اي واحد معه سياره سبور يدخل

[أبو نايف]

هل تشعر باالحرج لو قدت سياره سبور داخل مدينه؟؟؟؟؟؟

هل تحس انها شويه فشيله في مجتمعنا اللي يعتبر ان اي واحد

معه سياره سبور........معنا ته انه............







مهستر.......أومهرقل؟؟؟؟؟؟؟؟؟؟؟؟؟؟؟؟؟؟؟؟؟

[Salamander-C2K]

سلامي عليكم.... بصراحه اوّل مرّه اعرف انه يوجد في هذا العالم من يصاب بالاحراج عند سواقة سيارة سبورت, لا ولم ولن, اشعر بالاحراج كلما اشرع بسواقة سيارتي ولله الحمد...... لا حرج على الاطلاق ... ولكنني بصراحه اشعر بخطر بالغ كلّما واجهت رجال الشرط في نقطة تفتيش او اشاره... لأنهم ببساطه يعتبرونك السبب الاول لكل انواع المصائب التي تتوالى عليهم بسيارتك السبورت .. :)

[corvette 40th]

ما اضن ان فيها اي فشيله يا أبو نايف

اذا كنت محترم الناس ولا تستهتر في السواقة

و بالنسبة للشرطة يا Salamander-C2K

انا اشاطرك الراي

[بارق]

انا لو قررت اشترى سيارة سبورت كني سويت فعل شين يسود الوجه على طول بالقى احتجاجات ورفض وشجب واستنكار من الوالد والوالده
والزوجه ترى معنى انه عندي سياره سبورت الاكيد بتكون الفكره اني اسرع دايما
ومثل ما قال العزيز سلامندر بتكون ايضا نظرة الشرطه لك انك متهور لو غلط غلطه بسيطه ما اظن فيه تسامح!!!

لاحظ في الغرب ممكن تشوف واحد عدى الستين وعنده سياره سبورت
ومثل هذا انا شفته عندنا في ابوظبي بس واحد اماراتي وتقريبا
عمره فوق الخمسين وعنده كمارو كولاواي استغربت ولما سالت عنه
طلع رجل اعمال معروف وعنده اكثر من سياره سبورت
وبعد شفت وحده اماراتيه معها كمارو كنها معها بنتها

فمن اللي ممكن ينحرج الشباب ولا هذيلا؟؟؟

[CL55-AMG]

اما انا اسوق ولا استحي ولا شي

اصلا اذا كان المجتمع راح ينظرلي مثل مااتفضلت يا اخ ابونايف

فالغلط في الكجتمع مو في السيارة السبورت

طالما اني محترم نفسي ومحترم غيري ما استحي من شي

اما الشرطة فليه اخاف منهم?? :)

[fist302]

موضوع جدا ممتاز تشكر عليه ياأبو نايف.....



corvette 40th & Salamander-C2K .....::
فكرة أبو نايف صحيحة......ليش؟؟؟
أنا بأسأل سؤال هل يعتقد أي منكم انه حتبقى معه سيارته الرياضية....لمدة طويلة...الى أن يبلغ الخمسين أو أكثر أو أي سيارة رياضية أخرى؟؟؟....أتمنى ذلك بس لاأعتقد حدوثه....لأنه للأسف هنا في بلادنا العربية أغلب الشباب يعتبر السيارة الرياضية مجرد متعة مؤقتة ستختفي مع الزواج والأولاد وما الى ذلك.......السبب لأنه هذه ماكانت هواية بالنسبة له بس مجرد تسلية مؤقتة وشغل فراغ.....لو كانت هواية كان ما تأثرت بأي عوامل خارجية وكان بالامكان أن تجد انسان يعامل سيارته ويدلعها كأنها حبيبته حتى لو تعدى الستين من عمره مثل مايحدث عند الغرب.....بس هنا في بلادنا تعال شوف لما واحد عمره خمسين أو أربعين وعنده سيارة رياضية شوف انتقادات الناس له..ليش؟؟؟ عشان مافي احترام للرغبات والهوايات المختلفة اللى ممكن الانسان يمارسها في أي وقت من عمره.
أتمنى انه الجميع يبقوا من محبي السيارات وبالذات هنا في هذا المكان الرائع.
تحياتي للجميع

[مكلارين F1]

اصلا وشي السياره السبورت!!!! زي السيارات الثانيه بس تكون بابين وشكل جميل !!!!!!!! فليه استحي؟؟؟؟!!!!!

[شرخشين2000]

عزيزي أيو نايف ،،

السيارة السبور لها أصحابها :):)
يعني مو معقول تشوف واحد مركّب معه زوجته و عياله على فايبر !

و الا واحد عمره 9000 راكب كورفت كمفورتبل !!

يعني أنا طلعت مرة بـ ( سمارت ) حقت واحد من الشباب :):)

صحيح ان عيون البشر كلها مركزة علي :):) لكن شي أحلة من الحلاوة :):)

تحياتــــ للجميع ـــــي

[CL55-AMG]

كلامكم حلو ياشباب ويدل على دراية شاملة مو بس في السيارات انما في الامور النفسية البشرية بعد

اخ FIST 301: كلامك منطقي جدا انما في نقطة انت ما انتبهت لها
ليش الشخص في امريكا واوروبا وخصوصا في اوروبا يهتم بسيارته?

السبب ان الواحد لما يوصل الجامعة هناك في العاده اهلة ما يشترون له سيارة ولو اشتروا له راح اتكون "سكراب" وهو يبدا ايعدل فيها

وبعدين لما يشتغل يروح يشتري له سيارة جديده
يعني السيارة من فلوسه

اما عندنا الواحد بس ايقول يبا انا خلصت المتوسطة قاله ابوه ابشر هديتك عندي سيارة

طيب كيف تبغى هالشخص يهتم بالسيارة وهو ما تعب فيها?

اما بالنسبة لكون الشباب يعتبر السيارة متعة مؤقته فانا لا اتفق معك في هالموضوع 100% وان كنت اتفق معاك بنسبة معينة

اما بالنسبة للحبيب شرخشين 2000 فليش لا ممكن ان واحد ياخذ زوجته معاه في الفايبر ايش المشكلة??

انما طبعا هي ماراح اتكفي اولاده

وانا اكثر من مره والدي يطلع بسيارتي لا ويفتح الكشف بعد :)

يعني المسالة مو مسالة سن

احسن شي اتسوون زيي

عندي ثلاث سيارات BMW730IL
و CL500
وSL600

لما اطلع مع اخواتي نتمشى نطلع بال730
لما اطلع مع خطيبتي لوحدنا فراح اشغل يا CL500 يا الSL600

ما ناقصني الا ML للتطعيس :)

[أبو نايف]

المشكله مثل ماذكر الاخوه هي في المجتمع أو نظرة العائله لك

فاالمجتمع ينظر اليك على انك حق سرعه ومراهق........بينما يعتبر امتلاك السياره السبور في دول مثل امريكا شي عادي جدا ومتاح لجميع الفئات والاعمار.

وانا طرحت هذا السؤال لاني اعرف احد الاشخاص منحرج يشتري كورفيت ........عشان الناس وبالذات اقاربه....

وهو يفكر يشتري سيدان..........ماراح اقول اسمها;)

وواحد بمجرد ماتزوج باع سيارته السبور(برضو كورفيت 1996)

مع العلم ان عنده سياره سيدان اخرى......

وهو انسان لاهو حق سرعه ولا تفحيط ولا يحزنون......احسن من سواقته مافيه.......بس يحب يكشخ.

يوم قلتله: ليش...حرام عليك....السياره مامشت ولا 50000كيلومتر

.....قال خلاص المفروض أعقل الحين بعد الزواج سبور ما تركب علي!!!!....


اه..... بس .........ليته...... مخليها..... معي يوم ....... قبل ما يبيعها...:(



وش رايكم؟؟؟؟؟


قد يكون بعض الشباب ما عليهم من احد.........أو ان بعض العائلات متسامحه ولا تدقق في هذا الموضوع.

لكن فيه ناس كثير يعتبرون السياره السبور....بس حقت مراهق...
ومراهق جدا....


وهذا خطأ.......في رأيي



الاخ fist شكرا لك........

كلامك بالضبط هو اللي اعنيه.......يكاد يكون مستحيل تشوف رجل كبير معاه سبور عندنا...(كبير يعني > 30 سنه)

الاخ: شرخشين...الحمدلله على السلامه...:)
....وبصراحه فقدناك.....

الاخوه:

سلمندر

كورفيت

بارق

ماكلارين

CL55-AMG


يعطيكم الففففففف عافيه....:)

[E55]

بشكل عام ، نظرة مجتمعاتنا لسائق السيارة الرياضية

صغير السن - عازب - يحب السرعة - مستهتر

بالتأكيد أكثر من 70 % من أصحاب السيارات الرياضية ما تنطبق عليهم الصفات هذي ، لكن ....


CL55
نسيت الـ 850 اللي دائماً واقف ولا حد يستخدمه :)

[fist302]

عزيزي CL55-AMG....شكرا لك على تعليقك...
أولا اسمي fist302
ثانيا اشكر لك صراحتك في عدم الاتفاق معي...في احدى النقاط.
ثالثا:كم شخص كبير في السن رايته الى الأن يقود سيارة رياضية؟؟؟أو يهتم بالسيارات؟؟ قليل جدل يعتبروا معدومين....وهذا يثبت انه حبهم للسيارات كان مؤقت فقط....بمعنى انها ماكانت هواية.
رابعا:بالمقارنة مع الغرب في النقطة الجميلة اللي ذكرتها .....أجد فرق كبير بين الاهتمام بالسيارة كوسيلة نقل وكمنتج اندفع فلوس فيه.....وبين الاهتمام بالسيارة لأنها هواية لايمكن الاستغناء عنها.....ولله الحمد أهلي اشتروا لي سيارتي وأنا أعاملها كأنها حبيبتي.
تحياتي للجميع.

ملحوظة:::: أبو نايف ....للمرة الأخيرة أنا جاهز اذا في راسك تقوم.......:)

[S2000]

يمكن تستغربون من رأيي "ويمكن تزعلون" لكن ماعلينا نحن هنا كلنا شباب في رحلة..

أنا أشوف ان العملية تتعلق بالديموغرافيا حق الشخص يعني:
صعبة انك تشوف أو تلاقي بدوي يسوق أو يحب سيارة سبور خصوصا مثل الكمارو أو الموستنغ..
عندك الرياض روح وشوف أنواع السيارات الفخمة اللي يسيل لها لعابك ولكن ندرة وقلة السيارات السبور!!

لكن تعال جدة اللي غالبية سكانها من الحضر "أو البدو الهبيقة ;)" بتلاقي أنواع السيارات الرياضية المكربنة من 79 وانت طالع :)..

تخيل كمارو في حائل أو كورفت في سكاكا!!
كمان تخيل أودي في الهنداوية (حي مضروب في جدة) أو بنتلي في غليل (حي ثاني مضروب في جدة)!!! :):):)

[CL55-AMG]

E55

خبرك عتيق ال 850I انباع وافتكيت منه :)

FIST302

انا قلتلك اني مانا مختلف معاك بس انا اتفق معاك انه قليل بس مو معدوم

فاهم قصدي حياتي :)

S2000

كلامك عين الصواب :)

[ألأعرابي]

لا بالعكس, سبورت كشخه
بس اذا كان الموتر يديد موب من 1980 يمشي و يبند

[أبو نايف]

تحليلك جميل..........ولكن.

تعريف البدو والحضر في المناطق مختلف.......ففي الحجاز معروف ان الحضر فرييي أكثر ويوجد لدى الفرد هنالك استقلاليه شخصيه أكثر من الفرد في مجتمع البدو.

ولكن في نجد....ارى ان بعض البدو فريي اكثر من بعض الحضر..
وما يدققون كثير........أقول البعض.....

وممكن ناخذ كلامك على سبيل التعميم ونقول......

انه كلما استقل الفرد عن سيطرة مايسمى بمجتمع المحيط القريب...
كلما كان عنده استعداد لارضاء رغباته حتى لو بدا للاخرين انه مختلف او بنظرتهم شويه شاذ.....والشذوذ لايعني هنا.............. الا الاختلاف......

وكلما كان اكثر تقييد من المجتمع المحيط القريب .....صار يحسب حسابهم ويهتم برأيهم وبالتالي صعبه انه يسوي شي مختلف......مثل انه يشتري كومارو مثلا.......بينما مافيه ولا واحد من مجتمعه المحيط القريب ولا المحيط البعيد ولا المحيط الاطلسي معه كوماروا...........

بيقول لنفسه.............وش بيقولون علي الناس...

فالمسأله برأيي اكبر من مجرد ....اقتناء سياره سبور...
بل هي قدرة الشخص على التمرد على مجتمعه المحيط القريب.....

وللجميع الشكر على التفاعل

[CL55-AMG]

ايه يالحسودين :)

توني قاعد اقول اني ما اخاف من الشرطة طلعت يوم الاربعاء الا صكوني مخالفة :(

يالله, الله ايخلي لنا النقيب زياد مسحها لنا :)

[GT 02]

السلام عليكم

موضوع قديييييييييييييييييييييييييييييييييييييييييييييييييييييييييييييييييييم مرة بس حبيت ارفعه للاعضاء الجدد لاني كنت راح اكتب عن نفس الوضوع

هذا بعد اذن صاحب الموضوع

تعليقاتكم ياشباب :confused: :confused:

[bad95killer]

لا والله انا اشوف الموتر السبورت مايدل على انه صاحبه يملك هالدرجة من التهور والإستهتار مثل ماتقول حبيبي بس صحيح فيه بعض الناس تقول هالشيء عن الناس اليي عندها سبورت بس اأن واحد ما أأيد هالفكرة التعبانة لأنه كل واحد واليه اخلاقه وطبعه من اول ما إنخلق وما أعتقد بأنه سيارة تستطيع انه تحوله الى شخص بهالصفات القبية فلذلك بالنسبة اليي فأنا اشوفه شيء عادي
والكل مرتاح مني دام انه ماعندي مشاكل بالموتر والحمدلله واتمنى من الكل يكون كذلك .
ومثل ماقالوا الشباب اكيد بس الواحد بيتضايق من امتلاك السبورت عند نقاط التفتيش وذلك للتخلف اليي موصلين اليه أي أنه اي مواطن يمكلك سبورت يعتبر مستهتر للغاية ويقعدوا يفتشوه من الصدام الى الصدام حتى مرة واحد مكبس اليي ووقفني ويقول الرخصة والإستمارة وعطيتها وياه بنية صافية على إنه السيارة مافيها حتى تظليييييل وقاعد يفتر ويفتر وآخرشي حبيبنا رايح ينزل ويطالع من تحت السيارة انا عاد خلاص وصلت حدي وقلت اليه انتبه ترى الموتر فيه متفجرات تحت السيارة وتعرفوا اخلاقهم عل طول قباها ويايي ومارضى الا يوديني الحجز بس مسيكين آخر حلم في حياته هذا :laugh: :laugh:

ومشكور حبيبي ابو نايف على موضوعك وماقصرت وعساك ان شاء الله ماتعتبرنا من المتهوريييين :shock2:


تحيـــH+Hــــاتي====>Bad '95 Killer:black: (حسينوووووه)

[mill_955]

السلام عليكم

انا اشوف السياره الكوبيه سياره عادي زيها زي اي سياره سيدان بس المشكله فيها نظرة المجتمع الغبيه لها حيث ان اخوي رجل متزوج وعنده بنت صغيره عمرها سنه اشترى مرسدس سي ال كي من قبل 4 شهور واول ما اشتراها واجه انتقادات كبير من الوالد والوالده والاهل والاقارب وبعض زملاء العمل بصراحه انا انقهرت لما سمعت كلامهم وانا اشوف انه مافي داعي للانتقادات هذي يعني الرجال ماسوى فاحشه ولا جريمه ولا شي عيب لاقدر الله

مادري عن بقية الاعضاء وش رايهم

[Z280X@300X]

كيفكم شباب
الصراحه
عندنا بالسعوديه اسمحولي يعني اسميه تخلف
عقلهم صغير
هذا اللي اقدر اقوله

[mtayam]

والله انا شاريها بفلوسي واللي ماهي عاجبته ما اخذت رايه قبل لا اشتريها ولا اعتقد اني راح اشعر بالحراج لاني اسوق سياره سبورت بالعكس راح اشعر بقمة المتعة وانا اسوقها اما بالنسبه للشرطه ففي الرياض اذا شافو السياره السبوره اللي ما يعرفونها زي اللمبورغيني الكورفيت الكمارو ............ الخ ما يقولون لك وينك رايح الا ماحد يوقفك لانه يعرف هذي السياره في الرياض ما يشتريها الا الناس الهاي لان الرياض اغلب اهلها بدو ولا يشترون الا السيارات الغاليه المعروفه زي البي ام الجديد البنز اللكزس تشوفها اكثر من التكاسي في الرياض
ولا يعتبرون بالسيارات السبور





واسف للاطاله


اخوكم متيم

[GT 02]

بالنسبة لي ياشباب انا اشوف اهذا شي عادي اذا كانت السيارة عند واحد تجاوز عمرة ال 21 سنة (يكون عقل شوي) وبالعكس انا لما اشوف شخص عمرة فوق ال 30 وراكب سبورة احسن انه واحد عايش حياته و باسط نفسه ماعنده تعقيد او مجاملات مالها داعي
يعني اعرف اكثر من واحد عمرة تخطى الاربعين وعنده بورش مثلا
في الاثين من اصحاب الوالد (اعمارهم فوق ال45) واحد منهم عنده كورفيت وما شره لودة الا سيارة سبورت والثاني عنده سليكا وهي الحين عند ولده
طبعا عادة مايكون هؤلاء الاشخاص يملكون اكثر من سيارة

ولكن نرجع ونقول ليش النظرة السئة لهم ولغيرهم.
خلصنا من السبورت نجي حق الي عنده سياره معدلها (شكل او مكينة)
تلاقي الناس يطالعونه بنص عين (مب كلهم البعض) ومايسلم من التعليقات والانتقادات من هذا وذاك .

انا مثلا بس اسوي شي بسيط في السيارة (مع اني ماسويت شي يذكر) الاقي الوالد يحقق معاي كأني مسوي جريمه خلصنا من الوالد يجي خالي وبعد خالي يجي جارنا وبعه السواق:D (لا تصدقون)

واذا سالت الوالد ليش مب عاجبك اللي سويته يقولي بس هذي حركات الدشير والصيع:OO: مع ان والدي من هوات السيارات واتوقع انو اشترى وباع اكثر من 40 بكافت انواعها (ما عدا السبورت)

طولت عليكم بس احب اعرف اراء اصحاب السيارات المعدلة اول اللي عندهم هوايت التعديل ايش ردة فع اهلهم في هذا الشي.

في واحد من الشباب يلغم سيارت والده و والده يساعدة في هذا الشي و يموله :shock2: :shock2:

[عاشق التضبيط]

السلام عليكم

والله مدري ايش اقول بصراحه كلامكم واقعي وصحيح والنظره الين الحين ماتغيرت عن اصحاب السيارات السبور او المعدله

يعني اي واحد عنده سياره سبورت او معدله هذا شبهه وصايع ولعاب وعقله صغير

مع ان التعديل هوايه وسواقة السياره السبور هوايه

انا من ناحيتي معدل السياره خارجي شي بسيط
وعندي خمسة اخوان وانا اصغرهم
اخواني الاثنين الاكبر مني معطيني وجه ومشجعيني يعني يسالوني بكم شريت هذا وكيف سويت كذا

بس الكبار انواع التهزيء والتحطيم

وإذا بغيت اروح عزيمه ولا شي مافي امل اروح بسيارتي اروح مع اخوي او اوقف السياره بعيد عشان ماحد يشوفها من شيـاب العيله ويستلمني تهزيء:D

[أبو نايف]

شكرا ياشباب على اثراءكم للموضوع

[STS4ever]

والله ياشباب فقدنا المواضيع الحلوه والمفيده اللي زي هذي ,,

[ACCORD-V6]

سوالف صار فيه هبوط كبير جدا من سنه تقريبا الى الان والمنتدى غير قادر على النهوض والاسباب كثيره يبغالها واحد يجمعها
من اهمها:
اهمال المواضيع وعدم الرد عليها وخصوصا من الاعضاء القدامى
غياب كثير من الاعضاء المهمين وابتعادهم عن سوالف
تحيز بعض الاعضاء لسيارات معينه وتحطيم غيرها من السيارات
طرح بعض المواضيع (اللي مامنها فائده)
وووووووو الاسباب كثيره جدا جدا مااقدر احصرها



لكن مع ذلك فيه اعضاء رائعين مازالوا متمسكين بالمنتدى
بدون ذكر اسماء اخاف انسى احد


في الفتره الاخيره تحسن منتدى سوالف قليلا

وشكرا........

[الارهابي]

طولت عليكم بس احب اعرف اراء اصحاب السيارات المعدلة اول اللي عندهم هواية التعديل ايش ردة فع اهلهم في هذا الشي.

وش عليي من الناس :D لكن اهلي متفاهم وياهم
عدلا لو ما عدلت كلام الناس ما يخلص :D

في واحد من الشباب يلغم سيارت والده و والده يساعدة في هذا الشي و يموله

هذا انا
انشاء الله اذا كبرت و صار عندي عيال
بعلمهم على هالشغله :D :D :D

بعدين سالفه النظره الخاظئه او الدونيه اللي تنظر بها بعض فئات المجتمع و خاصه رجال المرور للي عنده سبورت او سياره معدله
ما هي الا تخلف
و لو بتحاسب على التخلفات اللي في المجتمع و على كلام الناس ما بتعيش

[mustang cobra]

الصراحه راحه مجتمعنا متخلف اول مايشوف واحد راكب سبورت يقول هذا مفحطجي واهله ماربوه حكم عليه من سيارته زي واحد عنده زد يقول كان ماشي على الخط الا في ليموزين مسرع بعد مسافه فيه تفتيش فقال للعسكري ترى راعي اليموزين مسرع يقول العسكري طالع فيني وقالي شوف نفسك راكب سبورت وهو مايتعدا 100كلم في الساعه يعني شوف كيف ماخذين عن السبورت. بس مره كنت في الامارات واشوف هذا المنظر الصراه عجبني الا وهو اني شفت واحد يسوق كمارو بس مطوع لحيته مثل الشيخ السديس طويله ومره شفت مطوع في السعوديه مع زوجته راكب بورش كاريرا 2002 من الشكل الجديد وبعد شفت واحد مع زوجته بموستنج. المشكله هنا اذا قلت ابي سبورت قالو كيف تركب اهلك و قالولك ليه خبلان بايعينك منبيك واذا قلت انزين ليه عمي الي في امريكا عنده سبورت قالو هناك غير اهنا لازم تتبع المجتمع حقك ولا انقدوك جماعتك وسرت علك بحلقهم يتكلمون فيك..............................

[GT 02]

رد مقتبس من mustang cobra
بس مره كنت في الامارات واشوف هذا المنظر الصراه عجبني الا وهو اني شفت واحد يسوق كمارو بس مطوع لحيته مثل الشيخ السديس طويله ومره شفت مطوع في السعوديه مع زوجته راكب بورش كاريرا 2002 من الشكل الجديد وبعد شفت واحد مع زوجته بموستنج. .........

في مرة شفت مطوع في في الخبر عنده كورفت لوحتها بحرينية و مظللها v-cool كتم اسوووووووووووووووووووووووود

ناس عايشة

[E_TYPE]

اهلللللللين
انا الصراحه عادي ماانحرج من احد لاكن نظرت الناااس لك وعدل كلام اخوي موستنغ كوبرا والشرطه عدنه في السعوديه حته الواحد الي مو مسوى شئ يوقفوه يقول انت مفحط قبل كم يوم ويعطيك مخالفه او يشيل السياره الحجز واذا جت السياره صوتها قوووي خلاص يشكو اكثر بعد.
وتسلم اخوي على الموضوع الحلو .
وشكرآ