هدية

[النواسي]

قلادة رازجي

باقي ساعة عن لقانا يا لله يا ساعة افرجي
.. .. .. .. .. .. .. .. من ثلاث أيام ناطر كل دقيقة أعدهــا
انتظاري وانجباري واضطرابي خارجي
.. .. .. .. .. .. .. ..كل من حولي ملاحظ شوقي الزايد لها
طافت الساعة دقيقة .. قلت يمكن ماتجـي
.. .. .. .. .. .. .. ..يمكن أنسى كل كلمة في حياتي قلتهــا
يمكن ارجع في كلامي أو أغير منهجي
.. .. .. .. .. .. .. ..وإلا اعشق وحدة غيرك تحترم ميعادها
شوفي .. سمعيني .. تراني ما احبك تمزجي
.. .. .. .. .. .. .. ..بين ضحكي وبين جدّي وبين شوقي وقتها
يا تحبيني لشخصي وإلا عنّـي فارجـي
.. .. .. .. .. .. .. ..التنازل كلمة صعبة من حياتي شلتهــا
ماني مثل اللي يطاطي وإلا منك يرتجي
.. .. .. .. .. .. .. ..قلبي صخرة صم يابس ما فتحت أبوابها
اسمح تزوريني مرة بس لا .. لا تزعجي
.. .. .. .. .. .. .. ..اكره البنت الجريئة لا تكوني مثلهــا
خلي حروفي شريطة فوق راسك .. توجي
.. .. .. .. .. .. .. ..كل كلمة قلتها لك في الحقيقة عشتهــا
وآنه تايه في خيالي شفت طيف بنفسجي
.. .. .. .. .. .. .. ..يدني صوبي ، هذي هيّه والله هيّه شفتها!
ماني مصدق عيوني .. يا خيالاتي اعرجي
.. .. .. .. .. .. .. ..يمكن احلم وإلا اعلم .. إنها ! أو إنهـا ؟
جت وجابت لي هدية هي قلادة رازجي
.. .. .. .. .. .. .. ..وأركبت كل النوايا وأسدلت رجلينهــا

احمد بوعلاي