لزوم انساك ...... !

[وجد الكتابه]

ينادي صمتي المهموم صَداه ويغافله السّكوت



يشكي لي آهتي يقول ليت قلبٍ ما هواك










أكتبك في دفتري واشتاق اقرا بعالي الصوت



أحطك آخر قصيده وأول طعوني تفداك










عشقت صدى وهمي بنيت في حبك بيوت



رسمت في خاطري ورده وسكنت مرساك










بصمت ابكي وبصمت قرّبَت روحي تموت



عطيتك كل الغلا وكل همي ارضاك










نسجت الشمس من بدري حسبت نجوم ليل تفوت
زعّلت النوم من أجلك وعيني ترتقب مسراك










والهديه طعنة غدر سمعتها بعالي الصوت



تقولي إنسا، اهديك كل الجفا، قلبي نساك










أقول كيف انسا انت الروح وبالقلب منحوت



تمنيت بلحظه ترجع تقول حبيبي ما قدر اسلاك










أناطبعي الهوى لكن يصادفني هواك المفتوت
تسليت تخليت تناسيت وقلت الغدر يفداك










هجرني والقطيعه من واشي ماله غير الصوت



هجرتني طيب اسأل شوف ردي وارجع لدنياك










لكن سعيد أنا بهجرك رميت الذكرى في تابوت



دفنتك ميّتٍ في قبر مدامك هجرتني لزوم أنساك





وجد الكتابه

[كهرمانة العين]

السلام عليكم ورحمه الله وبركاته


أختي وجد الكتابة .. كلمات جميلة ..وحياك الله في سوالف الشعر والأدب .. ونحن ننتظر منك المزيد من المشاركات الحلوة .. ولا تقتصري على الشعر .. أكتبي في كل ما تعرفينه من بحور الأدب .. وفقنا الله وإياك لكل ما يحب ويرضى ..



مع تحياتي:)

[وجد الكتابه]

وعليكم السلام ورحمة الله وبركاته ,,

أهلاً بنت عمي :)

سعيده جداً بهذا التشجيع :)


شكراً لكِ أختـي ودمتي لمحبيك