قادمة بقوة.....لتزيح البقية \/Q45 2002\/

[S2000]

أول شي نحب نعرفكم بالضيفة الجديد
Infinity Q45 2002
http://www.edmunds.com/future/media/02.infiniti.q45.jpg

ونحن بدورنا نرحب فيها في منتدانا وكنا نتمنى ان تعرف بنفسها أكثر في موضوع الزميل fist الخاص بالأعضاء الجدد..

ولكن الأخت Q45 لديهاسبيبن وجيهين لرفضها طلبنا:
1- راكبة راسها الا أن يفرد لها موضوع خاص "تتمخطر" فيه وتتمشى بعيدا عن محبي المرسيدس والـBM واللكزس لأنها ترى أنها أرفع شئنا وأكثر تقنية وأجمل شكلا منهن "أأخخ على الغيرة‍‍!!".
2- عدم الاختلاط بالذكور............. :):)

المهم بس نحن حبينا نعرف ماهو سبب الثقة الزائدة عن حدها التي تتحلى بها Q45 فقمت باجراء هذا الحوار المبسط معها لعلي أخرج بشيء يزيل حيرتي "وحيرتكم" ويكشف بعضا من جوانب هذه الفاتنة:

S2000/ممكن نتعرف؟
<----- طاخ طيخ بف طخ (بالشنطة)..
ايه ليش طيب شنو قلت انا عشان انضرب (بالشنطة)!!!
"انتبهتوا للأقواس..عشان لايروح بالكم انها جزمة"

Q45/
انشب ولاكلمة انا تجيني وتقلي "ممكن نتعرف"!!
على آخر الزمن بنت Infinity تتعرف على ولد هوندا..

S2000/
(خلاص نسيتوا أيام الدتسون)<--- يكلم نفسه :)..
أوكي آسف يا مسز Infinity..ممكن البطاقة الشخصية؟

Q45/
كيو فورتيفايف بنت كيو فورتيفايف ألفين بنت انفينيتي..
عندي ولدين:
الأكبر I30 والأصغر G20 من زوجي QX4
"ماعندها بنات..عشان لاحد يزعل ينط علي ويقلي:
ليش خليت الماكس أو البريميرا هي البنت" ;)

S2000/
طيب ممكن ولو سمحتي بدون ضرب وهوشة وصراخ ممكن نركز على أبرز مميزاتك ومواصفاتك "بعد اذن زوجك الرباعي" لأن شكلنا طولنا على الجمهور الحبيب؟

Q45/
المحرك: 8 أسطوانات على شكل V بـ32 صمام
الدفع: خلفي
القوة: HP 340@6400 RPM
العزم: N.m 451@4000 RPM
السرعة: القصوى 245 "تقريبي"
حط رجلك: زيرو-100 في 5,9 ثواني ;)
مزودة بنظام تحكم بالأوامر الصوتية "المسجل..المكيف..الخ"

S2000/
شكرا للأخت العزيزة Q45 على تعاونها وتجاوبها مع كل اسئلتنا بروح "وشنطة" طيبة :)..

http://mypage.ayna.com/mypictures/ag_tri.gif EXCLUSIVE http://mypage.ayna.com/mypictures/ag_tri.gif
وبعد الحاح طويل "وفرنكة" وافقت Q45 على أخذ صورة مثيرة لها حتى تثبت للجميع أنها قادمة بقوة لساحة السيارات العائلية الفخمة وتزيح بعضا ممن أكل عليهم الدهر وشرب..
"ياساااااتر ياساااتر رشاشات هذي مب عيون":

http://mypage.ayna.com/mypictures/q45_gallery_big_2.jpg

عدة لقاءات ومقابلات Q45:
http://nissan-na.com/news/2000/000419a.html
http://www.infiniti.com/docs/fr_q452001.html
http://www.northshoreinfiniti.com/Q45/Information.html
http://www.freshalloy.com/cars/nissan/q45/q45.html
ــــــــــــــــــــــــــــــــــــــــ
The Q45 is equipped with a BOSE Sound System inside

[CL55-AMG]

بس في هنا ملاحظة بسيطة حبيبي S2000 وارجو انك اتوضحها لي

انت تقول ان اقصو قوة لها هي HP 340@6400 RPM
يعني مو كانها كثيرة على سيارة فخمة انها اتكون اقصى قوتها على عدد هالدورات المرتفع?
ونفس الشيء يقال بالنسبه للعزم N.m 451@4000 RPM
سؤالي هو:

هل يمكن ان نصل لنتيجة من هذه الارقام وكذلك من سرعتها القصوى ان السياره ليست بهدوء منافساتها على السرعات العالية??

على سبيل المثال ال E420 اقصى عزم دوران لها هوN.m 420@3000 RPM وسرعتها القصوى 250

بس اخ لو كانت الصوره الاخيره لها وهي عاطيتنا غمزه :)

[S8]

ياS2000
هل تعتقد ان السيارة الجديدة راح يثق فيها الزبائن بعد ماعرفوا مشاكل الموديل القديم اللي منها الازعاج على السرعات العالية

للمعلومية
السيارة عرضت في معرض جدة الفائت وسمعت من مصدر مسؤل انها راح تجي السعودية بعد 6اشهر من المعرض
والحين عدت 5 اشهر واحنا في الشهر السادس ولاشفنا شئ

يبغوا يتحدوا اللكزس
راحت الطيور بارزاقها

[corvette 40th]

و الله موضوعك رائع يا S2000
ولكن للاسف انا كان حماسي للسياره هذه اكبر و اعظم منك
الى اللحظه التي ركبتها فيها و كان هذا في معرض CHICAGO AUTO SHOW
هذي السياره بشكل عام سياره فريده من نوعها فيها من المواصفات ما يجعلها افضل من غيرها
ولكن اقولك لا تغرك هالصور هذي السياره ما اظن انها بتغطي
على BMW LEXUS OR MB
السياره التي ركبتها في المعرض كان فيها عيوب ملحوظه
منها عداد السرعه كان بصراحه رديئ فيه من الشبه عداد المكسيما 2000 من حيث الجوده (وليس الشكل)
والشيء الثاني الي لاحظته خفه الباب
فعملت اختبار بسيط نزلت الجامه الى النصف و اغلقت الباب بقوه فلاحظت ارتجاج الجامه بعنف ذكرتني بجامه السفاري القديم
و من الاشياء الي زعلتني بعد زياده
عند تشغيل NAVEGATION TV مع تنزيل الجامه او رفعها تلاحظ تشويش في TV
هذي الاشياء البسيطه المفروض ما تعدي عليهم اذا كانوا
يريدون المنافسه

ولكن في النهايه اقولك تاديتها واضح انها الافضل بين منافساتها
و يمكن تكون السياره الي ركبتها مجرد نسخه اوليه قابله للتعديل وهذا الي ارجوه.

[fist302]

أموت أنا في المقابلات اللي مثل هذه وبالذات مع الجنس الناعم:)
تسلملي يا s2000 ماقصرت
بس في حاجة أنا شوفت تجربة لهذه التحفة من 0 الى 100 جابتها في 6.8 ثانية!!!!! غريبة بس وزن السيارة جدا عالى...بالاضافة الى أنها تحتاج الى جهود تسويقية مكثفة لترغيب المستهلك بها
تحياتي لكم

[ألأعرابي]

بس حبيت أزيد أن شركة نيسان تبغي أن تصنع أفضل سياره من كل النواحي, هذا سبب السرعه الزائده

[S2000]

CL55 ;)..
والله أنا معاك بصراحة في هذي النقطة مع ان سعتها "وسمعتها" كبيرة!!..
يمكن المصممين حبوا يحذفوا ناحية الأداء الرياضي بصورة أكبر.

S8 :)..
والله أكذب عليك لو قلتلك اني سمعت بهذي المشكلة من قبل..
لكن ليش لأ..لكل سيارة محاسنها ومساوئها :)
وصدقني لسه فيه وقت للـQ45 تلقط أنفاسها "وماطار طير وارتفع>>>>>>>"..

corvette 40th..
مشكور أخوي :)..
بالنسبة لـ"عند تشغيل NAVEGATION TV مع تنزيل الجامه او رفعها تلاحظ تشويش في TV‍!!"
فكرتني بالكورولا 90 حقتي..يوم أدوس بنزين يطلع صوت في الراديو ;)..
صراحة الا هذي الحركة لاينسكت عليها ابدا اذا كانت صحيحة..
واتمنى ينتبهوا ان قطعة "أمبلي" صغيرة ممكن تحل المشكلة..

fist :)..
والله صح!! كيف فاتتني حكاية الوزن..
يمكن عشان الحريم مايحبون يعترفوا بأوزانهم..ههههههه :)..
لا والله انا حاولت أعرف وزنها من مصادري لكن مالقيت اي معلومة..اذا عندك فكرة عن الوزن تكفى خبرنا:).
بس أعتقد انها أخف بكثير من سابقتها "التسارع أقل تقريبا بثانيتين"..
والتسارع اللي أنا ذكرته عبارة عن رقم رسمي من قبل الشركة..

الأعرابي :)..
يمكن صح ليش لأ!!
بس انت كنيابة عن نفسك..عاجبتك السيارة ولا لأ؟؟..

سلالالالالالالالامي للجميع...

[GT3]

شكلا احلا من اللكزس (خصوصا الرشاش الي جنب الشمعات)

و احصنة اكثر و و الظاهر انهم راح يقتنعو بنظرية الهوندا (اعلى احصنة على اول ما يحمر الRPM) بس عادي خليهم يتعلمو (مو عيب)

و احس انها من احسن السيارت الكبيرة انسيابيا (شكلا)

[S8]

يمكن انت يا S2000ماتعرف هذا الشئ لكن المعروف لدى مجربين الانفينيتي والجلوريا انهما مزعجتان على السرعات العالية

ولو تصدق انا لمن شفتها في المعرض من اول وهلة فكرتها هونداي والله لكن استغربت انها واقفة في جناح نيسان

على العموم ما اضنها راح تاكل من لكزس كثير لأني اجزم ان بها عيوب وكما تفضل الأخ كورفيت

وللمعلومية
نيسان تضحي بكل شئ في السيارة مقابل المحرك والجير والفخامة واول الأضاحي الجودة

[ألأعرابي]

2000س
أنا تهمني الجوده كثيرا , أنا عاجبتني بس من الخارج شكلها ما يعجبني
بغض النظر عن اللاتات, من الداخل حلوه, أفكر أشتري وحده بس أتردد عندما أتذكر أن هناك خيارات أفضل مثل
e55
و
بي أم الفءه السابعه

[أبو نايف]

والله ما لكم داعي.....



كلكم طحتوا في Infinity Q45 2002


تحطيم......






هذا وهي مابعد نزلت...:(...




طيب عطوها فرصه لمن تنزل السوق يمكن تثبت وجودها في فئة السيارات الفخمه......


بس وش رايكم في الاتساع الداخلي للانفنتي 2001
......هاه قولوا عاد الصحيح......


واجبروا خاطرها...:)

[CL55-AMG]

هلا عيوني ابو نايف

حط في بالك اني ما طحت تحطيم في احد
انا بس كان عندي سؤال وماقصروا الشباب جاوبوني عليه :)

[LM.SS]

سمعنا ان اللكزس اقوا منها


وبدون زعل اللكزس افخم:):):)

[E55]

كالعادة

البعض حكم على السيارة هذي من تجربته للموديل القديم (هذا إذا كان في تجربة أصلاً) :)

أنا أعتقد إن من الأفضل إنا ننتظر وصول السيارة وتجربتها من قبل المختصين ( مجلات السيارات مثلاُ ) ونسمع رأيهم في السيارة

أما الحكم على السيارة بمجرد النظر لصورتها فهذا غلط !!

الشي الثاني ، أعتقد إن سعر السيارة هذي بيساعدها في مواجهة منافساتها أما البقية فتعتمد على السيارة ومواصفاتها وجودة تصنيعها

[بازط]

أنا من ناحيتي أشوف ان العيب الوحيد في هذي السيارة ( لو يسمح لي E55 ) هو استخراج القوة عند احمرار الـ RPM !!!!! تقريباً
وهذا يفقد السيارة لذة القيادة اليومية ( داخل المدن ) ;)

ولكن عشان لا يطول الكلام عن هذي السيارة اللي ولا واحد فيكم جربها .......... ( ولا أنا طبعاً :) ) ،،
لقيت اثناء البحث بالصدفة ................. ( غاوي بحث ;) ) هذا الموضوع وهو في الحقيقة يوضح كل شيء عن السيارة تقريباً وهو من تأليف NFS .......... ( أحلى يا مشرفنا )

صور - أداء - تقنية - تسارع - أمن وسلامة ..... الخ

تفضلوا ...
http://www.swalif.net/sforum/showthread.php?threadid=68247

والبركة في صديقنا M5





باي باي :):)

[S2000]

شكرا يابازط "ياباحثنا" على اللنك :)..
لكن ماسمعت منك ولاكلمة شكر على موضوعي:(...معليش لنا الله.

والله ماشاء الله عليه M5..
حتى وهو بعيد عن المنتدى لكن معلوماته مانقدر نستغني عنها:
(شغل القص واللصق ;))

أولا: التكنولوجيا
1- الإضاءة هي من نوع زينون ( هذا اللي مكتوب ) وهي عبارة عن سبع لمبات مستقلة وتعتبر أقوى أنظمة الإضاءة في العالم ، وهي تعطي توزيع كبير للضوء وبشكل قوي .
2- شاشة عرض داخلية مقاس 7 انش .
3- نظام المحافظة على المسافة الثابتة بين سيارتين .

ثانيا: الأداء
1- ناقل الحركة أوتوماتيكي بخمس سرعات وهو من نوع تيبترونيك .
2- المحرك 340 حصان .
3- التسارع من صفر إلى 100 كام / ساعة خلال 5,9 ثواني .

ثالثاً: الترفيهية
1- نظام السمعي مزود بـ 8 سماعة ( Speakers ) بقوة 300 وات ، و Woofer مقاس 12 انش .

رابعا: السلامة
1- نظام مراقبة ضغط الإطارات .
2- نظام يسمى " Run - Flat Tires " وهو يسمح للسيارة بالسير بعد تفريغ الإطار من الهواء بسرعة 55 ميل / ساعة ولمسافة 50 ميل إلى أقرب مركز خدمة على الطريق .

خامسا:::::::شكرا لكم :)

[corvette 40th]

المعذره S2000
حبيت اصلحلك هي لمبه XENON وحده مع سبع عدسات لكل جهه

[S2000]

لكن مثل ماقلتلك..
هو كان شغل قص ولصق لما كتبه الزميل M5 :)

معلومات اضافية:
- توزيع الوزن: أمام / خلف = 56% / 44%
- مخارج العادم من التيتانيوم.
- نظام BOSE السمعي بقوة 300 واط مع خاصية "تعويض" الازعاج..
(Noise Compensation)..
http://mypage.ayna.com/mypictures/q45sound.JPG

وهذا ماذكر عن نظام الاضاءة:
Seven individually positioned lenses create a wide distribution of beam pattern utilizing the biggest luminous flux. This means you benefit from the added safety of the ideal light pattern and best illumination along with the visual impact of a stunning design

ـــــــــــــــــــــــــــــــــ
أبونايف:
حسب الأرقام اللي عندي Interior volume= 102.1 cubic feet
عاد انت شوف وقرر :)..

قارنوها مع نفس فئاتها:
http://comparisons.infiniti.com/InfinitiCompare/select_competition.asp?Model=Q45

[بارق]

اعتقد انه هذي السياره من التعديلات اللي اجراها رئيس
شركة نيسان الجديد جاك ناصر (صحيح اسمه؟؟؟)الامريكي اللبناني
الاصل الذي يحاول ان ينقذ الشركه من الافلاس حيث اطلق الرياضيه
Z الجديده ليجدد دماء الشركه وبعدها عن التخلف واللحاق بركب
التطور(الحين عاد تلحق ولا ماتلحق) ومنافسة الشركات الاخرى بالاخص التويوتا.

[مسيطر]

والله أتوقع لها نجاح كبير,,


والله منتب سهل ياM5 الله يعطيك العافيه ويردك بالسلامه,,

[S2000]

بارق:
(((الحين عاد تلحق ولا ماتلحق))))
ماأدري بس عندي احساس ان رايك من راي S8!!

الفاضي:
ياخي انت الوحيد اللي فاهمها..
ليتها متزوجة تسعاوي ;)..

[بارق]

من اول مره نزلت فيها اللكزس الاسواق لفتت انتباه العشاق(الجمهور) لنوعية هذي السيارات ولحد الحين هى الافضل من نوعها من صنع اليابانيين اما الانفنيتي ضاعت في زحمة السوق والقليل اللي عطاها وجه وصارت تغني (في زحمة الناس صعبه حالتي,,فجاه اختلف لوني وضاعت خطوتي)

وتحياتي للعزيز S8,,,,ولك S2000