_ لا شيء هنا _

[_ نوره _]

- 1 -

وجيت تْلملـم جْروحك .. .. ..

.. وتعزف للمسا .. .. نوحـك ..

تفلّ الهمّ .. باْثر الهمّ ..

وتنقض جادل .. الفرقا .. !

أمانه

هالعيون اللي .. بها من غيظها .. برقا ..

أمانه ..

لا تجي غرقا .. !

وتكسر روح ... مجروحك .. !

- 2 -

حقيقة ... ؟

أو رقيقة هِيْ ؟

هكا البنت التي ..

.. تومض رجا .. حزّة أسى مرهي .. !

هكا البنت التي ..

تزهم على وجه الشجن ..

قِـمْ يا شجن ..

وجه الشبه ..

بلبّسِك وجهـي .. .. !


- 3 -

على غرّة حزن ..

هلّ الفرح .. .. .. ... حلوى ..

على غفلة مدن ..

بثّ البحر للشاطي بْنجوى .. !

وانا ما بينهم ..

أنبش جروحي ..

لا لا

إلا أزهّب جرحي لْبكــرا .. !


- 4 -


قال :

يسعد هالصباح ..

اللي يزفّك مزْن ... نور ..

يا صباح الخير .. لالا

يا صباح النور نور ..

قلت :

حيّك ..يا بعد حييّ ..

غفا الليل .. .. وهكا النجم استراح

يا صباح ٍ تنتشي به ..

من بنات النور .. ربّات ٍ مِلاح ..

يا صباح ٍ ما يزيد الخاطر إلا ..

غيث طيبة وانشراح ..

يا هلا به .. يا هلا به .. يا هلا به ... ... من صباح ..!


- 5 -

قلت لك .. لا شي هنا ..

ليه يدفعك الفضول ؟ http://www.swalif.net/swalif1/ubb/smile.gif

...

حفنة اوجاع وعنا ..

ويش أخلّي ؟

ويش أقول ؟ ! ؟


...

تحياتي

[الحفار]

الاخت/ نوره الذي يعرفك من قبل لابد وان يدفعه الفضول ليقرأ ما رسمتيه من جديد,, نعم ان كلماتك لوحات تشاهد وهي خمس لوحات لايرسمها الا المبدعون
وانهم قليل لكن انتي منهم ..

------------------
نصيب قلبي قادني لين حدّك.....
واصبحت لك يا غاية النفس مشدود

[LoveEyes]

اختي نوره ..

جميل ما كتبتي رغم بعد المسافات .. وكثرت الغياب ..
الا ان " رسماتك " .. لا يزال لها صدى ..

.......................
وش هالحزن غطى حلمي وعلمي ..
من كثرها الافراح يومك رفيقي ،،
ماشفت انا حظي قد التفت يمي ..
اسمي عيون الحب ودمعي حقيقي ،،

[عابر القارات]

نوره
تغيب شمس وتطلع شمس
ومثل ماقلتي ياصباح مايزيدالخاطر الا غيث طيبه وانشراح
يا هلابه يا هلابه من صباح

وكل ليل عقبه صبح جميل وشمس مشرقه

------------------
عابر القارااااااات

[روضه]

نــــــــــــــــــــــوري http://www.swalif.net/swalif1/ubb/smile.gif

يا هلا بك عد ما مزن غزير

يا هلا بك يا هلا بك يا هلا

http://www.swalif.net/swalif1/ubb/smile.gif



[b]<small><small>[ تم تعديل الموضوع بواسطة &nbsp; روضه &nbsp; يوم &nbsp; 26-12-1999]

[هند]

نوارة سوالف ..


بتصدقين اذا قلت لج انك في بالي

البارحة .. http://www.swalif.net/swalif1/ubb/smile.gif

لك معزة كبيرة عندنا في سوالف ..

لا تطولين الغيبات ...

[_ نوره _]

أخي الحفار

تقول " المبدعين " وليتني يا خوي أنا منهم .. http://www.swalif.net/swalif1/ubb/smile.gif

.. .. .. .. .. .. .. على كلْ حال .. أدري انّه .. كتاباتي على قـدّي http://www.swalif.net/swalif1/ubb/smile.gif


إذا أول قصيدي همّ .. وآخرْة الكتابة هـمّ ..

.. .. .. .. .. .. .. على أيش أكتب أبياتي .. مدام إن الشجن ضدّي ؟ !؟


..


هلا بك يا عيون الحب .. هلّت بك قوافيّه ..

.. .. .. .. .. .. .. تشرّف هالقصيد .. وهالقصيد يْشرّفه حرفك ..

آبا طول النجوم .. وأسكن القمرا محانيّـه ..

.. .. .. .. .. .. .. وارفرف هالعيون شْجون .. يثريها شجى عزفك .. !

شكراً لك أخي ..


...


أخي عابر القارات


الليل .. ماهو سوى أحلام نرسمها ..

.. .. .. .. .. .. .. .. حزمة خيالات .. ينفيها الصباح بْنـور .. !

المشكله دمعة ٍ عييّت لا الجمـها .. !!

.. .. .. .. .. .. .. .. أومض من البرق في جفن السحاب العور ... !

..

أختي روضه http://www.swalif.net/swalif1/ubb/smile.gif


تصدقّين إنّك تفلّين بسمة ؟

.. .. .. .. .. .. .. .. بسمة عيوني ماهي بسمة شفاهي ... !

ما كنّي إلا بيد .. والروض نسمه .. http://www.swalif.net/swalif1/ubb/smile.gif

.. .. .. .. .. .. .. .. بشّت بها ذيك العيون السواهي ..

شرّفتي http://www.swalif.net/swalif1/ubb/smile.gif

..

أختي الكريمة

هنــد ..

طوّلت بالغيبات .. محدن ذكرني .. !

.. .. .. .. .. .. .. ثم جيت فجأه .. وأثرهم ما نسوني ... http://www.swalif.net/swalif1/ubb/smile.gif

يابنت ردّك بالمحبه غمـرني ..

.. .. .. .. .. .. .. ما شفتي برّاق الفرح في عيوني ؟ http://www.swalif.net/swalif1/ubb/smile.gif

يا علّك تسلمين أختي ..

على البال .. http://www.swalif.net/swalif1/ubb/smile.gif


شكراً لكم جميعاً .. شرّفتموني ..

نوره

[عاشق الخليج]

سلالالالالالالالالالالالالالالالالالالالالالالالالالالالالالالالام
اتمنــــــــــــــى ان لايتوقــــــــــــــف شـــــــــــــــــــــلال الابــــــــــــــــداع
ولو بين فترة واخرى

(( العاشـــــــــــــــــــــــــــــــــــــق ))

[هند]

انت بس دلينا على اراضيك ..

http://www.swalif.net/swalif1/ubb/smile.gif

نوارة سوالف ..

http://www.swalif.net/swalif1/ubb/smile.gif


المرة العشر طعشر .. لا تطولين الغيبات ..

[حبيبها]

امانه هالعيون اللي
بها من غيظها يرقا
امانه لاتجي غرقا
وتكسر روح مجروحك...

قرأتها فتذكرت من قلت لها يوما :

على هونك
ترى هالكون مايسوى
بلذاته ولوعاته
بنيرانه وجناته
الى مني لمحتك يوم
يبلل دمعك عيونك


هي لحظات .. تفرز الكسر للروح .. لحظات ماقبل انسدال الستار .. لحظات الحد الرفيع الفاصل مابين الدموع واللا دموع .. لايلمحها بصدق الا من ( ) بصدق .

تحياتي ،،،

[_ نوره _]

أخي عاشق ..

شـلال الابداع ليته ينحدر يمـّي ...

.. .. .. .. .. .. .. .. والله لورّيـه الظمـا كيف قاسي http://www.swalif.net/swalif1/ubb/smile.gif


ما اقول انا عمّـته وْلا قول هُوْ عمّـي ..!

.. .. .. .. .. .. .. .. بس أدري إن الشعر كاسه وهُوْ كاسي .. !

شكراَ للحضور .. http://www.swalif.net/swalif1/ubb/smile.gif


أختي هنــد ... http://www.swalif.net/swalif1/ubb/smile.gif

للمرّة الـ " عشر طعشر " قلت انا ببعد .. http://www.swalif.net/swalif1/ubb/smile.gif

.. .. .. .. .. .. .. .. حاولت حاولت .. لكن خيرتي برجـع ..

أقول في خاطري .. والسعد مستبعـد ..

.. .. .. .. .. .. .. .. وشّـوله آنام ؟ دام إن الأسى مضجـع !


شكراً لك اختي على الحضور مرة اخرى .. http://www.swalif.net/swalif1/ubb/smile.gif

وياهلا ويامرحبا .. ويامقربا http://www.swalif.net/swalif1/ubb/smile.gif

..

أخي حبيبها ..

كم زبّنت الإنكسار وكم زبنّـي .. !

.. .. .. .. .. .. .. .. ولّ يا كثر التباريح وغثاها ..

شاعر ٍ ماهو على جرحه يغنّـي ..

.. .. .. .. .. .. .. .. وش يبي بالخلق ينبش في عناها ؟

شكراً للتشريف .. أخي ..

تحياتي لمن قرأني ..

ومن تهجاني .. http://www.swalif.net/swalif1/ubb/smile.gif

ومن لا ذا .. ومن لا ذاك .. http://www.swalif.net/swalif1/ubb/smile.gif

اختكم ..

نوره



[b]<small><small>[ تم تعديل الموضوع بواسطة &nbsp; _ نوره _ &nbsp; يوم &nbsp; 31-12-1999]

[حبوب]

نــــــورة

بدون موووووووجااااملللللللللللللـه

استحي اكتب اي شي بعد ماقريت ابداعاتك

[_ نوره _]

أخي حبــووووب http://www.swalif.net/swalif1/ubb/smile.gif

لا تستحي .. إكتب على كيف كيفك ... http://www.swalif.net/swalif1/ubb/smile.gif

.. .. .. .. .. .. .. .. .. .. ياما كتبنا .. واتعبتنا المكاتيب ..


واْخذ الحذر .. لا يكسر الشعر سيفك .. !

.. .. .. .. .. .. .. .. .. .. إن ما لفى بالغصْب .. يلفيك بالطيب http://www.swalif.net/swalif1/ubb/smile.gif

حياك الله http://www.swalif.net/swalif1/ubb/smile.gif

[أصيل الليل]

قويه

{وجيت تْلملـم جْروحك .. .. ..

.. وتعزف للمسا .. .. نوحـك .. }

أرجوا ان نقراء المزيد

____________________________________
أصيـ http://www.swalif.net/swalif1/ubb/icons/icon39.gif ـل


[b]<small><small>[ تم تعديل الموضوع بواسطة &nbsp; أصيل الليل &nbsp; يوم &nbsp; 01-01-2000]

[شمعة الجلاس]

جيت انثر جروحى
وانادى للسهر بوحى
واعطر ليلة ملاها الحزن
واعياها شقى روحى
انا رجيت الدمع لو يبقى
رجيته
للعيون اللى بدموع عتابها شرقى
ولا ترحم؟؟
تمخطر وتضحك من صدى نوحى
2

خيال
فى عيونى خيال
ارسم حروفه وآهاته على البال

3
قال
حلفت
انى اشربك كاس المر ذاللحظه
وشفتى عيونك؟؟
حلفت
لتغرق بدمعهاواطفى الومضه
واخلى صباح الفرح فى عيونك يمر آهات بس
خلينى افضى
قلت
مسكين قلب طاح فى يد قاسى
يعانى منه
ويبكى
ولا يفكر يواسى
4
قلت لك شى عادى
طبع الفضول فى البشر
وازيده من هوى عنادى
خلينا نقول
ليش اخلى
ما اقول

[عابر القارات]

الأخت نوره
امتعينابالمزيد مما تكتبين
مع تقديري واحترامي لكم

شاعر ماهو على جرحه يغني
...............وش يبي بالخلق ينبش عناها

------------------
عابر القارااااااات

[_ نوره _]

أخي أصيل الليل ..

انا قلت أكتب ابياتي وأخلّي الزود لاهل الزود !

.. .. .. .. .. .. .. .. .. .. ولو إنّي أغثّ البعض .. لكن ذي كتاباتي .. http://www.swalif.net/swalif1/ubb/smile.gif

أقدّي حرفي الثاير .. عن اهل الميل والمنقـود ...

.. .. .. .. .. .. .. .. .. .. ودام إنّي ضميت الشعِر .. خلّه يشرب سْكاتي .. !

شكراً للتشريف .. http://www.swalif.net/swalif1/ubb/smile.gif

..

..

..


أختي شمعة الجلاس ..

هلابك .. أو هلابك .. أو هلابك .. http://www.swalif.net/swalif1/ubb/smile.gif

.. .. .. .. .. .. .. .. .. .. على كثْـر التمنّـي بك نهلّـي ..


سقاي الغيث من ديمة سحابك ..

.. .. .. .. .. .. .. .. .. .. ألين أورق خفوقي واسفهلّـي .. http://www.swalif.net/swalif1/ubb/smile.gif


مرحبابك اختاه وبما خطته أناملك ..

... شكراً للزيارة الكريمة .. http://www.swalif.net/swalif1/ubb/smile.gif