View Full Version : اخاف
بنت العين
21-10-2001, 07:57 AM
اخاف من الايام و ما تخفي....و من شقى الوقت و ليعاتي
جني مع شقاي....... منفي....محد درى بقلبي و آهاتي
كل ما السعاده علي تلفي.......تشفق على حالي و طياتي
ما لقيت لي من بيشفي..........جروح القلب......وعلاتي
و اشوف الوقت بعد يضفي........جروح فوق الجرح الفاتي
مسكين قلبي ساهي غافي.......ما درى باللي مقدر و آتي
يكفي يا زمن و كافي.........اللي تحملته من و شقاتي
والحظ لي بعد هب مسعافي.......يعاكس الوقت و ساعاتي
يا ناس وين الحق والانصافي.....من هو اللي عايش شراتي
لجل يحس باللي احسه وخافي...و يرحم و ياخذ مني حياتي
شو رايكم؟؟
الفلفل
21-10-2001, 12:53 PM
حياج الله اختي ..
طبعا القصيدة النبطية طال عمرج فيها عاملين أساسيين كبداية .
وهما الوزن والقافية اللي الكل يتكلم عنهم :)
بالنسبة للوزن عندج شوية كسور رغم إن عندج أبيات كثيرة موزونة ولابد تنتبهين لها أعطيج مثال :
كلمة أخاف في أول بيت تكسر الوزن لأن أخاف في الكتابة العروضية تصير بدايتها فتحة فتحة حسب حركة الألف والخاء ، بينما إنتي عندج الكلمات في بداية الأبيات التالية تبدأ فتحة سكون . وممكن الاستعاضة عن ( أخاف ) بكلمة ( خوفي ) . وهي تؤدي المعنى وتعدل الوزن .
بعدين لازم تنتبهين للقافية .
موضوع القافية مهم جدا ولاحظي إنج في أول خمس أبيات كانت قافية الصدر ( وهو الشطر الأول من البيت ) كانت ( تخفي .. منفي .... ).
ولكن في الأبيات التالية صارت على ( غافي .. كافي ... ) وهي مختلفة عن السابقة .
وطبعا لا يجوز في القصيدة النبطية أن تختلف فيها القافية بهالصورة.
وفيه شغلة ثانية بالنسبة للقافية ، وهو إنج ما تصرفين الكلمة وتحاولني تطوعينها بس عشان تناسب الكلام ، لأن هذا يعتبر غصب الكلمة على اتباعها معنى ما تؤديها مما يضعف المعنى بشكل كبير ... مثل استخدامج لكلمة ( مسعافي ) .
وأخيرا بالنسبة للقافية ، لابد تكون قافية الصدر مختلفة عن قافية العجز ( وهو الشطر الثاني من البيت ) . بمعنى كانت مقبولة القافية في شكلها ( منفي .. آهاتي ) لأن الموسيقى متناسقة .
لكن لما تقولين قافية مثل ( كافي .. شقاتي ) .. تصير الموسيقى غير مستساغة حيث إن كل قافية تمد بالألف مما يصيب المتلقي بالملل والقصيدة بالضعف .
------
نقطة أخيرة وأتمنى تطولين بالج علي :) .. لأن ودي في الفايدة تعم .
في الكتابة لازم تركزين على المعنى .. مش على ملأ الأشطر فقط ..
يعني الحروف مثل الواو والباء لازم ما نحطها بس عشان نعدل الوزن أو نحشي الشطر .. لازم تكون موضوعة بكل يضفي للمعنى ولخدمة الفكرة ، ل أن تكون مجرد حشو .
مثال : ( اللي تحملته من و شاقتي ) .. الواو دخيلة على الشطر .
( ما لقيت لي من بيشفي ) .. الباء هنا زائدة ولا فائدة منها .
وهذا ما تتم ملاحظته إلا بمراجعة الكتابة مرة ومرتين وثلاث .. إلى أن يخرج النص في أفضل شكل وصورة .
تمنياتي لج بالتوفيق .
!! الفلفل !!
بنت العين
21-10-2001, 01:37 PM
صراحه...ردك فرحني...:)
و نقدك فرحني اكثر :)
تبى الصج...مالي فالشعر درب
هي بس محاولات شعريه...
يعني تقدر تقول كلام و مرتب بدون وزن
اللهم قافيه...:)
شكلك عندك اطلاع بالاوزان و العروض
اشكر ردك....يدفعني للامام:)
بنت العين
21-10-2001, 01:53 PM
مثال : ( اللي تحملته من و شاقتي ) .. الواو دخيلة على الشطر .
كنت كاتبه...اللي تحملته من عذاب و شقاتي
بس بعدين جفت انه البيت طويل حذفتها و نسيت الواو
من بيشفي===== اجوفها انسب !! عن من يشفي ...
و انته اعلم و ابخص...تحياتي لك :)
BMW 320i
21-10-2001, 03:33 PM
اي شي يطلع من بنت العين زين شاركينا و ابدعينا عساج عل قوة دوم
اخوج
المشاكس (المشكوس اسم الدلع )
بنت العين
21-10-2001, 03:45 PM
تسلم عالرد..:)
اختك...بنت العين
البحاري
22-10-2001, 06:26 PM
مساء الخير .. بنت العين
أنا بصراحة الشعر النبطي ما يعجبني ..
بس معاني كلماتك أعجبتني .. حاولي تكتبي خواطر :):)
المعاني ... عجبتني ..لكن زي ما قال الاخ فلفل ..
عليج كسور ..وهو ابخص
و من فترة كنت بقول لج زي البحاري اخوي ..
حاولي تكتبن خواطر
فيها تناغم وقوافيه بسيطة بس بدون تقيد
و فيها تقدرين تحلقين في نطاق شاعري اوسع من القصيده
هذي المحاولة زي ما تسمينها ترى تتطور وتكون نخبه
لكن بالتكرار و الاعادة وعدم اليأس
جني مع شقاي....... منفي....محد درى بقلبي و آهاتي
كل ما السعاده علي تلفي.......تشفق على حالي و طياتي
هذولي اكثر بيتين عجبوني ...
حسيت الحروف بتنطق ..من الحزن :( مادري ليش ؟؟
الظاهر انج كاتبتها و انتي تعبانه نفسيا ...!!!
الله يوفقج ..والى الامام سيري :)
اخوج العود ثائر
بنت العين
23-10-2001, 09:21 AM
اوكيه بحاول اكتب خواطر ..:)
تحياتي لك اخوي البحاري :)
ثائر ..
انا صج كاتبتنها نتيجة موقف
يمكن شوي بالغت فالحزن...بس كنت
شوي مضايجه :( لكن الحين برودكم انا احسن :)
تحياتي لك :)
JAMAL.A
23-10-2001, 01:42 PM
يا ناس وين الحق والانصافي.....من هو اللي عايش شراتي
بنت العين
23-10-2001, 02:24 PM
لجل يحس باللي احسه وخافي...و يرحم و ياخذ مني حياتي
:)