سوالف للجميع - مني مثل ومنكم مثل....وخلونا نحتفظ بتراثنا

أسيل

20-01-2002, 05:23 PM

يالله كل واحد منكم يكتب مثل
يعجبه اذا ممكن
وانا ببدأ بمجموعة أمثال

* الصيف ضيعت اللبن
* يداك اوكتا وفوك نفخ
*عند جهينة الخبر اليقين
*على هامان يافرعون
*نار بن غنام
انشاء الله تعجبكم الفكره
ورونا همتكم
;) :D

ابو الفياصل

20-01-2002, 05:27 PM

الفكره راائعه..

وامثالك اللي من كتاب الادب اروع..

اممممم.

وانا عندي هالمثل اللي اعتز به كثيراً..

اعمل لدنيا كأنك تعيش ابداً واعمل لآخرتك كانك تموت غداً..

تحياتي لك..

أسيل

20-01-2002, 05:34 PM

تسلم هذا من طيب أصلك
مشكور على المثل اللي مو من كتاب الادب

ابو الفياصل

20-01-2002, 07:10 PM

الله يسلمك..

طيب عطينا مثل انتي او حمكه..

أسيل

20-01-2002, 07:16 PM

غالي والطلب رخيص
بس هذي المره حكمه
*المرء يعجز لامحاله
*رب عجلة تهب ريثاً
*لاجماعة لمن اختلف
كافي ولا تبي زياده ترى انا حاضره وعلى امرك;)

ابو الفياصل

20-01-2002, 07:19 PM

لا انا اضيف..

من سار على الدرب وصل..

من لم يمت بالسيف مات بغيره تعددت الاسباب والموت واحد..

اشوووف ايش عندك؟

أسيل

20-01-2002, 07:23 PM

في جعبتي الكثير
* سبق السيف العدل
* رب اخ لك لم تلده امك
اعجبك!!!!!!!

ابو الفياصل

20-01-2002, 07:27 PM

دامهم نمك كيف ما يعجبوني؟؟

انا عندي هالمثل..

اتقّ شر الحليم إذا غضب.

الصبر مفتاح الفرج

اوكي.. ايش رايك؟

زيزو

20-01-2002, 08:46 PM

ياحليلكم بعد حافظين :) :)

جوال العرب

21-01-2002, 02:09 PM

^1

يقول المثل
((اذا حبيبك حلو طقله هرن ))
وةةةةة وةةةةة وةةةة

مرايا مبعثرة

21-01-2002, 02:28 PM

انا بعطيكم امثال شعبية

ما طال العنب.. قال عنه حامض
يا بخت من نفع واستنفع
اقلب القدرة على فمها .. تطلع البنت لامها
اللي في القدر .. يطلعه الملاس

وما خفي كان اعظم ..... واذا تبون زيادة I'm ready :D

أسيل

21-01-2002, 04:54 PM

ابو الفياصل: تسلم هذا من حسن خلقك
امثال ولا احلى
زيزو: اي شاطرين
بس انت ماعندك مثل تقوله ؟؟؟؟؟؟:confused:
oasis:مشكوره اختي تسلمين
اذ ممكن ;)

ابو الفياصل

21-01-2002, 06:03 PM

الله يبارك فيك..

المثل يقووووول::

ما طير طير وارتفع إلا كما طار وقع..

أسيل

21-01-2002, 06:13 PM

فيك الخير يا راعيها
رب صدفة خير من الف ميعاد
هذا الميدان يا حميدان
الخبر اليوم بفلوس بكره ببلاش

ابو الفياصل

21-01-2002, 06:25 PM

هلالالا أسووووووووله.

قديمك نديمك...

أسيل

21-01-2002, 06:38 PM

هلا
شرايك ؟؟؟
هاك غيرهم
لو تجري جري الوحوش غير رزقك ما تحوش
اصرف ما في الجيب يأتيك ما في الغيب

ابو الفياصل

21-01-2002, 06:50 PM

ما شاء الله..

لو اني منك اشتغلت كتاب أدب :D:D:D:D

مافيه دخان بدون نار..

تعبان

21-01-2002, 07:48 PM

هلا أسيل حلوة الفكرة
وما شاء الله عليش كتاب :
* رمتني بدائها وانسلت
* جارك القريب ولا أخوك البعيد
* بعد ما شاب ودوه عالكتاب
* من تدخل في ما لا يعنيه لقي ما لا يرضيه (هذي حكمة على ما أظن .. يلا مو مشكلة كله واحد )
* واذا جاءتك مذمتني من ناقص فهي الشهادة لي بأني كامل ( هذا حتى ما ادري اذا مثل و لا حكمة )
* الوقت كالسيف ان لم تقطعه قطعك (هذي حكمة)
* رب كلمة سلبت نعمة
* فقد الإخوان غربة
كلام كالعسل وفعل كالأسل

:) :) :) :) :) :) :) :) :) :) :) :) :) :) :) :)

تحياتي

أسيل

21-01-2002, 08:10 PM

ابو الفياصل: على مين طالعه مادري؟
احب الامثال
تعبان: تحلى ايامك
*جاك الموت ياتارك الصلاة
*ماحك ضهرك مثل ضفرك فتول انت كل امرك
حكمه اومثل عادي ما اختلفنا

مرايا مبعثرة

22-01-2002, 01:59 AM

انا واخوي على ولد عمي وانا وولد عمي عالغريب

عصفور باليد خير من عشرة على الشجرة

مد لحافك على قد رجولك

:D :D

ابو الفياصل

22-01-2002, 02:09 AM

والله ما اردي عنك!!

الصراحه مافي جعبتي من الامثال خلصوا.. لكن الوقت اللي ما احتاجهم فيه.. يطلعوون وش كثرهم...

مرايا مبعثرة

22-01-2002, 02:16 AM

عاش العصلة ابو جعبة الخطير :D

أسيل

22-01-2002, 03:06 PM

Oasis: مشكوره على المشاركه اختي
ابو الفياصل: اما انا عندي امثال كثيره منهم
* الرجال مخابر
*الباب اللي يجيك منه ريح سده واستريح
*ابعد عن الشر وغنيله
* تفو عليك حامضه
*وافق شن طبقه
*دهنا في مكبتنا
انتظر المزيد منكم

تعبان

22-01-2002, 08:58 PM

اتذكرت مثلين قلت أقولهم :
* يا داخل بين البصلة وقشرتها ما ينوبك غير ريحتها
* لا تنام بين القبور ولا تشوف منامات وحشة

تحياتي

ابو الفياصل

23-01-2002, 03:31 AM

ايييييه عي شوووووووووووووون يا الخبله...

ولد البدو

23-01-2002, 04:16 AM

مرحبا اسيل موضوعك مره عجيب وعنيف

واسمك وايد حلو

عندى مثل يقول

اذيب جوعان وشبعانه حصاينه

تحياتى لج

ابو الفياصل

23-01-2002, 04:56 AM

هلالالا بولد البدو...
وأسوووووووووووله...

يقووول لكم.

ما فقد الشاة إلا راعيها..

تحياتي لك..

بس عسى يكون المثل اعجبك عنووووووووووووني :D:D?

بنت العين

23-01-2002, 06:05 PM

هلااا اسيل

موضوع حلوووو..

يقول المثل..

يانا قبل الحشر..بعشر..

<<== يعني يوم يفوت الفوت ما ينفع الصوت

و يقولك

-يعروف هب معروف <<== للتحقير

-لا ترمي سهما يعييك رده..و لا تفتح باب يعجزك سده

- راح يدور فايده لقى المصايب زايده

- بغيته لي عون ..صار علي فرعون

- تاكل عند رجلها..و تدعي لمطلجها

- اللي ما يعرف للطير..يشويه

- شدرى الحمير باكل الشعير

- كف صفعني نفعني..و كف سهاني..دهاني..

- زعل بو يعل

<<== عندي الخير..بس اخاف اطول عليكم :D

و لو تبين زياده ابشري...:):)

تحياتي لجـ :)

تعبان

23-01-2002, 10:48 PM

* بو طبيع ما يجوز عن طبعه
* جبناك يا عبدالمعين لتعينا لقيناك يا عبدالمعين تنعان

ابو الفياصل

24-01-2002, 04:27 AM

هلالا بالجميع..

عندي هالمثل.. الرائع

لا صار حبيبك عسل سده واستريح :D:D:!!!!

ههههههههههههههههههههههههه

ابو الفياصل

24-01-2002, 04:28 AM

لالالالالالالالالالالالالا امزح.

هذا مثل..

لا صار حبيبك عسل لا تلحسه كله

وهذا ثاني

الباب اللي يجيك منه الريح سده واستريح..

أسيل

24-01-2002, 12:52 PM

تعبان : مشكور عى الامثال ما قصرت
ابو الفياصل : ما فهمت (عي شوووون ياالخبله ) ممكن تفهمني لو سمحت..... ومشكور على المثال اخي
ولد البدو: مشكور هذا من طيب اصلك..... تحلى ايامك.....ومشكور مره ثانيه على الامثال
بنت العين:مشكوره اختي على الامثال الحلوه.........تحلى ايامك هذا من طيبك

أسيل

24-01-2002, 01:02 PM

مجموعه جديده من الامثال
*العين ما تعلى على الحاجب
* رب ضارة نافعه
*اللبيب من الاشارة يفهم
*اذا طاح الجمل كثرت سجاجينه
*وجنت على نفسها مراقش
*من طق طبله قال انا قبله
*وعاد بخفي حنين
*مصائب قوما عند قوما فوائد
والبقيه في الطريق:cool:

أميرة القمر

24-01-2002, 01:25 PM

هلا اسيل موضوعك جدا حلو

ممممممم

(( راعي السبه يطلع منها والمطمش يطيح فيها ))..

زمثل آخر
(( اميرة القمر مثل المنتخب البحريني يلعبون لعب حلو بس ما في
اهداف وأميرة القمر تدرس وما في نتيجة تبرد القلب :(:())

ما علينا شرايكم بالامثال :)

أسيل

24-01-2002, 01:43 PM

مشكوره اختي انت احلى
امثالك حلوه خاصه المثل الثاني عاجبني مره حالي من حالك
مافي نتيجه تبرد القلب وتثلجه.........اوافقك الراي

أسيل

25-01-2002, 10:07 PM

جاء على بالي كم مثل قلت اكتبهم
*عتيق الصوف ولا جديد البريسم
*هذا الشبل من ذاك الاسد
*من قام عن قرصه احترق
*من سبق لبق
ورونا همتكم عااااااااااد

ابو الفياصل

25-01-2002, 10:24 PM

يعني..

عيل اشلون.

ويا الخبله هذي لحالها..
اوكي؟

خخخخخخخخخخخخخخخخخخخخخخ

أسيل

25-01-2002, 10:27 PM

عي شوووووون) فهمتها
الخبله ؟؟؟ مين تقصد:confused: :confused: :confused:
:confused: :confused: :confused: :confused: :confused:

ابو الفياصل

25-01-2002, 10:38 PM

مو انتي لا تخافين..

الخبله المهبووووله.

الواحه..
اويسز...

أسيل

25-01-2002, 11:20 PM

ماني خايفه
بس ليش خبله انت شايف منها شيء؟؟
:confused:

المبتسم

25-01-2002, 11:26 PM

اهلين اخت اسيل..
مشكوره علي هذا الموضوع القيم واسمحيلي ان
اارك معك...

مثل عربي قديم...

(احشفا وسوء كيل؟..)...

يضرب هذا المثل لمن يجمع بين صفتين ذميمتين...
والحشف هو اردء انواع التمور...
والمقصود هو ان البائع يبيع تمرا سئ النوعيه ومع ذلك
يغش في الميزان...

تحياتي لك..
لوبييز..

ولد البدو

26-01-2002, 06:35 AM

تسلمين اختيه

مثلك الى فوق ما عليه كلام

وهد اعصابك اخوى ابو الفياصل

مع تحيات ولد البدو

ahied

26-01-2002, 12:44 PM

بو طبيع ما ييوز عن طبعه :)

أسيل

26-01-2002, 11:46 PM

لوبيز: هلا ومشمور على المثل والتوضيح
ولد البدو: يسلم غاليك اخويه
عهد: مشكوره على المشاركه عموماً

أسيل

27-01-2002, 09:38 PM

ما يعيب الا المعيوب وما يخر الا المنقوب
اذا كان رب البيت بالدف ضاربا فشيمة اهل البيت كلهم الرقص
يا ماشي بدرب الزلق لا تامن الطيحة;)

أسيل

27-01-2002, 09:40 PM

يا صبر ايوب
ضربني وبكى سبقني واشتكى
الحق الكذاب الى الباب;)

أسيل

27-01-2002, 09:42 PM

اهل مكه ادرى بشعابها
الطويلة تقضي حاجتها والقصيره تنادي جارتها
من شابه اباه فما ظلم
;)

أسيل

27-01-2002, 09:43 PM

من مدح نفسه يباله رفسه
من دق الباب لقى الجواب
اذا كان بيتك من زجاج فلا ترمي الناس بالحجر;)

أسيل

27-01-2002, 09:45 PM

ما ضاع حق وراءه مطالب
عادت حليمه لعادتها القديمه
من صبر ضفر;)

أسيل

27-01-2002, 09:47 PM

اللي يطيع ما يضيع
الجل بلا كرش ما يسوى قرش
التكرار يعلم الشطار;)

أسيل

27-01-2002, 09:48 PM

يالله انتظر المزيد منكم
:eek: :confused: :eek: :confused:
:( :( :( :( :( :( :( :(

ابو الفياصل

28-01-2002, 08:21 PM

أسووووووووووووووووووووله !!

تقولين شايف شي؟!!

مو شي ولا شيين ولا ثلاثه..

أشياااااااء وأشياااااء...

...

المثل يقول..

يا مدور الهيّن ترى الكايد أحلى :D:D:D:D