View Full Version : شباب مساعدة والله محتار
cruiser2000
12-09-2001, 07:42 PM
شباب انا ناوي اشتري سيارة...سيارة سيارة بمعنى الكلمة لكن
الدنيا مليانه سيارات جديدة ......قديمة ....مستعملة ......
ما اعرف شو اخذ....ابي النصيحة ياعلماء السيارات......
علشان نساعدك ، أنت أكتب الأشياء والمواصفات إللي تبغاها في هذي السيارة ، وأذكر أكبر مبلغ ممكن تدفعه لهذي السيارة.
وأن شاء الله نوفق في أختيار السيارة إللي تناسب أحتاجاتك ومتطلباتك.
وبعد أذكر الأشياء إللي تكرها في السيارة مثل صرفية كبيرة في البنزين أو صغر حجم السيارة من الداخل...........
أفا عليك انته أطلب واتمنى واحنا أخوانك وبنساعدك :)
S2000
13-09-2001, 05:06 AM
شوف حبيبي,,
على افتراض انك بتاخذ يديدة <---- مسلسل عيال بوجاسم ;)
تريد تشتري الجودة والاعتمادية والشكل والاداء "قوة, ثبات, سرعة, تسارع, صرفية...." وروحك بعد :)
غير منتجات هوندا لاتدور ;)
وعموما مستعمل او جديد وبسعر يوازي التجهيزات والمحرك..الياباني هو الافضل "خل بقية الشركات تفرح" :cool:
شرايك تنتظر اكورد 2003 :):)
http://www.thehollywoodextra.com/accord/accord%20front.jpg
L.O CUSTOMS
13-09-2001, 01:29 PM
شف اذا انت بالسعوديه وبالخصوص الرياض لا تاخذ غير الجيوب لأن في الغالب في اي طلب تبيه ما ترد لك طلب هذا رايي الشخصي وبالذات اذا انت كنت تحب التطعيس (مثلي).
وإذا كنت برا الرياض اشتر هونا او بي ام او مرسيدس وغيره انسى ولا تنسى تحط المكسيما في عين الإعتبار
والقائمه تـــــــــــــــــــــــــــــــــطول على كذا ولو تحدد النوع والسعر يكون احـــــــــــــــسن بالتأكيد
كابريس
13-09-2001, 06:23 PM
شوف حبيبي,,
على افتراض انك بتاخذ جديدة <---- مسلسل عيال بوجاسم ;)
تريد تشتري الجودة والاعتمادية والشكل والاداء "قوة, ثبات, سرعة, تسارع, صرفية...." وروحك بعد:)
غير منتجات شفروليه لاتدور
وعموما مستعمل او جديد وبسعر يوازي التجهيزات والمحرك..الأمريكي هو الافضل "خل بقية الشركات تفرح":cool:
شرايك تنتظر كابريس 2003
ايش رأيك يا S2000 ? ;););)
cruiser2000
16-09-2001, 08:22 PM
المواصفات :
-انها تكون كوبيه رياضيه غير استهلاكية للوقوديعني نفس تقريبا مواصفات 230 مرسيدس بي ام زد يعني مثل هالسيارات افكر اخذ مبدئيا.
Ferrari^_^love
16-09-2001, 08:26 PM
اذا تبي سياره كوبيه رياضيه وغير استهلاكيه .. أعتقد انه هوندا أكورد كوبيه هي العنوان المناسب :):)