مواقف خاصة لسيارات GM في القرية العالمية

[قلق و رجه]

السلام عليكم


قبل اسبوع تقريبا رحت للقرية العالمية وكان الوقت المغرب تقريبا وطبعا المواقف زحمه ولازم توقف بعيد :mad:

وانا ادور على مواقف مفتوحه لقيت مواقف قدام بوابة اربعه فيها اماكن كثيره فاضية لكن على بابها هندي ومسكرها :think:

وكان قدمي تويوتا صغيره وقدامه كابرس

الهندي دخل راعي الكابرس وفي هالوقت قريت مكتوب انها مواقف خاصة بشفرولية :D

وبعد ما دخل الكابرس جى دور التويوتا والهندي رفض يدخله وجى دوري ودخلني (معي يوكن)


صراحة خطوة اكثر من رائعه يعني شركات كثيرة ما سوت هالحركه (مرسيدس وبي ام ولكزس وغيرها)

والله زاد حبي اكثر للسيارة وللشركه

وانا انصحكم تروحون هالمواقف وهي قدام بوابة اربعه مباشرة وترى مب شفرولية بس

لا لكل سيارات جي ام

وما ننسى ان مواقف الVIP بفلوس لكن جي ام موفره هالخدمه ببلاش

ولا تنسون تزورون فرع الجي ام في القرية وتستمتعون بروائعهم وفيه فرصة الفوز بسيارات شفرولية والجائزة الختامية كورفت :black:

رابط لنفس الخبر (http://www.strategiy.com/ar/outomotiveinews.asp?id=20051026031254)

[مؤيد اف1]

والله شي.. :D


عموماً انا مرتاح من جي ام والحمدلله ماشفت منهم الا كل خير صيانه وخدمات ماعليها كلام..وسيارات يحبها قلبك :D


مشكور اخوي على المعلومه


تحياتي

[sayedco]

شي حلو و مب حلو بعد :D

هو صحيح بيشجع الزبائن مال جي إم

و إذا كان المكان المحجوز أولريدي حق Vip و حجزوه حق سيارات جي ام فآنا معاك

لكن إذا كان مواقف عادية و حجزوها جذي يسوون ضغط على المواقف الثانية وش ذنب اللي عنده فراري ما يقدر يوقف في مواقف GM :D

و مشكور على الخبر

[مؤيد اف1]

اعتقد ان في مواقف مخصصه لجي ام..مو كل المواقف لجي ام :-)

[560SEL]

والله شي.. :D


عموماً انا مرتاح من جي ام والحمدلله ماشفت منهم الا كل خير صيانه وخدمات ماعليها كلام..وسيارات يحبها قلبك :D


مشكور اخوي على المعلومه


تحياتي

من ناحية سيارات ممتازه فهذي أنا أشهد بها

و لكن وكيل و صيانه ... ما أقول الا الله يخلف :headshak:

الوكيل خرب سمعة GM و سياراتها بخداماته السيئه و السيئه جدا :headshak:

[Mr_CoRvEtTe]

الكبير كبير

:banana: :banana: :banana:

[RED Chevy]

الكبير كبير

:banana: :banana: :banana:
:black: :19: :black:

[قلق و رجه]

مشكورين يا شباب على المرور

بالنسبة لسياراتهم فيه خيالية

لكن الوكيل هو اللي مشوه سمعة هالسيارات

لكن اشوف جي ام بدت تهتم كثير في الشرق الاوسط وفي الوكلاء عشان تعزز وجودهم


وبالنسبة للمواقف هي مواقف قدام البوابة مباشرة يعني نفس ما تقول VIP

وش ذنب الفراري وغيرها

ذنبهم ما عرفو يختارون السيارة الصح :D (طبعا مب عشان الموقف بس)

مثل المره الثانية على طول توجهت لنفس المواقف

وكان وراي لاندكروزر وانا دخلت وبرضوه الهندي رفض يدخل راعي التويوتا

والمشكلة قعدوا يتناقشون وقت كثير وبعدها جى يوكن ابيض وضرب له هرن وراح التويوتا ودخل الجمس


ويعطيكم الف عافية على المرور

[الهاوي جروب]

ماشاء الله

اذن بحط علامة جمس على سيارتي عشان ادخل وش درى الهندي هههههههه :D

[قلق و رجه]

الهاوي تصدق عاد ان الهندي خبرة

والله فيه سيارات من داخل قديمة وجديده وانواع كثيره

ماشاءالله عليه يعرف

وما اظن ينلعب علية بسهوله :D

[CL-Class]

اليوم بروح أستأجر لومينا عشان أوقف بس :D :D

[رفجة عرب]

اليوم بروح أستأجر لومينا عشان أوقف بس :D :D


والله مادري شبيصير فيني لو ماصفيت بمكان 4 ؟؟!!!

في ألف مكان غيره ..

كله واحد يبه ..

[غريب السيف]

يوم الخميس كنت هناك وشفت سيارات مالها علاقة بجي ام

مثال: رنج روفر - مرسيدس شبح - سيفيك قديم - فورد كراون فيكتوريا :sss:


وكل مرة اطوف على المواقف لازم احصل سيارات من شركات غير :eek: :ranting:

المسألة فيها استعباط وواسطات :bomb:

[قلق و رجه]

CL-Class
:-)


رفجة عرب

صح وانت الصادق وقف بعيد ولا تشتري امريكا :D

المواقف كثيره وانصحك بابعد موقف عشان الرياضة

غريب السيف

والله يا اخوي انا رحت مرتين ماشفت سيارات غريبه ابدا

يمكن شايف مواقف ثانية

ويعطيك العافية

[الرشيق]

والله فكره حلوه !! .. :D
مشكور على الموضوع

[BLACK-ICE]

يعني الحين الهندي بيعرف كل سيارات جي ام

هنا بعض اعضاء المنتدى مايعرفونهم اصلا

[قلق و رجه]

الرشيق

يعطيك العافية على مرورك

وسبحان الله كيف ينقلب الموضوع الى استخفاف دم

خبر للي عنده سيارة من جي ام وانشالله يستفيد منه

بس

يعني ما يبيله هالكلام اللي ماله داعي

يعني ما تصورت فيه حقد لهدرجه

ياليت تلتزمون بمضمون الموضوع

والا السكوت من ذهب