يا لهوتي عاليجرالي ... يا فشيلتي

[سموحة]

بالامس صار لي حادث مؤسف ....... لا لا يروح تفكيركم بعيد

الحادث مب بالسيارة بل حادث ...........

من الاول

اتصلت فيني صديقتي يوم الجمعة بالليل تبشرني أنها اولدت بالسلامة http://www.swalif.net/sforum1/images/smilies/smile.gif

فوعدتها اني بازورها اليوم الثاني يعني البارحة

المهم قبل لاروح لها المستشفي مريت عند محلات الورد ... لاني من عشاق الورد

وعملت باقة صج كانت روعة في حلاتها لاني دايم لين اسوي باقة اكون عند راس المنسق ودايم حط هذى الوردة مني رفع هذي ومن هذه التعليمات المملة له طبعاً

المهم وانا على طريقتي المعتادة جان فيه مجموعة من النساء يمكن اربع قاعدين يطالعوني

المهم اطلعت الباقة حلوة وايد واهم قاعدين يطالعونها المهم دفعت الحساب ويت باطلع من المحل

جان أول شي الباب كان يابس ففي واحد يبي يطلع قام افتحة لي

ثاني شي واي ما اعرف اشلون بافضح عمرى واقول

ما جفت روحي وإلا انا في الارض ............. http://www.swalif.net/sforum1/images/smilies/confused.gif

يا جماعة زلقت وطحت وما وعيت إلا واحد يقول لي بسم الله بسم الله

جان ما التفت ولا عطيته ويه ولا ادري اشلون رقعت ويهه لانه طلع الريال اللي فتح لي الباب

والحمد لله أن السيارة كانت مشاهدة باب المحل جان اركب ومن فشيلتي ما التفت لا يمين ولا يسار واطلع طوالي على المستشفي ويوم وصلت في البارك قعدت انظف روحي عن الغبار مال الطيحة http://www.swalif.net/sforum1/images/smilies/redface.gif

المهم يا جماعة الخير هذي مب أول طيحة ولا ثاني بل ثالث طيحة معتبرة

أول طيحة كنت بمصر وبصراحة طرت في الجو ثم دبقت اشلون ما اعرف بس الحمد لله كانت بالشقة يعني محد جاف غير الاهل

ثاني طيحة كنت راده من المستشفي وقت الظهر ودار راسي وطحت بالشارع والحمد لله كان زوجي معاي ... غصب عني كنت مريضة

وثالث طيحة البارحة واليوم يدي اتعورني وظهري مكان ظربة درج المحل ايعورني أهي أهي أهي جفتو اشلون ثلاثيتهم

أن شاء الله اتكون الاخيرة .............. أدعو لي عاد

[ثائر]

عسى ما انعفس بوكيه الورد بس ؟؟؟:eek: :eek: :confused:

ايه بفلوس هو هب ببلاش ..هههههههههههه

المهم ..الحمدلله على سلامتج .ولو انه هب باينه السلامه هذي ..
ويلا تكبري و تنسي ...
عاد الطيحات ..يوووووووووووه ما تعديش ...

مرة اخوج العود .. كان في احد السفرات ..داخلين مسجد واحنا مجموعة كبييييييرة انا واخوي ومرت اخوي .,.,,

بالاضافه للزوار ....

المهم ان الباب كان زحمة ...وهو فيه اربع مدري خمس درجات ..
طيب .. انا جدمت وراي مرت اخوي وراها اخوي ..عاد افواج الداخلين ساعه لداخل وساعه لبره ..وجان يجينا ذاك الفوج اول ما وصلت الدرجه الاخيرة ,,وهووووووووووب ..على وراي ..على مرت اخوي ..وهي على زوجها .. واخوي على اللي وراه ..وهكذا ..



عاد ياهو احراج ... تهدرقنا تهدرق ... يا هو احنا فطسنا فشيلة وضحك .....ههههههههههههههههههههههههههههههههههههههه
المسكين اللي كان اخر واحد طحنا عليه كلنا ..
بس الصراحه زين اللي سلمنا بس .. والا لو انج تشوفين الفوج اي فوج الا موج ... عاد الي طيحني ..ريال حامل ولده صغير على جتوفه ..اختل توازنه ,.,.ووين على ثائر المسكين ...بس انا فشيلتي فشيلة والله .. ودي انحشت وما اوري ويهي لحد موليه ..

يلا عدت والله ستر ...

يالله ما تنعاد لا علينا و لا عليج ............
:rolleyes:

[بنت العين]

سلامات..و الله

تعرفين الواحد يوم يتعثر و يطيح لو تعور ما يحس..

يحس اللهم بالاحراج و بعدين لا رجع البيت يحس بالالم...

اذكر مره ...كانوا طالبين من المطعم و كان بالليل..و انا ما كنت ذايقه

شي يعني مدوخه المهم وانا كنت على وشك اني ارقد..بس الين

سمعت الهرن قمت..و ليتني ما قمت..ما حسيت بعمري,,الا و اختيه

تمسكني...طحت..و دخت دوخه...عوذ بالله منها..قعدت عشر دقايق

الين انتبهت...و ما و عيت الا امي و الاهل كلهم فوق راسي,,اختيه

ما قصرت نشرت الخبر...و طبعا احتشرت امي..و قلتلها اللي فيني

كافيني... و من يومها و هي حاشرتني على الاكـــل..:)

سلامات مره ثانيه و الله صج فشله..:)

[سموحة]

هلا بأخوى العود أزيك

لا لتخاف باقة الورد ما صار لها شي لانها طبت في حضني

بس أنا اللي ويهي انقص من الفشيلة ، تمنيت لو اني كنت احلم وطايحة من السرير كان وايد ارحم

وبالنسبة لطيحتك كانت فضيعة ... أتخيل شكلكم

مثل الدومنة إلين يطيحون وحده والبقية تتابع وراها هاهاهاهاها http://www.swalif.net/sforum1/images/smilies/biggrin.gif

بعدين باقول لك سر عن طيحتي






















سر ها لتعلم أحد




























أنا عندى صندل كعبته عاليه أشوي ... ألا أكثر من أشوى بشوي

ومرة قبل لا ألبس العباءة كنت لبسة بانطلون مع هذى الصندل

ودش واحد معانا في القسم وانا كنت قاعدة على كرسي

وقام وضحك فقلت له ليش تضحك أكيد في شي

قال لا ما ني قايل أخاف تهاوشيني

قلت له إلا تقول ........... قال بس كنت قاعد أفكر أي وحده رجل الكرسي واي وحده ارجولج

قلت له قول ما شاء الله لاطيح ......... قال هالطول كعب اعنبوه اشلون تمشين فيه




بس هذى القصة وما صار وستوى وانا يوم اطيح كنت لبسة نفس الصندل ... يعني من عينه بس ما علمته علشان ما يشمت فيني http://www.swalif.net/sforum1/images/smilies/tongue.gif

[سموحة]

هلا بنت العين

أي والله وانت الصادقة يوم الواحد يطيح ما يحس شنو فيه من الفشيلة

مثل يوم طحت يدي ألمتني أول ما طحت بس اليوم ظهري يألمني أكثر شي

بس تدرين ضحكت على روحي ضحك

والله ايسالمك

وانتي بعد حاسبي على روحك أكيد الحين انتي متينة من كثر ما امك حاشرتك بالاكل http://www.swalif.net/sforum1/images/smilies/wink.gif

[بنت العين]

و ين هو المتن :D

يالله عشان ما تلبسين كعـــــب مره ثانيه..انا تصدقين

اكره ما عليه الكعب العالي...يتعب..و لا اعرف امشي فيه..:)

لكن للضروه احكام ;) يعني فالمناسبات..و ما يكون اعلى من

3-4 سم بالكثير..و لاّ بطيح هو انا ناقصه..

=====

ثائـــــــر يا حليلك و الله ...عسى ما تعورت ان شالله

طيحت الدري شنيعه..اذكر مره تخرطفت على الدري

و طحت على الحد...و الله لا يرويك..منيه الفشله

و منيه الالم...قعدت خمس دقايق ما اروم اتنصخ

بس الله ستر بعدين.....

[زهرة الكركديه]

:p
:p
:p
:p

:p
:p
:p
:p

ثائر
:p :p
:p :p
:p :p
:p :p
:p :p

بنت العين:D :D :D