View Full Version : عاااااااااااجل ،،، إستفسار من أهل الخبرة وأصحاب الشفر
Be Away Of My Way
02-05-2006, 12:52 PM
السلام عليكم ورحمة الله وبركاته
كيفكم يا شباب ؟؟؟
أتمنى تكونوا بألف صحة وعافيه
يا شباب أنا ناوي أشتري سيارة سبور
وناوي عليها تعديلات خارجية فقط ( يعني بالهيكل الخارجي والكونسول الداخلي)
من غير ما أعدل في المحرك .
والسؤال هو :
أنا لقيت كمارو موديل 95 أمريكي وأعجبتني
السيارة قمة في النظافة مع أحد الجاليات في المملكة
ومواصفات السيارة كالتالي:
المحرك V6
غيار السرعة (القير) اتوماتك
الزجاج كهربائي + مكيف حار وبارد + مسجل شد البلد
مجدده ومفحوصه
ولونها فضي ، والسيارة مو كشف
كم أعلى سعر ممكن تصل له هالسيارة ؟
أنا أعطيته 12000 ريال وهو يقول 13500 ريال
هل سعرها مناسب أم ممكن ألاقي بأقل من كذا ؟
آمل منكم سرعة الرد
وتقبلوا تحياتي
مالك فيه ولا تفكر تشتريه
1- لا يوجد قطع غيار
2- عزم سئ جدا
3- بالعربي ماله داعي وبسعره تشتري 8 سلندر ونفس الموديل وتطرب نفسك عليه
محرك LT1 نظيف ومصفى يعطيك احساس ومتعه لا توصف في القياده :knight:
وللمره المليون لا تقول لي تعديل شكل خارجي هذي سياره سبور وفي لحظات راح تتحمس
وتتمنى انو تزويد العالم كلو في مكينتك :glasses2:
واتمنى انك تسمع النصيحه والبنزين رخص ترا :D
Corvette_Stingray
04-05-2006, 02:43 AM
انا انصحك بال8 سلندر ومثل ما قال اخوي W351 وما ازيد على كلامه هشي :p
محب دبي
04-05-2006, 03:36 AM
نعم اخوي الكمارو 6 سلندرات ماحد يشتريها
ال 8 سلندرات سياره ماشيه بالسوق القير الاتوماتك 4 نمرات و العادي 6 نمرات
لو خذيت ال 6 سلندرات ماراح تنبسط فيها .. و حين بتريد تبيعها من جديد ماحد بيشتريها منك الا التشليح ياخذها منك بسعر رخيص و يفككها يبيع الابواب و الفرشه كل قطعه بحالها يتربح :knight: فيها راح يجو يشترو منها اصحاب الكمارو 8 سلندر من التشليح لو كانت القطع هاي غاليه شويه بالوكاله :D
TOP-SECRET
04-05-2006, 03:57 AM
اخوي الـ 6 سلندر تعبانه جدا ومافيه فايده من تعديلاتها
الا اذا انت مجهز للتعديل مبلغ قوي مثلا 30 الف " غير سعر السياره"
تقدر تشتريها وتبيع المكينه وتزيد السعر وتركب مكينة LS-1 وقير كمارو SS 6 انمر
وبعدين تعدل البودي على راحتك وتركب الرنقات الي تعجبك بس المحرك تعبان جدا
حصلت نفسها عندنا في قطر يبي يبيعها راعيها ب 9 ونص
لونه اخضر :mad1: تعبان هذا اللون على الكمارو :mad1:
قلق و رجه
04-05-2006, 02:35 PM
(¯`'•.¸§(¯`'.•'´¯)§ ¸.•'´¯)
ما ابي احطمك
لكن واحد من اخوياي شاري كومارو 95 8 سلندر بس خربان القير
ب 3 الاف تقريبا او اقل
وناوي عليها مشروع كامل وبدينا في المشروع
فما انصحك ابدا لانها غاليه
موفق انشالله
(_¸.•'´ ""*`'•.¸_)
الارهابي
04-05-2006, 03:24 PM
اذا تبغى تعدل حق شكل و اداء ( بس بيكلف شوي )
شوف لك موتر امريكي قديم حزين
حزين يعني زي
الكومارو 67 - 69
و الكومارو 70 - 71
الشفل 71
الترانز البقره 77 - 78
الشفل ( ماليبو ) 77 - 79 سيدان و لا كوبيه ولا بكس كلها تنفع :D
بيوك ريقال ( 83 - 87 )
مونت كارلو ( 85 - 87 )
و اذا تبغى موتر زعلان خد لك ونيت قطع 10 مديل 76 وجهه كأنه هامور متزاعل ويا زوجته :D
و الادهى من هدولا كلهم مواتر الدودج القديمه
من كثر الحزن جاهم اكتئاب و اشكالهم ما لها حل صراحه :knight:
بس ما اتوقع تحصل دودج
اذا بغيته حق اداء و ما يكلف واجد
شوف لك موستنق LX شنطه 93 و تحت و اقلع مكينته و حط له مكينه محترمه
او شفر سنوما مديل الثمانينات حط عليها شفر 350 معدله و خفف كل ما تقدر فيها ( مع التخفيف ممكن توصل 1000 كيلو مع مكينه 8 سلندر ) و ركب لها ورا cal-track bars و خلاص
اما الكومارو الجديد ما له داعي مع احترامي
سياره اللي صممها وياه انفصام في الشخصيه و قولون عصبي :D
و تعديلها مكلف و متعب
شكرا :D
Be Away Of My Way
04-05-2006, 03:29 PM
راح أصرف نظر عنها وأشوف غيرها
وكلامك في محله أخوي الإرهابي
أدور على سيارة قديمة يكون التعديل فيها واضح
تسلموا على الردود والنصائح اللي فعلاً نجتني من مشروع فاشل
الله يعطيكم العافيه
تحياتي لكم
أخوكم
الارهابي
05-05-2006, 11:51 PM
http://hotrodders.com/gallery/data/500/medium/malibu3.jpg
http://hotrodders.com/gallery/data/500/medium/78malibujpg.JPG
:good: :D