قالوا علامك؟؟؟؟؟؟

[alrewesh]

قالوا علامك وشبلا قلبك اشفيه..الناس نامت وانت وحدك سهيري
قلت اتركوا قلبي يعيش ابلاويه...خلوني اخفي علتي في الضميري
لا تبحثون السد مادمت مخفيه ...والا تراي ان صحت مالي مجيري
قالوا لي اللي تاه حنا ندليه...من كان مثلك بالموده غريري
قلت اسالوا عن هواي ومعانيه...واللي بقلبي بظهره بتعبيري
قالوا تكلم قلت خلي بشاكيه...من سبته يا ناس جرحي خطيري
قالوا تحبه؟؟قلت انا والله اغليه..ماحب غيره من كبير وصغيري
قالوا يحبك؟؟قلت ماعرف مناويه..مدري يبيني او يبي قرب غيري
قالوارح له قلت انا مقدر اجيه ..من بيننا مقطوع خيط الحريري
قالوا لي خله قلت ماني مخليه..حتى لو دريه علي عسيري
قالوا تناسه قلت ماني بناسيه...منساه كود الخلج تنسى الصديري
مافات يومن ما قضيته بطاريه...ذكره بقلبي وصورته في نظيري
قالوا تصبر قلت ماني بقاويه...الصبرخلص والمقدر يصيري
ابطلب اللي كل شئا يسويه...عسى يجيني من عشيري بشيري
وافرح مع اللي كل قلبي يناديه...واقول تايه من بعد يستشيري


طلال السعيد

[هند]

استمتعت بقراءته ..

كثيرا ..

تحياتي لك ..

[عشاق]

أنا من عشاق طلال السعيد00 وهذا الاختيار موفق جدا 00 أرجو بأن نرى منكي المزيد من الاختيارات الموفقه00 :)

[وليد اللحظه]

بارك الله فيك .. يا صاحبة الذوق الجميل ..

ما أخترتي هذه الكلمات إلا أنك تملكين ذوق قلب مرهف ..وتملكين منبع للأحساس بما هو جميل ..فعلا اختيار موفق ..وانا ايضا من المعجبين بالشاعر الكبير طلال السعيد ...
شكرا على ما اخترتي ..

أخوك / وليـــد اللحظة

[alrewesh]

شكرا على ردودكم وكلكم ذوق لانكم معجبين بطلال السعيد لاني اموووووووووووووووووووووووووووووووووووت فيه