عزّيت قدرك

[حلا]

محتاج لك يا قطرة الماي للعيــن
.. .. .. .. .. .. .. اروي جفافي يكفني منـك هجـران
طال انتظاري والعمر فيه يوميـن
.. .. .. .. .. .. ..يومٍ فقدتك فيـه واليــوم ندمــان
لجلك صبرت وبصبر سنين وسنين
.. .. .. .. .. .. ..حتى ولو قلتي بعد .. بصبر أزمـان
عزّيت قدرك وادري انك تعزّيـن
.. .. .. .. .. .. ..نفسك ، ولا لك غيرها اليـوم خلاّن
آشين نفسي وأظهرك دوم بالزيـن
.. .. .. .. .. .. ..لك شان بوجودي وأنا لك بلا شـان
ألغيت فكري هنت نفسي ولا أهيـن
.. .. .. .. .. .. ..حبك لأني دونه إنسـان تعبـــان
ابكي على فرقاك وادري تعوديـن
.. .. .. .. .. .. ..واشكي ظلامك وادري النور ما حان
قلتي الوصل الاثنين واليوم الاثنين
.. .. .. .. .. .. ..الاثنين عيد وبعـض الأيام أحيــان
رحتي رجعتي بس ما قلتي لي وين
.. .. .. .. .. .. ..أو ليش ..أو كيف الذي كان قد كـان
كل ما طلبت الدّين قلتي لي بعديـن
.. .. .. .. .. .. ..واصبر على البعدين حتى الصخر لان
أوفى وعودك والوعد للوفي ديـن
.. .. .. .. .. .. ..وآنا على هـذا الوعـد عشـت للآن
محتاج لك يا دمعة العيـن للعيـن
.. .. .. .. .. .. ..لوّل ولاخر آنه إنسـان .. إنســان