$$ متى بتراعي $$

[عشاق]

متى بتراعي


قولي لي متى بتراعي قلب ذايب في هواك
لا يغرك طول صبري لو بعد صبري طويل

قلبي المنسي جفيته وللأسف ياما عطاك
وأنت جازيته بصدك وصرت باحساسك بخيل

رحت عني ما أهمك شوفني ناظر وراك
ناظر حطامك وجسمي صار من ظلمك نحيل

عقب ما كانت حياتي كيف أتودد رضاك
صرت تايه ما أميز 00 ما معي حتى دليل

كنت كل الناس عندي وكنت في عيوني ملاك
لو طلبت حتى عيوني ما أشوفه مستحيل

ليه متغير شعورك 00 ليه متناسي غلاك
يا ترى سبة شعورك لاقي(ن) غيري بديل ؟!

لا تخليني لحالي00 يا بعد عمري أباك
ما تعودت لغيابك يا غلا انسى الرحيل

خلني في وسط قلبك وان رحلت الله معاك
دامني داخل كيانك ودامني بقلبك دخيل



عــشّاق
http://qe9ayed.jeeran.com/algowafe.gif

http://qe9ayed.jeeran.com/meta_btra3y.wav

[كهرمانة العين]

السلام عليكم ورحمه الله وبركاته:


أخي عشاق ....كلمات راااااائعة ..... إحساس معبر ....



مع تحياتي:)

[قتيلتك]

عساك سالم اخوي عشاق
والله ان كل كلمه دخلت قلبي والسبب انك توصف شعوري
انا ما اقدر اوصف اللي فيني وانت وصفته بالضبط
تسلم ....


اختك.... :(

[عشاق]

يسعدني جدا اختي قدومك واتعقيباتك باستمرار وربي لا يحرمني :)

[عشاق]

كلنا اختي في الهوى سوى
مافيه أحد مرتاح :(

[هديل الحمام]

قصيدة رااائعة ومعبرة اخي عشاق :) :)

[عشاق]

تسلمين اختي وهذا من ذوقج وان شاء الله اختي أقدم لكم دائما ما يرضي أذواقكم الراقيه :)

[عذوبة]

قلبي المنسي جفيته وللأسف ياما عطاك
وأنت جازيته بصدك وصرت باحساسك بخيل

كثيره هي القلوب التي تجفى أحبابها .... و كثير هي القلوب التي أعطت و أجزلت عطاءها....

و كثير من بخل علينا بأحلى ممتلكاته ... و هي الاحساس....

تسلم أخوي عشاق....

و سلمت يداك...


تقبل تحيات أختك:


عذوبه:p

[عشاق]

مهما كان الهجر والصد والبعد والجفاء فيظل من نحب
يتحكم بعواطفنا مشاعرنا
ونظل نكن له كل الاشوق والود :)
تحياتي أختي على تفضلك بالتعقيب الكريم :)

[دانا]

الله ... الله ... الله

أبدعت صراحة ............ ما شاء الله عليك .........


تحياتي لك :)

[عشاق]

هلا بك اختي ومن طول الغيبات :)
أشكر لك حضورك أختي واتمنى عدم غيابك مجددا :)