View Full Version : كاميرات الرادار تغطي شوارع الشرقية
نقلاً عن جريدة اليوم السعودية:
تبدأ إدارة مرور المنطقة الشرقية قريباً في كل من الدمام والخبر التطبيق الفعلي لتقنية ضبط مخالفات قطع الإشارة والسرعة عبر كاميرات الرادار المتقدمة.
وأضح ذلك لـ"اليوم" مدير مرور المنطقة الشرقية العقيد راشد العمرو موضحاً أن وجود هذه الكاميرات سيساعد على التقليل من نسبة الحوادث والمخالفات التي يتعمد بعض المتهورين خاصة فيما يتعلق بقطع الإشارات المرورية.
وأكد العمرو أن الكاميرات تخضع لرقابة وحماية من دوريات الأمن والمرور السري تحسباً لتعرضها الى أي خلل نتيجة تصرفات بعض المراهقين الذين يعبثون بالممتلكات العامة.
أبغى أسمع أرائكم وتعليقاتكم على هذا الموضوع.
SL500
30-01-2002, 05:41 PM
والله تمام عليهم...واعتقد انها فكرة ناجحة باذن الله 100%
ياليت انها تعمم على كل مناطق المملكة...
ودمتم;):D
supra se
30-01-2002, 07:30 PM
بصراحه انا شفت الكاميرات قي مكان واحد
موضوعه قي تقاطع التحليه مع السبعين في اتجاه السبعين بس
وهي تلقط ثلاث صور لكل سياره مسرعه او قاطع اشاره
والفكره جيده
وترى هي ازين من يجي عسكري مرور يحرر عليك مخالفة قطع اشاره لانك ماعجبته بس وتلقاها في البرنت ودور حقك وقتها
F-150
30-01-2002, 07:34 PM
صراحه صراحه
وبكل صراحه
والصراحه راحه
مابشرتنا بخير:D :D
ويلووو
30-01-2002, 11:54 PM
ويلييييييييي يعني موضوع الاشارات حلوو ...
بس موضوع كاميرات السرعه :mad: :mad: :mad: :mad: :mad: :mad: :mad: :mad: :mad: :mad: :mad: :mad: زعلني وااااااااااااااااااااجد
tornado
31-01-2002, 05:43 AM
مساكين اهل المنطقة الشرقيه....
راح يتلعوزون من الرادار
مثل مانحن متلعوزين في ابوظبي والمناطق الثانيه وفي الامارات...
ACCORD-V6
31-01-2002, 06:24 PM
الموضوع مطبق في الرياض من فتره
Mr.Zr-1
31-01-2002, 06:55 PM
ليش طيب ياأخي زعلتني :( بصراحه بهدا الموضوع الحزين انا ما اتمنى
انهم يحطو كامرات رادر احنا محنا مفتكين من الحكومه ورجال الدوريات
وبعد يحطون كامرات :mad: :mad: في الشوارع تصدق بالله انهم
كل يوم يعطون مايقارب على عشرت الاف مخالفه يوميات والله
:mad: :mad: وتصدق بعض الذين عندهم مخالفات يسددون ويصدرون
لهم رخض سواقه وتعرف ويش يسون اول ما ياخدون الرخصه طبعا
لازم يكون هناك رقم بطاقه الاحوال المدنيه الا هو هدا 1-0256-2548-1
على سبيل المثال ويقومون ويغيرون الرقم مثلا من 6 بالعربي الي 9
او 2 الي 4 او 1 الي 6 او 9 وهكذا وبعض هدي الارقام متشابهه
في بعض الرخص حقت المواطنين الابرياء ولما يجو ويجددو الاستماره
يفاجأون انهم مخالفين وقوم ويروح الي مدير المرور ولكن دون جدوى والله
للاسف يحطون الوم عليه ومعى دلك يسدد والله ويفوض امره لله
عزوجل وفي النها يه تقبل تحياتي وانشاء الله كل واحد يقرا الموضوع
ويكون حريص كل الحرص وشكرا ...............
احنا في الإمارات نسوق السيارة ونطالع الرصيف ، ما نهتم بالشارع
طبعاً هذا من كثر الرادارات
ويقولون إن أعلى دخل للإمارات بعد البترول .... من مخالفات المرور والرادارات:D
ألأعرابي
01-02-2002, 03:38 PM
في البحرين من زمان عندنا كاميرات فالموضوع ما يؤثر علينا ;)
بس في حركات تقدر تقص عليهم
بعض الناس يغلفون لوحة سياراتهم بكيس نايلون عشان اذا كانت السرعه في الليل لازم يشتغل الفلاش
و بذلك يعكس الفلاش و يصير رقم سيارتك غير واضح
و في نوع من السوائل يرش على اللوحه مثل السبراي
اذا أتاه الضوء يعكسه
يكون شفاف اللون بس لين تسلط عليه الضوء يعكسه
يعني الله يعين الفلاش
لكن متوفر في أمريكا و لا أدري اذا موجود في الخليج
tornado
02-02-2002, 06:35 AM
نفس ماقال لخوي E55 عين على الرصيف وعين على القلب...:D
وازيدك من الشعر بيت طلعو رادار يديد نفس المسدس يمسكه
الشرطي...الله يعينه...الشباب اذا عرفه بصكونه بالعصا على ظهره و
وبيخلونه يتادب....:D :D :D :D :D
أنا مش معترض على تركيب رادارات السرعة لكن أنا خايف من الكاميرات عند الإشارة وأنها تصير مثل ما صارت في البحرين ، بس تصير الإشارة حمرا الكاميرا تبدأ تصور ، عاد أنتو شوف الحوادث اللي تصير عند هذي الإشارة وبتلاقوا الناس توقف بس تصير الإشارة صفرا.
بو دمعة
02-02-2002, 01:26 PM
الرادارات الثابته معروفة اماكنها من ابوظبي الى راس الخيمة يعني عادي
بس الله يعين الشباب من المتحركة ومثل ما قال اخوي E55عيونا على الجزيرة طول الوقت خاصة في الشوارع المعروفة وكل مرة يحطون فيها الرادار
وانتم تلاحظون الشباب قبل وعند وبعد الرادار
قبل الرادار 140"جني" عند الرادار 80"ملاك" بعد الرادار 180"ابليس" :D
وكيف تجي المخالفات على الشباب:eek: :eek: ... تكسر الظهر
اعرف واحد من الشباب عليه 12 رادار في امارة واحدة ثلاثة منها في يوم واحد وغير 7 في امارة ثانية وغيرهم وغيرهم في امارات ثانية لكن مادفع شئ ومسحوها عنه ليش ما بقول:D :D
شباب سمعت ان عجمان وام القيوين يستعملون رادارات ليزر في حد سمع عنها شئ؟؟
شباب في أحد يعرف محل يبيع كاشف الرادار؟؟؟
مشكور أخي NFS على الموضوع ..
وبالنسبة لتعليقي ... ما أقول الا ... " صح النوم "
NFS
اطلب من هذا الموقع
http://www.radardetectorshop.nl
المتطور 2001
03-02-2002, 05:17 PM
الأخ الأعرابي ...
شكرا على المعلومات :D :D :D
المتطور 2001
11-02-2002, 05:42 PM
http://www.alriyadh.com.sa/11-02-2002/images/CART2.jpg
S.T.P
14-02-2002, 01:42 AM
كلام جرايد لاتصدقون. يبون الشعب يخافون ولا عد يسرعون.
على العموم لو كان الكلام صحيح فانه ماراح يطبق الا بعد عشرين سنه من الحين.
:cool: :cool: :cool: :cool: