بانت نواياك

[بعد بسهر]

بانت لي نواياك

والله حسافه.. اليوم بانت لي نواياك...
وانكشف لي أمرك.. وللأسف كان متأخر...

كنت انا دوم أسامح.. واتناسى خطاياك...
وانت اللي علي عالي.. ودوم متكبر...

وأنا اللي قلت حبيبي.. كلمة أهواك...
وانت ما قلتها.. بس قلت لي هات..
واقول يمكن تستحي مني.. وتتعذر...

ثلاث سنين من عمري.. انقضت وياك...
زيف حبك عماني.. وما خلاني اتبصر...

ثلاث سنين اشغلت تفكيري.. وتعبتني معاك...
هذي سواتك.. وما ابي يجي منك اكثر...

والغريبة حتى عقلي انجبر فيك.. وخلاك...
تضحك علي.. كأنه وقف ضدي..
وخلاني اتحسر...

واليوم أنا شفتك.. مع صاحبي..
لا تنكر أنا اتحداك...
واعترف لك قدرت تلعب بي.. وتتشطر...

وبكل برود تجيني اليوم.. و تبي قلبي يتناساك...
وتقول لي انسى.. هذا اللي عليه تقدر...


والله ما نسى افعالك.. وخفايا نواياك...
بظل دايم ارويها.. ودوم اتذكر...

كل دقيقة همت أنا فيها بطرياك...
وبخنق كل عبرة تبي تنزل
مني.. ولو اتكسر...

بس حبيت اقولك شئ..
شوف هذي اهي دنياي و دنياك...
مثل ما عذبتني.. راح يعذبوك..
هي دنيا تدور.. عمرها متتغير...

[الغائب]

الله يعطيك العافيه بعد بسهر

كلمات جميله ومعبره

اهديك هالبيات :

انا مابيك تذكرني ..ولاتذكر زمان فات
ابي منك تحليني اعيش الباقي من عمري
طلبتك ماابي اكثر ..طلبتك تبتعد بسكات
تخليني مع همومي وجرح ساكن بصدري
على وين الهوى جابك تجي تشكي من اللوعات
بعد ماخانتك دنياك عرفت اليوم وش قدري

[روح الليل]

روعة روعة روعة... ماشاء الله على هالكلمات.. وياحسافة الثلاث سنين..

بس حبيت اقولك شئ..
شوف هذي اهي دنياي و دنياك...
مثل ما عذبتني.. راح يعذبوك..
هي دنيا تدور.. عمرها متتغير...

الخاتمة جداً مؤثرة..
أرجو استمرار هذا الإبداع..

أختك/ ..<< روح الليل >>..

[بعد بسهر]

الغائب...

الله يعافيك,,,

تسلم ع الابيات...

[بعد بسهر]

روح الليل...

شكـــراً للرد و اللإطراء..

وتسلمين...

[وليد اللحظه]

هلا بيك اخوي بعد بسهر...
أنثر الحبر من قلمي لكي اكتب لك وأظل اكتب وكأنني أغرف كلماتي من محيط وأسكبها في محيط آخر ..فكلماتي لا تنتهي مهما أخذت منها ففي جوفي محيط من الكلمات وأيضا لا استطيع ان أملأه بهذه الكلمات وهكذا سوف أضل واكتب وأكتب ولا أتعب بأنك فنان في تصويرك للكلمة وانك مبدع في رسم صورك الخياليه الجميله بالكلمات..فأستمر في تقديم الجميل ..وأجعلنا نستمتع بما يخطه قلمك السحري..ومني لك خالص تحياتي ..

أخوك / وليــــــد اللحظة

[بعد بسهر]

أخي وليد اللحظة...

أشكرك جزيل الشكر على هذا الإطراء المميز.. وكلماتي ماخرجت الا من أعماق صدري.. وأتمنى أن تكون كلماتي قد أعجبتك ,اعدك أن أستمر بالكتابة.. ولك مني أطيب الأماني ...


أخوك
بعد بسهر...