سوالف للجميع - قــلب ..وروح ..!!

كهرمانة العين

11-11-2002, 02:23 PM

بروحي حبيتك و شفت قربك مناي ..
حبي لطبعك و فاطباعك سموح ..

كنت أفراحي و فـ همي عزاي ..
تمسح دموعي و اتداوي الجروح ..

بعت هالدنيا و صرت انته مناي ..
عطرها حبك و بـ ريحك تفوح ..

فجأة ضاع الحب و ضيعني غلاي ..
فاضت أحزاني و من جرحي أنوح ..

غـيبك جرحـك و لا يفـيدك دواي ..
ماتـت آمالي و لا أقـدر أبوح ..

همت أفكارك تبى تغادر سـماي ..
مالك لجـسمي بلا(قـلب و روح) ..

ليش ضيعنا الهوى و وحدك هواي ..
صدق انا أحبك أمر فوق الوضوح

قصيدة قرأتها في أحد المنتديات فأعجبتني ....أتمنى أن تنال إعجابكم ..

مع تحياتي:)

المجاهد عمر

12-11-2002, 12:38 AM

هذه أول مرة أضع قصيدة من كتاباتي في منتدى سوالف ...ولكن تقديراً
لك ولتواصلك في العديد من مواضيعنا..أهديك وأهدي القسم أول قصيدة
أضعها في سوالف من كتاباتي.....

ما تذكرين الجرح اللي خلقتيه ؟
ما تذكرينه كيف ضاعت سنينه ؟!!
ما تذكرينه كيف جرحي نسيتيه ؟
وإنتي سبب هالجرح وإنتي ضنينه !!
إنتي بريتي الجرح وإنتي فتحتيه...
ويوم إنفتـح لك جـرح تتجاهلينه !!
ياللأسف غاليــك بإيــدك قتلتيـه
بأصدق شعورٍ مات قدام عينه !!
دمع المحاجر بالوفا..خنتي وخذلتيه
ياللي خذلتــي حبنا ودي تجينــه !!
ودي تزورين القبر يوم أندفن فيـــه !!
تبكين حبٍ مات..و تقولين ويـــنـــه ؟
مـــــات الذي يغلـيك..غدرٍ طعنتيه !!
خلى لك اللي فات....زينه وشينــه !!
خلاص أنا ما بيـــك ياللي شريتيــه
روحي خـــلاص أرجــــوك للي تبينه
ما تذكرين الجـــــرح اللي خلقتيه ؟؟
أكـــيــــد صرتي ألحيـــــن تتذكرينه!!

عمـــــــر

كهرمانة العين

12-11-2002, 12:56 AM

السلام عليكم ورحمه الله وبركاته

أخي الفاضل المجاهد عمر ...... شكرا لحضورك وجزاك الله خيرا .... وياهلا ومرحبا فيك في سوالف الشعر والأدب ونحن ننتظر مشاركاتك..الحلوة .....بصراااااحة أنا متفاجأة :) إن المجاهد عمر شاعر

بس مفاجأة حلوة وايد :) ومكسب إلنا في القسم الأدبي ..بصراحة القصيدة الي كتبتها وايد حلوة وبدون مجاملة ...عجبتني...وأتمنى تشارك في المسابقة الرمضانية ....وبالتوفيق إن شاء الله ..أخوي

مع تحياتي:)

عشاق

12-11-2002, 02:41 PM

السلام عليكم :)

لو أكملتي جميلك وأدرجتي إسم الشاعر لكان افضل
ولكن عموما القصيدة جميلة ولكن قصيدة المجاهد عمر أجمل وهذه كلمة حق 00 وتحياتي للجميع :)

ليل المشاعر

12-11-2002, 03:45 PM

ليش ضيعنا الهوى و وحدك هواي ..
صدق انا أحبك أمر فوق الوضوح

صح لسان قائلها

ومشكورة عزيزتي كهرمانة العين على نقلها لنا ....

ليل المشاعر...

كهرمانة العين

18-11-2002, 03:19 PM

الأخوة عشاق ..ليل المشاعر ...شكرا لحضوركما ..:)