View Full Version : تدرون شو قال ..قال بتزوج بنتـيــن !!!!!!!!
غالية
28-11-2001, 09:20 PM
مساء الانوار ...اعزائى اصداقاء سوالف كتبت هذه القصيد النبطية الساخره :) متأثره باموقف حصل لي في الحقيقه......لكن ارجو ان تعجبكم و تحوز على رضاكم :D
تدرون شو قال ..قال احب بنـتيــن
و والله اني مبتـلـــــــش و محتـــار
أنـــا ودي في الـثـنـتـيـــــــــــــن
بــس ما اعـرف منــو اختــــــــــار
كلهــــن زيــنـــاً على زيــــــــــن
و مشعلت في جوفي النـــــــار
لي معهــــن محبـــة سنــيـــــن
و كل وحده لي معها قصه و مشوار !!!
والله انهــن يا غاليـــــة قمرتـــيـــن
من بنات البلاد و لهن عزه و مقدار
ارتجل و قال خلاص بجمع الثنـتيـن
تحت سقف واحد في الــــــــدار
بفلــــع بحصـــــــــاه وحــــده عصفوريــــــن
بحل مشكلة العنوسه و زواج الاجنبيات و الاسفار
قلت له يا ولد الناس لا تلعب على الحبليـن
اركـــــــــد و حــــكم عقــــلك و الافــــــكـــار
انته توك طالع ما كملت اربعه و عشريــن
عيل بالله عليــــك شو خليـت للكبــــار
وانته عندك قلب واحد مب قلـبـــــيــــن
وش لك في و يعة الراس و الاكـــــــدار
انته وايــــن تقدر تعمـــــر بيـتـــيـــــن
انتـه يالله يالله تعـــمــــر اجــــــــدار
قال اتزوج ثنـتيــــن يعني ثنـتيــــــن
وهذي حياتنـــــا و احنا فيها احرار
الشـــــرع حلل و ما حـرم الديــــن
وهذا اللي بسويه لو صار ما صـــار
طيب روح يا خويه و تزوج حرمتين
بنشوف شو بيصير و نسمع الاخبار
غالية نصحتــــك ابنصحن امبـيــــــن
لكن النصيحه ما تـنـفع في الحـــمار :p
و سلامتــــــــــــــــــــكم :D
((غاليــــــــــــــــــــــــــــــة))
فرفوشة
28-11-2001, 09:37 PM
اهلين غالية
حلووووووة مرررررة القصيدة هذي
بس احلى شي :
غالية نصحتــــك ابنصحن امبـيــــــن
لكن النصيحه ما تـنـفع في الحـــمار
وتسلمين
:):):)
حسينكو
28-11-2001, 10:21 PM
مرحبا اختي غالية
حلوة القصيدة
وقلوب هالايام تشيل اكثر من ثنتين :D
اتمنى لك مزيد من التوفيق
حسين
بنت العين
29-11-2001, 12:46 AM
حلووووووووووووووه
عندج موهبه و المفروض تنمينها..:)
خلينا نسمع اليديد..:)
تحياتي لجـ:)
غالية
29-11-2001, 01:36 AM
اهلين اختى فرفوشه ....انتي والله احلى...
اشكراً على الرد و تحيــــــــــــــــــــــاتي لكي :)
غالية
29-11-2001, 01:40 AM
مرحبتين اخوي حسين....و هيه والله قلوب هالايام صارت تشيل كثيرين صارت فنادق مش قلوب لوووووووووول .....((خصوصاً الرجاجيل)) :D
اشكر لك تواصلك ...و تحياتي لك :)
غالية
29-11-2001, 01:46 AM
مرحبتين كبار اختي بنت العين...والله اخجلتني بكلامج...عاد بعدين بصدق عمري :D
مشكوره حبيبتي على الرد و تحياتي لكي :) :)
الأمير
29-11-2001, 01:53 AM
يا سلالالالالالالالالالالالالالالالالالالالالالام
رهيبة أنت ياغالية ...
إسم مستعار جميل ...
وكلام مزيون 100% ...
تحياتي القلبية
غالية
29-11-2001, 02:02 AM
مراحب اخوي الاميـــــــــــر ...أشكرك على الاطراء و اشكر لك الرد
تحيــــــــــــــاتي لك :) :)
حسينكو
29-11-2001, 06:10 PM
مرحبا اختي غالية
ليش الرياييل؟؟
والنسوان على راسهم ريشة
يالله ما عليه الرجال قلوبهم فنادق .. بس خمسة نجوم:p :p
غالية
30-11-2001, 04:41 PM
اهلين حسين ......
لا منو قال النسوان على راسهم ريشه ... في والله بعضهن ما فيهن خير ....اتحصلها تشتغل على كل الموجات GSM ....AM....FM:D
يعني تصير ....حبيبة الكل...
تحيــــــــــاتي لك:)
حسينكو
30-11-2001, 06:11 PM
ما في وحدة تشتغل على موجة FM وبس
حلوة حبيبة الكل ...جؤجؤجؤجؤجؤجؤجؤ الله يخليها لهم كلهم:p :p
غالية
30-11-2001, 08:55 PM
طبعاً فيه على FM ..شغل راديو سيارتك و بتحصلهم
حلوه هاي جؤجؤجؤجؤجؤجؤجؤ ....ما ادري اي نوع من الضحكات ....ههههههههه
:D
تحياتي لك :D
المبتسم
30-11-2001, 09:10 PM
الحين الواحد ماهو لاقي نص بنت علشان يتزوجها...
والاخ يقلي ابغي اتزوج بنتين؟...:mad:
صرلاحه ابغي امووووت من القهر....
تحياتي...:p
غالية
30-11-2001, 10:08 PM
هههههه...حلوه نص بنت ...:D
شفت عاد الطمع ...بو شباب ناوي على الثنتين ...الحب و عمايله ...شو يسوي المسكين يحب :D
تحيـــــــــــــــاتي لك
المبتسم
01-12-2001, 03:25 AM
الحمد لله انه ما قال 4 ولا كنت انا بروووح فيها من القهر..
هههههههه
بس الصراحه الواحد ماهو ملحق علي مصايب حرمه وحده
كيف راح يلحق علي مصايب حرميتن؟؟؟
تحياتي لك...
لوبييز..
غالية
01-12-2001, 07:42 PM
و انته ليش منقهر من الرجال هههههههه.....
الحين الحرمه هالمخلوق الرقيق صارت مصيبه ...عيل انتو شو تصيرون..
روح يا لوبيز الله ان شاء يرزقك مثل ما رزقه و أكثر إن شاء الله لووووووووول :D
تحيــــــــــــــــاتي لك :D :D
المبتسم
01-12-2001, 07:48 PM
اهلين غاليه...
احنا مصايب؟؟
حراااام عليكي...
الشباب قلبهم طيب...لكن كل اللي تسمعيه هذا اشاعات مغرضه:D
وانا عندي الدليل علي ان البنات هم المصايب...
انقري هنا... (http://www.swalif.net/sforum1/showthread.php?s=&threadid=121657)
واذا ما اقتنعتي ...
عندك الموضوع هذا....هو طويل بس يستاهل القرايه...
البنات(تلك المخلوقات العجيبه) (http://www.swalif.net/sforum1/showthread.php?threadid=120637)
حسينكو
01-12-2001, 11:12 PM
مرحبا اختي غالية
جؤجؤجؤجؤجؤجؤج <== هذي جئجئة ولد ام حسين
اللي اهوا انا :D
جئجئة على وزن قهقهة وكركرة:p
غالية
01-12-2001, 11:36 PM
ههههههههههههههههه.......خلاص بعد ما قريت مواضيعك .....خلاص ما اقدر اقول شي...صكتني ....واخوي بعد واقف على راسي ما اقدر ارد عدل .....اهي اهي اهي .......حلوه هاي الكسلوجي ....اضني اخت سيكوووولوجي هههههه......
تحيــــــــــــــــــــــــــــــــــــاتي لك :D
غالية
01-12-2001, 11:40 PM
لالالالالالا....لا تغير السالفه......انته كنت غلطان بالرقم :D.....كنت راد
على سديم....هههههههه....أنا كنت برد عليك بقول لك النمره غلط يا الاخو بس انته سبقـــــــتني جؤجؤجؤجؤجؤجؤ:D :D
المبتسم
01-12-2001, 11:44 PM
ههههههههه
تسلمي والله علي كلامك...وتحياتي لاخوكي الصغير...
بس ليش مارديتي علي الموضوع:(...
علي الاقل نوع من الدعايه:D ...
هههه بس كيف العمليه اللي من غير بنج
هههههههههههههههه
والله حاله....طلعتم منتم هيينين....
تحياتي لك..
لوبييز..
ahied
02-12-2001, 12:36 PM
بس
بو قلبين
كذااااااااب
:p
هههههههههههههههه
يا غالية هذا شكله بو قلبين :D :D :p :p
و تسلمين على هالموضوع المفرفش
غالية
02-12-2001, 11:17 PM
مرحاب لوبيز ,,,,, sorry اتخرت في الرد ....اليوم كنت ووووووايد مشغوله برغم من ان اليوم عندنا إجازه :D
و لايهمك ....فالك طيب بنسووووي لك احلى دعايه و بنرد عليك على الموضوعين....كله عاد و لا مسيـــو لوبيز :D
تحيــــــــــــــــــــــــــــــــــــــــــاتي لك :D
غالية
02-12-2001, 11:21 PM
مرحبتين اختي عهد....طبعاً بو قلبين كذاب...بس هذا صاحبنا اللي فيه القصيده قلبه كبير وايد و يسع كثيرات :p
تحيــــــــــــــــــــــــاتي لك و اشكر لكي تواصلك :)
المبتسم
02-12-2001, 11:24 PM
تسلمي والله كلك ذوق...
انا الحين يمكن اخليكي مندوبه الدعايه حقت شركتنا..
ههههههه
تحياتي...
لوبيييز..
غالية
02-12-2001, 11:26 PM
هلا و الله توته انتي واينج من زمان ما لج شوف ...,و الله لج وحشه :) ....و أنا وايد سعيده بردك...اشكركي
تحيــــــــــــــــــــــــــــــــــــــــــــــــــــاتي لكي :D :D