من اللي خان ؟؟

[جواد الليل]

في ليلة ظلمة .. ما فيها قمره
ولا فيها رحمـــة ..
أصدرت حكمي .. وبدون رأفة
قلتها لك .. أنتي خاينة
قتلتك ، وقتلت روحي ، وقصة عشق حلوة
كان الحب يسهر .. إذا سهرنا
وكان الغرام يضحك .. إذا ما ضحكنا
يمكن حسدونا وما عرفنا
شفت الغدر والخيانة .. على باب غرفتنا
بصراحة .. ما ادري شفت ولا حسيت ولا يمكن شكيت .. المهم حنا انذبحنا
وما ترويت ولا تقصيت وكنت قاسي على قصتنا
ما فهمت ولا بغيت افهم وش هو قدرنا
وما دريت إلا وحنا افترقنا
أنتي غدارة
خاينة
مكارة
فاجرة
أنتي شيطانه
ذولي اللي قلتهم للناس عنك .. لم سألوني عن سبة فرقتنا
--------------------------------
من يوم ما أصدرت حكمي .. ما راجعته
ولا فكرت في يوم انه حبنا يمكن أنا ظلمته
وكل اللي تراوالي إني مظلوم .. في شي أنا ما فهمته
وفي يوم .. جاني صديقي الساهر ، ما تعرفينه ، ولا لك قد ذكرته
الساهر صحاني على حلم .. أنا اخترعته .. وأنا صدقته
--------------------------------
ادري إن الفراق .. هدني
وادري إن الخيانة .. يمكن إنها تكون كذبتي .
واسالك ليه خنتي !
طيب .. مو يمكن هواي خانني
مو يمكن عقلي و شكي .. هو اللي خان
ويمكن يوم انك بكيتي .. كنت انا الظالم والجاني ..وأنا اللي خان
ودمعتك اللي آخر ما اتهمتك بها وبصدقها ..
مو يمكن إنها كانت آخر نقطة في بحر اخلاصك والحنان .
ما ادري كيف أوصف لك !
صحيح إن كل شي انتهى .. وصار في خبر كان
وصحيح انه ما عاد يهم .. من هو اللي خان
بس كلمة حق لازم أقولها .. ولو طال الزمان
كلمة حق بقولها .. وماني بندمان
كلمتي اللي بقولها .. يمكن تكون اتفه كلمة .. ينطق بها لسان
أبقولك ..
والله ما ادري منهو اللي فينا خان !
يمكن أنتي
ويمكن أنا
ويمكن مهو بأنتي ولا هو أنا
ولا حتى الساهر .. ولا عشقه اللي كان
تدرين ..
ويمكن انه ما أحد خان
ويكون الموضوع عبارة عن شك ، وجنون إنسان
ويمكن ..
يمكن إني قلت هالكلام كله
لأني محتاج لشوية حنان
وأكيد أنتي .. أنتي ، مهو بأنا اللي خان .

__________________

[الحفار]

كتاباتك من جد وعم وخال تعجبني

احس الصدق ينبع من ثناياها

اهنــيــــــك على جمالها

[جواد الليل]

أشكرك ..
ولو أنك مانت انسان حساس ما كنت قدرت تحس معي أخوي الحفار .

[الروح]

كلمــــات رائعة يا جـــواد ...
إلى الأمام الطيب .. :)

[صمت الليالي]

تحياتي الطيبه أخي جواد:)
حبيت أكون من ضمن المهنئين بأسلوبك القوي والجذاب هذا أولا.....
وثانيا....في أعتقادي لكل شئ تكريم فلذالك دائما يجب اكرام الماضي
ويكون اكرام الماضي بدفنه......منعالأي تشويه لذكراه مهما كانت الفجيعه ...وايضا تكريما لذاتك ولقلبك الذي كان عاشق او محب.....

وتحياتي مره أخر لهذا الاسلوب الممتع.....فعلا معبر وجميل.

[نزف الجراح]

شدني عنوان هذه الصومعة
"
"
وجدتها تحتوي مشاعر .. نازفة
احاسيس .. مرهفة
"
"
قلم ... جدير بالثناء
"
"
أخي الكريم .. لجميل ماقرأته هنا ..http://zahraa.hypermart.net/%ca%cd%ed%c9%20%e3%e4%20%c7%e1%de%e1%c8.jpg

[شجون المحبه]

بالرغم من الحيره ومن محاولتك لتبرير الخيانه ..
او ايجاد شيء اخر يعذر الفراق..ولكن في النهايه
تجد ان لابد ان تدرك شيئا ما الا ان لابد ان يكون
هناك خائن ...وللاسف كانت هي...


جميله الكلمات ...:)


احتراماتي لك ..

[جواد الليل]

الروح.. أشكرك , ويا هلا بالغالية

صمت الليالي .. أشكر أضافتك , وأعتقد ان كلامك صحيح , لكن المتضي ما زال يعيش معنا! , ولم ينتهي .. وأعدك أنه حين ينتهي سوف أدفنه .. في مقبرة بعـــــــــــيده .


نزف الجراح ..أخجلتي قلمي أختي العزيزة , وأشكرك من قلبي .


شجون المحبه .. ياهلا بالشجون , والله اسم على مسمى , واضح من خلال فهمك لما عنيته تماما .

[صمت الليالي]

والله كلي اسف على فهمي الخاطئ ؟؟؟
واتمنى ان تقبل اسفي واعتذاري.....وانشأالله ماينتهي .....
ولا يندفن انك تقدر تحافظ عليه.....فعلا عاجزه عن الاعتذار
على فهمي المتسرع والخاطئ




ارجو قبول فائق احترامي واعتذاري.

[جواد الليل]

يا هلا بك , وما صار شي أبد, عادي الله يسلمك

وأنتي فهمتي نص الحقيقة :)

الحقيقة انه صحيح كل شي انتهى وبدون رجعة , لكن ..

لكن ما زالت الأثار محفورة في النفس وتعيش الذكريات معي ومعها يمكن كل لحظة.