$$ فيه اتباهى $$

[عشاق]

فيه اتباهى


جايني فيه اتباهى يا هناك اليوم فيه
يسعدك ربي حبيبي دام هذا اللي بتاه

كنت متوقع جفاك وطال صبري احتريه
ضاعت أحلامك معاي00 كود تلقاها معاه

روح جرب حب غيري ما تلاقي اللي تبيه
صادق الإحساس عندي وعند غيري منتهاه

أجزم برايك وصمم 00 واللي باعك اشتريه
ومن شراك انساه قبلك حظه العاثر نساه

دوس قلبي ولا تبالي وبسبب ماهو وجيه
ولا تدور عذر واهي اجرحه واكسر دواه

ذر فوق الجرح ملحك 00 ذر واتسلى عليه
اضحك وريّح ضميرك قلبك اتحقق مناه



عــشّاق
http://qe9ayed.jeeran.com/algowafe.gif

http://qe9ayed.jeeran.com/feeh_ettebaha.wav

[جمان]

صح لسانك اخوي عشاق ..

قصيده خطيره ومؤثره :( ..

يعطيك العافيه :)

جمان ..

[عشاق]

مشكوره أختي والله يعافيك وهذا من ذوقك :)

[عذوبة]

روح جرب حب غيري ما تلاقي اللي تبيه....
صادق الاحساس عندي و عند غيري منهاه...

كلمات جميله أخي عشاق...

دائما يبقى احساسك الأروع و الأجمل دائما...

سلمت يداك...

و مزيد من التقدم و الابداع


أختك:




عذوبه

[قتيلتك]

والله ما اقدر اقول غير ماشاااااااااااااااااااااااااالله عليك
اموت واعرف من وين يطلع هالاحساس ممكمن تعلمني ؟؟؟؟؟؟؟

الله يحرسك من العين والله لا يحرمنا من عطااااااااااااااااااااااااااااك


اختك .............;)

[عشاق]

تسلمين اختي على هذا الشعةر الطيب والمشاعر الجياشه والتشجيع الكريم وان شاء الله اختي اكون دائما وابدا عن حسن الظن :)

[عشاق]

أستمد الهامي ومفرداتي من رعوة ودفئ حضوركم الجميل :)
لا خلا ولا عدم ;)