معاكسات الشنط - اخر صرعات الغزل

[ابو سعود]

اخترع بريطاني يقيم في مقاطعة إيسيكس، حقيبة ملابس ذكية تستطيع أن تنتقل بها من مطار إلى آخر دون أن تلمسها، فلأنها ذكية ومن عائلة محافظة، فإنها تستجيب فقط للأوامر الصادرة عن صاحبها الأصلي، ولكن قاموس هذه الحقيبة محدود فهي تستجيب لكلمتي "تعال" و "قف"، ولكنها مجرد بداية فكما يحدث مع كل اختراع سيتم تطوير هذه الحقيبة لتصبح أكثر ذكاء وتخبر صاحبها عما بداخلها: عندك ثلاثة بنطلونات وأربعة قمصان، والقميص الأزرق معفّن ويحتاج إلى غسيل بماء ساخن، بل سيصبح في مقدورك أن تتونس مع الشنطة أثناء انتظار الطائرات التي لا تأتي في المطارات العربية: إيش رأيك يا شنطة نرجع البيت وبلاش سفر


وتخيلوا بعد تطويرها فتصبح قادرة على الحديث الحالة التي سنراها في المطارات عند ادخالنا لهذه الشنط في سير التفتيش :)

وشنطتك السامسونايت تخز هذيك الشنطه الجلد بطرف عينها وتقول في نفسها"يالله يالقراوه شوف كيف خايفه من الظلام لكن انتي ايش عرفك بالمطارات حدك النقل الجماعي :)

والا شوفوا هذي الشنطه اللي من بقايا الاقمشة صارت تركب طيارات "ما يقا الا هي"
لكن الحق مهو بعليك الحق على صاحبي اللي خلاني اماشي هذي الاشكال

ويمكن يتطور الوضع الى اكثر من ذلك فترا حركات الغزل بين الشنط "السامسونايت" الرجالي وحقائب اليد النسائي ابو ماركة" بريزدنت" واللي ما تطلع الا وهي كاشخه بكل عطور صاحبتها اللي حطتها فيها

وبدل مانشوف الشباب ينجلدون في الفيصلية والراشد نشوف كل اسبوع شنطه تنجلد لانها قاعد تتغزل في شنطه بناتي :)

وينكم ياعرب تعالوا شوفوا الناس ايش قاعده تخترع

المصدر :جريدة الوطن السعودية - مقالة الاستاذ جعفر عباس- بتصرف

[البحاري]

مساء التميز .. أبو سعود

هههههه .. بصراحة مت ضحك وأنا أتخيل الشنط تنجلد :):):)

شطرا لموضوعك الجميل والطريف .. وأنا راح أشتري الشنطة بس على حسابك :):) .. وانتظر موضوعي :):)

تحياتي :)

[ابو سعود]

بس احذرك من الحين ترى الشنط الرويال صايعه وشايفه نفسها فلا تشتري منها خلك على الشنط الالماني لانها محترمه ومن حالها في بالها

اما سالفه على حسابي هذي فكثر منها :)

روح بس اجمع لي القطة خلني اسدد الجوال :)

اقول سويت اللي قلت لك عله البارح والا لا??????(خالد)

تحياتي :)

[البحاري]

مساء الخير .. أبو سعود

خلاص .. تروح معي السوق .. ونشتري الشنطة .. ماعندي خبرة :):)

وموضوعك مانسيته :):) بس القى الرجال أول :):)

[عاشق الريال]

مساء الخير أخ أبو سعود :


موضوع حلو و بصراحة funny


في نفس الوقت ، شكرا لك ،،،

[ابو سعود]

ايه يابحاري صرف
الرجال مالقيته!! وانا احلف انك ما اصطبحت اليوم الا في وجهه
عادي ياخي قول نسيت وخلاص -جل من لا يسهو- :) :)

بعدين موضوع اني انزل معاك السوق فبصراحه اسمح لي اليوم اربعاء وانت عارف الويك اند ومشاكل السوق والزحمه
وبعدين ام سعود محرمه علي السوق في الويك اند

خلها يوم الاثنين احسن :)

=======================

اخوي BRAA

اهلا وسهلا فيك
يسعدني ان ارى حضورك في مواضيعي
لك مني كل التحية والتقدير :)

[taxi]

متى يا ابو سعود نشوف التكاسي مثل الشنطه الى تقول عليها..............كان نرتاح في البيت ونترك التكسي يلفلف في الشوارع...................لحاله..........


على العموم تانكيو يا ابو خدود قصدي ابو سعود

[ابو سعود]

اهلين تكسي

ياني اتمنى اشوف التكسي يلفلف بلحاله في الشوارع

عارف ايش بيسوي فيه????

والا تعرف... بعدين اقول لك اذا لقيتك على المسنجر ;)

[مزاجية2000]

هلا ابوسعود،،،

حلوووووووه الله يسعدك يا شيخ:):)

ضحكتني الشنطة الي خايفة من الظلام... :)

[ابو سعود]

اهلين مزاجية

الله يسعد ايامك ويخليها كلها فرح وسعاده

تحياتي لك :)

[مدردش متقاعد]

^1

موضوع حلو صراحة و طريف جدا.. الله يعطيك العافية عليه:)


ما أتخيل صراحة إني ألاقي شنطة تتكلم.. هالي ناقص صراحة:)

بعدين مين قال إني أستخدم شنط سمسونايت.. أنا دياما ادور أرخص شنطة موجودة في السوق..من النوع الي إذا سافر مرة وحدة و لاقيته سليم تقول الحمدلله.. خصوصا إني من النوع الي إذا سافر.. ما يخلي شي في البيت إلا حطه في الشنطة:)

متى يا ترى بيسون محافظ ذكية.. علشان كل ما الواحد يبرمجها إنها مت تسمح بخروج أكثر من عشرة ريال في اليوم هههههه

تحياتي لك:)

[متخلف]

هلا فيصل :)
اخبارك يا بو الشباب :) :)

موضوع طريف جدا وينفعني بصراحة أنا بس أتمنى أقدر أحصل شنطة لمن أتصل عليها ترد :):)

أقلك إيش السبب

هذا طال عمرك قبل فترة يمكن شهرين كنت في الشرقية وبعد ما خلصت شغلتي هناك رحت الرياض - طيارة طبعا - ونسيت ما آخذ التيكيت حقت العفش

وأوصل الرياض وأنتظر وأنتظر وطبعا المحروسة شنطتي ما وصلت :( :(
أروح لقسم العفش ويقولوا فين التيكيت قلتلهم ما فيه - ما أعطاني ... إلا وأخينا الموظف يعفس لي وجهه ويقول شكلك خليتها عند العسكري :( يتريق حظرته ... المهم سويت بلاغ وأعطاني رقم الملف

ورجعت الديرة وكل يوم اتصال وبعد جهد جهيد .. جتني الشنطة بعد يمكن أسبوع أو أكثر ... وما قصروا يعطيهم العافية

تخيل لو الشنطة تقدر تتصل علي كان طوالي دقت علي جوال وسألتني فينك يا بو الشباب وأعطيها موعد :) :)

بعدين إيش الحكاية أشوفك إنت والبحاري مسوين طبخة من وراي وأنا مو داري .... اعترف يسرعة إيش الحكاية :) :)

تحياتي لك فيصل

[ابو سعود]

بصراحه هذي الشنطه ما تنفع لك عارف ليه
اذا كان شنطتك الطرما الصما تركت وراحت تتسكع في مطارات المملكة وهي ما تعرف وين الله حاطها فما بالك لما تاخض شنطه زي هذي اللي تتكلم وتعرف وين تروح
والله ما تلقاها الا تتصل عليك من ملقا وانت في جده وتقول لك تعال شوف الناس اللي عايشه هنا مهو انت وجده :)

لا والمصيبة تقفل الخط في وجهك لان موعد الاحتفالات في الشانزليزيه قرب :)

من رايي تستلف شنطة البحاري وتجربها اذا ناسبك الوضع روح اشتري وحده :)

بالمناسبه الطبخة اللي مسوينها انا والبحاري شكلها بتحترق ونرميها في القمامة مادام انك الى الحين تسال ايش الطبخه
المفروض البحاري سخنها وقدمها من زمان
وينك يابحاري :( :(