ابوثنيان
26-07-2001, 02:37 AM
هذه القصيدة للشيخ الشاعر/راجح العجمي أحد طلبة العالم الرباني فضيلة الشيخ عبدالعزيز بن باز رحمه الله. أعلم أنها باللغة العاميه وقد لايدرك بعض ابياتها بعض الاخوة ولكن أرجو تأملها.........
((القصيده العصريّه في علاج الامراض العصرية))
ـــــــــــــــــــــــــــــــــــــــــــــــــــــــ
عثا فينا جهاز الدش بث وعرض واستقبــــــــال
محاقين الردى لابارك الله في محاقنــها
بدى وقت الفتن يظهر عسى الله يصلح الاحــــــوال
ولانقدر نقول الا عسى ربي يزينهـــــا
ظهر جيلٍ يشيّب بالرضيع ويذهل العقّــــــــــال
بعض ناسٍ ذكرها المصطفى شفنا عواينها
لقينا الكاسيات العاريات الوصف والاشكــــــال
عليها لبس!!لكن لبسها يبرز مفاتنـها
تميل عن الطريق المستقيم ومن تبعها مــــــال
خبيثة شكل ظاهرها يمثل خبث باطنــها
ترحّلها ابليسٍ وانجلا عنها الحيا وانجـــــــال
ولو قامت تلملم من يصدقها ويامنـها؟
تستر لين تدخل راسها فالمشغل الشغـــــــــال
وعلى الشغال فالمشغل مذارعها تبينها
غدت ماعاد تجفل من عيال الهند والبنقــــــال
تغنج له الين يهز راسه ثم يدينـــها
على ذا الحال يمكن تفتن الصاحي مع البطّـــال
مدام آنها تغنج له وكلمتها تلينــها
تجرد عن لباس المسلمين وتلبس البنـطـــــــال!!
مع قل الحلا تلبس لها لبسٍ يشينــــها
يقولون الرجال إن الفرس في دبرة الخيــــــال
ورىالخايب يخل الخايبه تبرز محاسنها
ولايدّب ولاينصح ولاينظر لها في حـــــــــــــال
يعاملها بهيمه مابها الا يسمنـــــها
وبَعَضهم لو بغى يدّب وينصح زوجته ماحتـــــــال
ولاينكر عليها شيء!!وان زعلت يساكنـها
خذت منه القوامه واصبح الحرمه وهي رجــــــال
تخلي الثوب نصف الساق وثيابه يطمنـها
واذا جا الليل كلٍ راح له سايق وله جـــــوال
اذا من جات ماتلقاه !وان جا مايعيها!
تحدد نسلها تبغى الرشاقه ماتريد عيـــــــال
مع عدوان دين الحق معلنةٍ تضامنـــــها
وظيفتها عساها البعد بين الناس قيل وقــــال
تجيب الهرج وتوديه والفتنه تكوّنــــها
ــــــــــــــــــــــــــــــــــــــــــــــ
ولااعمم لان الخيــــــــر في بعض البشر لازال
وكم مصيونةٍ في بيتها والرب صاينــــها
ولايمكن يضحي بالشرف والدين بنت رجـــــــال
لأن الطيبه يحمي شرفها طيب معدنـــــها
عطاها الرب عقل ودين مافيها جهل وخبـــــال
نتيجة قوة التيار مايخلف توازنـــــها
على زلة بعلها لو يضايقها وسيعة بـــــــال
تحدث فالمحاسن والعلوم القشر تدفنـــها
لها في مهجته منزل وله في قلبها منــــزال
يبادلهاالغلا ماهي بخاينته وخاينـــــها
ـــــــــــــــــــــــــــــــــــــــــ
ولاننسى شباب ابتلن به طيبات الفــــــــال
تبي العفه وستر الحال والداشر يجننــها
نهاره نوم وان جا الليل يسهر في ردى وهبال
واذا جا الفجر جاك يسحب ارجوله مطينــها
من آثار المرض كن في جوفه مرض ســــــــلاّل
ومن التدخين كن شفاه بالنيله ملونــــها
ومنهم من تميّز بالنعومه والظفور طــــوال!!!
وذيك القذله اللي من دهون اخته يدهنـها!!
اذا منه هرج فالمجتمع جات الهروج هـــزال
يدور للرخامه والمراجل مايواطنــــــــها
يضايقه الاذان ويطرب الداشر مع المــــوال
قضى ليله مع الشله وبنت الناس هاينـــــها
ـــــــــــــــــــــــــــــــــــــــــ
ولااعمم لأن المجتمع لازال فيه ابطـــــــال
ترى الدنيا من اهل الطيب ماخليت مخازنــها
ارجالٍ تلتزم نهج الرسول وللحمول جمــــال
ولايخرج حداهم كلمته ياكود وازنـــــــــها
ولاننسى قضية من مسكها لاجل حب المـــــــال
لاجل المال وصلت بنته الخمسين راهنــــــها
يبيع ويشتري فيها كما السلعه مع الــــدلال
يبي ينظر من اللي يدفع اكثر من زباينــــها
تراه هذا ومثله في المجالس عده الفنجـــال
جزى للي علشان الطمع بنته يخزنــــــــــها
اذا جوه رجالٍ طيبين الدين والافعــــــــال
يحولهم على ام الحوش والخاين ملقنـــــــها
تقول ابغى المهر ذاالحين نقد ريال فوق ريال
نبي فوق الميه من غير حاجاتٍ نعينــــــــها
(تحتّه) لين يبقى راس ماله غترةٍ وعقـــــال
يدور للدداسن في المعارض ويتدينــــــــــها
الا واشيب راسي (شاخت) النسوان والانــــذال
ولايعتز جيلٍ شيّخ الحـــــــرمه ومكنــــــــها
ترى ماني بشامت غير ابيّن واضرب الامثــــال
لعل اهل العقـــول الطيبه تــردع مجننـــــها
ــــــــــــــــــــــــــــــــــــــــــــ
ابحاول علاج امراض عصر الدش والاهـــــــوال
وناسٍ ماتبي تسمــــع كلامـــي ماعليّ منــــــها
يقوله واحدٍ يخطي مع التفريط والاهمــــــال
ولكن في رجا الرحمــــــــان لاصعبت يهونــــها
اذا منا هوينا في المقابر والحمول ثقـــال
وبدينا في حياة الاخـــرة واول مساكنـــــــــها
وجا يومن عبوسن قمطرير يشيّّب الطفـــــــال
نهــارٍ فيه ناس يفرحــــــون وناس يحزنـــــــها
ورود النار هذا شي ثابت ماعليه اشكـــــال
ولكن النجاة اللي ترى محــــــــدٍ بضامنـــــها
تسمّع ياوسيع العرف لاتجهل مع الجهـــــــال
ابعــــرض للنصيحه وانت ياجعلك تثمنـــــــــها
تخيّل يوم ينقطع النفس وتضيّع الامــــــــال
ونفسك عن هجوم الموت ماتقـــــــدر تحصنـــــها
ولاينفع ولدك ولاولد عمك ولا ابن الخــــــال
(امسجّى) والمكفن عنــــد جثمــــانك يكفنــــها
الا يالله ياللي بيـــــدك الارزاق والآجــــال
ولاللناس غيرك رب يرحمها ويمّنــــــــــــــــها
تجاوز عن خطايانا اليا من عرضت الاعمــــال
نهارٍ فيه نفس العبد مايجدي تغابنــــــــــــها
عراةٍ ماعلينا لبس وحفاةٍ بدون نعــــــــال
نهارٍ فيه يجمع ظالم الامّه ومحسنـــــــــــــها
ــــــــــــــــــــــــــــــــ
جزى الله الشيخ على القصيده الهادفه كل خير وجزاكم كذلك على ((((طول البــــــــــــــــــــــــال)))
قريباً سأكتب لكم القصيدة التي (وصى الشيخ ابن باز)رحمه الله .
الشيخ راجح أن يقولها في كل مناسبة وفي كل اجتماع ،،،،،،
وهي تخص (((((العقيـــــــــــــدة)))))
وصلى الله على نبينا محمد
((القصيده العصريّه في علاج الامراض العصرية))
ـــــــــــــــــــــــــــــــــــــــــــــــــــــــ
عثا فينا جهاز الدش بث وعرض واستقبــــــــال
محاقين الردى لابارك الله في محاقنــها
بدى وقت الفتن يظهر عسى الله يصلح الاحــــــوال
ولانقدر نقول الا عسى ربي يزينهـــــا
ظهر جيلٍ يشيّب بالرضيع ويذهل العقّــــــــــال
بعض ناسٍ ذكرها المصطفى شفنا عواينها
لقينا الكاسيات العاريات الوصف والاشكــــــال
عليها لبس!!لكن لبسها يبرز مفاتنـها
تميل عن الطريق المستقيم ومن تبعها مــــــال
خبيثة شكل ظاهرها يمثل خبث باطنــها
ترحّلها ابليسٍ وانجلا عنها الحيا وانجـــــــال
ولو قامت تلملم من يصدقها ويامنـها؟
تستر لين تدخل راسها فالمشغل الشغـــــــــال
وعلى الشغال فالمشغل مذارعها تبينها
غدت ماعاد تجفل من عيال الهند والبنقــــــال
تغنج له الين يهز راسه ثم يدينـــها
على ذا الحال يمكن تفتن الصاحي مع البطّـــال
مدام آنها تغنج له وكلمتها تلينــها
تجرد عن لباس المسلمين وتلبس البنـطـــــــال!!
مع قل الحلا تلبس لها لبسٍ يشينــــها
يقولون الرجال إن الفرس في دبرة الخيــــــال
ورىالخايب يخل الخايبه تبرز محاسنها
ولايدّب ولاينصح ولاينظر لها في حـــــــــــــال
يعاملها بهيمه مابها الا يسمنـــــها
وبَعَضهم لو بغى يدّب وينصح زوجته ماحتـــــــال
ولاينكر عليها شيء!!وان زعلت يساكنـها
خذت منه القوامه واصبح الحرمه وهي رجــــــال
تخلي الثوب نصف الساق وثيابه يطمنـها
واذا جا الليل كلٍ راح له سايق وله جـــــوال
اذا من جات ماتلقاه !وان جا مايعيها!
تحدد نسلها تبغى الرشاقه ماتريد عيـــــــال
مع عدوان دين الحق معلنةٍ تضامنـــــها
وظيفتها عساها البعد بين الناس قيل وقــــال
تجيب الهرج وتوديه والفتنه تكوّنــــها
ــــــــــــــــــــــــــــــــــــــــــــــ
ولااعمم لان الخيــــــــر في بعض البشر لازال
وكم مصيونةٍ في بيتها والرب صاينــــها
ولايمكن يضحي بالشرف والدين بنت رجـــــــال
لأن الطيبه يحمي شرفها طيب معدنـــــها
عطاها الرب عقل ودين مافيها جهل وخبـــــال
نتيجة قوة التيار مايخلف توازنـــــها
على زلة بعلها لو يضايقها وسيعة بـــــــال
تحدث فالمحاسن والعلوم القشر تدفنـــها
لها في مهجته منزل وله في قلبها منــــزال
يبادلهاالغلا ماهي بخاينته وخاينـــــها
ـــــــــــــــــــــــــــــــــــــــــ
ولاننسى شباب ابتلن به طيبات الفــــــــال
تبي العفه وستر الحال والداشر يجننــها
نهاره نوم وان جا الليل يسهر في ردى وهبال
واذا جا الفجر جاك يسحب ارجوله مطينــها
من آثار المرض كن في جوفه مرض ســــــــلاّل
ومن التدخين كن شفاه بالنيله ملونــــها
ومنهم من تميّز بالنعومه والظفور طــــوال!!!
وذيك القذله اللي من دهون اخته يدهنـها!!
اذا منه هرج فالمجتمع جات الهروج هـــزال
يدور للرخامه والمراجل مايواطنــــــــها
يضايقه الاذان ويطرب الداشر مع المــــوال
قضى ليله مع الشله وبنت الناس هاينـــــها
ـــــــــــــــــــــــــــــــــــــــــ
ولااعمم لأن المجتمع لازال فيه ابطـــــــال
ترى الدنيا من اهل الطيب ماخليت مخازنــها
ارجالٍ تلتزم نهج الرسول وللحمول جمــــال
ولايخرج حداهم كلمته ياكود وازنـــــــــها
ولاننسى قضية من مسكها لاجل حب المـــــــال
لاجل المال وصلت بنته الخمسين راهنــــــها
يبيع ويشتري فيها كما السلعه مع الــــدلال
يبي ينظر من اللي يدفع اكثر من زباينــــها
تراه هذا ومثله في المجالس عده الفنجـــال
جزى للي علشان الطمع بنته يخزنــــــــــها
اذا جوه رجالٍ طيبين الدين والافعــــــــال
يحولهم على ام الحوش والخاين ملقنـــــــها
تقول ابغى المهر ذاالحين نقد ريال فوق ريال
نبي فوق الميه من غير حاجاتٍ نعينــــــــها
(تحتّه) لين يبقى راس ماله غترةٍ وعقـــــال
يدور للدداسن في المعارض ويتدينــــــــــها
الا واشيب راسي (شاخت) النسوان والانــــذال
ولايعتز جيلٍ شيّخ الحـــــــرمه ومكنــــــــها
ترى ماني بشامت غير ابيّن واضرب الامثــــال
لعل اهل العقـــول الطيبه تــردع مجننـــــها
ــــــــــــــــــــــــــــــــــــــــــــ
ابحاول علاج امراض عصر الدش والاهـــــــوال
وناسٍ ماتبي تسمــــع كلامـــي ماعليّ منــــــها
يقوله واحدٍ يخطي مع التفريط والاهمــــــال
ولكن في رجا الرحمــــــــان لاصعبت يهونــــها
اذا منا هوينا في المقابر والحمول ثقـــال
وبدينا في حياة الاخـــرة واول مساكنـــــــــها
وجا يومن عبوسن قمطرير يشيّّب الطفـــــــال
نهــارٍ فيه ناس يفرحــــــون وناس يحزنـــــــها
ورود النار هذا شي ثابت ماعليه اشكـــــال
ولكن النجاة اللي ترى محــــــــدٍ بضامنـــــها
تسمّع ياوسيع العرف لاتجهل مع الجهـــــــال
ابعــــرض للنصيحه وانت ياجعلك تثمنـــــــــها
تخيّل يوم ينقطع النفس وتضيّع الامــــــــال
ونفسك عن هجوم الموت ماتقـــــــدر تحصنـــــها
ولاينفع ولدك ولاولد عمك ولا ابن الخــــــال
(امسجّى) والمكفن عنــــد جثمــــانك يكفنــــها
الا يالله ياللي بيـــــدك الارزاق والآجــــال
ولاللناس غيرك رب يرحمها ويمّنــــــــــــــــها
تجاوز عن خطايانا اليا من عرضت الاعمــــال
نهارٍ فيه نفس العبد مايجدي تغابنــــــــــــها
عراةٍ ماعلينا لبس وحفاةٍ بدون نعــــــــال
نهارٍ فيه يجمع ظالم الامّه ومحسنـــــــــــــها
ــــــــــــــــــــــــــــــــ
جزى الله الشيخ على القصيده الهادفه كل خير وجزاكم كذلك على ((((طول البــــــــــــــــــــــــال)))
قريباً سأكتب لكم القصيدة التي (وصى الشيخ ابن باز)رحمه الله .
الشيخ راجح أن يقولها في كل مناسبة وفي كل اجتماع ،،،،،،
وهي تخص (((((العقيـــــــــــــدة)))))
وصلى الله على نبينا محمد