفونيتك الرااائعة سمفونية الشعر العذب :) :)

استمر بالعزف وكلنا آذان صاغية :) :)


هديل الحب <<<<ما يحتاج اكيد حفظتوا الدرس يالله كل واحد يوقف ويسمع ويكرر عاشت هديل المهبد :laugh: :laugh: :laugh: !!!!

[المبتسم]

الله لا يسقي فراقك 00 أصعب فراق
والله يعين منهو حبيبه ينوي فراقه




صورة جماليه أبداعيه أخي العزيز عشاق..

ويا بخت الشعر بيك:)..

تحياتي لك وننتظر جديدك دائما

ل
و
ب
ي
ز

[دانا]

هـــــــــلا عشــــــاق


ما شاء الله عليك مثل ما عودتنا دايما .....

قصيدة رائعة ...وإلى الأمام



تحياتي

[lovely apple]

الله عليك يا ع ش ا ق مادري وش اقول لك

ماشاء اله عليك ...

:)

[عشاق]

أشكرك على حضورك وتعقيبك والروعة اختي هي في متابعتك الكريمه :)

[عشاق]

تسلم حبيبي على هذا الإطراء الجميل وهذا والله بس من ذوقك الراقي :)

[عشاق]

من طول الغيبات اختي :)
اشتقنا لطلاتك اختي
ومشاركاتك التي حرمتنا كثيرا منها وان شاء الله
نراها في المستقبل القريب :)

[عشاق]

هلا بج اختي وهم انتي بعد انا عتبان وايد وايد عليج
عموما 00 أسعدني تعقيبك وان شاء الله ما انحرم
منته ابدا ابدا ابدا يا رب :rolleyes: