View Full Version : ياشباب واحد من أخوياي يبي يطلع مرسيدس وش تنصحونه
Reckless2008
29-06-2001, 06:56 PM
ياشباب واحد من أخوياي يبي يطلع مرسيدس جديدة بس يبي بسألك عم الموديلات كافة وهل جميعها موجودة بالسعودية وعطوه موديل جميلة وقوية وسعرها معقول ولكم تحياتي وإذا كنتم ترون هناك سيارة أفضل من المرسيدس فأدلوا برأيكم وThanks وإلا علشان المقاطعة وشكراً
IMPALA SS '96
29-06-2001, 07:07 PM
لو تحدد كم ممكن يدفع صاحبك.......لأن الموديل يعتمد على كم سيدفع.............
و أنا نا أنصحه أن لا ياخذ مرسيدس إلا إن كان من عشاق السيارة......
ياخذ لكزس GS300 أرخص وأصرف و مع جونا البارد..:):)....مافي زي الياباني....
لأنه من دحين خلي يحط في باله إنه أسوأ أنواع المرسيدس لن يقل عن 100000ريال إلا إن قرر شراء A-CLASS "اللي بحجم الدايوو ماتيز" فسيدفع حينها بحدود 80000ريال
نصيحتي بإختصار إذا ما كان صاحبك مليان والفلوس سايبه في يده أحسن له إنه يبعد عن المرسيدس.......
و بالتوفيق والله ييسر له ما فيه الخير........
البعير
29-06-2001, 09:52 PM
والباقي...!
ألأعرابي
29-06-2001, 10:09 PM
اذا ناوي على السرعه يجرب جي اس 430 لكسز (لا اعتقد موجود في الخليج)
او اللكسز 430 مافي افخم و سعر معقول بالنسبه لمزاياه
اما اذا ناوي على مرسيدس و ما يبي يدفع سعر ال س كلاس
انصحه بال e كلاس
و اذا مايحب ال6 سلندر و يبي سرعه ياخذ e420 على ما اعتقد 8 سلندر سريع , يقولون يقبض مع س500 لخفة وزن هذه الفئه
و اعتقد سعره يقارب ال 20,000 الف دينار بحريني (زيدها صفر تصير ريال)
البعير
29-06-2001, 10:40 PM
تنصح الرجال بشي بيتغير شكله في الشهور أو السنوات القادمة:)
وهي الـE كلاس...
ـــــــــــــــــ
وانت يا أخوي IMPALA SS '96:)
تنصحه باللكزس...أنا الصراحة أحب اللكزس وعلى راسي من فوق...لكن؟
(((من وجهة نظري)))
أنه مافي أي نوع اللكزس يسوى أنه الواحد يشتريه...بس الـ430 والفورويل هو اللي الواحد يكون مقتنع عند شرائها...والباقي سلم عليه بس لأنه البقية من السيارات في اللكزس أنا أعتبر أنه منافسينها كثار ويتفوقون عليها بمرااااحل شاسعة من ناحية التجهيزات سواء الداخلية في السيارة أو الأنظمة اللي في السيارة...فعندك مثلاً...المرسيدس أفضل من اللكزس(اللكزس الصغيرة والجي إس)...والأودي...والأوبل...وغيرها من السيارات أفضل من اللكزس...لأنه اللي بيشتري لكزس أنا أشوف أفضل شي هو الـ430 و الفورويل...بس(وجهة نظر)
المنتهي
29-06-2001, 11:33 PM
ما خذين مقلب مع المرسيد المرسيد أرخص سيارة شفتها بحياتي
بمثل موصفاتها طبعاً أقول اللي يبي يشتري مرسيد يستشيرني أول ترو الفياقرا 99 بأسعار خياله ولمتد كمان بس لا يطلبني بمديل السنه لأنه راح يدخلها من ألمانيا بسعرها العادي اللي في السعوديه وهذا عقد بين السعوديه والجفالي........
الأسعار :
مرسيدس 99 فياقرا 90000 تسعين ألف ريال سعودي
فيه وحده عندي لمتد بس من غير فتحه 97 80000 ثمانين ألف ريال سعودي 600
يعين الأسعار ما تصدق ....... واللي راح المانيا راح يشاركني بالتفكير
والسوق الحره بعماااااان تشهد ومعارض أعرفها تشوف الأسعار
لو تعرفون وين يبعون المرسيدس وكم يزودون عليه ما تصدقون!!
audiTT
30-06-2001, 12:10 AM
المنتهي
لوسمحت ابي الماسنحر حقك للضروره لوسمحت
وانصحك اخوي بلمرسيدسs320
وافضل لكزس 430
ألأعرابي
30-06-2001, 01:55 AM
عيل خل اخوك ينطر كم سنه عشان الموديل الجديد
انا بعد انصح ب س500 الموديل اللي قبل الجديد
اذا سعره نازل
لن الموديلات تلك اعتمادي كما تعرفون
Ferrari^_^love
01-07-2001, 12:38 AM
أنا أقول مرسيدس وبس ..... واذا تبي تاخذ مرسيدس .... فال C-Class سياره رائعه وقويه وجميله .... واذا كنت تبي تنطر الى السنه الجايه فان ال E-Class راح اتكون جميله ورائعه لان الشكل الجديد جميل
البعير
01-07-2001, 02:48 AM
يقال أنه هذا هو الشكل الجديد...
http://www.jimmy540i.com/newe.jpg
http://www.m-benz.com/future/i/e03.jpg
ــــــــــــــــــــــــــــــــــــــــــــــــ
والشكل القديم معرووووف:)
http://carpoint.msn.com/merismus/Gallery/c437634a.jpg
http://carpoint.msn.com/merismus/Gallery/c438664a.jpg
IMPALA SS '96
01-07-2001, 04:53 AM
يا سيدي البعير وجهة نظري كانت حول المحور:
ما الذي تحصل عليه مقابل ما تدفع
أسعار المرسيدس غالية بشكل فاحش ......... وجزء كبير من السعر يذهب عشان خاطر عيون النجمة الثلاثية.......
أنا من الناس الذين لا يؤمنون بالمبدأ الدايخ الذي يقول بالمبالغة في السعر عشان العراقة وإسم الماركة......
نعم الماركة تستحق الإحترام ولكن بالقدر المعقول....
وبعدين لا تنسى سؤالي له في الرسالة كم سيدفع صاحبك؟؟؟؟
لأنه السؤال الذي ينبغي أن نبني عليه ردودنا حول هذا الموضوع...
لاحد يقول إنه بنفس السعر يمكنك أن تحصل على سيارة من مرسيدس أحسن من لكزس........أأكد على مسألة من نفس السعر........
أعيد.......
نصيحتي بإختصار إذا ما كان صاحبك مليان والفلوس سايبه في يده أحسن له إنه يبعد عن المرسيدس.......
وكلام المنتهي زميلي ممتاز وحلو..... خليه يروح ياخذ وحده من ألمانيا ويطلع لومينا أس أس بباقي الفلوس..:):):)
تحياتي لبعيرنا الفاضل:):):)
ولزميلي المنتهي....
ولجميع الأخوة المشاركين....
أترك لكم المايكرفون.........:):):):):)
أنا مع الأخ IMPALA SS '96 في كل كلمة قالها ...
فيه فلوس --------------------> مرسيدس بنز .
ما في فلوس -------------------> أوبل أوميغا فل أوبشن .
Reckless2008
02-07-2001, 01:10 AM
مشكورين على الردود
وبالنسبة للرجال يقول ممكن يدفع إلى 120.000
ألأعرابي
02-07-2001, 08:30 AM
عيل شكله أوبل فل اوبشن
البعير
02-07-2001, 01:34 PM
وأعتقد أنه الأوبل أفضل شي بالنسبة له...لآنه اللكزس ما في أي فايدة بـ120,000 ولا المرسيدس لأنه أعتقد الفئة (C) الفل أوبشن تجي تقريباً بـ138,000 فأفضل شي له هو الأوبل...(ولعى فكرة,أنا من أول كنت بقول الأوبل...بس خايف والله أنكم تقولون هذا شفيه على الأوبل...لأنه الصراحة في مواضيعي السابقة تقريباً قبل أكثر من أسبوع كنت أتكلم عن الأوبل وأقووول أنه كلامي من واقع التجربة وليس من الهواء:))
والصراحة الأوبل فيه كل المواصفات اللي الواحد يتمنى أنها تكون في سيارته(وأقول أنها سيارة ما عليها أي كلام للآن)...ومنها...
ــــــــــــــــــ(بعض المواصفات الموجودة في هذي السيارة اللي قيمتها أفضل من الماكسيما بألف مرة...تقريباً 80,000(للفل أوبشن)
(وجودة ألمانية لا تقدر بثمــــــــــــــــــــــــــــــــن)
تليفون يتحكم فيه من السكان(الدركسون),ستارة خلفيه يتحكم فيها أوتوماتيكياً من الطبلون,مسجل من نظام بوز المشهور تقريباً بعشر أو ثمانية سماعات,
جيوب في كل أبواب السيارة لتخزين الحاجيات الصغيرة,جناح وتزويد
يأتي من الشركة مع نظام اكزوزت متكامل يزيد من قوة الأحصنة مع زوايد أمامية وخلفية(هذا في حالة عند الطلب),أربع لمبات صغيرة في السقف يمكنها أن تنير السيارة بالكامل,مكيف هواء خلفي يمكن التحكم فيه,مقاعد جلد يمكنك أن تختار أي لون يعجبك من الألوان الموجودة في الشركة(واللي هي أربع ألوان),نظام الزينون(لمبات إنارة بيضاْ)والنظام الخلفي من اللمبات المعروف في الـBMWوالمرسيدس...وهي الكشافات الخلفية...(وما خفي أعظم من هذه المواصفا الرائعة)
ــــــــــــــــــــــــــــــــــــــــــــــــــــــــــ
http://www.opel.de/showroom/omega/intro/images/intro_2.jpg
http://www.opel.de/showroom/omega/edition/images/intro_1.jpg
http://www.opel.de/showroom/omega/gallery/bilder/08.jpg
http://www.opel.de/showroom/omega/gallery/bilder/03.jpg
http://www.opel.de/showroom/omega/gallery/bilder/04.jpg
http://www.opel.de/showroom/omega/gallery/bilder/07.jpg
http://www.opel.de/showroom/omega/gallery/bilder/09.jpg
http://www.opel.de/showroom/omega/gallery/bilder/10.jpg
التيليفون يركبونه بعد ما تشتري السيارة ويكون في الجهة اليمنى:)
http://www.opel.de/showroom/omega/gallery/bilder/12.jpg
ــــــــــــــــــــــــــــــــــــــــــــــ
باختصار:
السيارة هذي الصراحة ما عليها أي كلام وعلى فكرة...هذي الأيام بدأت تنتشر بشكل ملاحظ...وكفاية أنك تكون متميز بهذي التحفة(مب مثل بعض السيارات) المقصود(...)تمشي خطوتين وتلقا واحد جنبك عنده نفس السيارة.(المهم التميز والتفرد بالشي الأفضل
كابريس
02-07-2001, 02:42 PM
طيب لوواحد يبغى ياخذها كاملة المواصفات من الجميح ويبغاه يحط له كل شيء
كم تكلف؟؟؟
وايش الألوان الأربعة المتوفرة ؟؟
والتلفون كيف يشتغل؟؟
كابريس
02-07-2001, 02:58 PM
عيوب الأوبل أوميجا
1 - عدم وجود سنتر لوك .
2 - عدم وجود حوامل للأكواب .
3 - محرك 4 سلندر ضعيف .
4 - عدم وجود مؤشر لناقل الحركة في الطبلون .
نقلا من هذا الرابط
http://www.swalif.net/sforum1/showthread.php?threadid=91569&pagenumber=1
قوة شباب
صحيح الموضوع عن المرسيدس بس أنا عندي تعليق عن الأوميغا .
أنا أعتبر التصميم الداخلي للسيارة وخاصة الأبواب ومؤشر السرعة والـRPM
هي أبرز عيوب هذي السيارة.
أخوي NFS ...
انت تعتبر التصميم الداخلي للسيارة وخاصة الأبواب ومؤشر السرعة والـRPM
هي أبرز عيوب هذي السيارة.
بس هذا في نظرك الشخصي . . . . . . . . . . . صـــح ؟ :)
مسيطر
03-07-2001, 01:42 PM
ان الأوميغا ماتبعد كثير عن اللومينا
من ناحية الخرابات
لكن بصراحه شكل ممتاز,,
IMPALA SS '96
03-07-2001, 01:45 PM
إحم إحم........
سيدي البعير الأوبل سيارة مجنونة وراح تكسر روس كل السيارات في فئتها هذا لو إستمر السعر على ماهو عليه وبنفس المواصفات اللي قلتها......وفعلا هي الخيار الأفضل....بس عندي سؤال هل المواصفات اللي ذكرتها متوفرة في السعودية؟؟؟؟
لو نعم..........راح أقول يفتح الله على باقي السيارات من نفس الفئة..........
كابرس معلوماتك قديمة شوية الأوبل متوفرة بمحرك ستة سلندر...
سيدي الفاضي لا تنسى إنها ألماني مو أسترالي .....هذا لو إعتبرنا أن اللومينا خارابها كثير...ترى كل ما سمعته حتى هذه اللحظة وتأكدت منه هو مشكلة طرمبة البنزين و بس....
و بالنسبة لمعلمنا المشرف الفاضل أنا أقول إن أحلى ما فيها غرابة التصميم الداخلي....(رأي)
أنا و البعير كلامنا صح دايما وأنا معك يا سيدي في أي موضوع عن هذه السيارة الرائعة...:):):):)
أترك الميكرفون لـReckless2008 ليذهب ويقول لخويه يطلع أوبل اوميجا فل كامل........:):):):)
O.K
يمكن البعض يعتبر التصميم الداخلي مش بطال ، لكن ياReckless2008 إذا خويك أقتنع بالأوميغا فخليه ينتظر سنة لأني قريت في أحد المواضيع أن شكل الأوميغا بيتغير ويمكن ينزل محرك الـV8.
زين يا شباب ليش ما حد فيكم ذكر الباسات؟ ولا علشان ما في أحد يملكها فأنتوا تناسيتوها!
البعير
04-07-2001, 11:05 AM
للحين محد قال عن السيارة أي شي...إلا إذا كنتوا ما تبغونها تنافس وطلعتوا فيها خرابات من عندكم...أو أنكم تتكلمون عن الـ4 سلندر القديييييييم...اللي أكل عليها الزمان وشرب...هذا شي ثاني...لكن الجديدة يا أخوي...شي ثاني مختلف عن القديمة:)
ــــــــــــــــــ
IMPALA SS '96...أشكرك أشكرك جداً...وخاصة على التوضيح للأخ العزيز كابريس...لأنه والله العظيم أنه يتكلم ويطلع غبار:) لأنه يا أخوي هذي المعلومات قديمة جداً يا كابريس...!
وتحياتي لك يا IMPALA SS '96...;)
ــــــــــــــــــ
NFS...هذا رأي شخصي ولا يعمم على جميع المناطق...أقصد ولا يعمم على جميع الناس:)
ــــــــــــــــــ
الفاضي:)
أرجو منك تصحيح المعلومات شوي...ومعاك كابريس:)
يا أخ Reckless2008 وينك ياخي .... تعال ريحنا وريح الشباب ...
خلاص نقول مبروك ............. للأوميغا :) ؟؟؟
والا يصبر خويك شوي وياخذ ............. OMEGA V8 ;) ???
البعير
04-07-2001, 12:29 PM
الصراحة أنا اليوم أنتظر منك الرد في الموضوع...وأنا الصراحة أشوف أنه الأوميغا أنسب شي له:)