معاناة طلال

[البراء]

اخواني وأخواتي في الله
السلام عليكم ورحمة الله وبركاته

هذه معاناة زميل في قسم الجوال بشركة الاتصالات السعودية وقد وصلتني عبر الايميل الداخلي للشركة وأترككم مع معاناته التي حكاها بنفسه .


أنا اكتب لكم الآن معاناتي ومدري هو أنا اكتب بالكيبورد
ولا الكيبورد يكتبني
أنا اشتغل في 902 شركة الاتصالات السعودية ..الجوال

في صباح كل يوم مشرق أقوم مصحصح ومبسوووط واضحك
وفرحاااااااان ،،وافطر واروح للعمل
في طريقي للعمل أسوق سيارتي اللي تحتضنه الشوارع
الرياض..اللي مافي أمل تلقى فيها مطب

أوقف عند أول إشارة وأشوف عر بجيه((دينه)) محملة عمال !!ـ
واصيح بأعلى صوتي واااااااو يا الله هنووود
ياحليلهم
واقعد أتأمل هالهنود واحس بمشقة الحياة في وجوههم واحس إن
لذة الحياة في مشقتها وتعبها والسعي وراء لقمة
العيش...!ـ

وعند ماتولع الأشاره خضرا ادوس بنزين بكل هدوء وأوقف عند
الأشاره الثانية واشوف هايلكس اللي يسوقه شايب ومعه
عجوزه وثالثهم تيسهم !!ـ

واجلس اتأمل كيف جار الزمان على هذا الشائب الكبير!!!ـ
واسئل نفسي ياولد تتوقع انك بكرى تكون شايب؟؟!!!ـ
لالالالالالا بسم الله علي
الله ياخذني قبل مااوصل ال 60
المهم اوصل للشركه وادخل للقسم

بعد كذا البس السماعة وانتظر أول اتصال في صباح هذا اليوم
المشرق!!!!ـ

ترن ترن ترن ترن

أنا:الجوال...طلال ال؟؟!!!.....السلام عليكم
هو:لاهلا ولامرحبا انتم يوم انكم تقطعون جوالي
ليييييييه؟؟

أنا:يالله صباح خير..اخوي اكيد ماسددت راجع فاتورتك
هو:الله يفتر عظامك بلا الله يفتر عظامك ياقليل الحيا

ـ((ما اقدر اهاوشه لأن الخط مراقب))ـ

انا:اخوي عطني رقمك اتأكد من فاتورتك

هو:خوى جنمبك بلى خوى جمبك انت ماتعلمني وش تبي برقمي
ياللي ماتستحي؟؟ بعدين كيف ماتعرف رقمي وانامشتريه منكم
بعشرتلاف الله لايحللكم ولايبيحكم..طوط طوط طوط

........................................

الاتصال الثاني صوت ناعم!!ـ

انا:الجوال..طلال الفلاني...السلام عليكم
هي:مرحباا طلال صباح الخير تراني مدرسه بحي ؟؟؟؟
وعندنا بنات من عائلتكم

انا:اختي لوسمحتي وش بغيتي؟؟
هي:بسم الله الرحمن الرحيم اقول يااآخ وش فيك زعلان؟؟

انا:اسف اختي انا ماني زعلان بس عندي اتصالات كثيره
هي: ههههههههه منتب عاقل يارزان مغربي

انا((ميت من الضحك بس مااقدر المكالمه مراقبه)): اوكي
اختي شكرا على اتصالك

طوط طوط طوط

.................................
المكالمه الثالثه ولد فاهم ودمه خفيف

انا:الجوال..طلال الفلاني...السلام عليكم

هو:هلا طلووووو ياعسل باختصار شديد ابي اعمم الجوال انت
عارف الصيف جا ولازم نسافر ولازم نعمم الجوال افرض احد
يبينا منا ولامنا انت عارف

انا:اوكي اخوي معك البطاقه؟؟
هو: يارجال مابينا بطايق دوك الرقم 05440000000

انا:اسف اخوي مااقدر اخدمك الا ببطاقه!!
هو: والله ماهقيتها منك ياطلال...خخخخخخخخ ماهقيت ان
البراقع يفتتني خلاص ابفطر واتصل عليك مره ثانيه عشان
الجوال بسم الوالد ولامعي بطاقته خخخخخخ بعدين تعال
لاتخلي خويك ثقيل الدم يرد علي تراني مادانيه بعيشة الله !!! اسمه
عبدالله الله يجعله مجنون

انا: شكرا اخوي على اتصالك

طوط طوط طوط

...............................
ومره كنت مستلم الورديه باخر الليل واتصل علي واحد شكله
كان سكران وتوه صاحي

انا: الجوال ..طلال الفلاني السلام عليم

هو:آآآآآآآآآآآآآآآوووووووووووووه((يتثاوب)) هلا طلال
متى يذن الفجر؟؟

انا :حلوه ذي؟ يابوالشباب متصل على الجوال عشان تسئل
هالسؤال ؟؟
هو: معليش والله مامعي ساعه ولاابي اتصل على ساعة الهاتف
عشان ماتاخذون ربع ريال!!ـ

انا:الساعه 1:30 شكرا على اتصالك اخوي
.........................
ومره كلمني واحد يسئلني عن نتيجة الهلال والنصر ومن فاز
لأنه كان نايم ولاشاف المباراة!!ـ

والمواقف اللي تصير كثيييييييييييير كثييييييييير
والاحراج اللي يصير من بنات وشباب اكثر واكثر

ولو بنعطي الموضوع ثلاث صفحات ماخلصنا

على فكره ترى القصص كلها صدقيه والله وحاصلتلي شخصيا
بس الحمدلله نقلت من 902


أخوكم في الله البراء
من ضمن الرسائل التي وصلتني عبر الايميل