.. لحظه ..

[عشاق]

أرجوك لحظه يا غلا .. باقولك لك شي == الله واكبر .. ليه مستعجل الفرقى !!
كلمه أخيره باقولها بس انطرني اشوي == بجفف ادموعي .. و يمي اهني ابقى
بقولها لك .. بس أنا ما دامني حي == مثلي بتدور بالبشر .. وما ظن تلقى
وهبت لك روحي وقلبي وناظري ظي == وحبـن تجدد دايمن .. أنقى .. وأنقى
بقولها اصبر .. تراني في خاطري كي == وبقول كلمه وباستريح لأجل انت تشقى
اسمع .. أحبك .. وبالهوى محتاج لك زي == حاجتك لفراق من هواك وأسما وأرقى
سمعتها؟ دربك سهل وان قلت لك عي == يمكن أنا أوله وأقول.. أرجوك .. ابقى
يا هوه وقف .. أو أقول .. ما عاد لي شي == في وسط قلبك يالغرام .. ولا عاد أهقى

[alrewesh]

مرحبا
صراحه انت كلك احساس بس ليش تبي حبيبك يشقى اللي يحب واحد اظن انه يدور راحته مو شقاه يا الدايخ

[كريم سبلا]

الي شاعر سؤالف الاول
الي الاديب العملاق الذي ترك بصمته علي الادب العربي ....تلك البصمه التي غطت علي بصنة طه حسين والعقاد .....الي محمد السديري الثاني .
قصيدة فوق الخيال

انتثر منها العطر فأغرق سوالف الادب

الي الامام ايه الاديب ..
فأنت قدوتنا

الي الامام فانت استاذنا....

الي الامام فانت عريسنا الجديد

.
.
0
0
0
0
0
0
0
ماقدر اقول راي بصراحه قدام الرويش



تقبل تحياتي
اخوك
كريم سبلا

[عشاق]

العروس تتزهب للعرس مو تشتغل على النت؟؟

:) كريم سبلا
أغدقت علي بالمديح اللي أنا والله والله ما أستاهل نصفه00 المنتدى فيه من هم أكفأ مني وأكثر شاعريه وأنا أستمتع بما يكتبون والله وأستفيد منه00 الظاهر هذا المديح هو هدية الزواج فشكرا

[alrewesh]

ما اقدر ما ادش للنت لانه اخاف تصير اشياء من وراي فلازم نسوي مراقبه على شان نسيطر على الوضع

[بادية]

الأخ عشاق

كلماتك رائعة والله زمان عن سوالف وعن ردودك الرقيقة
وعد ها المرة انه ما نطول غيابي




مع تحياتي لك

[عشاق]

شكرا على الاطراء وعساج على القوه وأبشري بالسعد والله

[الزعفران]

يـــــــــــــــــاسلام اخي عشاق ابدعت واحسنت بصراحه كلمات رائعه منك وصريحه وحزينه في نفس الوقت
بصراحه اعجبني كثيرا ذلك البيت . . .
اسمع احبك وبالهوى محتاجلك زي حاجتك لفراق من هواك واسمى وأرقى
رائع مره اخرى

[لوزه]

وتظل أنت الأروع والأكثر شاعريه00

أكن لك من الحب والتقدير الشيء الكثير

http://sendafriend.com/Locked/images/heart_lock.gif

[عشاق]

أكن لك الشيء الأكبر في الدنيا وانتي مصدر الهامي
لك أكتب وبك أنبض بالكلمات 00 لم ولن أنساك
فيه أحد وراناhttp://police999.virtualave.net/images/copcar8.gif

[عشاق]

شكرا أختي على الاطراء 00 تحياتي(( زين جذيه؟!))

[alrewesh]

يا الدايخ منو لوزه هذي هذا وانا للحين بالنت بس ماعليه ماراح اقولك شئ هالمره لان فيه احد وراي

[عشاق]

هذا النك الجديد مالج00 يالدايخه00 خلاص اضحكي عفيه
http://mypage.ayna.com/grin_m/smilef.gif

[FARES77]

عطيته من الوصل اكثر منك شوي.....وهمست له مثله ابد ماألقى
صفيت الوعود و عرضت روحي حي......شف منازل حبي و عيا يبقى
يامطر الشتا هو شي منك انقى......يا ورد الربيع مثلك يهقى
انشهداللي ذبحني بالفرقاقوى......علمني حبه وخل نفسي تشقى
حب و كره ابد ما ينجمعن سوى.....مير العين تجبر بوضح النقى

[عشاق]

وحقا أنت فارس بمعنى الكلمه

[البانوش]

اخي العزيز عشـــــــــــــــــــــــــــاق الغالي
صراحـــــــــه اذا كتبت ابدعت وهذا يدل من ذوقك المميز
الله يوفقك على هذه الابيات الحلوه
اخوك//// البــــــــــــــــــــــانوش

[عشاق]

مشكور يالغالي وهذا بس من ذوقك

[لوزه]

هذي انا ماعليه هذي نصيبج يا العيون الشقيه ..يعني هذا حظك رضيت ولا.....
ومافيه غيري وموتنسى ترى بالصيف ها ولا شرايك

[عشاق]

أحلى حظ ونصيب في الدنيا 00 الله يخليج لي ولا يحرمني منج00 آمين