كـيـف أقــدر أسـجـل على CD فـاضـي ؟؟

[Miss Internet]

عندي الـ CD writer وأريـد أسجل علية أشياء مهمة مثل برامج أو فايلات كبيرة في الحجم .. الخ

هل أحتاج لبرنامج مثلا ؟؟ ولا لازم أركب شي مثل سواقة الأقراص وهيه اللي اتسجلى البرامج على الـ CD ??

[Miss Internet]

سـاعدوني لو سمحتوا :(

[علي@]

بسم الله الرحمن الرحيم
يااخوي Miss Internet ولا مااعرف والله كريم ولاتنسى رشح ابداع دبي
http://www.dubaiart.com
مع تحياتي علي@

[E55]

كل CD writer يجي معاه برنامج
إما Nero أو Adaptec cd creator
وتقدر تستخدم أي واحد منهم
أول ما تشغل ، البرنامج بيسألك كم سؤال
مثل نوع الملفات اللي بتخزنها على السي دي ، ملفات صوتية أو DATA
اتبع الخطوات لحد ما تتبطل عندك شاشة مثل شاشة winfile
حدد الملفات اللي تبي تنسخها
record
وخلاص

[Miss Internet]

أشتريت CD عـادي مثل أي CD بس انة يقبل اني اسجل عليه يعني مثل ماتشترون الفلوبيات ما كنت أدري انه يباله برنامج

والسؤال هو
مـا أقـدر ألقى هالبرنامج في موقع على الانترنت ؟؟

وتعـالــوا شــو هذا اللي أشـوفة !!
الاحظ انكم اتكلموني على اني ولد !!

ليش ما اتعرفون اني بنية .. !!

[E55]

موقع ومضات
فيه قسم خاص لبرامج النسخ على السي دي
برنامج Nero 5 موجود هناك
وهو نفس البرنامج اللي أستخدمه، سهل وممتاز
لكن مب مثل Adaptec اللي أعتبره رائع لكن للأسف ما قدرت أحصل
آخر إصدار لهالبرنامج

[Miss Internet]

سويت للبرنامج Download والحمدالله اشتغل وكل شي تمام
بس
آه من بس هذي :(
يوم أريد أحط البرامج أو الفايلات اللي أباها في الـ CD الفاضي تتطلعلي اشارة تفيد بان الـ CD غير موجود :(

http://moodygirl.homestead.com/files/CD2.gif

مع ان الـ CD الفاضي مـوجـــود !!
علما اني أستخدم سواقة الأقراص العادية اللي أشغل من خلالها أي CD عأدي
يمكن هذي هي المشكلة !!
يمكن كان لازم أحط جهاز معين بالكمبيوتر

[Miss Internet]

يمكن لازم اييب مثل هذي عشان أسجل اللي أباه على الـ CD :(

http://www.plextor.be/english/images/products/pxw121032bis.gif


http://www.plextor.be/english/products/pxw121032.html

[E55]

أختي

ممكن اعرف نوع السي دي رايتر اللي عندك

لأن الرسالة هذي غريبة وأول مرة أشوفها

يمكن عندك Hardware problem مب سوفت وير

أما بالنسبة للسي دي رايتر اللي حاطه صورته

كل السي دي الفاضي اللي متوفر عندنا ما يتحمل النسخ لأكثر من سرعة 8X ولعلمك ، كل ما زادت السرعة

زادت نسبة النسخ الخاطيء

[Miss Internet]

الأخ E55 .. بغيت أسألك انت اتحط السيدي رايتر في (سواقة الأقراص) العادية ولا تستخدم جهاز مثل هذي الصورة اللي فوق ؟؟

أنا يوم أحط السيدي رايتر اسمع صوت يدل انه ما يشتغل
يدور و يوقف :(

للعلم نوع السيدي (سواقة الأقراص) اللي عندي هو 32x Max

فهل الغلط من سرعة الـ 32x ??

وانت متأكد من ملاحظتك الأخيرة ؟؟
مجلة الـ PC Magazine تنصح بهذا المنتج , ووايد تمدحة .. !!

[نعناعة]

يمكن لأنها إشترت السي دي رايتر بدون سي دي إنستوليشن .... الجهاز ماإتعرف على

الدرايف الجديد ....

أنا أستعمل الأدابتيك وماشاء الله ناجح معي إلا بسالفة الأوديو :(

[superman]

اختى Miss Internet
يجب ان تشنرى جهاز مثل الذى فى الصورة
لا ينفع ال CD-ROM العادى

[جواد الليل]

يا اخوان
الأخت عندها CD-ROM عادي ‍.
ما عندها CD-WRITER
-------------------------
هناك فرق اختي العزيزة : الأول يقرأ فقط , والثاني يسجل .

[E55]

وأنا يالس أشرح من الصبح
وفي الأخير طلع ما عندك الدرايف :(:(

[نعناعة]

بس هي قالت إشترت سي دي رايتر !!

طيب ممكن تساعدوني ؟!؟!؟

أنا عندي سي دي رايتر خارجي .. وإستعملته كذا مرة ونسخت عليه ملفات

لكن هالمرة حبيت أنسخ عليه ملفات ويف على أساس إنه يحولهن لملفات أوديو

ومشى كل شيي معي تمام وإخترت الأغاني و و و و أخر شي طلعت لي رسالة تقول

إنه لازم يكون فيه temp space مقداره كذا وإن التيمب سبيس عندس مقداره كذا ( أقل من المطلوب )

رحت ولغيت كذا ملف لكن الرسالة مستمرة ..


هو بالعادة كم ملف صوتي يتحمل السي دي ؟

[E55]

أول ما تشغل البرنامج يسألك سؤال عن نوع الملفات اللي بتنسخها

في هالحالة لازم تختار Audio CD ولا تختار Data CD .

أعتقد إن هذا هو حل المشكلة وإذا كنت فاهم غلط إشرحلي :)

[المرشد]

السلام عليكم

السيدي الواحد يقدر ياخذ 650 ميغا ... بغض النظر عن عدد ملفات الصوت ...أو انه ياخذ 74 دقيقة ....بغض النظر عن حجم الملف او عدد الملفات ...يعني مثل ضمان السيارة...
60000 كيلو أو سنتين .... الضمان يخلص على الي يوصل قبل....:)

فهمتي..:)

هذا الي اعرفه و سلامتكم..:)

الاخت انسة الانترنت ....
لازم تشترين درايف ثاني اسمه سي دي رايتر ..مثل الي فوق..بس هذا سريع و ماعتقد تحصلينه عندنا.......

الاسعار تختلف ...تتراوح من 575...هذا منقرض...بس يمكن تحصلينه ..بطيء نوعا ما

وفوق الالف ..... يعني كل ما زادت سرعته زاد سعره ....

[Miss Internet]

أنا حاولت أفهمك انة عندي سيدي روم عادي بس ما قدرت أشرحلك فقلت سواقة الأقراص ( متأثرة بكلام المجلات )

على العموم شكرا لانك حاولت اتساعدني .. وآسفة في نفس الوقت http://www.swalif.net/sforum/images/icons/icon10.gif

[Miss Internet]

[Miss Internet]

للأسف كلامكم صح
أنا عندي سيدي روم عـادي .. بس انا كان ودي في برنامح يعرف السيدي روم العادي الى سيدي رايتر :(

شكرا لملاحظاتكم

[Miss Internet]

أنا اشتريت CD-R بس
ما اشتريت الجهاز

سرت عند المحل وقلتلهم أبى CD رايتر
CD-R ===> سي دي قابل للتسجيل عليه( يعني سي دي فاضي )

:)

هذا اللي أحـاول أشرحـه من الصبح :)

[Miss Internet]

وعليكم السلام والرحمة

أخــوي ممكن اتقولي شو أحسن نوع للسيدي رايتر عندنا في الامـارات أو في الخليج بصفة عامة ؟؟

وشكرا :)

[المرشد]

الانواع تختلف....بتكلم عن نفسي...


اولا قبل كل شي ... السي دي روم العادي ما يقدر ينسخ او يطبع المعلومات على السي دي ... اصلا مب مؤهل لهذا الشي..ولا ماكانوا شووا شي اسمه سي دي رايتر..:) المسألة مب مسألة برامج المسألة مسألة مبدأ ... ( وين رحت انا ...:):):):) هههه) المسأله مسألة هارد وير..:)



عموما...نرجع للموضوع...:)


انا عندي سي دي ري رايتر... لاحظي..ري رايتر.. وهذا الموجود غالبا في السوق.. يعني يكتب.. و يعيد الكتابة... يقدر يمسح يعني... لان الرايتر.. و هذا ماتحصلينه الحين تقريبا في السوق..يقدر يكتب... ينسخ ... اغاني..افلام.. الخ .. بس الري رايتر.. يستخدم عادة .. للمعلومات او الداتا ..يعني ملفات وورد .. او اي شي..تقدرين تعدلين في السي دي ... تحطين ملف تشيلين ملف... يعني مثل الفلوبي دسك بس..حجمه 650 ميغا بايت ..:)

السي دي رايتر..بس يكتب..ما تقدرين تمسحين شي...:) فهمتي الفرق؟؟..:)

طيب..:) الي عندي هو
Hp CD-WR
4X4X24

يعني سرعه الكتابة... 4
سرعه اعادة الكتابة ...4 و سرعه القراءة 24
انتي السي دي روم مالج سرعه القراءة 32 ..:) مايكتب و لا يعيد الكتابة..:)


تعتبر هذه السرعه...مالي يعني..ز بطيئة بالنسبة للجديد الموجود حاليا... بس تؤدي الغرض باكمل وجه... لين الحين ماشفت فيه عيوب ولا مشاكل الا سالفة نسخ الاغاني.. مادري كيف ماروم اسويها اخر شي تطلعلي مسج.. المهم ماعلينا
بشكل عام هو تقريبا الافضل...

بهذه اسرعه تقدرين تنسخين 650 ميغا في 18 دقيقة بس...

سعره 685 درهم..في الوقت الي اشتريته ..يمكن ما تحصلينه الحين...

يعني كل يوم تحصلين شي اسرع ...

المهم اذا بغيتي تاخذين ..خذي شي سريع ...بس مب طيارة..يعني لا تاخذين 12...:) هذا سريع و مثل ما قال اي خمسة و خمسين ... احتمال الخطأ اكبر..:)

و ماعندنا سيدي هات تقدر تستقبل سرعه 12 للكتابة...8 هو المتواجد.. مادري ان نزل ال10



هذا هو تحليلي بشكل عام
اذا عندج اي سؤال تراني حاضر..:)

[Miss Internet]

يعني ما ينفع السيدي رايتر ( من دون الري ) في نسخ الملفات الكبيرة كالأوفيس مثلا ؟؟ أو فايلات من الانترنت من دون ما امسحها من السيدي مرة ثانية أو اتحكم في الفايلات اللي على السيدي
بس المهم اني اسجل علية ..

أنا أكثر شي أنسخة صفحات من الانترنت فيها معلومات مفيدة فانسخها مع الصور

وشكرا :)

[نعناعة]

وش رايكم نوضّح شوي المسميّات ... لأنها هي الل مسببة سوء الفهم

سي دي (رايتر) هو الجهاز نفسه
CD Writer

القرص نفسه CD-R
سي دي ري رايتبل CD-RW

:D هذا للتوضيح بس :D

المهم

أخوي E55 يس لما يسأني أختار Audio CD واتبع الخطوات اللي يقولها الويزارد ..

وأختار من ملفات الويف اللي أبيها ... وأضغط أدد ناو..ولما أخلص اضغط نيكست

ويطلب منّي إني أحط إسم للقرص ... إلى أخر خطوة ... بعدين يقول لي

الـtemp spase المطلوب أكثر من اللي تركته

وأعيد الخطوات وأقلل عدد الملفات ونفس الشي !!

أخوي المرشد يس هذا أعرفه .. والملفات اللي إخترتها حاولت إنها ماتوصل لسعة القرص الكاملة

على فكرة أنا أستعمل HP CD-Writer Plus خارجي .. بس حلو مررررة

إضغطوا على الوصلة تحت وزورزا الصفحة الخاصة فيه:D

CD-Writer Plus (http://www.hp.com/go/cdr)

[E55]

الأخت نعناعة
ممكن أعرف إسم البرنامج اللي تستخدمينه ؟
أعتقد إن المشكلة في Setting البرنامج نفسه
"ماأعرف معنى الكلمة بالعربي":)

[E55]

توضيح
سؤالي هذا ، لأن في بعض البرامج تنسخ الملفات للهارد ديسك
وبعدين تنقله للسي دي عن طريق الدرايف

[نعناعة]

ADAPTEC Easy CD Creator