View Full Version : صور عن قرب لسيارات الفورمولا 1 - تصوير الوالد - ا
sayedco
09-03-2006, 06:19 PM
السلام عليكم
اليوم الوالد ما قصر و صور لي 5 صور من الفورمولا ، يقول هناك داخل الحلبة و في الBIC كأنك عايش في اوروبا من كثر الغربيين
جان زين آنا مكانه :D
و هاي الصور في المرفقات
- لاحظوا آخر صورة ، شوفوا الشيشة و القعدة هناك ، بس مشكلة ما في مظلة ، اللي بيقعد في الشمس بيتبخر :D
EL_3grab
09-03-2006, 06:28 PM
أمووت في تقنيات الفورملا 1 .. مب سباقاتها .. :D
ما قصر أبوك .. يا سيد كوربوريشن ليمتد .. :banana:
sayedco
09-03-2006, 06:31 PM
العقرب ، مشكور على الرد
تدري ، يقولك الROD مال هالسيارات مصنوع من الذهب ، لأنه ما في مادة ثانية تقدر تعمل بكفاءة في هالمنطقة تحت حرارة المحرك و الدفع القوي و العزم اللي ينزل عليه
<< ابوي توه يقولي يعطيني محاضرة :D
مؤيد اف1
09-03-2006, 06:35 PM
مشكور خيو على الصور..
بكره الجمعه بيبتدي الجد..مو قادر انتظر :D
بس ويش تقصد بال BIC ؟ PIT?
في شي من زمان انا ملاحظه..من طلع فريق تويوتا..مافي امل تحصل مهندس ياباني :D
يبوقو الخبرات من غيرهم وبعدين يحطو مهندسين يابانيين.. :laugh1:
من قبل 3 من المهندسين متهمين بالتجسس على فيراري..واثبتت التهم وغرمو غرامات ماليه ضخمه جداً.. :D
ماعليش طلعنا عن الموضوع..اسمحو لنا
مشكور
abumhdi
09-03-2006, 06:36 PM
تسلم ولله ..
ماقصر ابوك .. كلّمه خليه يشارك معانا .. شكل عنده خبرة كبيرة بالسيارات .. نستفذ منه .. ;)
وتصوير جميل .. ماشاء الله ..
يسلمووو ،،
مؤيد اف1
09-03-2006, 06:38 PM
العقرب ، مشكور على الرد
تدري ، يقولك الROD مال هالسيارات مصنوع من الذهب ، لأنه ما في مادة ثانية تقدر تعمل بكفاءة في هالمنطقة تحت حرارة المحرك و الدفع القوي و العزم اللي ينزل عليه
<< ابوي توه يقولي يعطيني محاضرة :D
الذهب يحطوه على مكان التقاء الاكزوست بالرود حق السسبنشن الخلفي للعزل الحراري..عشان مايضحو بالانسيابيه لما يغيرو التصميم..الماده الثانيه هي الكاربون فايبر..الحين صارت الجيربوكسات اكثرها من الكاربون فايبر
sayedco
09-03-2006, 07:22 PM
تسلم ولله ..
ماقصر ابوك .. كلّمه خليه يشارك معانا .. شكل عنده خبرة كبيرة بالسيارات .. نستفذ منه .. ;)
وتصوير جميل .. ماشاء الله ..
يسلمووو ،،
لا يا يبا تكفى :D ، آبي آخذ حريتي في المنتدى :D
و آنا ما قلتله إني آبي الصور حق المنتدى ، و انتظروا بكرة الصور بصور بدجتل 7.0 ميجابكسل :banana:
sayedco
09-03-2006, 07:25 PM
مشكور خيو على الصور..
بكره الجمعه بيبتدي الجد..مو قادر انتظر :D
بس ويش تقصد بال BIC ؟ PIT?
مشكور
بكرة بصور آنا بالدجتل :banana:
و بالنسبة ل PIT فهو اختصار للشحن و تغيير الإطارات ، مادري شلون أشرحلك بس هو المكان اللي يسوون فيه الصيانة
و ال BIC هو Bahrain International Cirtcit
sayedco
09-03-2006, 07:26 PM
الذهب يحطوه على مكان التقاء الاكزوست بالرود حق السسبنشن الخلفي للعزل الحراري..عشان مايضحو بالانسيابيه لما يغيرو التصميم..الماده الثانيه هي الكاربون فايبر..الحين صارت الجيربوكسات اكثرها من الكاربون فايبر
آنا أبوي قالي عطوهم نبذة و شويت شرح عن اجزاء السيارة و قالوا لهم هالشي ، يقولي الExtension مال الرود << و لا آدري شنو قصده آنا :D
مشكور على المعلومات مؤيد اف 1
مؤيد اف1
09-03-2006, 07:27 PM
اعرف معنى الPIT :D
مؤيد اف1
09-03-2006, 07:31 PM
شوف سيارة المكلارين ورى..
http://members.f1.racing-live.com/photos-hires/2006/gpsakhir/diapo_018.jpg
بتحصل الذهب على الاكستنشن المقصود.
sayedco
09-03-2006, 09:39 PM
مؤيد
ايييييييييييي هذا اهو بالضبط
إنت لازم يحطونك في فريق مكلارين :D
و بالنسبة للPIt حسبتك تسأل عنه بس الحين فهمت المقصد :D
:banana:
grandv8
09-03-2006, 09:44 PM
السلام عليكم ورحمة الله وبركاته
ماشاء الله تصوير حلو من الوالد
تسلم اخوي سيد على الصور
:good:
الشرقاوي
09-03-2006, 11:52 PM
السلام عليكم ورحمة الله وبركاته
شباب في حاجه ابي اعرفها متى يبدا بالضبط السباق اللي بالبحرين :help: :help:
قلق و رجه
09-03-2006, 11:58 PM
مشكور على الصور الحلوة
وتصدق انا ما احب الفورملا ابدا
وما اشوف فيها متعه
لاكن يطلع منها تقنيات حلوة
يعطيك العافية
saymyname
10-03-2006, 12:30 AM
مشكور سيديكو على التغطية والصور بتاعة الفاذر :D
saymyname
10-03-2006, 12:32 AM
هذ انت سيديكو :shock2: - على كم تاخذ التوقيع :D
http://www.swalif.net/sforum1/attachment.php?attachmentid=4241&stc=1
مؤيد اف1
10-03-2006, 12:52 AM
السلام عليكم ورحمة الله وبركاته
شباب في حاجه ابي اعرفها متى يبدا بالضبط السباق اللي بالبحرين :help: :help:
الساعه 2 ونص ان شاء الله
===================----------====================
قلق ورجة الله يرجك زياده ويخليك تحب الفورمولا1 :D
امزح وياك عزيزي
بس لو تتأمل في المنافسه وتحاول تحب الرياضه انا اضمن لك انك راح تدمن على هالرياضه..
وهذي هديه للجميع..وحش الفيراري..طبعاً مغطى عشان الكاميرات لاتصور اسرار السياره عن قرب!
واتمنى الفيراري يتحسن ادائهم ويكون (ثابت) في السباق..مانبغى فوز نبغى منصه او نقاط مع قدره تنافسيه قويه..
http://images.f1racing.net/large/56617.jpg
http://images.f1racing.net/large/56615.jpg
sayedco
10-03-2006, 02:04 AM
GrandV8
تسلم على الرد
========
شرقاوي
مثل ما قال مؤيد 2 و نص يوم الأحد
================
قلق و رجه
بالنسبة للمتعة كل واحد له مجال يحبه أكثر من الثاني و إنت الظاهر تحب التفحيط أكثر شي :D
===============================================
Saymyname
تسلم على الرد
ثانك يو فيري متش :D
بس ترا آنا أتبرا من روحي إذا كنت هذا اللي يوقع ، أصلا آنا أعلى احتراف من هالأشكال :eek:
================================================
مؤيد مشكور على الصور و الرد
=============
بكرة بروح و إن شاء الله أحاول أصور شي من سباق البورش الإختباري و شوي من سيارات الفورمولا
بس أحس إن منصة الجامعة كلللللللللش ما تشجع يقولون ما يصير نروح لمكان ثاني :anger:
مؤيد اف1
10-03-2006, 02:10 AM
اذا بغى تتأكد من منصة الجامعه شوف خريطه الحلبه على الموقع..
على فكره الجزيرة الرياضيه اخذت حقوق نقل جميع سباقات الرياضه وبالمجاااان..
وقعت قناة الجزيرة الرياضية عقداً يحق لها من خلاله نقل جميع فعاليات الفورمولا وان للسيارات على قنواتها المفتوحة لمنطقة الشرق الأوسط وشمال أفريقيا مما يتيح لأكثر من 120 مليون مشاهد جديد بمتابعة هذه الرياضة، بزيادة حوالي 30 في المائة عن عدد مشاهدي البطولة في نفس المنطقة الموسم الماضي.
هذا الاتفاق الذي تم مع حلبة البحرين الدولية التي تملك حقوق المسابقة في هذه المنطقة بنقل قناة الجزيرة الرياضية لجميع فعاليات موسم الفورمولا وان بمراحله الثمانية عشر مجاناً وبدون أي مقابل لمعظم دول المنطقة العربية.
وصرح السيد هادي سميراني المتحدث الرسمي بأسم قناة الجزيرة الرياضية أن رياضة الفورمولا وان تعتبر واحدة من المناسبات الرياضية الكبرى في العالم، ولذلك فأن القناة حرصت على الحصول على حقوق البث في المنطقة لكي يتمكن كل بيت عربي من مشاهدة الفورمولا وان لتحقيق رسالة القناة الأساسية في إسعاد المشاهدين وتوسيع أفاق الثقافة الرياضية في العالم العربي.
وأضاف السيد سميراني أن الشراكة الجديدة بين قناة الجزيرة الرياضية والفورمولا وان تتماشى تماماً مع رسالة القناة "الرياضة عالمنا والعالم ملعبنا".
من جانبه صرح السيد طلال الزين مدير حلبة البحرين الدولية أن قناة الجزيرة الرياضية هي أفضل ناقل للأحداث الرياضية في المنطقة العربية حالياً، لذلك من الطبيعي التعاقد معها لنقل بطولة الفورمولا وان من أجل تأمين تغطية البطولة على أعلى المستويات وضمان زيادة شعبيتها في المنطقة.
المصدر: الجزيرة الرياضية
مؤيد اف1
10-03-2006, 04:40 AM
شوفو البحرين ماقاطعت :D
http://images.f1racing.net/large/56688.jpg
رئيس فريق سوبر اجوري يشرب كي دي دي برتقال :laugh1:
sayedco
10-03-2006, 10:37 AM
مؤيد اف 1
هههههههههههههههههههه
يعني ما شفت شي تركز عليه غير هالعصير :lol:
بالنسبة للخارطة بدور عليها في الموقع و بتأكد ، بعد ساعة آنا بروح هناك بس عشان آخذ تذكرة فقط
و بحاول أصور بعد
مؤيد اف1
10-03-2006, 11:50 AM
ويش نسوي بعد..تصدق انتبهت للصوره وهي صغيره :D
ماكنت بافتحها ;)
على فكره الجزيرة صدقو والحين بدأ البث :banana:
cruiser2000
11-03-2006, 11:12 AM
ليتنس هناك علمتك كيف تصور الدنيا كلها
:D
بس ودي احضر هالسباق لكن كيف بروح هناك !!!!
لكن لي سفرة للبحرين لازم !!!!!
قلق و رجه
11-03-2006, 11:19 AM
بالنسبة للمتعة كل واحد له مجال يحبه أكثر من الثاني و إنت الظاهر تحب التفحيط أكثر شي
:D
لا والله مب بس تفحيط
بس تدري ليش ما تعجبني
اول شي بعيده عن السيارات الحقيقيه في الشكل والتكوين
صوتها مزعج جدا وكريه بالنسبة لي وكانها ذبابه مزوده
وحتى لو انك قاعد في الحلبة مع الجمهور ما ظنيت تشوف شي
لانك في ثانية بتسمع هالصوت ماشي 200 الى 300 ولا تدري وش السالفه
يعني في الصور افضل
وهذا رايي وفيه اكيد الكثير من عشاق هالرياضه
sayedco
11-03-2006, 11:51 AM
OD... إنته ال :banana: << بس تشيل حديد ؟ :D
كروزر 2000 ، آنا حتى الآن ما صورت شي على فكرة ، بكرة بيكون النهائي و بصور كللللللل ما يخطر على البال
قلق و رجه ، صح كلامك كل واحد له رأي تجه هالرياضة ، آنا الصراحة مو متابع الفورمولا إلا كل سنة مرة << اللي يسوونه في البحرين بس :D
و مشكورين على ردودكم
مؤيد اف1
11-03-2006, 12:49 PM
صوت الذبابه جاي من 20 الف دوره :D