مشكلتي مع اللكزس GS

[uaesolidsnake]

أخوي عنده لكزس GS موديل 1999 سته سلندر.
و السياره مشكلتها ان فيها نفظه في المكينه خاصه عندما تكون السياره واقفه و لكن عندما تبدأ بالتحرك فأن النفظه تقل و عندما جربت أدعس على دواسه البنزين كاملاً لأجرب قوه السياره فأني لاحظت ضعف ملاحظ لقوه السياره, و كذلك لاحظت من دعسي للبنزين ان الهواء الخارج من الاكزوز غير منتظم فما أدري شو حل هذي المشكله.

أنا لاحظت شي ان السياره عندما تكون واقفه تنفظ لكن لين أعطي السياره ريس الى 1.5 RPM في وضعيه القير N فأن النفظه تختفي.

عندما أخذت السياره الى وكاله الفطيم و قاموا بفحصها و قالو لي ان المشكله من الانجيكتر و يجب تغييره و السعر الذي ذكروه لي كثير جداً, و انا الصراحه ما صدقتهم ان المشكله من الانجيكتر لان أخوي محافظ على السياره و شي غريب حصول مثل هذي المشكله على حسب أعتقادي.

[560SEL]

السلام عليكم ورحمة الله وبركاته

الموضوع ان شاء الله سهل مره ...

لازم تصفي المكينه و تغير البواجي و فلتر البنزين .. و تفحص البخاخات ... و تفحص الكويلات

لان أغلب الظن ان ان العيب من البخاخات اللى هي ال Injectors لأنها أصلا تعتبر من القطع الاستهلاكيه اللي لابد يجيها يوم و تنتهي ...

اذا غيرت الامور هذي صدقني السياره بتضبط معك

[uaesolidsnake]

الوكاله قالو لي ان المشكله مثل ما قلت في فلتر البنزين و البخاخات و الكويلات.

بغيتك توضح لي شو هي الكويلات, و شو لازم أسوي للبخاخات هل لازم أغيرهم و الا شو أسوي؟

أذا لازم أغيرهم من وين تنصحني أشتري البخاخات؟

[560SEL]

الوكاله قالو لي ان المشكله مثل ما قلت في فلتر البنزين و البخاخات و الكويلات.

بغيتك توضح لي شو هي الكويلات, و شو لازم أسوي للبخاخات هل لازم أغيرهم و الا شو أسوي؟

أذا لازم أغيرهم من وين تنصحني أشتري البخاخات؟


الكويلات هذي طال عمرك منظم الكتروني لكهرباء البواجي و هي بديل للأسلاك التقليديه اللي كانت تستخدم في السيارات أول و تستخدم في بعض السيارات الان

أول شئ ... غير البواجي و الفلتر .. و شوف النتيجه

اذا ما ضبطت غير البخاخات

اذا ما ضبطت غير الكويلات

يعني امشي بالتدريج هذا عشان ما تكلف عليك مره و عشان تعرف وش السبب الحقيقي

[infiniti]

غير منظم الهواء ( حساس الهواء ) سعره تقريبا 700 ريال او 1700 ريال والله ماني ذاكر السعر بالضبط .

لاتتعب نفس غير المنظم و تنتهي المشكله . :glasses2:

[cadyman]

احد الزملاء معاه جي اس ماشي 11000 كم وحصلت نفس المشكله وكان الحل تغيير البخاخ بالكامل عند الوكيل

[560SEL]

غير منظم الهواء ( حساس الهواء ) سعره تقريبا 700 ريال او 1700 ريال والله ماني ذاكر السعر بالضبط .

لاتتعب نفس غير المنظم و تنتهي المشكله . :glasses2:


يا أخوي المنظم ما يسوي كذا :m: و لا الحساس :m:

اذا كان منظم الهواء خربان تلقا الميكنه دوراتها تزيد و تنخفض :m:

[sayedco]

آنا أقول كخطوة أولية و رخيصة نوعاً ما

نظف البخاخات بواسطة هالأجهزة مادري شيسمونها :D

و إذا ما فاد يمكن بلكات

و إذا سويت هالخطوتين و ما فادوا بعدين انتقل للتبديل و الأشياء اللي سعرها فوق

[مؤيد اف1]

قبل ماتبدل حساس الهواء جرب نظفه بمنظف الكترونيات الرشه البيضاء تحصلها في المحلات الكبيره :think:


يمكن مغبر..ولا تفكر تلمسه من الداخل بشيء او بيدك..بس رش والمنظف بيتبخر في ثواني.


وجرب افضل البطاريه نص ساعه واشبكها وشوف..



اذا خفت المشكله يعني من الحساس ويبي له تغيير..اما اذا راحت يعني ماتحتاج تبدله.


اما اذا راحت ورجعت يعني الكمبيوتر يبي له تعديل برمجه وبس :D



عموماًَ هذا ابسط شي وارخص شي..

هو يمكن من الانجكترات ويمكن البواجي..


على العموم هي مشكله بسيطه في اعتقادي انت وحظك


تحياتي

[NisFan]

ممكن كويلات :think:

[مؤيد اف1]

ماعليش رد ماله داعي :D

[Prelude 4 Life]

زي ماقال لك مؤيد جرب افصل البطارية وبعدين اضغط على البريك كم ثانية علشان تتأكد ان الشحنة تفرغت بالكامل

اترك السيارة نص ساعة وبعدين اشبك البطارية مرة ثانية وشغل السيارة

هالحركة تعمل reset لكمبيوتر السيارة وتخليه يعيد برمجة نفسه من جديد وبعض الأحيان تصلح زي هالمشاكل البسيطة


على فكرة مؤيد....مبروك الرتبة الجديدة كاشخة :D

[uaesolidsnake]

أنا باجر بسير أطلع السياره من الوكاله لتجربه الخطوات التي ذكرتوها حقي قبل ما أفكر أبدل الانجكترات.

المهم شو هي الطريقه علشان أنظف الانجيكترات؟

[نديم الطيف]

ماتوقع البخاخات :confused: ياخي القرانديات والكبارس القديمة 89 بخاخاتها للحين زي العسل وانت 99 وخربانه :blink:


بدل اول شي البواجي وصفاية البنزين وفلتر الهواء (يمكن السيارة مكتمة) واذا ماضبطت بدل الكويلات عشانها ارخص من البخاخات وبعديييييييين فكر بالخاخات

بعدين ماقلت لنا هل امبير الضغط يطلع وينزل والسيارة واقفة والا ثابت؟؟ اذا يطلع وينزل ترا يمكن منظم الهواء وخصوصاً انك قلت ان العزم طايح وطيحة العزم ماتجي من خراب البخاخات :headshak:

هل السيارة (من غير شر) مصدومة؟ يعني ثلاجة المكيف سليمة والا مكسورة؟؟؟ وهل السيارة تطفي احياناً والا ترمي :D او تطلع دخان كربون؟؟؟؟؟؟؟؟؟؟؟؟

[الهاوي جروب]

اخوي انصحك خليك على الوكاله افضل ياخذوا منك زياده ولكن التصليح عليه ضمان واكيد شغلهم انظف من بره

[مؤيد اف1]

أنا باجر بسير أطلع السياره من الوكاله لتجربه الخطوات التي ذكرتوها حقي قبل ما أفكر أبدل الانجكترات.

المهم شو هي الطريقه علشان أنظف الانجيكترات؟


جرب منظف بخاخات الي يحطوه في محطات البنزين..ويفضل يكون نوعه STP

وادعس بالسياره وانت مفللها طبعا وشوف اذا خف يعني الشغله تنظيف بخاخات وبس

[560SEL]

ماتوقع البخاخات :confused: ياخي القرانديات والكبارس القديمة 89 بخاخاتها للحين زي العسل وانت 99 وخربانه :blink:


بدل اول شي البواجي وصفاية البنزين وفلتر الهواء (يمكن السيارة مكتمة) واذا ماضبطت بدل الكويلات عشانها ارخص من البخاخات وبعديييييييين فكر بالخاخات

بعدين ماقلت لنا هل امبير الضغط يطلع وينزل والسيارة واقفة والا ثابت؟؟ اذا يطلع وينزل ترا يمكن منظم الهواء وخصوصاً انك قلت ان العزم طايح وطيحة العزم ماتجي من خراب البخاخات :headshak:

هل السيارة (من غير شر) مصدومة؟ يعني ثلاجة المكيف سليمة والا مكسورة؟؟؟ وهل السيارة تطفي احياناً والا ترمي :D او تطلع دخان كربون؟؟؟؟؟؟؟؟؟؟؟؟


الكابرس القديم كربيتر :m:

في التويوتا عموما اذا خربت البخاخات تلقى عداد ال RPM نازل الى 1000 أو 1500 و لكن ما يمنع أبدا ان الرجال أول شئ يجرب يصفي المكينه عن طريق تغيير البواجي و فلتر البنزين كخطوه مبدئيه و اذا ما نفعت يتجه للبخاخات لأن أغلب الظن انه من البخاخات و بعدين يشوف موضوع الكويلات

و الكويلات حسب معلوماتي غاليه مره يعني أغلى من البخاخات

و ممكن فحصها بسهوله بالكمبيوتر و لكن فحص الكمبيوتر أيضا يكلف

[560SEL]

جرب منظف بخاخات الي يحطوه في محطات البنزين..ويفضل يكون نوعه STP

وادعس بالسياره وانت مفللها طبعا وشوف اذا خف يعني الشغله تنظيف بخاخات وبس

STP جربته ... و لا منه أي فايده

و تنظيف البخاخات غلبا ما يكون حل مجدي لأنها بترجع تخرب ثاني في وقت قصير فأسلم حل انه يغير البخاخات مره وحده و يريح راسه

و الف مبروك يا مؤيد على الترقيه و فعلا لقب لايق عليك مره :knight: :D :D

[محب دبي]

يا أخوي المنظم ما يسوي كذا :m: و لا الحساس :m:

اذا كان منظم الهواء خربان تلقا الميكنه دوراتها تزيد و تنخفض :m:



اخوي البخاخات ممكن تنظيفها بعد و اعتقد احسن ميكانيكي ينظفها هو الوكيل و هذا أقل تكلفه من تغييرها

[uaesolidsnake]

السياره امبير الضغط مالها ثابت مثله مثل أي سياره صاحيه.

السياره على حسب علمي ما تطفي, لكني ما أدري أذا اتطلع دخان من الاكزوز.

[نديم الطيف]

الكابرس القديم كربيتر :m:

في التويوتا عموما اذا خربت البخاخات تلقى عداد ال RPM نازل الى 1000 أو 1500 و لكن ما يمنع أبدا ان الرجال أول شئ يجرب يصفي المكينه عن طريق تغيير البواجي و فلتر البنزين كخطوه مبدئيه و اذا ما نفعت يتجه للبخاخات لأن أغلب الظن انه من البخاخات و بعدين يشوف موضوع الكويلات

و الكويلات حسب معلوماتي غاليه مره يعني أغلى من البخاخات

و ممكن فحصها بسهوله بالكمبيوتر و لكن فحص الكمبيوتر أيضا يكلف


حراااااااااااااااااام عليك ظلمت الكابرس :D انا كان معي تسعاوي 89 بخاخات يسابق الطيور :D :D :D لو تلاحظ الكبارس القديمة ابيك تنتبه للصدام الخلفي اذا لقيت فيه ربلتين بشكل طولي بنص الصدام على شكل دعامية بسيطة ترا هذا كلبليتر واذا جاك الصدام سادة ترا بخاخات :D :D :D :D والله اكلمك جد انا بديت حياتي على كابرس واعشق الموديل القديم لانه موووووووووووتر واعرف خباياه وانواعه زيييييين :smart:


بعدين بالنسبة للكويلات الكويل الواحد للبي ام بـ 55 ريال جديد...اكيد اللكزس ارخص وخصوصاً انه بياخذ 6 كويلات بس يعني (من وجهة نظري) اشوف ارخص له لو يجر الكويلات قبل البخاخات لان البخاخات من 1000 وانت طالع :think:

[560SEL]

اخوي البخاخات ممكن تنظيفها بعد و اعتقد احسن ميكانيكي ينظفها هو الوكيل و هذا أقل تكلفه من تغييرها


الوكاله ما ينظفونها

يغيرونها مباشره حتى بدون ما يعلمون صاحبها ... و مشكلة التنظيف مثل ما قلت ان البخاخات ما تستمر مده طويله بترجع تخرب في وقت قصير

انا معك انها مكلفه الى حد ما و لكن الواحد قبل كل شئ يدور راحة البال اذا كانت الميزانيه جيده

[uaesolidsnake]

تدرون أخوي الذي هو صاحب السياره كان ناوي يصلح السياره في الوكاله لكني قلت له حرام تدفع 6000 درهم لتصليح السياره و انت ناوي تبيع السياره لشراء سياره جديده.

[نديم الطيف]

تدرون أخوي الذي هو صاحب السياره كان ناوي يصلح السياره في الوكاله لكني قلت له حرام تدفع 6000 درهم لتصليح السياره و انت ناوي تبيع السياره لشراء سياره جديده.


اذا الدعوا بيع لاتصلحها بالوكالة :D لفقها برا باي ورشة وصلحها باقل التكاليف لان النفضة بتنزل قيمة السيارة

وعموماً الشكل الجديد ضربكم وقيمة الـ 99 تتراوح بين 55 الى 60 الف للنظيف :cool:

[560SEL]

تدرون أخوي الذي هو صاحب السياره كان ناوي يصلح السياره في الوكاله لكني قلت له حرام تدفع 6000 درهم لتصليح السياره و انت ناوي تبيع السياره لشراء سياره جديده.

المشكله انه اذا تركها على حالتها بيطيح سعرها عند البيع

[cadyman]

زميلي جرب كل اللي قلتوه واخر راح الوكاله قالو له كل الجي اس يخرب البخاخ فيه بعد حوالي 100 الف كم ولازم يتغير وكلفه حوالي 2500 ريال

[مؤيد اف1]

بخاخات فورمولا 1 تخرب في هالفتره القصيره وانا مادري :blink:

[TOP-SECRET]

مستحيل الموضوع مرتبط بالبخاخات

سيارات لكزس وتويوتا مثل هذي المشكلات مستبعده جدا فيها :-)

[uaesolidsnake]

يا جماعه هل هناك أي مشكله أذا ركبت شمعات احتراق أقوى من التي تأتي من الوكاله لاني ناوي أركب نوعيه قويه تسمى Volker فبغيت أستشيركم في هذا الموضوع.

[SLR55]

إذا نويت على بلااكات

فركب يا NGK أو Denso

أحسن شيء للياباني وبرتاااح منها ^_^ إن شاء الله

أما بخوصوص المشكلة إلي إنت فيها

جرب تطلع حساس الهوا + حساس الثروتل (البوابة إلي يدخل منها الهوا ) بتحصل حساس صغير طلع ونظفه وشوف الفرق ^_^



سلااااااااااام

[uaesolidsnake]

بأذن الله راح تنحل المشكله غداً بعد ما أجرب تبديل أول شيء من الاشياء و الذي هو بلاكات الاحتراق.

[infiniti]

اعمل اختبار على السريع افصل فيش حساس الهواء و شوف السياره وهي واقفه اذا صارت المكينه صافيه اعرف ان المشكله من حساس الهواء و انا صارت مع اخوي نفس هذي الحركه لكزس جي اس موديل 99 و و طلعت المشكله من حساس الهواء اذا رفعت الريس فوق 1500 تصير السياره صافيه و اذا نزل على 1000 تحس الامبير يلعب شوي فوق شوي تحت .

[uaesolidsnake]

غيرت البلكات وراحت المشكله, لكن بعد حوالي ساعه و نصف ردت نفس المشكله ترجع بالتدريج من جديد فأستغربت فرحت الى نفس الكهربائي و فتح البلكات كلها و تدرون شو أكتشفت انا معاه ان واحد من البلكات تفحم فأكتشفنا ان الكويل هو المشكله و هو الذي سبب تفحم البلاك و رحت بدلت الكويل و ركبت بلاك واحد جديد مكان المحترق و سقت السياره حوالي ساعه و ما لاحظت وجود أي مشكله و قال لي الكهربائي اجرب السياره كم يوم و اذا لاحظت وجود اي مشكله بأن أذهب اليه لكي يفحص الاشياء الاخرى المتوقعه غير الكويل الخربان الذي تم استبداله.

[نديم الطيف]

انتبه لايكون البوجي يجيه زيت :confused:

[uaesolidsnake]

أخ نديم الطيف انا لاحظت شي غريب في البلاك المتفحم ان كان عليه ماده سائله أتوقع يكون زيت؟

ليش شو يعني وجود زيت على البلاك هل يعني ان الكويل خربان ام شي أخر أرجوك رد علي ابسرعه.

[infiniti]

أخ نديم الطيف انا لاحظت شي غريب في البلاك المتفحم ان كان عليه ماده سائله أتوقع يكون زيت؟

ليش شو يعني وجود زيت على البلاك هل يعني ان الكويل خربان ام شي أخر أرجوك رد علي ابسرعه.


معناها واحد من الاثنين اما ربلاب البلوف تعبانه و تنزل زيت على داخل البستن او رنقات البستن تعبانه و تصعد زيت داخل غرفه الاحتراق .

[uaesolidsnake]

على العموم انا راح أجرب السياره اليوم و باجر وبشوف اذا صارت أي مشكله.

و أنشاء ما تعود المشكله و أتكون انحلت ما تغيير الكويل.

[mujren2]

يا طيب بدليك بكراج في صناعيت عيمان اسمه شوكت هذى واحد فنان بس بيشوف اسياره وبيقولك شو خربان او بيقولك وين توصله بيخبرك احسن كراج وشوكت معروف بعد في عيمان هو ورا محطه الكبرى وسموحه يا طيب

[uaesolidsnake]

مشكور يا أخ mujren2 أنشاء أذا ردت نفس المشكله مره ثانيه راح اسير حق كراج شوكت و أنشوف أذا كان معلم و الا لا :good:

[sayedco]

مستحيل الموضوع مرتبط بالبخاخات

سيارات لكزس وتويوتا مثل هذي المشكلات مستبعده جدا فيها :-)


سبحان الله روز رويس مب تويوتا

يخي مهما يكون آخرتها السيارة سيارة يعني فيها مشاكل ، تويوتا تكون أو فراري

و السيارة فعلاً فيها مشكلة في نظام الحقن يعني ليش تستحيل السالفة ؟ :m: (حسب كلام الأخ راعي الموضوع يعني)

[نديم الطيف]

أخ نديم الطيف انا لاحظت شي غريب في البلاك المتفحم ان كان عليه ماده سائله أتوقع يكون زيت؟

ليش شو يعني وجود زيت على البلاك هل يعني ان الكويل خربان ام شي أخر أرجوك رد علي ابسرعه.


هذا سلمك الله يعني وجيه المكينة ماهي مضبوطة وتخر زيت على البوجي

اذا كان زيت وعلى بوجي واحد بس جرب أرخص الطرق وركب على البوجي (سدّة) زي جلدة الغاز :D

السدة هذي حلقة زي الوردة حقت الصواميل بس تكون ورق مقوى او ربل يجي بين البوجي والمكينة نفسها بحيث انه يمنع تهريب الزيت ... الين تبين السيارة :D :D

وجرب السيارة وان شاء الله بتضبط وانا مطبق هالحركة على قراندي وضبطت

الا عاد اذا السيارة بخاطرك وضبطت وتحب تستخدمها فأفضل لك تغير طقم الوجيه كامل ومابيكلفك اكثر من 600 اذا بتشتري طقم الوجيه اصلي وكالة :)

[uaesolidsnake]

اخ نديم الطيف شو قصدق في طقم الوجيه كامل؟

[uaesolidsnake]

هل هذي هي مشكلتي:
Engine oil is pumped up to the camshafts to lubricate the assemblies. To prevent oil from going everywhere there is a cover that goes over the camshaft area called a valve cover. The valve cover has a gasket to seal the area that it bolts to. With age the valve cover bolts can loosen or the gasket can shrink and become brittle. When this happens engine oil can leak by the gasket. Due to the location the spark plugs have valve cover gaskets on both sides of them. So, if the gasket starts leaking oil in the right area, oil ends up getting on the spark plug wires and spark plugs. Spark plug wires will not tolerate exposure to engine oil for too long of a time before they will begin to fail. More importantly an oil leak can be a fire hazard on a hot engine. The replacement gasket should take about 1 hour labor to install and to clean up the oil that has leaked. The gasket should be in the area of $15 to $20. Compared to the other costs if ignored, it’s not too bad of a repair. If you doubt that the repair is needed, just ask to see the leak.

[uaesolidsnake]

هل قصدك ان ال gasket مال ال valve cover يباله تبديل أو تضبيط لبراغي ال valve cover.

قصدك ان الزيت يأتي من ال camshaft عن طريق ال valve cover و عن طريق كيبلات البلاكات الى البلاكات.

[نديم الطيف]

يسسسسسسسسسس ياحلو

بعدين اذا مايهرب على البواجي من عند الوجيه اجل بالله من وين يهرب :D


مشكلتك سهلة يارجال بس الورش الي مريتهم كبروها بعينك...فك البواجي وشف اذا عليها بقايا زيت رح وطق لك وجه وجيه علوي وارتاح وريح راسك :sleep:


it's something very simple , just try cheapest way first

check if there are any oil leak , then change valve cover

[uaesolidsnake]

أخ نديم الطيف انت قصدك اني اذا لقيت بقايا زيت فيعني انه يجب علي تغيير ال gasket مال valve cover أو يبالي تغيير ال valve cover بس من دون ال gasket.

[CL-Class]

gasket فقط :p = الوجه :D

[نديم الطيف]

الوجه بس :banana:

[uaesolidsnake]

انا غيرت البلاكات و غيرت كويل واحد و حصلت بيب الذي يوصل من فلتر الهواء الى المكينه فيه كسر فكان يسبب في تسريب الهواء فغيرته و بعد هذا كله أنحلت مشكله نفظه السياره لكن بقت مشكله وحده و هي:

أنه في بعض الاحيان عندما أضغط من القومه ريس قوي أو عندما أتمشى بالتدريج البطيء بين سرعه 60 كم الى 80 كم يخرج صوت نقعه من من مخرج الاكزوز الايسر من دون ما يطلع الصوت في الاكزوز الثاني و هذا الشيء أمحيرني وايد و مب عارف شو المشكله فأرجو المساعده في حل المشكله.

[نديم الطيف]

دامه في جهة دون جهة فمعناتها لاتقرب من المكينة :D خلي شغلك من بداية ماصورة الشكمان بالمكينة الين دبة الشكمان ورا :smart:

[uaesolidsnake]

انا تأكدت انه ليس هناك تهريب للزيت.

و عندما سألت الكراج قال لي انه في أحتمال كبير تكون المشكله من فلتر البترول مع مضخه البترول.

فعندما بدلت فلتر البترول أكتشفنا أن الفلتر القديم كان وسخ وايد و قال لي في أحتمال كبير ان مضخه البترول كذلك تحتاج تبديل بسبب أن فلتر البترول يمكن يكون تسبب في عطل فاعليه مضخه البترول.

المهم قال لي جرب السياره كم يوم بعد ما بدلنا فلتر البترول فأذا السياره رجعت طبيعيه فمعناها ان المضخه ما أختربت لكن أذا بعدها فمعناها ان السياره تحتاج تبديل مضخه البترول.

صح بعد ما بدلت فلتر البترول صوت النقعه التي كانت صوب الاكزوز الايسر أختفت لكن الاهتزاز الى الان موجود.

فالان انا ابغي أسالكم هل أذا كانت مضخه البترول لا تعمل بشكل صحيح 100% راح يؤدي هذا الشيء الى أهتزاز السياره أم لا؟

و عندي سؤال ثاني ما هو المقصود ب ignition sensor / switch.

[نديم الطيف]

ايه ممكن السيارة تهتز اذا طرمبة البنزين ماتشتغل صح


ignition sensor / switch = حساس مفتاح تشغيل السيارة

[uaesolidsnake]

ما هي فائده حساس مفتاح تشغيل السيارة؟

[infiniti]

ما هي فائده حساس مفتاح تشغيل السيارة؟


ارجع و اقولك مره ثانيه غير حساس الهواء و تروح الاهتزازات و السياره واقفه حتى عزم السياره يختلف كثير.

[uaesolidsnake]

انا غيرت مضخه البترول و السياره شغاله أوكي الحين لكني لاحظت ان ال RPM عندما أضغط ريس كامل انه لا يرتفع بشكل ثابت و انما ترى فيه بعض الاهتزاز. و قال لي راعي الكراج ان هذي المشكله من الكمبيوتر و لازم أسوي أعاده برمجه عن كراج ثاني لانه ليس لديه كمبيوتر لاعاده البرمجه.

انا من قبل ان أصلح السياره رحت لكراج و قام بتشييك المشاكل بالكمبيوتر و قال لي ان السياره يبغيلها أعاده برمجه للاشياء التاليه:

Throttle position sensor / switch A circuit malfunction.
Igniter circuit malfunction
Intake air temperature circuit malfunction
و ترجمه الكلام الذي فوق هي:
هناك عطل في الدائرة A لمحسّس أو مفتاح موقعِ صمام الخانقِ.
عطل دائرةِ شاعلِ
عطل دائرةِ درجةِ حرارة كميةِ الهواء
-------------------------------------------------------------------

أرجو من الجميع أخباري بالحل المناسب لحل هذي المشكله و أذا كان كلامهم صح و ين أقدر أسوي أعاده برمجه بسعر معقول مع العلم اني من أماره الشارقه.

انا سمعت عن كم كراج في الشارقه يسوون برمجه:
كراج السيف الذهبي, و كراج عثمان.

أبغي أعرف شي واحد هل أعاده البرمجه منها فايده ام لا؟ و أبغي أعرف كم بيكلف عمل أعاده البرمجه؟

[نديم الطيف]

فيه طريقة حلوة

خلهم يشبكون الكيبل حق الكمبيوتر في كمبيوتر سيارتك...ويسوون كلير لكل المشاكل بالسيارة اوكي؟؟؟

وشف السيارة تضبط والا لا؟

[infiniti]

برمجة اللكزس ماراح تحصلها الا في الوكاله لاتتعب نفسك :p

[مؤيد اف1]

اعرف واحد عنده كورولا كان فيها رجه..غير حساس الهواء ولا فاد..ماخلى بها وادي ماطبه ولا شاف لها حل الا عن الوكاله..المشكله كانت من برمجة الكمبيوتر وعدلوها له :knight:

كان في نسبة الهواء مختله فقط :-)