اعتقد محد يعرف شيء عن الكراون كوبرا

[s3ood]

الكراون كوبرا هي كرون فيكتوريا معبوث
وانا ركبت 9 الوان منه وهي موجوده في البحرين
عند معرض مونتانا للسيارات

الكراون كوبرا اول ماتشوفها تقول ابغى وحد

اتذكر شوي من المواصفات حقها

احم احم
طبعا محرك V8 جبار
يولد تقريبا من 370 الى 380 HP
رنجات ( جنوط ) 17" مصنوعة من الكروم وعليها شعار الكوبرا
جير بوكس ارضي
جناح
كشافات
طبعا جلد وتوقيع كراون كوبرا في كل مكان في السيارة من الكراسي الى الأبواب
وسعرها تقريبا 17 الف دينار بحريني مايعادل 170 الف ريال سعودي

وترى هي موجودة بألوان رياضية حلوة وألوان الجلد بعد غير طبيعية
بس للأسف ماعندي لها صور باحاول اصورها في هالكم يوم

[ألأعرابي]

هيهيهيهيهي عرفت لك يا سعود, أنا طرحت هالموضوع من قبل و أنا أعرف أبناء راعي معرض مونتانا و باقولك أنك لن تجد كرون كوبرا خارج البحرين و السبب كالتالي:
-كانت فكرة الكرون كوبرا من راعي معرض مونتانا, و هما أثنان, أرسلوا لشركة فورد أنهم يريدون كرون فيكتوريا بألمواصفات هذه و أطلقوا عليها اسم كرون كوبرا, و اسم كوبرا ياتي من موستنج كوبرا, و هذه السياره تطلبها من راعي المحل بالمواصفات اللي تعجبك أو تشتري الموجود,
المشكله أن معرض مونتانا المكان الوحيد في العالم الذي يملك الحق ببيع الكرون كوبرا و طلب تصنيعه و هذا بتصريح من شركة فورد,
لكن سيفتح معرض مونتانا في السعوديه و أنا عارف أنهم بيعرضون كرون كوبرا هناك, لكن اسم المعرض لن يكون مونتانا بل اسم أخر, و في العالم 11 كرون كوبرا
الموجود حاليا في مونتاما و هي الألون التسع اللي ركبتها و قد جابوا من قبل 2 كرون كوبرا و بيعوا

[s3ood]

ها ها ها يالأعرابي

انا يوم سألت محد رد علي فأعتقدت انه محد كتب عنها

اسفين على الأخبار القديمة

اشوف محد رد علي

يأخي قولو لي قديم

[ألأعرابي]

لا كلا واحد
أصلا الكرون كوبرا غير معروف يعني, تلاقي الشباب موب عارفين السالفه بسيطه

[كرمبع]

محد يهتم في الغربة هلايام بصراحة

[E55]

170 ألف !!!

أعتقد إنهم مبالغين شوي في السعر

[Salamander-C2K]

سلامي عليكم....

موضوع جميل وتشكر عليه اخي سعود... لكن فين الصور ؟؟؟؟؟؟؟؟؟؟؟؟

[ألأعرابي]

ياتي الموتر بشاشات تلفاز لكل الكراسي

[Ferrari^_^love]

شباب ....اذا توفرت اصور حق السياره لا تبخلون علينا :) لانه السياره من شفت الاسم ...الصراحه اول مره اشوف اسم جذي:)

[s3ood]

بالنسبة للسعر ماعتقد انه مبالغ فيه

لأن الدفعة الأولى من هذي السيارة انباعت الوحدة اب 250 الف ريال

وبالنسبة الى ال 170 الف حلوه لأن سعر الكابرس SS في البحرين تقريبا 150 الف

وانا بصور بس من برع المعرض فإن شاء الله تكون الصور حلوه

[S2000]

عشان كذه عندكم الـSS بـ150 والـS2000 برضو بـ150!!!!

قرار ماله يومين في السعودية:
تخفيض الجمرك من 13% الى 5% :)..

وياريت تشوفولنا صور حق الكراون كوبرا...

الا أقول أخوي سعود,,,
لايكون هي نفسها اللي سبق وتكلموا عنها أخواني سردال والأعرابي؟؟؟
http://www.swalif.net/sforum1/showthread.php?threadid=83362

[s3ood]

to S2000

اهي نفس السيارة الي تكلم عنها الأعرابي

ولاكن هي 380 حصان واسمها غير عن Ford Marauder
لأن المردر 300 حصان وهي ميركري
والفورد نفس الشيء بعد اسمها Ford blackHawk ,وهي 300 حصان

واشلون انزل صور من الهارد دسك على المنتدى لأن اليوم او بكرة انشاء الله رايح اصورهم وان شاء الله يطلعون الصور حلوين

[ألأعرابي]

لا لا في خطاء الكابريس الفل أوبشن بمايقارب 150 الف ريال
لكن بتاعي أنا ب120 الف, الفرق بس أن مخمل من الداخل و ما فيه فتحه في السقف
و أنا خذيته أب 90 و شوي :)

[ألأعرابي]

و اللي يخليك يا بسعود
تشوف لي كان الجغوار اللي في المعرض مزيدين عليه شيء
اذا ما عليك أمر

[s3ood]

من اي ناحية تقصد الشكل ولا القوة عن الجاكور

ترى المعرض جريب جمب بيتنه وأمس صفوا التسع الوان في الوجه

وجمارك البحرين 15% مو 20%

وبانسبه عن الكابرس كنت اقصد بما يقارب بس مستعجل كنت

[ألأعرابي]

به, بحريني أنت يا سعود؟
أ كيد تعرف بوكواره عيل هيهيهيهي
لا من ناحية القوة

[s3ood]

شباب اسف على التأخير بالنسبة للصور

انا صورت السيارة بس ماطلعت واضحةبرجع اصورها بكرة


ها ها انا كل يوم هناك في بوكوارة يالأعرابي

[moka_moka]

يأهل الرياض مبروك....


http://www.swalif.net/sforum1/showthread.php?threadid=95055

[ألأعرابي]

يه, تعال ليكون نعرف بعض و أحنا ما ندري
شسمك؟
صقف سيارتك
ما هو الرقم؟