View Full Version : الفزعة ياشباب ......... و الله موضوع جدي
SAARY
16-09-2005, 04:19 AM
السلام عليكم و رحمة الله وبركاته
اخواني و اشقائي الاعزاء
انا الحين ابشتري سيارة وانا و اللهني محتار بين سيارتين
:ranting: :think: :ranting: :confused:
1- لومينا SS
2- مكسيما GV2
موديل 2005 الى 2006
ابيكم تدلوني على اي واحد احسن بحسب خبراتكم الطويله في هذا المجال
فيه ناس مدحوا اللومينا بس قالوا فيها خراب دايما " القير "
يقولوا السيارة قوية يحطون لها مكينة قوية و القير يجي ضعيف و بعدين تجي بعد فترة ما تكمل السنتين يخرب
وما ادري عن صحة هالكلام
المكيسما بعد مدحوها ناس و ناس تقول ماش منها " مطيورة "ــــــــــ>
وانا الى الان مذبذب لا الى هذا ولا الى ذاك
فدلوني جزاكم الله الف خير
من ناحية القوةو العزم و العيوب و ايها احسن
و ابي صور للسيارتين من الداخل و الخارج و المواصفات
الله لا يهينكم طبعا موديل من 2005 الى 2006
مع تحياتي الحارة للجميع
SAAAAAAAAAAAAAAAAAAAAAAAAAry
اللومينا ماتعجبني بسبب غياب الجوده فيها <<<<<<<رأي شخصي
المكسيما حلوه لكن الشكل قديم وعن قريب بتغير او بتتوقف
مدامك مفكر بالمكسيما شوف اختها الألتيما
ABD 911
16-09-2005, 04:38 AM
اللومينا ماتعجبني بسبب غياب الجوده فيها <<<<<<<رأي شخصي
المكسيما حلوه لكن الشكل قديم وعن قريب بتغير او بتتوقف
مدامك مفكر بالمكسيما شوف اختها الألتيما
صح لسانك .. نفس الكلام ..
ولكن عندي إضافة وهي إن الألتيما في رأيي تعاني من إنخفاض في جودة المواد الداخلية .. شوفها وإذا عجبتك جودتها فلا تتردد ..
وأنا طلعت فيها لين 220 مع أخونا زياد INFINITI وماشالله عزل صوت فيها غير طبييييعي ! لدرجة إني كنت أحسبه ماعدا 160 !
ABD 911
اللومينا ماتعجبني بسبب غياب الجوده فيها <<<<<<<رأي شخصي
المكسيما حلوه لكن الشكل قديم وعن قريب بتغير او بتتوقف
مدامك مفكر بالمكسيما شوف اختها الألتيما
نفس الشي ... والالتيما افضل اشوف من الماكس
B4_STI
16-09-2005, 06:44 AM
ماشالله الشباب ما قصرو وانا بعد اشاركهم الراي اما ان كنت مخير بين السيارتين فقط فاايد المكسيما..
RED Chevy
16-09-2005, 09:41 AM
المكسيما حرام تاخذها والألتيما موجودة وهم قيور المكسيما تسلم عليك سلام كثير:D
صاحبي توه ماخذ لومينا وأشوفها تمام القير إذا تبي يتم اعتن فيه يعني مو تلعب فيه بكل وقت إذا مشيك عادي مابيصيده شي لكن إذا كله منزله أول حاكر لاعب في لاعن والدينه غصب يخترب.. يعني مو مني والدرب يجي ويطق بنفسه..
SLR55
16-09-2005, 12:06 PM
بالنسبة للقيور بشكل عااااام
مشاكلها تبدا إذا حر القير ......... فأحسن حل لحماية القير إنك تركب كولر للقير ... بعدها تنسى شيء إسمه مشاكل القير ^_^
بس إذا كنت خايف من اللومينا يختر قيرها فلا تخاف لأنهم معدلين فيها وااااااااااايد
في الشكل من الداخل أو الخارج فاللومنيا أحلى بمرااااااااحل بس مشكلة اللومينا إنها تستخدم البلاسيك وايد في الديكور
أحسن شيء إنك تروح تجرب السيارتين
سلااااااااااام
عزيزي انا ماراح ازيد عن كلام الشباب انا لو كنت مخير بين السياراتين راح اخذ اللومينا بس ليش كذا زانق نفسك بينهم؟
اشبها الألتيما ماتشكي من شئ!!!
SeSo2003
16-09-2005, 01:18 PM
اللومينا اكشخ واقوي
الأنصاري
16-09-2005, 01:21 PM
المكسيما صارت قديمه شوف خواتها اليابانيات الثانين اكورد-كامري-ماجنا-التيما
sayedco
16-09-2005, 01:35 PM
:banana: Lumina SS :banana:
و إذا تخاف على القير ترا الماكس بعد سمعت فيها مشاكل قير ، كل واحد يقول شي
ركب قير كولر مرة وحدة و لا تحاتي إذا تخاف
و من الداخل اللومينا أصلا ما تتقارن بالماكسيما و السعر بينهم فرق كبييييييييير
و بالنسبة للقوة اللومينا طبعاً أقوى حتى قومتها مو طبيعية
و ما أنصحك بالماكس كله يمدحونه على خرطي مستواها بس في القومة لين 100 بس بعدين :sleep:
اللومينا أبد ما تتعب على الخط دايم تشوف السرعة تزيد بنفس القومة و ما يتغير
و الومينا آنا نفسي ما سمعت عنها خرابات و لا عيوب
ميكانيكي
16-09-2005, 03:35 PM
لومينا اس اس :)
اول شي لاحظ ان شكل اللومينا اس اس سبورت وجميل جدا ويلفت الانظار في كل مكان
الجناح والجنوط ..والله تطلع وحش :black:
وغير كذا قوتها وسرعتها مشهورة
ومواصفاتها الداخلية على كيفك
..
الجير اذا انت تستخدمه استخدام عادي حالك حال كل خلق الله ..ماراح يصير شي ..مية بالمية
..
اعرف كثيرين عندهم كابريس من نفس فئة الومينا ولاسمعت احد اشتكى لا من جير ولا من غيره ..
واذا عزمت تاخذه خذه احمر او اسود :black:
والله يوفقك :)
Corvette_Stingray
16-09-2005, 04:09 PM
انصحك باللومينا اس اس ..
قلق و رجه
16-09-2005, 05:09 PM
مالك الا الشفر
شف كلام القيور ما عليك منه هذا قير 700 من عمر الدنيا وهو موجود ولا احد اشتكا منه في الوضع العادي واذا انت رجلك ثقيلة راس مالها مبرد زيت رخيص وسهل تركيبه وفوائده كثيرة
واللومينا كشخه وقوة ما لها مثيل وبحر (بمعنى الكلمة) في التعديل خارجيا والمكينة طبعا
والمكسيما قديمة مره
ولا تنسى مقولة اللومينا
العالم خلفك:)
cruiser2000
16-09-2005, 05:25 PM
اخيو نصيحة مني لك
خذ المكسيما 6 سلندر وعزم
انا اوافق اخوي ميكانيكي ان اللومينا تلفت الانظار
بس لا تنسى انها ما بتسلم من عيون الناس
اما اذا خذت لك مكسيما فبتكون عادية في عيون الناس وهذا على الاقل بيحفك من العين
وانا جربت مكسيما حقت اخوي صراحة استعمال نظيف مكيف بارد عند الساعة 1.30 راحة وعزم لو انها تماتيك
هذا رأيي
والله يوفقك
E_TYPE
17-09-2005, 04:58 AM
اخوي وانت مغمض مكسيمااااااا لاانه تمام وله تخترب وحلوه .... الومينا عليها العوض شكل فقط لاا غير .. :sleep: :m:
الشبابي
17-09-2005, 07:27 AM
شوف اخوي صاري ...
المكسيما سيارة تستحمل وقوية وانا معاي جي في 2 اوتو و اكرفها كرف وكسرت الجير حقها تكسير وياما العب بالنمر من 1 الى دي وما صار فيها شئ ولله الحمد وهي ماشية 130 الف كيلو الان ... لكن صراحة السيارة صارت قديمة وما انصحك تشتريها ...
اللومينا اس اس بعد يقولون بتتغير وهي كل سنتين تتغير حرام تشتريها ..
اعتقد هناك حلول افضل بدل هالسيارتين ...
اخوكم الشبابي
مؤيد اف1
17-09-2005, 11:33 PM
بالنسبه للومينا.. عاملها كأي سياره يعني مو تفكرها سيارة سباق..حتى سيارة السباق ماتتحمل واجد.. والاهم اهتم بصيانتها..وماراح تشتكي من شي بإذن الله :p
TOP-SECRET
18-09-2005, 12:36 AM
المكسيما اضمن لك كأستخدام
لو بغيت شكل وعزم خذ اللومينا
ABD 911
18-09-2005, 02:48 PM
طيب ليه ماتشوف الفورد MONDEO
مواصفات أوروبية بالكااااااااامل بل إن جودتها في نظري ليس لها نظير إطلاقاً بين السيارات الأمريكية ككل
وأرى أنها أعلى من اللينكون و الكاديلاك من ناحية الجودية في الخامات الداخلية و أنا أحدثك هنا من تجربة شخصية ..
ولو كنت مكانك لتوجهت لها فوراً !!
سو لها تجربة بالوكالة وصدقني ستعجب فيها !
ABD 911
SAARY
20-09-2005, 01:11 AM
الله يعطيكم الف عافية
مشكورين و الله على الفزعة وعلى ارائكم و على اقتراحاتكم
و الله الواحد ما يضيع في سوالف
امتناني و شكري الحار للجميع
اقول تراني عزززززززززززمت
باخذ ال
SS :knight: SS :knight: SS :knight: SS :knight:
و امري لله
عما قريب تشوفون الصور ان شا الله
تحيات للجميع
قلق و رجه
20-09-2005, 01:16 AM
مبروك مقدما
ونعم الاختيار والله
والله يعطيك خيرها ويكفيك شرها
مؤيد اف1
20-09-2005, 01:47 AM
مبروك عليك..اختيار موفق ان شاء الله
واذا حطيت صور اكتب عليهم ماشاء الله عن العين :D
تحياتي
SAARY
20-09-2005, 01:59 AM
:banana: الله يبارك فيكم حبايبي
عنيد دبي
22-09-2005, 12:57 AM
مكسيما GV2
:banana: :banana: :banana: :banana: :banana:
RED Chevy
23-09-2005, 05:47 PM
بالبركة مقدماً والله يهنيك فيها...
SAARY
24-09-2005, 03:05 AM
هلا و الله بالشباب
عنيد دبي
الله يخيلك
كان ودي و الله بالمكس لكن حطيت العربون
RED Chevy
الله يبارك فيك يا غالي
و عقبااااااااااااااااااال الجميع
تحياتي
TOP-SECRET
24-09-2005, 12:42 PM
تستاهل الغالي
مبروك
والله يعطيك خيرها ان شاء الله
خاصه الموديل الجديد فيه لمسات بالبدي اجمل من الموديلات السابقه
موفق اخوي