PDA

View Full Version : عزمت الجرح


حبيبها
27-10-2001, 10:59 PM
على ذكرى فراقك شب في جوفي ثلاث شموع
على عمر الزمان اللي ربط فرقاك بسنينه

عزمت الجرح واحساسي وشيٍ من بقايادموع
وعلى مهلل الملل جا يهدي الذباح سكينه

تجمعنا على الموعد ذبيح وذابح موجوع
وصوت الناعي اللي ضج حزنه في حلاقينه

تجمعنامثل بارح مثل قبل امس قبل اسبوع
ماغير نهيّل الذكرى وكل خانته عينه

على ذكرك تبادلنا نحيبٍ خافت مسموع
بركنٍ تلعب رياح القطيعه في بساتينه

تسامرنا بزفرات تهدّ من الضلوع ضلوع
بليلٍ قيّض الحيله على المسباح ويدينه

ماشدّ من الفراق الا فراقٍ ماوراه رجوع
ولاهدّ من الفراق الا عناق طال بعدينه

وامر المر عمر ما توقا حلمه المقطوع
عليه يعلق انظاره وتقصر عنه يدّينه

خــوى صبر وهــوى كف وتراخـى كوع
وعزم كنت اشد ابه الظهرضيعت ثلثينه

غديت وغصة فراقك مثل نبعٍ جفا الينبوع
لاندّاه السحاب ولا تبرّا من بعض طينه

تخيلتك ورى ضيوفي وقمت بلهفة المفجوع
تقول ان الدما ثارت على السجن وسجاجينه

الين ان النّّفَس عيّا وحار بلجة الموضوع
نسى طفي الشموع ولا تحدر في براكينه

حبيبها
15-11-2002, 06:51 AM
!!

عشاق
15-11-2002, 09:22 PM
أهلا بعودتك اخي الفاضل واتمنى بلأن تبقى بيننا كما عهدناك :)

حبيبها
30-11-2002, 01:16 AM
اهلا بك اخي عشاق ..

اشكر لك امنيتك .. واؤكد لك بانها تشرفني

وكل عام وانتم بخير

عشاق
30-11-2002, 03:42 PM
وانت بخير وصحه وعافيه وتقبل الله صيامكم وقيامكم اخوي :)