الى والدتي في البعد

[حبيبها]

دنق على الماطى غلا.. تمرغ باطهر ثرى
ياشـوق اضناه البعـاد .. اليالفيت وضمها

سبق مراسيل العيون اللي تهيض الياانبرى
قبل المنـام لخاطـري .. شوق يهـدد دمها

مع نسمة المسرى سرى من خاطري له ماسرى
لهـايب بروح تروح .. اليـا بطت عن امها

قبل جبين الطهر ياشوق الصغير اللي درى
انه بعيد مادرى عن شـوقهـا اللي لمها

ياما حلا ذيك اليدين اللي ترجعني ورى
صغير اكـبر في ذرى .. ذيك اليـدين وشمها

شمس الحنان بكفها وبكفها الثاني ذرى
وبحضنها شهقة غلا .. ابـو الحيــاة وامها

بعيونها برق السنا لامن تحدرها وجرى
كن العيـون بهالفضا .. تكدرت لهمـومها

منبع غرام الكون يا أم لها الخاطر برى
من علة بـه لاغـدت .. عيني تمـوج بخمها

يا اول اشواق الصغير اللي تربى وكبرا
وياآخر اشـواق الكبير .. اللي يمـوت لغمها

بيت القصيد اللي انكتب ماظنتي له ينقرا
خوفي على جفـن الحياة اليا التقى به كمها

ياعلها وافراحها وسعودها دوم خشرا
ذباحة سيوف الهنا تقضي على اصغر همها

حبيبها www.dewanee.8m.com (http://www.dewanee.8m.com)

[صميدع]

شمس الحنان بكفها وبكفها الثاني ذرى
وبحضنها شهقة غلا .. ابـو الحيــاة وامها

----------------------------------
صح لسانك حبيبها :)

[حبيبها]

اخوي صميدع .. عيني عليك باردة ياخوي .. ردك علي بتاريخ اليوم 21 / 6كان يحمل الرقم 986 في حين اخر ردك لك حتى هذه اللحظة اي في نفس اليوم كان رقمه 1009 .. يعطيك العافيه والله

وصح بدنك يالحبيب ..

اخوك حبيبها

[صميدع]

جعل عمرك طويل أخوي [حبيبها] على طاعته ...

وبالنسبه لملاحظتك الجميله , هالشئ يعود لمعرفتي التامه بشعور من يكتب موضوعا ما فأحاول قدر المستطاع مشاركة الموضوع ولو باأبتسامه :), لأدراكي التام بفرحة صاحب الموضوع عندما يجد مشاركه طويله كانت او قصيره , لذا أحرص كل الحرص على أن أزرع الفرح في قلب غيري :)

تحياتي لك دائم الدوم :)

[أخت الآه]

حبيبها ..
مواضيعك وقصائدك
تبعث الى الحزن

ياعمي يكفي الحزن اللي فينا
خف علينا شوي
تعبنا ..

وانت اتعبت قلبك ..

كانك حزين فحالتي حالة
يكفيك همك ..وانا بصبر على مابي

ودعوتي لك ..
يا عسى ما تفقد غالي

اختك
اخت الآه

------------------
قد ينسى الإنسان نفسه .. ولكن لن ينسى نفسا تسكن روحه

[حبيبها]

اخوي صميدع .. وعمرك اطول على يالغالي .. ويجزيك على قد نيتك

اخت الاه .. هذا وانتي اخت الاه وشلون لو كنتي الاه نفسها

وحياكم على التواصل